Өнөөдөр Баян-Өлгий, Ховдын хойд хэсгээр ИХ ЦАС АЮУЛТАЙ үзэгдлийн хэмжээнд хүрнэ

ikon.mn · world
Full story

Mongolia’s meteorological agency warned that on Nov. 12 heavy snow in Bayan-Ulgii and northern Khovd could reach the level of a dangerous phenomenon. It advised people traveling in that direction to check weather and road conditions in advance. Travelers were also told to ensure their vehicle is in good condition, have enough fuel and warm clothing, and avoid unnecessary trips. Herders were advised to keep livestock in nearby pastures.

Өнөөдөр буюу 11-р сарын 12-ны өдөр Баян-Өлгийн нутаг, Ховдын хойд хэсгээр их цас аюултай үзэгдлийн хэмжээнд хүрэхийг цаг уурын байгууллагаас анхаарууллаа. Иймд тус чиглэлд зорчихдоо цаг агаар, замын нөхцөл байдлыг урьдчилан шалгах, автомашины бүрэн бүтэн байдал, шатахууны нөөц, дулаан хувцас, онцын шаардлагагүй бол зорчихгүй байх, малчид малаа ойрын бэлчээрт байлгаж, малын хашаа, хороо, нөмөр нөөлөгтэй газрыг бэлтгэхийг анхааруулав. ЦУОШГ Өнөөдөр нутгийн баруун хэсгээр үүлшинэ. Баян-Өлгий, Ховдын ихэнх, Увсын өмнөд, Завханы баруун сумдын нутгаар 0.2-9.0 мм нойтон цас, цас орж, цасан шуурга шуурна. Бусад нутгаар багавтар үүлтэй, цас орохгүй. Салхи: Баруун аймгуудын нутгийн баруун хэсгээр баруун өмнөөс баруун хойш эргэж, бусад нутгаар баруун өмнөөс секундэд 5-10 метр, өдөртөө Алтайн уулархаг нутгаар секундэд 12-14 метр хүрч ширүүснэ. Агаарын температур: Завхан, Заг-Байдраг голын эхээр -2...-7 градус хүйтэн, Дархадын хотгор, Монгол-Алтайн уулархаг нутаг, Идэр, Тэс голын хөндийгөөр -2...+3 градус, говийн бүс нутгийн өмнөд хэсгээр +10...+15 градус, бусад нутгаар +4…+9 градус дулаан байна. Улаанбаатарт өнөөдөр үүл багасна. Цас орохгүй. Салхи баруунаас секундэд 3-8 метр. Өдөртөө +6...+8 градус дулаан байна.

Read full article → Compare