អាជ្ញាធរខេត្តសៀមរាបការពារចំណាត់ផ្លូវច្បាប់ទៅលើជាងឈើម្នាក់ ខណៈពលរដ្ឋរិះគន់
នៅថ្ងៃទី ៥ ខែតុលា ឆ្នាំ២០២៦ រដ្ឋបាលខេត្តសៀមរាបបានចេញមកបំភ្លឺ ចំពោះចំណាត់ការផ្លូវច្បាប់ទៅលើអ្នកធ្វើដងចប និងដងពូថៅម្នាក់ ពីបទកែច្នៃខុសច្បាប់ នូវអនុផលព្រៃឈើពីក្នុងដែនជម្រកការពារសត្វព្រៃ។ ការបំភ្លឺរបស់អាជ្ញាធរខេត្តទេសចរណ៍មួយនេះ បន្ទាប់ពីអ្នកប្រើប្រាស់បណ្តាញសង្គម រិះគន់នឹងចំណាត់ការរបស់អាជ្ញាធរថា ហ៊ានធ្វើតែទៅលើអ្នកកាប់ឈើតូចតាច និងចោទថាខ្លាចមិនហ៊ានចាត់ការលើឈ្មួញគ្រាក់ៗដែលបំផ្លាញព្រៃឈើទ្រង់ទ្រាយធំ។