ДАКАР 2026: Эрхэмбаатарын АНУЖИН элсний бөхийн төрөлд ХҮРЭЛ медаль хүртлээ
Erkhembaataryn Anujin won bronze in the girls' 65 kg beach wrestling at the Youth Olympic Games in Dakar, Senegal. She was one of 12 wrestlers in the weight and competed in Group S. She defeated Croatia's Emanuela Radoš, Senegal's Mary Manga and the USA's Aliea Apostol, then lost in the semifinal to the Dominican Republic's Valerio Rosado. The result gave her the bronze medal.
Сенегалын Дакар хотноо үргэлжилж байгаа залуучуудын олимпын наадмын элсний бөхийн охидын 65 кг-ын жинд Эрхэмбаатарын Анужин хүрэл медаль хүртлээ. Энэ жинд нийт 12 бөх өрсөлдөхөд Э.Анужин "С" хэсэгт багтсан. Улмаар хэсэгтээ Хорватын Эмануэла Радош, Сенегалын Мэри Манга, АНУ-ын Алиеа Апостол нарыг буулган авч, хагас шигшээд Доминиканы Валерио Росадод ялагдсан байна. Ингээд хүрлийн төлөө Египетийн Малак Абделгалилийг 6:2-оор ялснаар залуучуудын олимпоос Монголын багийн хоёр дахь хүрлийн эзэн боллоо. Доминиканы Валерио Росадо энэ жинд алтан медаль хүртсэн бол Испанийн Грасила Энинго мөнгө зүүсэн юм. "Дакар 2026" олимпоос өмнө нь жүдогийн хөвгүүдийн 55 кг-ын жинд Тунгалагийн Төгсхүслэн хүрэл медаль хүртсэн билээ. Ингэснээр манай улс энэ удаагийн олимпод хоёр хүрэл медаль хүртсэн амжилтаар Беларусь, Буркино Фасо, Молдав, Польшийн хамт 63 дугаарт жагсаж байна. Одоогийн байдлаар БНХАУ 11 алт, дөрвөн мөнгө, хоёр хүрэлтэй тэргүүлж байгаа бол Япон есөн алт, гурван мөнгө, дөрвөн хүрэлтэй, ОХУ зургаан алт, дөрвөн мөнгөтэй удаалж буй. Түүнчлэн нийт 76 улс ямар нэгэн медаль хүртжээ.