Innarluutilik Poul Lauge Qaqortumi ukiut pingajussaannik sukisaarsaariarsinnaanngilaq. Sukisaarsaartarfik kaassuartakkanut aqquteqanngimmat taamaaliorsinnaanngilaq. Kaassuartakkanut ukiup massuma aallartinnerani aqquteqalissasoq kommunimit novembarimi neriorsuutigereeraluaraa suli aqquteqalinngilaq.

Israelip Iranillu pissutsit najummassimanartorsiiorfiupput. Iranip Israelimiut umiarsuaasa ilaannik tiguaasimasoq Iranimi naalagaaffiup nutaarsiassaqartitsiviata maanna nalunaarutigaa.

Arnaq 34-nik ukiulik Eqqartuussisoqarfik Sermersuumi ataasinngornermi unnerluutigineqassaaq. Taanna 2019-imi nakuusersimasutut toqutseriarsimasutullu unnerluutigineqarpoq.

Akerliussutsimik takutitsisut ilaat politiinit tigusarineqarpoq inuillu akornannit illuartinneqarluni.

Emanuel Nûko Nunatta Eqqartuussisuuneqarfianit nakuussersimasutut eqqarttuunneqarluni akiligassinneqarsimammat politikereqataasa Inatsisartuniit anisippaat.

Kalaallit angajoqqaat meeraasa allamut inissinneqaratarsinnaanerannik Danmarkimi kommunit nalileeriaasitaassaat suli piariinngillat.

Aalisartut arlallit ullumikkut nunamiiginnarlutik nunatta politikeriinut akerliussutsimik takutitsipput. Akerliliissutigisaat siammasipput, kisianni nipisaat saarulliillu akii pingaartumillu aalisarnermut inatsisissaq akerliuffiginerpaavaat.

Illuatungiliuttut aalisarnermut inatsisissap kingunerisinnaasai ernumassutigalugit oqariartuuteqarpoq, naalakkersuisorlu inatsit aalisartunut suliffiinik annaasaqartitsiniarnerunngitsoq aalajangiusimavoq.

Akerliussutsimik takutitsisut 50-it 60-illu missaanniittut allagartarsualisarlutik suaartarlutillu Inatsisartunut qinikkanut apuupput.

- Pisariaqartikkatsigu misileeqqaartariaqaratta, qanoq ingerlava, arlaatigut sunik aporfeqarpa? Tamakkortai misissorluartariaqaratsigit taamaammat ukiormanna misileraanertut ingerlanniarparput. Peqqinnissamut naalakkersuisoq oqarpoq:

KNAPK ullumi akerliussutsimik takutitsissaaq. Akerliussutsimik takutitsinermi Royal Greenland aqqusaarneqassaaq, aalisakkerivissuulli oqaarnera naapertorlugu sulisutik KNAPK-p isornartorsiutaanut akisussaanngillat.

Korea Kujallermi naalakkersuisut inatsisartunut pingasunngornermi qinersinermi ajorsareerlutik, Han Duck-soo ministeriunertut tunuarniuteqarnissamut piareerpoq.

Allagartat allattorneqarlutik naammassipput suaartaatissallu piareerput. Aalisartut piniartullu kattuffiat aalisarneq pillugu inatsit suliarineqarneranilu akisussaasut pillugit pitsaasumik oqaasissaqanngilaq. Taamaammat maanna akerliussutsimik takutitsisoqassaaq.

KNAPK orsussap akitsornera, aalisarnermut inatsisissaq nipisallu suaasa akii pillugit akerliussutsimik takutitsinissamik nalunaarpoq. Tamatumunnga tunngatillugu sillimallutik, politiit pigaartuisa ningiuat oqarpoq.

Bjarni Benediktsson Katrin Jakobsdottirip Islandimi ministeriunertut tunuarluni nalunaarnerata kingorna ministeriuninngorpoq.

Asiap silassamut nittartagaanik sapaatit akunneri arlallit qaangiuppata aatsaat atuisinnaaleqqissaatit. Taannami qarasaasiatigut saassunneqarsimavoq.

Ukrainemit Norgemut qimaasut ukiarli qaammammut 4500-t missaanniittarput, taakkuali ukiortaap kingorna ikilipiloorput.

