លោក អ៊ូ ច័ន្ទឫទ្ធិ អតីតតំណាងរាស្ត្រ និងជាសមាជិកគណៈកម្មាធិការអចិន្ត្រៃយ៍អតីតគណបក្សសង្គ្រោះជាតិកាលពីថ្ងៃទី៣១ ខែឧសភាម្សិលមិញ បានស្នើសុំកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ដើម្បីទទួលបានការលើកលែងទោស និងទំលាក់ចោលបទចោទទាំងអស់ដល់រូបលោក។ ការសម្រេចសរសេរលិខិតរបស់លោក អ៊ូ ច័ន្ទឫទ្ធិ ទៅលោក ហ៊ុន សែន ដូច្នេះ គឺជាការបង្ហាញពីការផ្តាច់ខ្លួនពីលោក សម រង្ស៊ី ហើយធ្វើឲ្យអ្នកនយោបាយអតីតគណបក្សសង្គ្រោះជាតិនៅក្រៅប្រទេសដែលនៅក្បែរ លោក សម រង្ស៊ី កាន់តែមានការកាត់បន្ថយ។ 

អគ្គលេខាធិការអង្គការសហប្រជាជាតិ លោក Antonio Guterres នៅថ្ងៃទី​៣១ឧសភា បាន​រិះគន់​ការបោះឆ្នោតនៅកម្ពុជា ថា​​ធ្វើឡើងដោយគ្មានបរិយាប័ន្ន ​បន្ទាប់ពី​គណបក្សភ្លើងទៀន​មិនត្រូវបានអនុញ្ញាតិឱ្យចូលរួមប្រកួតប្រជែង​។ ថ្លែងនៅក្នុងឱកាសសង្ខេបព័ត៌មានប្រចាំថ្ងៃនាថ្ងៃទី៣១ឧសភាម្សិលមិញ ​លោក ស្ទេហ្វាន ឌូហ្សារីគ Stéphane Dujarric អ្នកនាំពាក្យ​អគ្គលេខាធិការ​អង្គការសហប្រជាជាតិ បញ្ជាក់ជាថ្មី​ថា អង្គការសហប្រជាជាតិគាំទ្រកម្ពុជា​ ល្គិកណា​ កម្ពុជា​​​គោរពយ៉ាងពេញលេញនូវសិទ្ធិប្រជាពលរដ្ឋគ្រប់រូប។ 

ម៉ាឡេស៊ីថាមិនមានការជូនដំណឹងណាមួយទៅលោកនាយករដ្ឋមន្ត្រី Anwar Ibrahim ទាក់ទងនឹងវត្តមានរបស់អតីតប្រធានគណបក្សប្រឆាំងកម្ពុជា នៅក្នុងប្រទេសម៉ាឡេស៊ីទេ។ នេះបើតាមសេចក្តីប្រកាសរបស់ក្រសួងការបរទេសម៉ាឡេស៊ី នៅថ្ងៃទី៣១ ខែឧសភា។ លោក ហ៊ុន សែន ធ្លាប់ព្រមានថា លោកនឹងផ្គុំ«BM21»បាញ់ប្រសិនលោក សម រង្ស៊ី ចូលកម្ពុជាវិញ។

ក្រោយ​ពី​បាន​ឮ​ពាក្យ​រិះគន់​របស់​អាមេរិក​ ថា​ចិន​បាន​បើក​​​យន្តហោះ​ចម្បាំង​ ហោះឆាបកាត់​មុខ​​យន្តហោះ​ស៊ើបការណ៍​អាមេរិក​ នៅ​លើ​សមុទ្ទ​ចិន​ខាង​ត្បូង ប្រកបដោយ​គ្រោះថ្នាក់​មក​ នៅថ្ងៃពុធទី ៣១​ឧសភា​២០៣នេះ ប៉េកាំង​បាន​ចង្អុល​មុខអាមេរិកវិញ​​ ​ថា​ជា​អ្នក​បង្កហេតុ​ ដែល​ជា​ប្រភព​នាំ​មាន​បញ្ហា​សន្តិសុខ​ រំលោភ​អធិបតេយ្យភាព​និង​សន្តិសុខ​ជាតិ​ចិន។

ដោយហេតុ​តែ​អាកាសធាតុ​​​ក្តៅ​ខ្លាំង​ និង​ដើម្បី​សន្សំសំចៃ​ថាមពល អាជ្ញាធរ​វៀតណាម​បាន​ចេញ​វិធានការខ្លាំង​តែ​ម្តង​។ ចាប់​ពី​ពេលនេះ​និងអាច​រហូត​ដល់ដំណាច់​​ខែ​សីហា ហាណូយក្រុង​ដែល​មាន​ប្រជាជន​ប្រមាណ​៨លាន​នាក់​ នឹង​បិទ​ភ្លើង​បំភ្លឺទីសាធារណៈ​ ចាប់​ពី​ម៉ោង​១១​យប់​ទៅ។

បន្ទាប់ពីបាន​ប្រកាស​ជូនដំណឹងគេឯងឲ្យ​ដឹង ប៉ុន្មានថ្ងៃជាប់គ្នាមកនេះ ទីបំផុត នៅថ្ងៃ​ពុធទី​៣១ឧសភា ​កូរ៉េខាងជើង បាន​បាញ់​បង្ហោះ​នូវផ្កាយរណប ដែលខ្លួន​អះអាងថា ​ជាផ្កាយរណបស៊ើបការផ្នែកយោធា។ តែយ៉ាងណា ការបាញ់បង្ហោះនេះ បានជួប​បរាជ័យ បន្ទាប់ពី​យានទម្រដឹកផ្កាយរណបនេះ បានធ្លាក់ទៅក្នុងសមុទ្រលឿង ក្រោយ​ហោះឡើងបានប៉ុន្មាននាទី។ ទោះបើបរាជ័យ ការបាញ់​បង្ហោះផ្ការណបរបស់កូរ៉េខាងជើងនេះ បានបង្កឲ្យ​មានកា ភ័យ​ផ្អើល​ ប្រកាសអាសន្ននៅកូរ៉េខាងខាងត្បូង និង​នៅជប៉ុន​ផងដែរ ដោយ​ខ្លាចក្រែងថា មាន​ការវាយ​ប្រហារដោយ​មីស៊ីល ពីសំណាក់កូរ៉េខាងជើង​។

