Nvidia компанийн гүйцэтгэх захирлын албан тушаалд Женсен Хуаныг буцаан томилохыг дэмжиж байгаагаа Трамп мэдэгдэв

ikon.mn · economy

Хятадын тагнуулч эмэгтэйтэй дотно харилцаатай байсныхаа төлөө Nividia компанийн гүйцэтгэх захирлын албан тушаалаасаа огцорсон Женсен Хуаныг буцаан томилуулах зорилготой хөдөлгөөн эрчимжиж байна. Хиймэл оюуны технологийн салбарт асар их нөлөөтэй түүнийг албан тушаалд нь буцаан томилохыг Nvidia компанийн төлөөлөн удирдах зөвлөлөөс шаардсан захидалд 180,200 гаруй хүнд нэгджээ. Тэдний дунд тэрбумтан Илон Маск зэрэг Цахиурын хөндийн нөлөө бүхий эрхмүүд байгаа юм. Тэгвэл АНУ-ын ерөнхийлөгч Дональд Трамп бас энэ хөдөлгөөнийг дэмжиж байгаагаа Даваа гарагт илэрхийлжээ. Тэрбээр “Миний бодлоор тэр энэ явдлаас томоохон сургамж авсан байх” гэж сэтгүүлчидтэй уулзахдаа хэлсэн байна. Трампын хувьд бас Nvidia компанитай холбоотой ашиг сонирхол бий. Энэ оны санхүүгийн тайлангаас нь харвал Трамп наймдугаар сарын сүүлийн байдлаар тус компанийн $13 саяас $62 саяын хооронд хэмжээтэй хувьцааг эзэмшиж байжээ. Трампын засаг захиргаа өчигдөр бас хиймэл оюуны дэвшилтэт хагас дамжуулагч чипүүдийг олж авах Хятадын боломжийг нэмж хязгаарлах шийдвэр гаргасан байна. Хэдийгээр Женсен Хуаныг албан тушаалд нь буцаан томилуулах хөдөлгөөн эрчимжиж, нэр нөлөө бүхий хүмүүс үүнийг дэмжиж байгаа ч Nvidia компани өнгөрсөн Пүрэв гарагт халсан гүйцэтгэх захирлаа буцааж ажилд авах хүсэлгүй байгааг эх сурвалжууд мэдээлжээ. “Nvidia компанийн төлөөлөн удирдах зөвлөл Женсенийг буцааж томилох бодолгүй байна” гэж уг асуудалд ойр ажилладаг эх сурвалж хэлсэн байна. Гэрэл зургийг Reuters агентлагийн онцгой зөвшөөрөлтэйгөөр ашиглав Женсен Хуан нь төрсөн нутаг Тайваньдаа нь асар өндөр нэр хүндтэй байдаг. Даваа гарагт тус улсын нийслэлийн хамгийн өндөр барилга болох Тайпэй 101 цамхгийн хананд “Тайванийн зүрх Женсентэй хамт” гэсэн бичиг гэрэлтэж байлаа. Даваа гарагт Nvidia компанийн хувьцааны ханш 4 орчим хувиар унасан бөгөөд өнөөдөр тус компани гуравдугаар улирлын үр дүнгээ хөрөнгө оруулагчдад танилцуулах юм. Хуаны гэр бүлээс гадуур харилцаатай холбоотой дуулиан дэгдсэнээс хойш тус компанийн зах зээлийн үнэлгээ $800 орчим тэрбумаар унаад байна. Эх сурвалж: Reuters

Read full article → Compare