នេះ​​ជាលើកទី​១ហើយ​ ក្នុង​ប្រវត្តិសាស្ត្រ​នៃកីឡាអូឡាំពិក ដែល​កម្មវិធី​បើកសម្ពោធ​ត្រូវគេ​រៀបចំនៅខាងក្រៅពហុកីឡាដ្ឋាន។ កម្មវិធី​សម្ពោធ​កីឡាអូឡាពិក ទីក្រុងប៉ារីស​២០២៤ នឹងប្រារព្ធឡើងនៅ​កណ្តាល​ទីក្រុង​ប៉ារីស​តែម្តង តាមដងទន្លេសែន ដែល​អមសងខាង​ដោយ​វិមាន​ និង​សំណង់អគារបេតិកភណ្ឌដ៏​ល្អវិចិត្រ​​នានា​របស់បារាំង​។ កម្មវិធីនៅទីលាន​បើកចំហរបែបនេះ តម្រូវឲ្យ​អ្នករៀបចំ​​ ក៏ដូចជាអាជ្ញាធរបារាំង ត្រៀម​នូវ​វិធានការ​ការពារសន្តិសុខដ៏តឹងតែងបំផុត ដើម្បី​ការពារភ្ញៀវកិត្តិយសទាំង​៣២ម៉ឺននាក់ និង​គណៈប្រតិភូកីឡាប្រមាណ​៧០០០នាក់​។

នៅក្នុងការប្រកួតកីឡាអូឡាំពិករដូវក្តៅ លើកទី​៣៣ នៅទីក្រុង​ប៉ារីស មានកីឡាករ​បីរូប​តំណាង​ប្រទេស​កម្ពុជា​ដែលនៅក្នុងនោះ ពីររូបជា​កូនកាត់ខ្មែរបរទេស។ នៅថ្ងៃពុធទី ២៤​កក្កដា ពោល​គឺ​នៅ២ ថ្ងៃមុន​ពិធីបើកសម្ពោធការប្រកួតកីឡាអូឡាំពិក ប៉ារីស ២០២៤ កីឡាករ​ និងគណៈប្រតិភូកម្ពុជាដឹកនាំ​ដោយ​រដ្ឋមន្រ្តីក្រសួងអប់រំ និង​គណៈកម្មាធិការជាតិអូឡាំពិក​​ត្រូវបានទទួលស្វាគម នៅ​និវេសនដ្ឋាន​ឯកអគ្គរាជទូតនៅទីក្រុង​ប៉ារីស។ យើងស្តាប់បទយកការណ៍របស់ឈាង បុប្ផា

នៅ​ថ្ងៃសុក្រទី ២៦​កក្កដា បារាំង​បើកសម្ពោធ​​កីឡាអូឡាំពិក ប៉ារីស ២០២៤ ដែល​គ្រប់គ្នា​បានទន្ទឹងរង់ចាំ​ជាយូរមកហើយ។ រៀបចំ​ព្រឹត្តិការណ៍ ជា​មោទនភាពធំបំផុត​សម្រាប់​បារាំង ដែល​បាន​ចំណាយ​ថវិកា​សន្ធឹកសន្ធាប់​​នៅក្នុង​ការបង្កើត​ហេដ្ឋារចនាសម្ព័ន្ធ​សម្រាប់វិញ្ញាសារកីឡាអូឡាំពិក។ ទទួល​ធ្វើជា​ម្ចាស់ផ្ទះ​រៀបចំ​កីឡាអូឡាំពិកលើកទី​៣៣ បារាំង​មិនត្រឹម​មាន​ឱកាសទាក់ទាញភ្ញៀវទេសចរ​ឲ្យ​មក​ចាប់អារម្មណ៍​ទស្សនា​មើល​សំណង់​សា្ថបត្យកម្ម​របស់​បារាំងតែប៉ុណ្ណោះទេ ប៉ុន្តែ ជា​ឱកាស​ដែលបារាំង​បង្ហាញ​ស្នាដៃ ការច្នៃប្រឌិតប៉ិនប្រសប់របស់ខ្លួន​ដែល​ចេះ​បង្កើត​រៀបចំ កីឡាអូឡាំពិក​ដោយ​មិនខ្ជះខ្ជាយ​លុយរដ្ឋ ពោល​គឺ​លុយរបស់​ប្រជាជនបារាំងដែលជា​អ្នកបង់ពន្ធ។

