បារាំង៖ លោកម៉ាក្រុងមិនឲ្យរដ្ឋមន្ត្រីមហាផ្ទៃចុះពីតំណែង តែតម្រូវឲ្យប្តូរវិធានការទប់ហិង្សា
បញ្ហាចលាចលយ៉ាងអាណាធិបតេយ្យនៅបារាំង កាលពីថ្ងៃសៅរ៍កន្លងទៅ បានបង្ហាញពីវិបត្តិជម្លោះសង្គម នយោបាយ និងសេដ្ឋកិច្ច កាន់តែពុះកញ្ជ្រោល ជាមួយនឹងការដឹកនាំរបស់លោកម៉ាក្រុងដែលប្រជាជនកាន់តែរិះគន់។ ព្រឹកថ្ងៃចន្ទនេះ លោករដ្ឋមន្ត្រីមហាផ្ទៃបារាំង ឡូរង់ នូញ៉េ បានដាក់ពាក្យលាចុះពីមុខតំណែង ដោយទទួលស្គាល់ថាមានកំហុសក្នុងប្រតិបត្តិការទប់ស្កាត់កុបកម្ម និងការវាយបំផ្លាញ។ តែយ៉ាងណា លោកម៉ាក្រុងបានបដិសេធការសុំលាឈប់នេះ តែទន្ទឹមនឹងនេះ លោកបានទាមទារឲ្យមានការផ្លាស់ប្តូរវិធានការ ក្នុងការប្រយុទ្ធទប់ទល់នឹងការក្រុមអន្ធពាលវាយបំផ្លាញទ្រព្យសម្បត្តិឯកជន និងសាធារណៈ។