Investment fir Militär-Infrastruktur: En DAP, fir datt den Déngscht an der Arméi méi ewéi eng Linn am CV ass

Fir d’Arméi méi attraktiv ze maachen, huet d’Regierung de Solde vun den Zaldoten ëm 530 Euro de Mount eropgesat a se investéiert méi an d’Militär-Infrastruktur. Elo ass nach en neien DAP d’agent polyvalent de l’Armée agefouert ginn, esou d’Verdeedegungsministesch Yuriko Backes an den Educatiounsminister Claude Meisch e Freideg op enger Pressekonferenz.