ការស៊ើបអង្កេត៖ពលរដ្ឋខ្មែរជិត១៧ម៉ឺនគ្រួសារលក់ដីសងបំណុល ខណៈកូនបំណុលខ្លះធ្វើអត្តឃាត

ប្រជាពលរដ្ឋកម្ពុជាជិត១៧ម៉ឺន (១៦៧.០០០) គ្រួសារ បានលក់ដី ដើម្បីដោះបំណុលមីក្រូហិរញ្ញវត្ថុ ស្របពេលដែលអ្នកទាំងនោះបានកាត់បន្ថយម្ហូបអាហារប្រចាំថ្ងៃ និងកូនៗត្រូវឈប់រៀនដើម្បីធ្វើការងារដោះបំណុល ខណៈកូនបំណុលមួយចំនួនធ្វើអត្តឃាត ដោយសារជំពាក់បំណុលវ័ណ្ឌក។ នេះជាការ​រកឃើញ​នៅក្នុង​របាយការណ៍​ស៊ើបអង្កេតមួយដែល​ចេញ​ផ្សាយ​នៅថ្ងៃទី៦ ខែតុលា ឆ្នាំ​២០២៦ ដោយ​អង្គការសិទ្ធិមនុស្ស លីកាដូ។