អង្គការក្រៅរដ្ឋាភិបាល ថាការបាត់ខ្លួនសកម្មជនប្រឆាំងឡាវម្នាក់ នៅប្រទេសថៃ ជាករណីគាបសង្កត់អ្នកប្រឆាំង
នៅថៃ សកម្មជនជនជាតិឡាវម្នាក់បានបាត់ខ្លួននៅខេត្ត សាមុតសាខន ក្បែរទីក្រុងបាងកក។ ការបាត់ខ្លួនដ៏អាថ៌កំបាំងរបស់សកម្មជនរូបនេះ កំពុងបង្កក្តីព្រួយបារម្ភ នៅក្នុងចំណោមអង្គការក្រៅរដ្ឋាភិបាល។ អង្គការការពារសិទ្ធិមនុស្សសង្ស័យថា នេះជាករណីមួយទៀត នៃករណីគាបសង្កត់ និងបំបិទសំឡេងសកម្មជនប្រឆាំងក្រៅប្រទេស នៅអាស៊ីអាគ្នេយ៍ និងបានរាយការណ៍ ទៅប៉ូលីសមូលដ្ឋាន ដើម្បីស៊ើបអង្កេត និងស្វែងរកអ្នកបាត់ខ្លួន ។