ប្រមុខ​រដ្ឋាភិបាលកម្ពុជា នៅថ្ងៃពុធនេះ ថ្លែងថា លោក អាន់វ៉ា អ៊ីប្រាហ៊ីម បានសន្យារហូត៤ដង​ថាមិនឲ្យ​មេដឹកនាំបក្សប្រឆាំកម្ពុជាចូលទឹក​ដីម៉ាឡេស៊ីនោះឡើយ។ បើតាមលោក ហ៊ុន សែន គឺនាយក​រដ្ឋមន្ត្រីម៉ាឡេស៊ីមិនដឹងលោក សម រង្ស៊ីចូលប្រទេសខ្លួនជាមុននោះទេ ពីព្រោះតែ​ប្រធានបក្សប្រឆាំងរូបនេះ​ប្រើ​លិខិត​ឆ្លងដែនសញ្ជាតិ​បារាំង​តាមក្រុម​ហ៊ុន​ឯកជន។ លោក ហ៊ុន សែន ព្រមានថា លោក​នឹងផ្គុំ​«BM21» បាញ់ប្រសិន​លោក សម រង្ស៊ី ចូលកម្ពុជាវិញ។

លោកនាយករដ្ឋមន្ត្រី ហ៊ុន សែន នៅព្រឹកថ្ងៃពុធនេះ បានព្រមានជាថ្មី នៅចំពោះមុខនៃគម្រោងរបស់គណបក្សប្រឆាំងដែលចង់ធ្វើបាតុកម្មទាមទារចូលរួមការបោះឆ្នោតថ្នាក់ជាតិ។​ ការព្រមានរបស់ប្រមុខមេដឹកនាំបក្សកាន់អំណាចជាថ្មី ធ្វើឡើងនាបន្ទាប់ពេលដែល គណបក្សភ្លើងទៀនបានបង្ហើបពីគម្រោងជួបជុំអ្នកគាំទ្ររបស់ខ្លួនជាង១ម៉ឺននាក់ ដើម្បីតស៊ូមតិប្រឆាំងនឹងការសម្រេចរបស់គ.ជ.ប ដែលបានបដិសេធមិនឲ្យគណបក្សភ្លើងទៀនចូលរួមការបោះឆ្នោតជ្រើសតាំងតំណាងរាស្ត្រអាណត្តិទី៧។ 

កាលពីថ្ងៃសៅរ៍ទី២៧ឧសភា កងឆ្មាំសមុទ្រម៉ាឡេស៊ី បានចាប់ឃាត់​នាវាមួយគ្រឿងចុះបញ្ជីនៅចិន ដែល​ចូលចត​ដោយ​គ្មានការអនុញ្ញាតនៅក្នុងដែនទឹកម៉ាឡេស៊ី។ ពេលចូលទៅឆែកឆេរ គេបានប្រទះឃើញ នូវគ្រាប់កាំភ្លើងត្បាល់ ព្រមទាំងសម្ភារៈជាច្រើនផ្សេងទៀត ដែលគេសង្ស័យថា នាវាចិននោះ ទំនងជាបានទៅលួចយកពីចេញពី​ខ្មោចនាវាចម្បាំងរបស់កងទ័ពអង់គ្លេស ដែលលិចក្នុងសមុទ្រ តាំងតែពីសម័យសង្គ្រាម​លោក​លើកទី​២។

ស្ថិរភាពតំបន់កូសូវ៉ូ ហាក់កំពុងតែរំជើបរំជួលខ្លាំង ដោយសារតែការប្រឈមមុខដាក់គ្នាយ៉ាងហិង្សា របស់​ជនជាតិស៊ែរប៊ី​ និងជនជាតិអាល់បានី។ ក្រុមជនជាតិ​ស៊ែរប៊ី​បានធ្វើបាតុកម្ម​ ប្រឆាំងនឹង​លទ្ធផល​បោះឆ្នោត ដែល​បាន​ប្រគល់ អំណាច​ទៅឲ្យ​​មេឃុំ​ជាជនជាតិអាល់បានី​។ បាតុកម្មហិង្សានេះ​​​បាន​បណ្តាល​ឲ្យ​របួស ទាហានអន្តរជាតិរបស់អូតង់​ ចំនួនជាង​៣០នាក់​ ដែលបាន​បើកប្រតិបត្តិការ​បំបែកបាតុកម្ម និង​រក្សាសណ្តាប់ធ្នាប់​។

