Японы ерөнхий сайд шинээр босгосон ялалтын хөшөөгөө буулгахыг Оросын талаас шаарджээ

<p>Бямба гарагт Японы ерөнхий сайд Санае Такаичи өмнөх өдөр нь Хабаровск хотод нээгдсэн ялалтын хөшөөгөө буулгахыг Оросын талаас шаарджээ.</p> <p>Алс Дорнодын хотод босгосон уг хөшөөнд хризантем (шиваантиг) цэцгийн сүлд сийлсэн чулууг Зөвлөлтийн цэрэг эвдэж байгааг дүрсэлсэн юм байна.</p> <p>16 дэлбээтэй хризантем цэцэг нь Японы төрийн бэлгэдэлд тооцогддог.</p> <p>Тиймээс уг бэлгэдлийг эвдэж байгааг харуулсан хөшөөг &ldquo;хүлээн зөвшөөрөх ямар ч боломжгүй&rdquo; гэж Такаичи мэдэгджээ.</p> <p>Японы гадаад хэргийн сайд Тошимицү Мотеги бас ийм хөшөө босгосонд харамсал илэрхийлээд энэ нь хоёр талын харилцаанд хор хохиролтойг анхааруулсан байна.</p> <p>Хөшөөг дэлхийн хоёрдугаар дайнд Орос улс Японыг ялсны ойтой давхцуулан Пүрэв гарагт нээжээ.</p> <p>Япон улс 1945 оны наймдугаар сарын 15-нд бууж өгснөө зарлаж, есдүгээр сарын эхээр бууж өгөх баримт бичигт албан ёсоор гарын үсэг зурж байв.</p> <p>2023 онд Орос улс есдүгээр сарын 3-ны өдрийг &ldquo;Дэлхийн Хоёрдугаар дайны төгсгөлийн өдөр&rdquo; гэж нэрлэдэг байснаа &ldquo;Милитарист Японыг ялсан өдөр ба Дэлхийн Хоёрдугаар дайны төгсгөлийн өдөр&rdquo; болгон өөрчилсөн юм.</p> <p>ОХУ-ын ерөнхийлөгч Путин өнгөрсөн сард Японтой газар нутгийн маргаантай байдаг аралд анх удаа хөл тавьсан нь бас Токиогийн эрх баригчдын эсэргүүцэлтэй тулгарч байв.</p> <p>Орос улс 2022 онд Украинд халдан довтолсны дараа Их Долоогийн бүлгийн авсан хориг арга хэмжээнд&nbsp; Япон улс нэгдсэн нь хоёр улсын харилцааг эрс муутгаад байгаа юм.</p> <p>&nbsp;</p> <p>Эх сурвалж: <strong>Kyodo News</strong></p> <p>&nbsp;</p>