អង់គ្លេសបង្កកអចលនទ្រព្យតម្លៃ ៧២លានដុល្លាររបស់អ្នកជាប់ពាក់ព័ន្ធនឹងក្រុមហ៊ុនព្រីនស៍

អាជ្ញាធរអង់គ្លេសបានបង្កកផ្ទះប្រណិតមួយនៅកណ្តាលទីក្រុងឡុងដ៍ដែលមានតម្លៃប្រមាណ ៧២លានដុល្លារអាមេរិក បន្ទាប់ពីរកឃើញថា ម្ចាស់អចលនទ្រព្យមួយនេះមានទំនាក់ទំនងជាមួយបុគ្គលម្នាក់ដែលត្រូវបានអង់គ្លេស និងសហរដ្ឋអាមេរិកដាក់ទណ្ឌកម្មពាក់ព័ន្ធនឹងក្រុមហ៊ុនព្រីនស៍គ្រុប (Prince Group) ដែលមានមូលដ្ឋាននៅក្នុងប្រទេសកម្ពុជា។ នេះបើតាមការចុះផ្សាយរបស់គម្រោងរាយការណ៍អំពីឧក្រិដ្ឋកម្ម និងពុករលួយ (OCCRP) នៅថ្ងៃទី១៧ ខែកញ្ញា ឆ្នាំ២០២៦។