П.Ганзориг: Төр засгийн тогтвортой байдлыг хангахад ХҮН нам байр сууриа нэгтгэсэн

<p>ХҮН намын зөвлөл өнөөдөр хэвлэлийн хурал зохион байгуулж, төсвийн тодотголын тухай болон Засгийн газрын тогтвортой байдлыг хадгалах талаарх байр сууриа илэрхийллээ.</p> <p>Хурлын эхэнд <strong>ХҮН намын зөвлөлийн дарга П.Ганзориг</strong> 2026 оны төсвийг тодотгох нь зөв гэж үзэж буйгаа онцолсон.</p> <p>Тэрбээр &quot;ХҮН нам төсвийг тодотгох нь зөв гэж үзэж байгаа хэдий ч оруулж ирсэн төсөл нь мөчлөг дагасан, түр зуурын арга хэмжээ авахаар байна. Цалин хөлс нэмж, иргэдийн орлогыг өсгөнө гэсэн ч инфляц өдөөх эрсдэлтэй.&nbsp;</p> <div class="ikon-block-container">Мөн Дотоодын Нийт Бүтээгдэхүүн(ДНБ)-ий хоёр хувьтай тэнцэж байгаа төсвийн алдагдлыг Засгийн газар үнэт цаас гаргаж санхүүжүүлэх гэж байна. Өөрөөр хэлбэл өр зээл&nbsp;тавьж санхүүжүүлэх нь. Ингэснээр зах зээл дээрх мөнгийг Засгийн газрын бонд руу шилжүүлж, аж ахуйн нэгж, жижиг, дунд бизнесүүдэд очих санхүүгийн хүртээмжийг бууруулах нөхцөл үүсэх тул анхаарах ёстой&quot; гэлээ.</div> <p>Түүнчлэн Монгол Ардын Нам(МАН)-ын дарга Н.Учралын тэргүүлж буй Засгийн газрыг огцруулах эсэх яриа гараад буй энэ цаг үед ХҮН намын Төлөөлөх зөвлөл өнгөрсөн долоо хоногийн Баасан гарагт хуралдаж, байр сууриа нэгтгэжээ.</p> <p>Энэ талаар <strong>ХҮН намын Зөвлөлийн дарга П.Ганзориг </strong>&quot;2024 онд ХҮН нам Засгийн газарт хамтран ажиллаж эхэлснээсээ хойш төр засгийн болон бодлогын тогтвортой байдлыг нэн тэргүүнд тавьж ирсэн. МАН-ын хэн нь Ерөнхий сайд болох нь бидэнд чухал биш. Гэхдээ үүний цаана Монголын нийт иргэн, аж ахуйн нэгжийн үйл ажиллагаа, цалин орлого явж байгаа тул бодлогын тогтвортой байдлыг хангах ёстой.</p> <p>Өнгөрсөн хоёр жилийн хугацаанд УИХ-ын гурав дахь дарга, гурав дахь Ерөнхий сайдаа сонгон ажиллаж байна. 2027 онд Ерөнхийлөгчийн, 2028 онд УИХ-ын сонгуультай. Ард түмэн УИХ, Засгийн газарт сонгуулиур&nbsp;дүнгээ тавина. Иймд төр засгийн тогтвортой байдлыг хангахад байр сууриа нэгтгэсэн&quot; гэлээ.</p>