Kimmernaq Kjeldsen aamma Hans Henrik Suersaq issittumi nipilersornermik unammisitsisoqarnerani Kalaallit Nunaat peqataalerpat scenemut qaqissapput.

Nukissiorfiit Kangaatsiami innaallagissiorfianni illorsuup naqqanut, silataanut immamullu sapaatit akunnerata ataatsip ingerlanerani pinerni marlunni uuliakoortoqarpoq. Imaanut kuuttoq qanoq angitiginersoq ilisimaneqanngilaq, siaruaatereermallu katersorneqarsinnaanngitsoq, kommunimi upalungaasimasut naliliipput.

Bodybuildingimi nunarsuarmi kakkannerpaat unammineri Nunatsinneersumik peqataasoqarput.

Kommuneqarfik Sermersuup Nuup ilisarnaatissaanik unammisitsinermi ajugaasoq saqqummiuppaa. Kommunip oqarnera naapertorlugu ilisarnaat illoqarfimmut ataatsimoortitsillunilu Nuummi kulturimik, oqaluttuarisaanermik siunissamilu ineriartornissamut ersersitsissaaq.

Peqqissaasut Kattuffiata (PK) ataatsimeersuarnerai siulersuisunik nutaanik qinersisoqarpoq. Kalaallit peqqissaasut tusaaneqarnerulernissaat piffissami tulliuttumi anguniarneqassaaq, PK-mi siulittaasoq oqarpoq.

Nuummi aqqusinermi Qeqertanummi angut lastbiilimit aporneqarnermi kingorna toquvoq. Politiit takunnissimasinnaasunik ujartuipput.

Tusagassiorfik Sermitsiaq naalakkersuisut pisortat nittartakkakkut suliffissarsiorfittaarnissamut pilersaarutaannik kisimik isornartorsiuinngillat. KNR-ip suliffeqarfiit namminersortut marluk nunatsinni suliffissanik nittarsaassisartooreersut oqaloqatigai.

Qeqertarsuup eqqaani inuit marluk umiatsiaminnik ippassaq unnukkut benzinaaruttoorput. Taakku SAR-imik unnuaq annaanneqarput.

Washington D.C-mi Angut Afghanistanimiu sakkutuumik aallaasersorluni toqutsisuussangatinneqarpoq. Trumpi sukannersumik iliuuseqarnissaminik ilimasaaruteqarpoq.

- Ineriartornermut malinnaajuarnerput najuuttuarnerpullu naleqquttuutipparput, DR-imi nunanut allanut aaqqissuisoq suliaqaqatigiit atuagassiaannut Journalistenimut oqarpoq.

Aviaja Holm Jensen ukiuni arfineq-marlunni suliffeqarfimmeereerluni decembarip aallaqqaataa aallarnerfigalugu pisortanngussaaq, taassumalu Great Greenlandip kulturikkut kingorngutagut pingaartitsinera, pitsaassuseq ineriartornerlu pitsanngorsarniarpai.

Kinguaassiuutitigut atornerlunneqarsinnaanermut illersuiniarlutik, kinguaassiuutitigut ukiutigut akuerisap ammut killingat pillugu aalajangersakkat naammannersut nalilersuiffigineqarnissaat, Naalakkersuisut aallartippaat.

Kalaallit innuttaasut sananeqaataasa kingornuttakkat misissuiffigineqarnerisa kingorna, napparsimasut pitsaanerusumik katsorsarneqarsinnaalerataannaapput.

Greenland Airportsip Qaqortumi mittarfiup qaqugu ammarnissaa oqaatigaa. Ilulissani Mittarfiup ammarnissaa suli ullulerneqanngilaq, ukiamulli ammarnissaa naatsorsuutigineqarpoq.

Naak innuttaasut 44 procentiinnai taasiartoraluartut, Sisimiut Maniitsorlu tamarmik immikkut kommuninngornissaat tapersersorneqartoq, inernerit takutippaat. Allannguulli siusinnerpaamik 2029-mi pisinnaavoq.

Sanaartornermi akit qaffakkiartorput taamatuttaaq ineqarnermut akit. Suliniuteqarnerulernermi sanaartornerup siumut ingerlanissaa qulakkiissavaat aamma piujuartitsinermik inissianik pilersuisinnaanerup qulakkiissavaa.

