វេទិកាអ៊ីនធ័រនែតភ្នំពេញ៖ការរីកចម្រើនផ្នែកឌីជីថលជាឱកាសសម្រាប់អភិវឌ្ឍន៍សេដ្ឋកិច្ច និងសង្គម

នៅក្នុងសេចក្តីថ្លែងការណ៍រួមចេញផ្សាយនាថ្ងៃទី២៨ ខែកញ្ញា ឆ្នាំ២០២៦ វេទិកាអ៊ីនធ័រនែតភ្នំពេញប្រចាំឆ្នាំលើកទី៤ បានលើកឡើងថា ភាពរីកចម្រើនផ្នែកឌីជីថលជាឱកាសចាំបាច់សម្រាប់ការអភិវឌ្ឍសេដ្ឋកិច្ច និងសង្គម។ ក៏ប៉ុន្តែ វាក៏ទាមទារឲ្យមានការគោរពសិទ្ធិមនុស្ស សិទ្ធិឯកជនភាព និងសេរីភាពក្នុងការបញ្ចេញមតិជាមូលដ្ឋានដែរ។ ក្នុងន័យនេះ សេចក្តីថ្លែងការណ៍រួមបានស្នើឲ្យរដ្ឋាភិបាលបើកលំហ និងទទួលយកយោបល់ពីភាគីពាក់ព័ន្ធដើម្បីសម្រេចឲ្យបាននូវការអភិវឌ្ឍផ្នែកឌីជីថលដែលមានភាពយូរអង្វែង។