គិតចាប់តាំងពីផ្ទុះសង្រ្គាមរុស្ស៊ីឈ្លានពាន​អ៊ុយក្រែន វាជារឿងដ៏កម្របំផុត ដែល​ទីក្រុង​ម៉ូស្គូ របស់ រុស្ស៊ី និង​ទីក្រុងកៀវ របស់អ៊ុយក្រែន រង​ការវាយប្រហារដ្រូន នៅក្នុងថ្ងៃតែមួយដូចគ្នា។ ខណៈពេលដែល រដ្ឋធានី​កៀវ​របស់​អ៊ុយក្រែន​បាន​រងការវាយប្រហារ​ផ្លូវអាកាស​ពី​សំណាក់​រុស្ស៊ី ចាប់តាំង​ពីថ្ងៃ​សៅរ៍ រហូតដល់ថ្ងៃអង្គារនេះ អាជ្ញាធរក្រុង​ម៉ូស្គូ​វិញ អះអាងថា គេ​បាន​បាញ់ទម្លាក់​ដ្រូន ៨គ្រឿង ដែលអ៊ុយក្រែនបញ្ជូន​ទៅវាយប្រហារ​ម៉ូស្គូ។ តាម​អភិបាលក្រុងម៉ូស្គូ ការវាយប្រហារ​ដ្រូន ទៅលើ​អគារលំនៅឋាន នៅក្នុងក្រុង​ម៉ូស្គូ នៅ​ព្រឹកព្រលឹម​ថ្ងៃអង្គារនេះ បាន​ធ្វើ​ឲ្យប្រជាជនរុស្ស៊ី ២នាក់​រងរបួសស្រាល និង​បង្ក​ឲ្យមានការខូចខាត​តិចតួចប៉ុណ្ណោះ។ អ្នកនាំពាក្យរបស់វិមានក្រេមឡាំង​បានធានាអះអាងប្រាប់​ប្រជាជនក្រុង​ម៉ូស្គូ​កុំ​ឲ្យ​ភ័យខ្លាច ព្រោះថា ម៉ូស្គូ​មិនរងការគំរាមកំហែង​វាយប្រហារ​ដ្រូន​នោះទេ។ ក្នុងរយៈពេល​តែមួយខែ ម៉ូស្គូ​រងការវាយប្រហារដ្រូន​ដល់ទៅ​២ដង។

គណបក្សភ្លើងទៀននៅថ្ងៃទី៣០ ខែឧសភានេះ បានចេញមកបញ្ជាក់ដោយទាត់ចោលការចោទប្រកាន់ថាគណបក្សប្រឆាំងមួយនេះ បានលាក់ច្បាប់ដើមដែលបានចុះឈ្មោះក្នុងបញ្ជីគណបក្សនយោបាយរបស់ក្រសួងមហាផ្ទៃកាលពីថ្ងៃទី២៣​ ខែមីនា ឆ្នាំ១៩៩៨ ក្នុងចេតនាមិនចង់ចូលរួមការបោះឆ្នោតជ្រើសតាំងតំណាងរាស្ត្រនីតិកាលទី៧ ដែលជាឧបាយកលធ្វើឲ្យបរទេសដាក់សម្ពាធលើរដ្ឋាភិបាលកម្ពុជា និងបង្កចលាចលក្នុងសង្គម។ ការបញ្ជាក់របស់គណបក្សភ្លើងទៀន បានធ្វើឡើងក្រោយពីលោកនាយករដ្ឋមន្ត្រី ហ៊ុន សែន កាលពីសប្តាហ៍មុនបានដាក់ការសង្ស័យថាការបាត់លិខិតច្បាប់ដើមរបស់គណបក្សភ្លើងទៀនគឺជាឧបាយកលអ្នកណាម្នាក់។

អភិបាលរងខេត្តបន្ទាយមានជ័យ លោក ង៉ោ ម៉េងជ្រួន បានឱ្យដឹងថា ពលរដ្ឋថៃម្នាក់ និងយោធាខ្មែរម្នាក់បានរងរបួសធ្ងន់ក្រោយដើរជាន់មីនត្រង់ចំណុចគោលចន្លោះបង្គោលសីម៉ាលេខ៣៧-៣៨ ស្ថិតក្នុងភូមិសាស្ត្រភូមិក្តឹបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ ទល់មុខភូមិសាស្ត្រភូមិអំពិល ឃុំតាប់ថៃ ស្រុកតាប្រាយ៉ា ខេត្តស្រះកែវ ប្រទេសថៃ។ បើតាមលោកអភិបាលរងខេត្តគឺ មុនពេលកើតហេតុពលរដ្ឋថៃម្នាក់បានដើរចូលក្នុងតំបន់ហាមឃាត់(តំបន់មីន) ដើម្បីប៉ះបន្លែ ហើយក្រោយហេតុការណ៍ផ្ទុះមីនរួច យោធាខ្មែរម្នាក់បានទៅឆ្ការព្រៃដើម្បីជួយសង្គ្រោះក៏ប៉ះមីនផ្ទុះដូចគ្នា។

អង្គការតម្លាភាពកម្ពុជា ស្នើឱ្យរដ្ឋាភិបាល ពិសេសក្រសួងសេដ្ឋកិច្ច និងហរិញ្ញវត្ថុ ពិចារណាដំឡើងកញ្ចប់ថវិការដ្ឋសម្រាប់ផ្តល់ជូនរដ្ឋបាលថ្នាក់ក្រោមជាតិឱ្យកើនដល់៣០%នៃទំហំថវិកាជាតិសរុបប្រចាំឆ្នាំ ក្នុងឆ្នាំនីមួយៗ  ក្រោយសង្កេតឃើញថា តម្រូវការនៅតាមរដ្ឋបាលថ្នាក់ក្រោមជាតិ ពិសេសនៅតាម ឃុំ សង្កាត់ ស្រុក ខណ្ឌ មានចំនួនច្រើន។ បើតាមអង្គការតម្លាភាព ការបង្កើតទំហំហិរញ្ញប្បទានសម្រាប់រដ្ឋបាលថ្នាក់ក្រោមជាតិនេះ ក៏បានផ្តល់ផលប្រយោជន៍មួយផ្នែកផងដល់ពលរដ្ឋរស់នៅក្នុងមូលដ្ឋាន។ 

