Ўзбекистонда газлашмаган ҳудудлар учун электр энергияси истеъмолининг базавий меъёри 350 кВт/соатгача оширилди

Иситиш мавсумида табиий газ таъминоти мавжуд бўлмаган ёки газ етиб бориши қийин бўлган ҳудудлар аҳолиси учун электр энергияси истеъмолининг базавий меъёри ойига 200 дан 350 кВт/соатгача оширилди. Ҳукумат эҳтиёжманд оилаларга 1 млн сўмдан бир марталик ёрдам пули тўлаш тартибини ҳам тасдиқлади.