Шахмал түлш маргаашаас худалдаанд гарна

<p>2026-2027 оны халаалтын улирал маргааш(2026.09.15) буюу Мягмар гарагт эхэлж, шахмал түлш худалдаанд гаргана.</p> <p>Халаалтын улиралд нийслэлийн долоон дүүргийн хэмжээнд борлуулалтын 500 цэг ажиллуулах шийдвэр гарчээ. Үүний 446 цэг нь байнга ажиллах бол 54 нь нөөцөд байх юм байна.</p> <p>Шахмал түлш худалдан борлуулах цэг ажиллуулахаар&nbsp;734 хүсэлт ирүүлснээс&nbsp;446 иргэнтэй гурвалсан гэрээ байгуулж, шахмал түлш худалдаанд гаргахад бэлэн болжээ.</p> <p>Цэгүүдийг сонгон шалгаруулахад 7 дүүргийн Засаг даргын Тамгын газрын Агаарын бохирдлын эсрэг тэмцэх тасаг хороодоос санал авч, тухайн дүүргийн төлөөлөл, Тавантолгой түлш ХХК-аас бүрдсэн ажлын хэсэг газар дээр нь ажиллаж, шаардлага хангасан иргэдтэй гэрээ байгуулсан болохыг мэдээлэв.</p> <p>25 килограммын савлагаатай, нэг шуудай шахмал түлш 3,750 төгрөгөөр худалдаалагдана.</p> <p>Энэ жил айл өрхүүдэд&nbsp;300 мянга гаруй тонн хагас коксон түлш, 80 мянган тонн шахмал түлшийг борлуулах бол аж ахуйн нэгжүүдэд 40 мянган тонн савласан мидлинг нийлүүлэх юм байна.</p>