ជំនួប​ចរចា​ស្វែង​រក​សន្ធិសញ្ញា​អន្តរជាតិ​ប្រឆាំង​នឹង​បរិស្ថានពុល​ដោយ​ប្លាស្ទិក ចាប់​បើក​ធ្វើ​នៅក្រុង​ប៉ារីស នា​ថ្ងៃ​ចន្ទ​ទី ២៩ឧសភា​រហូត​ដល់​ថ្ងៃ​ទី ២មិថុនា២០២៣។ ក្រោម​ការ​ដឹកនាំ​របស់​អង្គការ​សហប្រជាជាតិ តំណាង​១៧៥​ប្រទេស ត្រូវ​ប្រឹង​ប្រែងធ្វើ​យ៉ាងណា​សម្រេច​តាក់តែង​​ច្បាប់​ប្រឆាំង​នឹង​ការ​បំពុល​បរិស្ថាន​ដោយ​ប្លាស្ទិក​ឱ្យ​ចេញ​ជា​រូប​រាង​នៅ​ដំណាច់​ឆ្នាំ​២០២៤។ ជា​ពេលវេលា​ដ៏​ខ្លី​ណាស់​សម្រាប់​ការ​ចរចា​ខ្នាត​អន្តរជាតិ​ ដែល​មាន​ចរន្ត​ពីរ​កំពុង​ប្រកួត​ប្រជែងគ្នា​​គឺ ម្ខាង​ចង់កំរិត​និង​​កាត់​បន្ថយ​ផលិតផល​ប្លាស្ទិក ឯ​ម្ខាង​ទៀត ចង់ផ្តល់​អាទិភាព​ដល់​ការ​កែច្នៃ​ប្លាស្ទិក​ឡើង​វិញថា​ជា​ដំណោះស្រាយ​ទល់​នឹង​សំរាម​ប្លាស្ទិក។

ចិន​កំពុង​បោះជំហាន​ចូល​ដល់​ដំណាក់​ថ្មី​មួយ​ទៀត ក្នុង​មហិច្ឆតា​អវកាស។ នៅថ្ងៃអង្គារទី ៣០​ ឧសភា ជា​លើក​ទី​មួយ​ ចិន​នឹង​បញ្ជូន​អវកាសយានិក​ស៊ីវិលម្នាក់ ទៅ​បំពេញ​បេសកកម្ម​នៅ​ស្ថានីយ៍​អវកាស​ធៀនគង់។ គឺ​លោក គួយ ហៃឆូវ ដែល​ជា​សាស្ត្រាចារ្យ​នៅ​សកលវិទ្យាល័យ អាកាសចរណ៍​និង​​អវកាសក្រុង​ប៉េកាំង។

នៅទីបំផុត ប្រធានាធិបតី​តួកគី ផុតអាណត្តិ លោក​រេស៊េប អ៊ែរដូហ្កាន​បាន​ឈ្នះឆ្នោត ដឹកនាំ​ប្រទេស​មួយអាណត្តិ ៥ឆ្នាំ​បន្ថែមទៀត។ លទ្ធផល​បឋម​នៃ​ការបោះឆ្នោត កាលពីថ្ងៃអាទិត្យ​ម្សិលមិញ បាន​បង្ហាញ​ថា លោក​អ៊ែរដូហ្កាន បាន​ទទួលសំឡេងគាំទ្រ ៥២% ច្រើនជាង​គូប្រជែង គឺ​លោក​កេម៉ាល់ គីលីច្សដារ៉ូលូ ដែល​ទទួល​បាន​តែ ៤៧%។ ថ្លែង​ទៅ​កាន់​អ្នកគាំទ្រ នៅប៉ុន្មានម៉ោងក្រោយ លទ្ធផលឆ្នោត​បឋម កាលពីយប់ថ្ងៃ​អាទិត្យ លោក​អ៊ែរដូហ្កាន បាន​សន្យា​ប្តូរទំព័រថ្មី ដើម្បី​ការរួបរួមជាតិតែមួយ។ កាន់អំណាច ដឹកនាំ តួកគី នៅ​២០​ឆ្នាំ​ចុងក្រោយនេះ លោក​អ៊ែរដូហ្កាន អាយុ ៦៩ឆ្នាំ​នឹង​បន្ត​ដឹកនាំតួកគី​៥ឆ្នាំ​ទៀត។ តួកគីដែល​កំពុងបែកបាក់ជាពីរ និង​រួបរឹត​ដោយ​វិបត្តិសេដ្ឋកិច្ច។

ដូច​អាណត្តិ​មុន​ដែរ​ គណ​បក្ស​ប្រ​ជា​ជន​កម្ពុជា​ កំពុង​កាន់​អំណាច​ ឈរ​នៅ​លេខ​រៀង​ចុង​ក្រោយ​គេ​ក្នុង​បញ្ជីគណ​បក្ស​ន​យោ​បាយ​ឈរ​ឈ្មោះ​បោះ​ឆ្នោត​នៅ​ថ្ងៃ​ទី​២៣​កក្កដា​ខាង​មុខ​នេះ​។​ យោង​តាម​លទ្ធ​ផល​នៃ​ការ​ចាប់​ឆ្នោត​ដោយ​សម្តេច​សង្ឃ​ទាំង​ពីរ​គណៈ​នៅថ្ងៃ​ចន្ទ​នេះ​ គឺ​គណ​បក្ស​ប្រជា​ជន​កម្ពុជា ​ចាប់​បាន​លេខ​រៀង​ទី​១៨​ ក្នុង​ចំណោម​គណ​បក្ស​ដែលឈរ​ឈ្មោះ​ចូល​រួម​ប្រ​កួត​នៅ​អាណត្តិ​ទី​៧ខាង​មុខ​នេះ​។