Aalisarnermut inatsisissaq akuersissutigineqassappat tamanna annilaarnartumik kingunipiloqassaaq. Polar Seafood taama isumaqarpoq, taamaammallu suliffeqarfiup pisortaata akissuteqarnerminni tusaaneqarsimannginnertik erloqissutigaa.

Biilit orsussamik assartuutit Qaqortumi innaarsukkut ippassaq assakarput. Assartuutit taakkua ullumi qaqinneqassasut, Kalaallit Nunaanni Politiit ilisimatitsipput.

Kalaallit angajoqqaat meeraasa allamut inissinneqaratarsinnaanerannik Danmarkimi kommunit nalileeriaasissaannik Danmarkimi naalakkersuisut ineriartortitsinissamik kinguartitseqattaartut, Folketingimi ilaasortaq nunatsinneersoq Aki-Matilda Høegh-Dam isumaqarpoq.

Ukiuni kingullernit 20-nit amerlanerusuni naammassiniagaavoq, naalakkersuisunillu assigiinngitsut aqqanilinnit akueriniagaalluni. Sooruna taama naammassiuminaatsigisoq?

Siullermik Naalakkersuisut kinguaassiorsinnaanngitsut Danmarkimi katsorsartinnissaannut aningaasanik neriorsuipput. Aningaasalli tammarataarput, maannalu aningaasassaqaqqileriataarluni.

Aappariit toqungasut Tasiilami sapaatip akunnerata siuliani nassaarineqarput. Politiit toqusoqarnerani pasinartoqartoq nalunaarutigeqqaaraluarpaat, maannamulli misissuinerup ilaqutariinni alianartumik pisoqarsimasoq takutippaa.

Sakkut pillugit inatsisip sukannernerulersinnissaanut 2018-mi missingersuusiortoqarpoq, sulili susoqanngilaq. Piffissallu tamatuma ingerlanerani annertuumik allaasersornerit, imminut toqunnerit, aallartoornerillu arlallit immaqa pinngitsoortinneqarsinnaagaluartut pipput, Kalaallit Nunaanni Politiit oqarput.

Ukiuni kingullernit 20-nit amerlanerusuni naammassiniagaavoq, naalakkersuisunillu assigiinngitsut aqqanilinnit akueriniagaalluni. Sooruna taama naammassiuminaatsigisoq?

Gazami Vestbreddenimilu pissutsit ajorsiartuinnarput. Danmarkip aningaasat nassiussai imermut minguitsumut peqqinnissaqarfinni ikiorsiinermut atorneqassapput.

Ukiorpassuit oqaatigineqartarpoq. Inatsit nunatsinnut pingaarnerpaaq tassaavoq aalisarnermut inatsit, naammassiniarnerali ajornakusooqaaq. Ilaat piumassuseqaqaat kisianni aamma kingunissai annertoqisut immikkut ilisimasalik oqarpoq.

Kalaallit Nunaani nittartakkatigut isertortumik alapernaasertoqarnissaa pinerluttoqarnisssaalu ilimanaatilerusujussuusoq, Center for Cybersikkerhedip nutarterinerata ersersippaa.

Nuummi seqerup qaamanerata 40 procentiata missaa qaammammit asserneqassaaq.

Qaleralinniarnermi pisarisuukkatut qaqinneqartartut aalisakkerivinnut tunisaannginnerat pissutaalluni amerlasoorujussuit igiinnarneqartarput. Aalisakkalli tamakku aamma atorluarnernerusariaqartut, igasoq ilisimaneqarluartoq isumaqarpoq.

Mikael Hertig isumaqarpoq nunat inoqqaavi EU-mi sammineqarnerusariaqartut. Taanna EU Parlamentimut qinigassanngortippoq.

Kalaallit atuakkiaasa Frankrigimi Canadamilu soqutigineqanerulernissaat neriuutigalugu, Kalaallit Atuakkiortut Parisimi atuakkialerilluni festivalimi peqataassapput.

USA-p, Canadap Mexicollu ilaanni katillugit 31,6 millionit missaannik inulinni seqernup pulanera takuneqarsinnaassaaq.

Israelimiut tusagassiorfii allapput, Israelimiut sakkutuui amerlanerit Gazap kujasinnerusortaaniitinneqartut Israelimut utertinneqartut.

Thulemiit tallimassaanik ilisimassarsiornerup ukiuni 100-nngortorsiorneranut atatillugu Nuummi eqqaassutissiap nutaap Arnarulunnguaq eqqaaniassavaa.