រដ្ឋាភិបាលឧបត្ថម្ភប្រាក់ដល់គ្រួសារក្រីក្រដែលរងសម្ពាធដោយសារការឡើងថ្លៃប្រេង និងឧស្ម័ន

រដ្ឋាភិបាលកម្ពុជានៅថ្ងៃសុក្រ​ទី២៥ ខែកញ្ញា ឆ្នាំ២០២៦បានចាប់អនុវត្តកម្មវិធីឧបត្ថម្ភសាច់ប្រាក់ដើម្បីសម្រាលបន្ទុកជីវភាពគ្រួសារក្រីក្រ ងាយរងគ្រោះ និងងាយរងហានិភ័យដោយសារការឡើងថ្លៃប្រេង និងឧស្ម័នឥន្ធនៈ។ ចំណាត់ការរបស់​រដ្ឋាភិបាលស្របនឹងពេលដែលកម្ពុជារងផលប៉ះពាល់​ដោយសារ​វិបត្តិសកល ដូចជា​វិបត្តិពាណិជ្ជកម្ម ភាពតានតឹងភូមិសាស្ត្រនយោបាយ ការរំលោភបំពានរបស់​ថៃមកលើអធិបតេយ្យភាព និងបូរណភាពទឹកដីកម្ពុជា និងសង្គ្រាមនៅតំបន់មជ្ឈិមបូព៌ា។