ក្រោយពីបំពេញទស្សនកិច្ចអស់រយៈពេល១០ថ្ងៃ នៅប្រទេសអូស្ត្រាលី លោក សម រង្ស៊ី ដែលជាប្រធានស្តីទីអតីតគណបក្សសង្គ្រោះជាតិ នៅថ្ងៃចន្ទនេះបានធ្វើដំណើរទៅកាន់ប្រទេសម៉ាឡេស៊ី ទីដែលគណបក្សប្រឆាំងធ្លាប់ជួបប្រជុំគ្នាស្តីពីនយោបាយនៅកម្ពុជា ដើម្បីរកច្រកចូលទៅកម្ពុជា។ ក៏ប៉ុន្តែលោកនាយករដ្ឋមន្ត្រី ហ៊ុន សែន កាលពីចុងខែមីនា ឆ្នាំ២០២៣ បានបង្ហើបថាមេដឹកនាំម៉ាឡេស៊ីថ្មីធ្លាប់ពិភាក្សាជាមួយលោក មិនអនុញ្ញាតឲ្យក្រុមប្រឆាំងដែលដឹកនាំដោយលោក សម រង្ស៊ី ចូលទឹកដីម៉ាឡេស៊ីឡើយ។

អង្គការតម្លាភាពកម្ពុជា ស្នើឱ្យរដ្ឋាភិបាល ពិសេសក្រសួងសេដ្ឋកិច្ច និងហរិញ្ញវត្ថុ ពិចារណាតម្លើងកញ្ចប់ថវិការដ្ឋសម្រាប់ផ្តល់ជូនរដ្ឋបាលថ្នាក់ក្រោមជាតិឱ្យកើនដល់៣០%នៃទំហំថវិកាជាតិសរុបប្រចាំឆ្នាំ ក្នុងឆ្នាំនីមួយៗ  ក្រោយសង្កេតឃើញថា តម្រូវការនៅតាមរដ្ឋបាលថ្នាក់ក្រោមជាតិ ពិសេសនៅតាម ឃុំ សង្កាត់ ស្រុក ខណ្ឌ មានចំនួនច្រើន។ បើតាមអង្គការតម្លាភាព ការបង្កើតទំហំហិរញ្ញប្បទានសម្រាប់រដ្ឋបាលថ្នាក់ក្រោមជាតិនេះ ក៏បានផ្តល់ផលប្រយោជន៍មួយផ្នែកផងដល់ពលរដ្ឋរស់នៅក្នុងមូលដ្ឋាន។ 

ក្រុម​សកម្មជន​នៃ​ចលនា​មាតា​ធម្មជាតិ​ ទាមទារ​ឱ្យ​តុលាការ​ក្រុង​ភ្នំពេញ​ទម្លាក់​បទ​ចោទ​ប្រកាន់​«រួម​គំនិត​ក្បត់»​និង​«ប្រមាថ​ព្រះមហាក្សត្រ»​ ប្រឆាំង​នឹង​ពួក​គេ ​ដើម្បី​អាច​ឱ្យ​ពួក​គេ​មាន​សិទ្ធិ​សេរីភាព​ពេញ​លេញ​ក្នុង​ការ​ចូល​រួម​ថែ​រក្សា ​និង​ការពារ​ធនធាន​ធម្មជាតិ​បន្ត​ទៀត​ដោយ​គ្មាន​ការ​គំរាមកំហែង។​ បើ​តាម​សកម្មជន​របស់​ចលនា​មាតាធម្មជាតិ ​សកម្មភាព​ការពារ​ធនធានធម្មជាតិ​របស់​ខ្លួន​នា​ពេល​កន្លង​មក​ មិន​មែន​ជា​បទ​ឧកិ្រដ្ឋ​ឡើយ​ ហើយ​ការ​ចោទ​ប្រកាន់​មក​លើ​យុវជន​ដែល​មាន​មនសិការ​ឈឺឆ្អាល​នូវ​បញ្ហា​បរិស្ថាន​ គឺ​ជា​សោកនាដកម្ម​ដ៏​ធំ​មួយ​ចំពោះ​ប្រព័ន្ធ​យុត្តិធម៌​សង្គម។​

នៅ​ថ្ងៃ​ទី​២៨​ ខែ​ឧសភា​នេះ​ អង្គការ​ សមាគម​ និង​សហគមន៍​មូលដ្ឋាន​ចំនួន​ ១០​ស្ថាប័ន​បាន​រួមគ្នា​ប្រារព្ធ​ទិវា​បរិស្ថាន ​និង​ជំរុញ​ឲ្យ​មាន​ការ​រួបរួម​ការពារ​បរិស្ថាន ​និង​ធនធាន​ធម្មជាតិ​ដែល​ជា​ទ្រព្យ​សម្បត្តិ​ជាតិ។ ​តំណាង​អ្នក​ចូលរួម​ក៏​បាន​បង្ហាញ​ការ​សោកស្តាយ​ចំពោះ​ការ​រារាំង​ ឬ​ការ​ធ្វើ​ទុក​បុកម្នេញ ​លើ​សកម្ម​ភាព​របស់​យុវជន​ ដែល​ចូល​រួម​ការពារ​បរិស្ថាន​នា​ពេល​កន្លង​មក។​

នៅ​ថ្ងៃ​អាទិត្យ ទី២៨ ឧសភា​នេះ ប្រទេស​តួកគី​បាន​រៀបចំ​បោះឆ្នោត​ប្រធានាធិបតី​ជុំទី២។ មាន​បេក្ខជន​ចំនួន ២នាក់​ដែល​អ្នកបោះឆ្នោត​ត្រូវ​ជ្រើសរើស​សម្រាប់​ការ​បោះឆ្នោត​ជុំទី២ គឺ​ប្រធានាធិបតី​ផុតអាណត្តិ​លោក​អ៊ែរដូហ្កាន និង​ប្រធាន​គណបក្សប្រឆាំង​លោក កេម៉ាល់ គីលីច្សដារ៉ូហ្គូ។ តាម​លទ្ធផល​ស្ទង់មតិ​ចុង​ក្រោយ លោក​អ៊ែរដូហ្កាន​ដែល​បាន​កាន់​អំណាច​រយៈពេល ២០ឆ្នាំ​កំពុង​មាន​ប្រៀប​ឈាន​ទៅ​កាន់​អំណាច​ចំនួន ៥ឆ្នាំ​បន្ថែម​ទៀត។

