СЭРЭМЖЛҮҮЛЭГ: Өнөөдөр ИХ ЦАСНЫ аюултай үзэгдэл төвийн нутгаар үргэлжилнэ
The weather agency said a dangerous heavy snow event will continue across central regions today, November 13. Heavy snow is expected in Arkhangai, Bulgan and Orkhon provinces, southern Khuvsgul and Selenge, northern Tuv province and around Ulaanbaatar. It advised people to monitor weather forecasts and warnings and to check conditions when traveling on nearby or distant roads.
Өнөөдөр их цасны аюултай үзэгдэл төвийн нутгаар үргэлжилэхийг цаг уурын байгууллагаас мэдээллээ. Өнөөдөр буюу 11-р сарын 13-ны өдөр Архангай, Булган, Орхон аймгийн нутаг, Хөвсгөл, Сэлэнгийн өмнөд, Төв аймгийн хойд хэсэг, Улаанбаатар хот орчмоор их цас орно. Иймд доорх зөвлөмжийг хүргэж байна. Цаг агаарын мэдээ, сэрэмжлүүлгийг тогтмол авч, хол, ойрын замд зорчихдоо цаг агаар, замын нөхцөл байдлыг урьдчилан шалгах; Зам, даваа, гүвээнд халтиргаа гулгаа үүсэх тул автомашины хурдыг тохируулж, хоорондын зайг баримтлан, хөдөлгөөний аюулгүй байдлыг хангах; Үзэгдэх орчин хязгаарлагдах тул төөрөх, осол аваарт өртөхөөс сэрэмжилж, бага насны хүүхэд, өндөр настан болон мал сүргээ хараа хяналтгүй орхихгүй байх. Малчид малаа ойрын бэлчээрт байлгаж, малын хашаа, хороо, нөмөр нөөлөгтэй газрыг бэлтгээрэй.