Алтан орд Улс нь Их Монголын Зүчийн Улс гэдгийг нийтлэл тодотгож байна. Зөвлөлт Холбоот Улс задран мөхснөөс хойш уг улсын түүхийн тайлбар өөрчлөгдөх болсон. Орос, Казахстан, Узбекстан, Туркменистан, Киргизстан зэрэг улсын түүхчид болон судлаачид өөрсдийн байр сууринаа чөлөөтэй илэрхийлэх болсон. Тэдний ихэнх нь Алтан орд Улс бол манай өвөг дээдсийн улс гэж үзэх болсон. Улмаар уг улсыг түрэг угсаатан байгуулсан хэмээн тодорхойлоход шилжжээ. Ингэхээр энэ түүхэн өв хэнийх болох асуудал одоо хүртэл маргаантай хэвээр байна.