នៅ​ក្នុង​ប្រទេស​ចិន ក្រុមហ៊ុនអាកាសចរណ៍ China Eastern Airlines បាន​បើក​សម្ពោធ​ការ​ហោះហើរ​យន្តហោះ​ដឹកអ្នកដំណើរ « Made in China » លើកទី១ នា​ថ្ងៃ​អាទិត្យ ទី២៨ ឧសភា​នេះ។ យន្តហោះ​ដឹកអ្នកដំណើរ « Made in China » មាន​ឈ្មោះ C919 បាន​ហោះ​ចេញ​ពី​អាកាសយានដ្ឋាន​ក្រុង​សៀងហៃ​ឆ្ពោះ​ទៅ​កាន់​អាកាសយានដ្ឋាន​ក្រុង​ប៉េកាំង​ជាមួយ​នឹង​អ្នកដំណើរ​ប្រមាណ​ជា ១៣០នាក់។ ព្រឹត្តិការណ៍​នេះ​ជា​សក្ខីកម្ម​ដែល​បញ្ជាក់​ពី​ការ​បោះជំហាន​ទៅ​មុខ​របស់​វិស័យ​អាកាសចរណ៍​ចិន​ប្រឈម​នឹង​គូប្រជែង​អាមេរិក និង​អឺរ៉ុប។

បន្ទាប់​ពី​ចរចា​គ្នា​អស់​ជា​ច្រើន​ថ្ងៃ​និង​យ៉ាង​តាន​តឹង​មក នៅទីបំផុត លោកប្រធានាធិបតី​អាមេរិក ចូ បៃដិន និង​ប្រធាន​សភា​អ្នក​តំណាង​បក្ស​សាធារណរដ្ឋ​ លោក គេវីន ម៉ាកខាធី Kevin McCathy បាន​ស្រុះ​ស្រួល​គ្នា​បញ្ចៀស​វិបត្តិ​ខ្វះ​ប្រាក់​សង​បំណុល។ បើតាម​ព័ត៌មាន​បឋម​ ភាគីទាំងពីរ​បាន​ព្រមព្រៀង​គ្នា​​ជា​គោលការណ៍ ដំឡើង​កំរិត​អតិបរិមា​នៃ​ប្រាក់​បំណុល​សាធារណៈ ជា​ថ្នូរ​នឹង​ការ​បន្ថយ​ចំណាយ​សាធារណៈ។ នៅ​ថ្ងៃអាទិត្យ​​នេះ បុរសរដ្ឋ​ទាំងពីរ​ត្រូវ​ជួប​ពិភាក្សា​គ្នាជា​ថ្មី​ទៀត ដើម្បី​បង្ហើយ​កិច្ចព្រមព្រៀង​ សម្រាប់​ដាក់​ជូនសភា​និង​ព្រឹទ្ធសភា​អនុម័ត​នៅថ្ងៃពុធ​ខាង​មុខ។

អ៊ីរ៉ាក់​ដែល​លង់​ក្នុង​​សង្គ្រាម​រ៉ាំរ៉ៃ​រាប់​ទសវត្សរ៍ កំពុង​ស្រមៃក្លាយ​ជា​ស្ពាន​ចម្លង​វិស័យ​ដឹកជញ្ជូន​ពិភពលោក។ នៅថ្ងៃ​សៅរ៍​ទី ២៧​ឧសភា​នេះ ​រដ្ឋាភិបាល​ក្រុ​ងបាកដាដ​បាន​បង្ហើ​ប​បង្ហាញ​គម្រោង​​អភិវឌ្ឍ​ផ្លូវ​ថ្នល់​និង​ផ្លូវ​ដែក ប្រកប​ដោយ​មហិច្ឆតា តម្លៃ​១៧ពាន់​លាន​ដុល្លារ​ តភ្ជាប់​ឈូង​សមុទ្ទ​ពែក្យ ទៅ​តួកគី ដោយ​ឆ្លង​កាត់​ប្រទេស​អ៊ីរ៉ង់ទាំង​មូល។

ពីថ្ងៃទី២៩ឧសភា ដល់​ថ្ងៃទី២មិថុនា​ សប្តាហ៍​ក្រោយ តំណាង​១៧៥​ប្រទេស ត្រូវ​មក​ជួប​ជុំ​គ្នា​​នៅទីក្រុង​ប៉ារីស ដើម្បី​បើក​កិច្ចចរចា​ជុំ​ទីពីរ​ដែល​មាន​គោលដៅ​ឈាន​ទៅ​បង្កើត​សន្ធិសញ្ញា​អន្តរជាតិប្រឆាំង​នឹង​​​បរិស្ថានពុល​ដោយសារធាតុ​​​ប្លាស្ទិក ​ឲ្យ​បាន​ នៅត្រឹមចុង​​​ឆ្នាំ២០២៤។ ប៉ុន្តែ​ដើម្បី​ផ្តល់​សន្ទុះ​ដល់​ការ​កិច្ចចរចានេះ​ បារាំង ក្នុង​នាម​ជា​ម្ចាស់​ផ្ទះ ​បាន​រៀប​ចំ​ជំនួបកំពូល​​ជាន់​ខ្ពស់​ ផ្តុំ​ដោយ​រដ្ឋមន្ត្រី​និង​អ្នកការទូត​មក​ជាង​៤០ប្រទេស តាំងពី​ថ្ងៃ​សៅរ៍​ទី ២៧​នេះ​ទៅ​តែម្តង។

