घरधनी पर्खिरहेका रित्ता घर : बसाइँसराइको चपेटामा नुवाकोट
अहिले नुवाकोटका अधिकांश बासिन्दाका कागजमा स्थायी बसोबास नुवाकोट नै होलान् तर बसोबास केही दिनको मात्रै हो। हजारौँ परिवार आज पनि दसैँमा गाउँ जान्छन्। माकुराको जालोले घेरिएको घरको ताला खोल्छन्, आँगन बढार्छन्, चाडपर्व मनाउँछन् र केही दिनपछि फर्कन्छन्। गाउँमै राम्रो विद्यालय, अस्पताल र रोजगारी हुन्थ्यो भने उनीहरू किन पुर्खाको जमिन छाडेर कोलाहलपूर्ण सहर जान्थे र?