Timersuummi pinertussutsimik, nukittussutsimik oqimaassuserlu najoqqutaralu eqarsaallaqqinnermi piumaffiginartumi VM-ertoqarmat ujaminnattut kalaalersaqarput.

Sipaarniutit sanaartornernut kommuninullu tapiissutinut eqquissapput.

Inunnguaq Geronne (D) Kommune Kujallermut upernaaq qinigaavoq. Kommunalbestyrelsimili ukiup affaa qaangiutereertoq ilaasortaajunnaarpoq. Imigassartorsimalluni biilersimaneq eqqartuussaassutigisimavaa.

Nunani allani inuusuttut inoqarfinnut innuttaasukitsunut qanoq noorartinneqarsimanerat nunatsinnilu qanoq taama iliortoqarsinnaanera maanna ilisimatusarfigineqassaaq.

Danmarkip Kalaallit Nunaatalu USA Nummi ataatsimeeqatiserisimagaat, Det Hvide Husimiit Politikenimut mailikkut nalunaarutigineqarpoq.

KNAPK-p umiatsiaaqqanik nalunaarsuinissamut oqaatsitigut aporfiit iserfissaqannginnerlu oqaatigai, naalakkersuisulli ernumassutissaqannginnerarlugulu killiliussaq attatiinnarlugu erseqqissaatigaa.

Umiarsuaq sinersortaat pisoqalisoq suli annanniutissaqanngilaq. Taamaakkaluartorli angallassinissaq ukiunik marlunnik sivitsorneqarnissaa qulakkeerneqarpoq.

Atortorissaarusiornikkut nunatsinni inuit pisinnaatitaaffiisa ineriartornerinik unammillernarsinnaaffiisa sumiiffissineratigut aammalu uppernarsaaserneratigut malinnaasinnaanissamut suliniut periarfissiissaaq.

Uummannap kommunalbestyrelserisimasaani, Inatsisartuni naalakkersuisunilu ilaasortaasimasoq sivikitsumik napparsimareerluni toqusoq, partii qinikkatut sulinermini tunuliaqutigisaa Siumut facebookimi allappoq.

Tasiilami nuna arfininngornerup sapaatillu akornanni unnuaani Richterip uuttuutaa atorlugu 4,8-mik sakkortussuseqartutut uuttoorneqartumik sajungaatsiarpoq. Nunalli sajunnera taannaannaanngilaq.

Nanortalimmit kujammut tv-kkut, radiokkut, oqarasuaatikkut internettikkut maannakkut attaveqanngilaq.

Pituffik ukiuni tulliuttuni pingaaruteqarnerulersinnaavoq Trumpillu avataarsuani missilinut illersuusiornissamik pilersaarutaanut pingaarutilittut inissilluni.

USA-p Rusland Ukrainelu Abu Dhabimi ataatsimeeqatigigai paasissutissiisut kinaassutsiminnik isertuussisut aviisimut oqaatigaat.

Inatsisartut Nunatsinni Inuit Pisinnaatitaaffii pillugit Siunnersuisoqatigiinnut ilaasortassanik nutaanik tallimanik, 2029-p tungaanut ilaasortaasussanik sapaatip-akunnera kingulleq toqqaavoq.

Angut 49-nik ukiulik meeqqamik 15-init ukiukinnerusumik pinngitsaaliilluni kujannissimasutut, akiliilluni atoqateqartarsimasutut, isumapiloqarluni tatiginnilersitsiniarsimasutut assinillu atoqatigiittortaqartunik meerartalinnik tigummiarsimasutut ukiuni sisamani pineqaatissinneqarluni tallimanngormat eqqartuussaavoq.

Innuttaasut peqqinnissaqarfinni nakorsiarnissaminnut takkutinngitsooraangata nakorsiartussat allat eqqugaasarput. Taamaattumik innuttaasut piffissamik nakorsiarfissamik tunineqarniariaraangamik allattarnissaat kaammattuutigineqarpoq.

Illersornissaq pillugu isumaqatigiissummik immikkoortumik allamik pilersaaruteqartoqanngilaq – taamaakkaluartoq Aaja Chemnitz piareersarpoq.

Nuna tamakkerlugu nalunaarutiginninnerit ulloq unnuarlu arfineq-marluupput.

Kalaallit Nunaanni spiralilersuisimaneq pillugu suliami assortuussutaasumi danskit kalaallillu naalakkersuisuisa siulittaasui utoqqatsereerput.