₮293 гаруй тэрбумаар баригдсан Багануурын батарей хуримтлуурын станц энэ онд 43 сая кВт/ц эрчим хүч нийлүүлнэ

<p>Багануур дүүрэг дэх 50 МВт-ын батарей хуримтлуурын станц&nbsp;энэ оны наймдугаар сард төвийн системд 5.8 сая kВт/цаг эрчим хүч нийлүүлжээ. Улмаар энэ онд 43.1 сая кВт/ц эрчим хүч нийлүүлэхээр төлөвлөсөн болохыг мэдээлэв.&nbsp;Станцын үйл ажиллагааг Улаанбаатар хотын Хөгжлийн Корпораци ХК хариуцдаг байна.</p> <p>Сануулахад 2024 онд Багануур дүүрэгт 50 МВт-ын батарей хуримтлуурын станцыг БНХАУ-ын&nbsp;&quot;Энвижн Энержи&quot; компани барьж, тухайн оны арванхоёрдугаар сараас эхлэн төвийн бүсийн нэгдсэн системд цахилгаан эрчим хүч нийлүүлж эхлээд буй.</p> <p>Багануурын батарей хуримтлуурын станц нь шөнө эрчим хүчний хэрэглээ багатай үед илүүдэл эрчим хүчийг хуримтлуулж, өдрийн оргил ачааллын үеэр нийлүүлдэг байна.</p> <p>Өөрөөр хэлбэл өдрийн оргил ачаалал, шөнийн бага ачааллын хооронд 300-400 МВт эрчим хүчний зөрүү гардаг бөгөөд үүнийг хуримтлуулж эрчим хүч бэлтгэдэг.</p> <p>Улаанбаатар хотын нэг айлын эрчим хүчний дундаж хэрэглээг 2 кВт.цаг гээд тооцвол 50 МВт-аар 25,000 айлыг дөрвөн&nbsp;цаг эрчим хүчээр бүрэн хангах тооцоололтой батарей хуримтлуурын станцыг барихад нийслэлээс гаргасан бондын 293.5 тэрбум&nbsp;төгрөгийг зарцуулжээ.</p>