Ц.Төвшинтөр: Сэлбэ дэд төвийн 31 блок дулаанд холбогдож, дотор заслыг хийх боломж бүрдэж байна

ikon.mn · world
Full story

Thirty-one residential block buildings in the Selbe sub-center have begun receiving thermal energy. The sub-center’s heat supply is planned from two sources, Selbe and Dambadarjaa, with this year’s first phase connected to the Selbe thermal station. The Selbe station was commissioned in 2021, and station director Ch. Darkhanbaatar said it currently supplies schools, kindergartens and hospitals. The connection also makes interior repair work possible.

Сэлбэ дэд төвийн орон сууцны 31 блок барилга дулааны эрчим хүчээ авч эхэлжээ. Тус төвийн дулаан хангамжийг Сэлбэ болон Дамбадаржаа гэсэн хоёр эх үүсвэрээс авахаар төлөвлөсөн бөгөөд эхний ээлжид буюу энэ онд Сэлбэ дулааны станцад холбогдож байгаа аж. Тус станц 2021 онд ашиглалтад орсон байна. Энэ тухай станцын захирал Ч.Дарханбаатар: Манай станц одоогоор сургууль, цэцэрлэг, эмнэлэг, айл өрх, аж ахуйн нэгж зэрэг нийт 52 байгууллагыг дулаанаар хангадаг. Өвөлжилтийн бэлтгэлийн хүрээнд станцад урсгал болон их засварын ажлуудыг хийж гүйцэтгэсэн. Одоо Сэлбэ дэд төвийн эхний ээлжийн барилгуудыг дулаанаар хангаж байна. Сэлбэ дэд төвийн хяналтын инженер Ц.Төвшинтөр " 2026-2027 оны халаалтын улиралд бэлэн болсон барилгууд маань эхнээсээ дулаанаа авч байна. Ингэснээр энэ өвөл дотор заслын ажлыг тасралтгүй үргэлжлүүлэх боломж бүрдэж байгаа юм. Суурь дэд бүтэц болох халаалтын нэгдүгээр хэлхээний шугам болон ус, дулаан дамжуулах төвүүдийн барилга угсралтын ажлыг 2021 онд хийж гүйцэтгэсэн. Харин энэ онд төслийн төлөвлөгөөний дагуу халаалтын хоёрдугаар хэлхээ болон ус хангамжийн шугам сүлжээний угсралтын ажлыг үргэлжлүүлэн гүйцэтгэж байна" гэв. Харин 63 МВт хүчин чадалтай Дамбадаржаа дулааны станцын барилга угсралтын ажлыг “Хятадын Хоёрдугаар металлурги групп корпорац” компани гүйцэтгэж байгаа бөгөөд энэ оны есдүгээр сарын байдлаар 70 хувьд хүрсэн арванхоёрдугаар сарын сүүлчээр станцын эхний туршилт тохируулгыг хийж дуусгахаар төлөвлөснийг мэдээлээд байгаа юм.

Read full article → Compare