"Оросууд хар тамхины бүр том сүлжээг Монголд үүсгэчихсэн. Google maps дээр нэг хаяг тэмдэглээд өгнө, очиход хар тамхи үлдээчихсэн байдаг"

<p>Мансууруулах бодисын хамаарлаа эмчлүүлж буй нэгэн иргэн өөрийн түүхээ сэрэмжлүүлэх үүднээс хуваалцсаныг хүргэж байна.&nbsp;</p> <p><strong>ИРГЭН:</strong>&nbsp;Би хоёр жилийн өмнө Солонгос улсад байхдаа хэрэглэж эхэлсэн. Их сургуульдаа 85 хувийн тэтгэлэг авч ороод олон улсын хүүхдүүдтэй нэг ангид хамт сурдаг байсан.</p> <p>Вьетнам хүүхдүүд анх надад вэйпэний&nbsp;шингэн шиг бодисыг санал болгосон. Тэр Вьетнам хүүхэд &quot;манай нутгийн тан гэдэг зүйл, чи хэрэглэвэл хичээлдээ сайн болно&quot; гэж хэлээд надад өгсөн. Тухайн үед сайн мэдээлэлгүйн улмаас үнэгүй олдоно гэж бодоод хэрэглээд яваад байдаг. Гэтэл тэр шингэнээс болж нойр хоолгүй, турж эцэж, хичээлээ хийж чадахаа больж эхэлсэн.&nbsp;</p> <p>Тухайн Вьетнам хүүхэд хар тамхины хэргээс болж Солонгосоос явсан. Араас нь холбогддог байсан сошиал хаягаар нь асуусан чинь &quot;Солонгост байдаг Вьетнамчуудтай чамайг холбоод өгье. Энэ чинь хар тамхи, одоо чи мөнгөөр худалдаж авна&quot; гэсэн.&nbsp;</p> <blockquote> <p>Тухайн үед 300 мянган воноор долоо хоногийн хэрэглээний шингэн авдаг. Ажил хийж мөнгө&nbsp;олоод авчихдаг болсон. Иймэрхүү байдалтай Солонгост жил гаруй хугацаатай амьдарсан.&nbsp;</p> </blockquote> <p>Гэрийнхэнтэйгээ ярилцаад Монголд ирж амьдрахаар шийдсэн. Монголд ирээд Оросуудын хар тамхины бүр том сүлжээ байдгийг мэдсэн. Сайт хэлбэрээр үйл ажиллагаа явуулж мөнгөө&nbsp;крипто валютаар&nbsp;солиулаад төлбөрөө төлөөд хар тамхиа авчихдаг. Эрүүл ухаангүй байсан учраас тэр сүлжээг яаж олж авснаа санахгүй байна.&nbsp;</p> <p>Оросуудын сүлжээ энд тэндгүй байдаг. Google maps дээр нэг хаяг тэмдэглээд өгнө, очиход хар тамхи үлдээчихсэн байдаг. Орос, Вьетнам, Тайландууд манай улсад том сүлжээ үүсгэчихсэн байгаа.&nbsp;</p> <div class="ikon-block-container">Хар тамхинд үрсэн мөнгөө бодохоор сэтгэл гутралд орчихдог. Ойролцоогоор 300-400 гаруй сая төгрөг зарцуулсан. Өөрөө ажил хийдэг байсан учраас олсон мөнгөөрөө авна. Заримдаа аав ээждээ худал ярьж авна. Хүн ер нь эд хөрөнгөө зараад эхэлдэг юм билээ.&nbsp;</div> <p>Гэр бүлтэйгээ эрүүл харилцаатай байхын төлөө энэ эмчилгээнд явж байгаа. Нойрны маш том асуудалтай байсан бол энд ирснээс хойш харьцангуй сайжирч байна.&nbsp;</p> <p>Тогтмол хэрэглэхгүй бол нойр хүрэхгүй.&nbsp;Анх татаж эхлэхэд аливаа зүйлийг сөргөөр хардаг байсан мэдрэмжүүд 2-3 цагийн зайтай алга болно. Дахиад хэрэглэхгүй бол дотроос нэхэж эхэлнэ.</p>