ការ​បំពុល​ដោយ​ប្លាស្ទិក​ជា​ប្រធានបទ​នៃ​កិច្ចប្រជុំកំពូល​អន្តរជាតិ​ដែល​នឹង​រៀបចំ​ក្នុង​ប្រទេស​បារាំង​ពី​ថ្ងៃ​ចន្ទ ទី២៩ ឧសភា​ដល់​ថ្ងៃ​សុក្រ ទី២ មិថុនា។ កម្មវត្ថុ​នៃ​កិច្ចប្រជុំកំពូល គឺ​អនុម័ត​លើ​សន្ធិសញ្ញា​មួយ​ស្តីពី​ការ​ប្រយុទ្ធប្រឆាំង​នឹង​ការ​បំពុល​ដោយ​ប្លាស្ទិក​ចំពោះ​បរិស្ថាន និង​សុខភាព​របស់​មនុស្សលោក។ តែ​មុន​នឹង​កិច្ចប្រជុំកំពូល​នេះ​ឈាន​មក​ដល់ បារាំង​បាន​រៀបចំ​កិច្ចប្រជុំ​ថ្នាក់​រដ្ឋមន្រ្តី​ការបទេស និង​រដ្ឋមន្រ្តី​បរិស្ថាន​មក​ពី​ប្រមាណ ៦០ប្រទេស​ក្នុង​ថ្ងៃ​សៅរ៍ ទី២៧ ឧសភា។ សម្រាប់​សហភាពអឺរ៉ុប ប្រទេស​បារាំង និង​ក្រុម​ប្រទេស ៥៥ប្រទេស​ទៀត​យល់​ថា គេ​ត្រូវ​កាត់​បន្ថយ​កា​ផលិត​ប្លាស្ទិក។ តែ​ជំហរ​នេះ​ត្រូវ​បាន​ប្រទេស​មួយ​ចំនួន​ជំទាស់​ដោយ​ពួក​គេ​ចង់​គិតគូរ​ពី​ការ​គ្រប់គ្រង​លើ​កាកសំណល់​ប្លាស្ទិក និង​ចង់​ឲ្យ​អាទិភាព​លើ​ការ​កៃច្នៃ​ប្លាស្ទិក​ចាស់ៗ​ដើម្បី​ប្រើ​ឡើង​វិញ។ ករណី​នេះ​ត្រូវ​បាន​រដ្ឋមន្រ្តី​បរិស្ថាន​បារាំង​លោក​គ្រីស្តូហ្វ បេឈូ​លើក​ឡើង​ពី​សហរដ្ឋអាមេរិក។

លោក​លី ហ៊ុយ ប្រេសិតពិសេស​របស់​ចិន​ទទួល​បន្ទុក​កិច្ចការ​អឺរ៉ុបអាស៊ី​បាន​បញ្ចប់​ទស្សនកិច្ច​មួយ​ជុំ​អឺរ៉ុប​នៅ​ក្នុង​ប្រទេស​រុស្ស៊ី។ លោក​លី ហ៊ុយ​ត្រូវ​បាន​ប្រមុខ​ការទូត​រុស្ស៊ី​លោក​ស៊ែរហ្កី ឡាវ្រូស​ទទួល​ជួប​នា​ថ្ងៃ​សុក្រ ទី២៦ ឧសភា​ក្នុង​ទីក្រុង​មូស្គូ។ លោក​ឡាវ្រូស​បាន​និយាយ​ប្រាប់​លោក​លី​ថា រុស្ស៊ី​សម្លឹង​ឃើញ​នូវ​ឧបសគ្គ​ចំពោះ​ដំណើរ​ស្វែង​រក​សន្តិភាព​ឲ្យ​អ៊ុយក្រែន។ គួរ​បញ្ជាក់​ថា កម្មវត្ថុ​នៃ​ទស្សនកិច្ច​របស់​លោក​លី​នៅ​ក្នុង​ទឹកដី​អឺរ៉ុប គឺ​ស្វែង​រក​ដំណោះស្រាយ​ដើម្បី​ឈាន​ទៅ​បិទបញ្ចប់​សង្រ្គាម​រុស្ស៊ី​ឈ្លានពាន​អ៊ុយក្រែន ខណៈ​ដែល​ចិន​បាន​ស្នើ​ចេញ​នូវ​ដំណោះស្រាយ​ចំនួន ១២ចំណុច។

នៅ​ក្នុង​ប្រទេស​វៀតណាម រដ្ឋាភិបាល​បាន​ប្តូរ​យុទ្ធសាស្រ្ត​ថ្មី​ស្តីពី​ការ​នាំ​អង្ករ​ចេញ។ យោង​តាម​ឯកសារ​ចុះ​ថ្ងៃទី២៦ ឧសភា​ដែល​រដ្ឋាភិបាល​មិន​បាន​ផ្សព្វផ្សាយ​ជា​សាធារណៈ វៀតណាម​ដែល​ជា​ប្រទេស​នាំ​អង្ករ​ចេញ​លំដាប់ទី៣ ក្នុង​លោក​ចង់​កាត់​បន្ថយ​ការ​នាំ​អង្ករ​ចេញ​ពី​ពេល​នេះ​ទៅ​ឆ្នាំ ២០៣០។ គោលដៅ​នៃ​បំណង​មួយ​នេះ គឺ​ដើម្បី​ផ្តោត​ការ​យក​ចិត្ត​ទុកដាក់​លើ​គុណភាព​អង្ករ និង​ពង្រីក​ទីផ្សារ​នាំ​ចេញ​របស់​ខ្លួន​សម្រាប់​ផលិតផល​ផ្សេង​ទៀត។

