Ujarassiorimik taallugu aliikkutaralugu alutornartunik immikkuullarissunillu ujarassiortartunut ukioq manna unammisitsinermi ajugaasutut toqqarneqarnissannut suli periarfissaqarputit.

Illorsuaq maqitsiviusimasoq ukiup affaani atorneqanngilaq. Biililli assartuutit illorsuarmut tassungartut tassanngalu ingerlasut takussaaqqilissapput.

Nunarput nunani tamalaani ulluni makkunani uissuummissutigineqaqaaq. Tamanna avatangiisinik illersuisutut nunarsuarmi tamaalaani ilisimaneqartoq nunatsinni politiinit tigusarineqareernerani pivoq.

Pinngortitaleriffimmeersut Kangerlussuarmi Sisimiullu eqqaanni tuttut ingerlaarfii paasinerujumallugit tuttorpaat GPS-italinnik qungasequsersorpaat. Taamaammat aavartut tamakkuninnga issussinaveersaaqquaat.

Ittoqqortoormiini innuttaasut illersorniarlugit nannullu uloriarnartorsiortitsinngissaat anguniarlugu WWF-ip nannunik alapernaarsuisartui illoqarfiup aqquserngini uani sapaatip-akunnerani angalaartalerput.

Arnaq Johansen arnallu allat 351-it spiralilersuisimanermik qulaajaanermut ilanngussaqarput. Allagaatinik takunnissinnaatitaanermut itigartitsineq akimmisaarutaassanngitsoq, taassuma neriuutigaa.

Nuummi atuarfimmi nutaami Atuarfik Inussummi atuartussat juullernerani sivikinnerusumik atuanngiffeqarnissartik aappaagulu aasaanerani kingusinnerusukkut atuanngiffeqalernissartik naatsorsuutigissavaat.

Angut Qaasuitsup Eqqartuussiviani aalajangigaanngitsumik piffissalerlugu paarisassanngortinneqarpoq. Meeqqamik innarleerujussuarsimaneq pillugu suliami taamanna pivoq.

Spiralilersuisimanerup qulaajarneqarnerani immikkut ilisimasallit qulaajaasut paasissutissat atugassaat nunatsinni peqqinnissaqarfimmit tunniunneqarumanngillat. Taamaattumik naalakkersuisut aaqqiissutissamik ujartuinialerput.

Nanoq Nuup eqqaani sapaatip akunnerani matumani ingerlaarpoq. Qoornumut pingasunngorneq unnukkut apuuppoq, Hans Gerstrømillu pujoorivia kuniorlugu.

Nunatsinni meeqqat aasaanerani atuanngiffeqarnerat sapaatit-akunnialui qaangiuppata naassaaq. Nuummili atuartut atuarfimmi nutaamiilertussat atuartunit allanit sapaatit-akunnerinik marlunnik kingusinnerusukkut atualissapput.

Barack Obama Kamala Harrisip USA-mut præsidentinngorniuteqataaneranut tapersersuinerminik nalunaaruteqangajalertoq, tusarfiit oqarput.

Qeqertarsuup Tunuani, Upernavimmi Uummannamilu qaleralittat ikiliartorlutillu milliartortut, uumassusililerisut oqarput. Aalisartulli taama isumakulutsiginngillat.

Umiarsuit takornariartaatit allallu nunanit allaneersut takornariaqarnermik aningaasarsiortut ingasaleqimmata Ilulissani takornarialerisut akerliussutsimik takutitsipput. Nunaqavissummi iluanaaruteqartariaqarput.

Danmark, nunarput nunallu Natomut ilaasortat sakkutooqarnikkut Issittumi annertusaanissamik USA-p Issittumut periusissiaani kaammattorneqarput.

Valdemar Wilhjelm Geisler periarfissaqartilluni pinngortitamiittuartarpoq, ajoqusernaveersaarnerlu ukiorpassuarni misilittagaqarfigaa. Pinngortitamiinniaraannili suararpassuit piareersimatinneqartuaannassasut taassuma siunnersuutigaa.

Nanoq Nuup kujasissuani ataasinngornermi siumorneqartoq Kangerluarsunnguit paavanni Amitsumi marlunngornermi ullup qeqqata missaani kingullermik takuneqarpoq.

