АЙЧИ НАГОЯ 2026: Б.Гончигсүрэн, А.Адъяасүрэн нар хүрэл медаль хүртлээ

Японы Нагоя хотноо үргэлжилж байгаа Азийн наадмын жүдогийн төрөлд хүнд жингийн медальтнууд тодорлоо. Эрэгтэйчүүдийн +100 кг-ын жинд Б.Гончигсүрэн, эмэгтэйчүүдийн +78 кг-ын жинд А.Адъяасүрэн нар хүрэл медаль хүртлээ. +100 кг-ын жинд нийт 12 жүдоч өрсөлдөхөд Б.Гончигсүрэн Казахстаны Йерассил Кажыбаевыг цэвэр ялсан ч хагас шигшээд Узбекистаны Муззафарбек Туробоевт ялагдсан юм. Улмаар хүрлийн төлөө Киргизийн Эмирхан Жолдошказьевыг юүко үнэлгээгээр илүүрхэв. Харин эмэгтэйчүүдийн +78 кг-ын жинд А.Адъяасүрэн хүрлийн төлөө Узбекистаны Умида Нигматоваг ялснаар хүрэл медаль зүүлээ.