សហរដ្ឋអាមេរិក ដាក់ទណ្ឌកម្មសេដ្ឋកិច្ច​និង​ការទូត​ ប្រឆាំង​នឹង​អ្នកតំណាងក្រុមហ៊ុនទាហានស៊ីឈ្នួលរុស្ស៊ីប្រចាំ​ប្រទេស​ម៉ាលី​ និងមន្ត្រីយោធា​ជាន់ខ្ពស់​ម៉ាលី ចំពោះការលួច​លាក់​ទិញគ្រឿង​សព្វាវុធពីប្រទេស​តួកគី ដើម្បី​ទៅបំប៉នភ្នក់ភ្លើង​សង្គ្រាមនៅ អ៊ុយក្រែន។ ទណ្ឌកម្ម​របស់​រដ្ឋាបាល​ទីក្រុង​វ៉ាស៊ីន​តោន​នេះ ដាក់​ចេញ​កាល​ពី​ថ្ងៃ​ព្រហស្បតិ៍​ ហើយ​ក្រសួង​ការបរទេស​អាមេរិក ក៏​បាន​​បញ្ជាក់ដែរ ពី​ការ​រឹត​បន្តឹង​ទិដ្ឋាការ​ ចំពោះ​ ប្រធានាធិបតី​ម៉ាលី និង​មេបញ្ជាការ​កងទ័ព​ម៉ាលី​។​ ​

នៅទីក្រុង​ប៉ារីស ថ្ងៃសុក្រ​ទី​២៦ឧសភា ក្រុម​បាតុករ ច្រើន​រយនាក់ ជា​ក្រុម​សកម្មជនការពារ​បរិស្ថានអាកាសធាតុ​ មកពី​អង្គការ​ផ្សេងៗគ្នា​ បានធ្វើ​បាតុកម្ម​លុកលុយរំខានមហាសន្និបាតម្ចាស់ភាគហ៊ុន របស់​ក្រុមហ៊ុនប្រេង​និង​ថាមពល តូតាល់។ ប៉ូលិ​ស​បារាំង បាន​បំបែក​ហ្វូង​បាតុករ ដោយ​បាញ់​ឧស្ម័ន​បង្ហូរ​ទឹកភ្នែក និង​ចាប់ខ្លួន​បាតុករ​ខ្លះ​ផង។ ទោះបី​ជា​រំខានយ៉ាងណាក្តី​  មហាសន្និបាតប្រចាំឆ្នាំ​ របស់​ម្ចាស់ភាគហ៊ុន​ តូតាល់ នៅតែបន្ត​ធ្វើ​ឡើង​ ដូច​តាម​ការ​គ្រោង​ទុក។ ទន្ទឹម​នឹងគ្នា​នេះដែរ​​ ​រដ្ឋាភិបាលបារាំង ក៏បាន​អំពាវនាវ ឲ្យ តូតាល់ បង្កើនការ​វិនិយោគទុន​លើវិស័យថាមពលបៃតង។

ព្រឹត្តិការណ៍កីឡាស៊ីហ្គេមលើកទី៣៣ ឆ្នាំ២០២៥ ម្ចាស់ផ្ទះថៃបានសម្រេចដាក់កីឡាប្រដាល់ Muay Thai ជំនួសកីឡា​ប្រដាល់គុនខ្មែរវិញ។ នេះបើតាមអនុប្រធានគណៈកម្មាធិការជាតិអូឡាំពិកថៃ និងជានាយកប្រតិបត្តិនៃសហព័ន្ធកីឡាស៊ីហ្គេម លោក Chaiyapak Siriwat ដែលអត្ថបទរបស់ Thairath News បានចុះផ្សាយ។ សម្រាប់លោក ស៊ីថូ ណាថាន់ អ្នកអត្ថាធិប្បាយកីឡា ថាការដាក់កីឡាប្រដាល់ Muay Thai នៅក្នុងព្រឹត្តិការណ៍កីឡាស៊ីហ្គេមលើកទី៣៣ ដែលថៃធ្វើជាម្ចាស់ផ្ទះនៅឆ្នាំ២០២៥ មិនមានអ្វីចម្លែកឡើយ។ 

នៅក្នុងជំនួបសំណេះសំណាលជាមួយកម្មករ កម្មការិនីរោងចក្រកាត់ដេរនាព្រឹកថ្ងៃសុក្រនេះ នៅតំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ លោកនាយករដ្ឋមន្ត្រី ហ៊ុន សែន បានថ្លែងថាលោកមិនជឿថាលិខិតចុះបញ្ជីគណបក្សច្បាប់ដើមរបស់(គណបក្សភ្លើងទៀន) បាត់នោះទេ។ លោកនាយករដ្ឋមន្ត្រីវិភាគថា លិខិតចុះបញ្ជីគណបក្សភ្លើងទៀនច្បាប់ដើម គឺស្ថិតនៅជាមួយបុគ្គលណាម្នាក់នៅឯក្រៅប្រទេស(ចំណុចនេះត្រូវគេគិតថាជាលោក សម រង្ស៊ី) ដែលមានបំណងមិនចង់ឲ្យគណបក្សភ្លើងទៀនចូលរួមការបោះឆ្នោត។ តាមលោក ហ៊ុន សែន ការធ្វើបែបនេះ គឺមានបំណងចង់ឲ្យបរទេសគាបសង្កត់កម្ពុជា។

ក្រសួងការបរទេសអាមេរិក បានចេញមុខមកថ្កោលទោសជាថ្មី នៅក្នុងសំណុំរឿងបិទផ្លូវមិនឲ្យគណបក្សភ្លើងទៀន បានចូលរួមការបោះឆ្នោតថ្នាក់ជាតិខាងមុខ។ សេចក្តីថ្លែងការណ៍របស់អ្នកនាំពាក្យក្រសួងការបរទេសអាមេរិក លើកឡើងថា កម្ពុជាបានងាកចិត្តពីការប្តេជ្ញាចិត្តរបស់ខ្លួនក្នុងនាមជាប្រទេសប្រជាធិបតេយ្យ សេរីពហុបក្ស។ គួរកត់សម្គាល់ថា ការថ្កោលទាសជាថ្មីរបស់អាមេរិក ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ទើបតែព្រមានរដ្ឋបរទេសមិនឲ្យលូកដៃបញ្ហាប្រជាធិបតេយ្យនៅកម្ពុជា។