Ruslandip Kinallu nunatsinni Issittumilu piginnaasaqarnerutinniarnagit nakkutilliinerunissaq, sakkutuunik sungiusaanerit amerlanerusut, NATO-llu siammasinnerusumik suleqatiginissaa USA-p Issittoq pillugu periusissiaani nutaami anguniagaqarfiuvoq.

Immikkut ilisimasallit spiralilersuisimanermik qulaajaasut allagaatinik takunnissaatitaanermut akuersissutaat peqqinnissaqarfiup atorunnaarsippaa, qulaajaasussallu suliartik maanna unitsikkallartariaqarlugu

Emmanuel Macronip danskit oqartussaasui avatangiisit pillugit sukataarutillip Paul Watsonip Japaniliaanneqaqquneranut tunngatillugu attavigai.

Uummannami innuttaasut eqqaavissuarmut ikuallattumut qanillattunnginnissaat, Avannaata Kommuniata facebookimi quppernermini kaammattuutigaa.

Avatangiisit pillugit sukataarutillip nunatsinni tigummigallagaaginnassasoq, Nunatta Eqqartuussisuuneqarfiani aalajangerneqarpoq.

Kalaallit Danmarkimi ilinniartorpaaluit immikkut tapiissuteqarfigineqarnissaminnut qinnuteqartut, ilaatigut ukiumut ataasiarlutik angalanermut akiliunneqarnissamik namminersorlutik oqartussanit itigartinneqartarput. Tamanna allanngortinniarlugu ilinniartut peqatigiiffiat, Avalak, maanna iliuuseqarniarpoq.

Inatsisartunut aappaagu apriilimi qinersisussaassaagut, IA-llu siulersuisuunertaavisa partiip qinersereernitsinni nunatsinni politikkikkut siuttuuinnarnissaa qularnaarniarsarilereerpaat.

Angut umiatsiarluni aallarsimasoq tikissimanngimmat maajimi maqaasineqartutut nalunaarutigineqarpoq.

Sapaammi tigusaasoq Paul Watson nunaminnukaanneqassasoq, Japanimiut piumasaraat. Taanna Japaniliaanneqassanersoq Eqqartuussisoqarfik Sermersuumi aggustimi aalajangerneqassaaq.

Qarasaasiani atortutigut tallimanngormat ajutoortoqareersoq atortut qitiusut ingerlaqqilerput. Napparsimasulli oqarasuaatitigut saaffiginnittarnissaat kaammattuutigaa.

Tivolimi aaqqissuussap ilisimaneqarluartup 47-ussaannik matuni, juulip 31-iani ammassavai.

Peqatigiiffik Illorsuit oqaaseqartartuata Lars-Emil Johansenip Illorsuit ammaqqinnissaat suli ilungersuutiginiarlugu oqarpoq.

Qaqqani isumannaatsumik pisunnissamut arlalinnik ajornanngitsunik eqqaamasassaqarpoq. Pingaarnerpaarli tassaavoq, nammineq piginnaasat piviusumit annerusutut nalilernaveersaarnissaat. Pisuttuartartoq misilittagalik taama oqarpoq.

Partiiminni nunaminnilu ataqatigiinnerulertoqarnissaa sulissutiginiarini Donald Trumpilu ajugaaffiginiarini, USA-p præsidentimut tullersorti demokratineersoq Kamala Harris oqarpoq.

Inuit Ataqatigiinni ataqatigiissaarinermi siulittaasup tullia nutaamik inuttalerneqarpoq, siulittaasoq aamma politikkikkut siulittaasup tullia ingerlaqqipput.

USA-p præsidentia Joe Biden, USA-mi præsidentimut qineqqusaarnermit tunuarpoq, USA-mi præsidentimut novembarimi qinersisoqarnissaanit tassa tunuarluni. Biden inoqatinut attaveqaqatigiittarfikkut X-ikkut taama allappoq. Nutaarsiassaqartitsivik AFP taama allaaserisaqarpoq.

Inuk toqungasoq Narsarsuup eqqaani sissami arfininngornermi unnukkut nassaarineqarpoq. Inuk toqungasoq politiinit kinaassusersiniarneqaleruttorpoq.

Amerikamiusut Canadamiusullu innuttaassusilik, nunarsuarlu tamakkerlugu ujaarineqartoq Kalaallit Nunaanni Politiinit sapaammi tigusarineqarpoq. Angut pineqartoq Eqqartuussisoqarfik Sermersuumi ullumi arfininngornermi sassartinneqassaaq.