Në një aktakuzë prej 168 faqesh, Prokuroria Speciale e Kosovës ka dekonspiruar ngjarjet e ndodhura në Prekaz mes 5 dhe 7 marsit 1998. Dokumenti tregon si u planifikua dhe si u zbatua vrasja e Adem Jasharit dhe e civilëve të tjerë në atë lagje. Bëhet fjalë për aktin e parë penal, që përfshin 35 akterë nga strukturat e larta komanduese të ushtrisë, policisë dhe Ministrisë së Brendshme të Serbisë. Dosja përmend edhe përgjegjësit që ndodheshin në krye të operacionit për sulmin ndaj lagjes së Jasharëve.