Б.Дашпүрэв: Нийслэлийн 88 ШТС-д 664 тонн бүтээгдэхүүн нийлүүлээд байна
<p><em>Шатахууны хангамж нэмэгдүүлэх үүрэг бүхий шуурхай штабаас ээлжит хурлаа өнөөдөр зохион байгуулав. </em></p> <p><em>Энэ үеэр шатахууны хангамж, түгээлтийн мэдээллийг <strong>Аж Үйлдвэр, Эрдэс Баялгийн Яам(АҮЭБЯ)-ны Төрийн нарийн бичгийн дарга Б.Дашпүрэв</strong> танилцууллаа. </em></p> <hr /> <hr /> <p><strong>Тэрбээр </strong>"Өнгөрсөн 24 цагийн хугацаанд 92 вагон цистерн буюу 5,398 тонн АИ-92 төрлийн авто бензинийг буулгаж авч, түгээсэн. Улмаар</p> <ul> <li>Улаанбаатар хотын 88 Шатахуун Түгээх Станц (ШТС)-руу 664 тонн,</li> <li>Орон нутгийн 77 ШТС-руу 807 тонн бүтээгдэхүүнийг нийлүүлээд байна.</li> </ul> <p>Одоогийн байдлаар 42 вагон цистерн буюу 2,520 тонн бүтээгдэхүүн өртөөдөд ирсэн. Одоо буулгалтад бэлэн байна.</p> <p>БНХАУ, ОХУ болон бусад эх үүсвэрээс бүтээгдэхүүнийг тасралтгүй нийлүүлж байгаа.<span class="ikon-shareable-twitter"> Есдүгээр сарын бүтээгдэхүүний захиалга баталгаажсан. </span>Үнэ баталгаажсан учраас нийлүүлэлт хэвийн үргэлжлэх болно.</p> <p>Ялангуяа нийслэлд анхаарсантай холбоотой орон нутагт олон хоног оочер дугаар үүссэн. </p> <p>Улаанбаатар хотын хэмжээнд дараалал үндсэндээ багассан. АИ-92 төрлийн бүтээгдэхүүн дээр евро-5 төрлийн бүтээгдэхүүн зарж байгаа ШТС дээр үндсэндээ дараалал байхгүй.</p> <p>Энгийн буюу евро-2 төрлийн бүтээгдэхүүн зарж байгаа ШТС-уудад тодорхой хэмжээний оочер дугаар үүссэн нөхцөл байдалтай байна.</p> <p>Орон нутаг руу евро-5, евро-2 төрлийн бүтээгдэхүүнийг аль алиныг нь нийлүүлж байгаа. Гэхдээ алслагдсан сумдад тээврийн хөлс нэмэгдэж очдогтой холбоотойгоор хөдөө орон нутаг руу нийлүүлэлтийг 80 хувь АИ-92 төрлийн бүтээгдэхүүн, 20 хувьд нь евро-5 төрлийн бүтээгдэхүүнийг нийлүүлж байна" хэмээн мэдээллээ. </p>
Read full article →