2030 он гэхэд төрийн өмчит компанийн тоог 85 болгон бууруулна

ikon.mn · economy
Full story

A draft resolution on approving Mongolia's "ownership policy on state-owned companies" was discussed and will be submitted to the State Great Khural. The policy sets out the purpose of state ownership, the basis for state participation, and principles for exercising owner rights. It is a foundational policy document aimed at raising the value and benefits of state property; the headline says the number of state-owned companies is to be cut to 85 by 2030.

"Төрийн өмчит компанийн талаар баримтлах өмчлөлийн бодлого” батлах тухай Монгол Улсын Их Хурлын тогтоолын төслийг хэлэлцээд Улсын Их Хуралд өргөн мэдүүлэхээр тогтлоо. Энэ нь төрийн өмчит компанийн өмчлөлийн зорилго, төрийн оролцооны үндэслэл, өмчлөгчийн эрхийг хэрэгжүүлэх зарчмыг тодорхойлон, төрийн өмчийн үнэ цэн, үр өгөөжийг нэмэгдүүлэхэд чиглэсэн суурь бодлогын баримт бичиг юм. Өмчлөлийн бодлогоор төрийн өмчит компани тус бүрийн төрийн өмчлөлд байх үндэслэл, хувьцаа эзэмших зорилго, төрийн эзэмшлийн хувь хэмжээ, цаашдын хөгжлийн чиглэлийг тодорхойлж, өмчлөгчийн чиг үүргийг нэгдсэн бодлого, нэгдмэл зарчмын хүрээнд хэрэгжүүлэх нөхцөлийг бүрдүүлэхээр тусгажээ. Бодлогыг 2027-2030 онд гурван үе шаттайгаар хэрэгжүүлнэ. Бодлогын хүрээнд төрийн өмчит болон төрийн өмчийн оролцоотой 101 хуулийн этгээдийг өмчлөлийн зорилго, чиг үүргээр нь ангилж, 47 компанийг арилжааны, 54 компанийг нийтийн үйлчилгээний ангилалд хамруулахаар төлөвлөсөн. Мөн давхардсан чиг үүрэгтэй, үр ашиг багатай бүтцийг өөрчлөн зохион байгуулж, нэгтгэх, нийлүүлэх, татан буулгах арга хэмжээг хэрэгжүүлснээр төрийн өмчит компанийн тоог 2030 он гэхэд 85 болгон бууруулахаар тусгажээ. Түүнчлэн, төрийн эзэмшлийн хувь хэмжээг бууруулах боломжтой 34 компанид бүтцийн болон өмчлөлийн шинэчлэл хийж, хөрөнгийн зах зээлээр дамжуулан хувьцааг нийтэд санал болгох, стратегийн хөрөнгө оруулалт татах, хөрөнгө оруулалтын багцын механизмыг ашиглах нөхцөлийг бүрдүүлнэ. Бодлогын хэрэгжилтийн үр дүнд төрийн өмчит компанийн засаглал, ил тод байдал, хариуцлагын тогтолцоо олон улсын жишигт нийцэж, төрийн өмчийн ашиглалт, үр өгөөж мэдэгдэхүйц сайжирна гэж үзэж байна. Эх сурвалж: Засгийн газрын Хэвлэл мэдээлэл, олон нийттэй харилцах газар

Read full article → Compare