នៅបារាំង មហាបាតុកម្ម បង្កហិង្សា រីករាលដាលស្ទើរពេញប្រទេស

នៅបារាំង ថ្ងៃសៅរ៍ ទី១៧ តុលា បាតុករច្រើនម៉ឺននាក់ បានចុះផ្លូវធ្វើបាតុកម្មទ្រង់ទ្រាយធំ នៅកណ្តាលរដ្ឋធានីប៉ារីស និងនៅតាមបណ្តាខេត្តក្រុងធំៗ ដើម្បីតវ៉ាប្រឆាំងនឹងទំនិញឡើងថ្លៃ ទាមទារកំណែទម្រង់ប្រព័ន្ធអប់រំ និងសេវាសាធារណៈ ជាដើម។ មានក្រុមជនឆ្លៀតឱកាសមកពីច្រើនមជ្ឈដ្ឋាន បានដុតបំផ្លាញទ្រព្យសម្បតិ្តសាធារណៈ និងឯកជន ចូលគាស់លួចប្លន់ តាមហាងទំនិញផ្សេងៗ។ បើផ្អែកតាមអាជ្ញាធរបារាំាង នៅព្រឹកថ្ងៃអាទិត្យនេះ មានអ្នករបួសប្រមាណ ១៥០នាក់ និងចាប់ខ្លួនមនុស្ស ប្រមាណ ១៨០០នាក់។