चीनले डिजिटल अर्थतन्त्रलाई तीव्र गति दिन र आर्टिफिसियल इन्टेलिजेन्स उद्योगलाई अझ बलियो बनाउन नयाँ राष्ट्रिय डेटा कम्पनी स्थापना गरेको छ। सरकारी समाचार संस्था सिन्ह्वाका अनुसार, ‘नेसनल डेटा ग्रुप कम्पनी’ को औपचारिक स्थापना उत्तरपूर्वी हेबेई प्रान्तस्थित सिओङ्गान नयाँ क्षेत्रमा भएको हो। सिओङ्गानलाई चीनको ‘भविष्यको सहर’ भनी परिचय गरिएको छ। यस कम्पनीको भूमिका डेटा स्रोतहरूको विकास र व्यवस्थापनमा केन्द्रित हुनेछ। यो कदम डिजिटल अर्थतन्त्र र एआई क्षेत्रलाई गति दिने सरकारी प्रयाससँग जोडिएको छ। प्रकाशित विवरणमा पूँजी, प्रबन्धन, सञ्चालन तालिका वा विशिष्ट लक्ष्यहरू उल्लेख छैनन्।