ផ្សែងពុលពីភ្លើងឆេះព្រៃនៅឥណ្ឌូណេស៊ី បន្តបង្កហានិភ័យដល់សុខភាពមនុស្សក្នុងតំបន់ និងប្រទេសជិតខាង
ផ្សែងពុលពីភ្លើងឆេះព្រៃនៅឥណ្ឌូណេស៊ីដែលបានអូសបន្លាយជាច្រើនសប្តាហ៍បន្តបង្កផលប៉ះពាល់កាន់តែខ្លាំងឡើងៗទៅលើគុណភាពខ្យល់ និងសុខភាពមនុស្សនៅតាមបណ្តាប្រទេសជិតខាងក្នុងតំបន់។ នៅថ្ងៃពុធ ទី ១៤ តុលានេះ គុណភាពខ្យល់នៅប្រទេសសិង្ហបុរីបានធ្លាក់ចុះដល់កម្រិតគ្រោះថ្នាក់បំផុត។ ចំណែកប្រទេសទីម័រខាងកើតបានសម្រេចបិទសាលារៀនទូទាំងប្រទេសរយៈពេល ៣ថ្ងៃដើម្បីការពារសុវត្ថិភាពសិស្សសាលា ពិសេសក្មេងតូចៗ។ វិបត្តិផ្សែងពុលនេះកំពុងបង្កជាបញ្ហាចម្បងដល់សុខភាព និងការរស់នៅប្រចាំថ្ងៃរបស់ប្រជាជនឥណ្ឌូណេស៊ីផ្ទាល់ដែរ។