លោក ឌ្រីសម៉ាន់ អ៊ីហ្គោរ៍៖ ក្រៅពីមុខវិជ្ជា STEM កម្ពុជាក៏ត្រូវការអ្នកជំនាញនយោបាយ ចិត្តវិទ្យា និងកសិកម្ម
ថ្ងៃទី១៨ ខែវិច្ឆិកា ឆ្នាំ២០២៦ សហភាពអឺរ៉ុបបានរៀបចំកម្មវិធីតាំងពិព័រណ៍ «សិក្សានៅអឺរ៉ុប» ប្រចាំឆ្នាំ២០២៦ ដែលធ្វើឡើងនៅកោះពេជ្រ រាជធានីភ្នំពេញ។ ផ្តល់បទសម្ភាសផ្តាច់មុខឲ្យវិទ្យុបារាំងអន្តរជាតិ RFI លោក ឌ្រីសម៉ាន់ អ៊ីហ្គោរ៍ ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានលើកទឹកចិត្តយុវជនខ្មែរទៅសិក្សានៅអឺរ៉ុប លើជំនាញជាច្រើនដូចជា វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ជាដើម។ តែជាមួយគ្នានេះ លោក ឌ្រីសម៉ាន់ អ៊ីហ្គោរ៍ លើកឡើងថា ក្រៅពីមុខវិជ្ជា STEM កម្ពុជាក៏ត្រូវការអ្នកជំនាញវិទ្យាសាស្ត្រនយោបាយ ចិត្តវិទ្យា និងកសិកម្មផងដែរ៕