កីឡាអូឡាពិក​ គឺ ជាព្រឹត្តិការណ៍កីឡាអន្តរជាតិ ដែលមានមនុស្សតាមដានច្រើងជាងគេបំផុត។ ជាក់ស្តែង នៅរៀងរាល់ការប្រកួត កីឡាអូឡាំពិកម្តងៗ មានអ្នកទស្សនាតាមកញ្ចក់ទូរទស្សន៍ មិនក្រោម ១ពាន់ ៥០០ លាននាក់ ពីជុំវិញពិភពលោក។ សារៈសំខាន់ និងប្រជាប្រិយភាព ដ៏ធំសម្បើមនេះហើយ ដែលជាមូលហេតុ នាំឲ្យកីឡាអូឡាំពិក តែងរងសម្ពាធ និង ឥទ្ធិពល ពីបរិបទភូមិសាស្ត្រនយោបាយសកល។ 

ប្រទេស​បារាំង​ បាន​រៀបចំព្រឹត្តិការណ៍​កីឡាអូឡាពិក ចំនួន​២ដង​រួចមកហើយ។ ម្តង នៅ​ឆ្នាំ​១៩០០ ហើយលើកទី២ នៅឆ្នាំ​១៩២៤។ មួយ​សតវត្សរ៍ក្រោយមក បារាំងមាន​ឱកាសធ្វើ​ជាម្ចាស់ផ្ទះ​​រៀបចំ​ព្រឹត្តិការណ៍កីឡា​​ពិភពលោកនេះជាថ្មី ដែលត្រូវ​ចាប់ផ្តើម​សម្ពោធ ​នៅល្ងាច​ថ្ងៃទី​២៦ ខែកក្កដា ឆ្នាំ២០២៤នេះ នៅកណ្តាលទីក្រុងប៉ារីស​។​

រយៈពេល​១០ឆ្នាំ​ចុងក្រោយនេះ ​វិស័យ​អប់រំ​កម្ពុជា ​ពិសេស​កំរិត​បឋមភូមិ ​និង​កំរិត​ទុតិយភូមិ​មានការ​រីកចម្រើន​គួរឲ្យ​កត់សម្គាល់​។ នេះបើតាម​ការអះអាង​របស់​រដ្ឋាភិបាល។ ​តែនៅក្នុង​ក្រសែភ្នែក​អ្នកពាក់ព័ន្ធ​នឹងការសិក្សា​អប់រំ​មួយចំនួន​វិញ ​វិស័យអប់រំ​កម្ពុជា​នៅមាន​ភាព​យឺតយ៉ាវ​ជាងគេ ​ធៀបនឹង​ប្រទេស​មួយចំនួន​នៅក្នុង​តំបន់​។ ​លោកគ្រូ ​អ្នកគ្រូ​សម្រាប់​ថ្នាក់​ក្រោម​ឧត្តមសិក្សា​នៅតែ​ចល័ត​ពី​សាលារដ្ឋ​ទៅបំពេញ​បន្ថែមម៉ោង​បង្រៀន​នៅតាម​បណ្តាសាលា​ឯកជន​ដើម្បី​បំប៉ន​សេដ្ឋកិច្ច​គ្រួសារ​។ ទង្វើបែបនេះ​ត្រូវបាន​រិះគន់​ពីគុណភាព​បង្រៀន​របស់​លោកគ្រូ ​អ្នកគ្រូ​នៅសាលា​រដ្ឋ​។ តើល្មម​ដល់ពេល​ដែល​ត្រូវ​ញែក​ឲ្យដាច់​រវាង​គ្រូបង្រៀន​នៅ​សាលារដ្ឋ ​និង​សាលា​ឯកជន​ដើម្បី​ធានា​គុណភាព​អប់រំ​ ឬ​យ៉ាងណា​?

នៅប្រទេសអេត្យូពី​ មានករណី​គ្រោះមហន្តរាយ​បាក់ដី​ លាយ​ឡំដោយ​ភក់​ល្បប់ បានកើតឡើង​កាលពីថ្ងៃចន្ទ ទី​២២កក្កដា​កន្លងទៅ។ គិតត្រឹមថ្ងៃ​ព្រហស្បតិ៍​ មហ​ន្តរាយ​នេះ​បានផ្តាច់ជីវិតមនុស្ស​២៥៧នាក់។ តែ​យោងតាម​អង្គការសហប្រជាជាតិ​ ចំនួន​មនុស្ស​ស្លាប់​អាចនឹងឡើង​ដល់៥០០នាក់យ៉ាងហោច ព្រោះថានៅមាន​មនុស្សបាត់ខ្លួនជាច្រើនរយ​នាក់ ដែល​ក្រុម​សង្គ្រោះនៅពុំទាន់រកឃើញ​។

គិត​ត្រឹម​ថ្ងៃ​ព្រហស្បតិ៍ ទី​២៥កក្កដា​ បាតុកម្ម​ហិង្សា​​នៅបង់ក្លាដែស​ បណ្តាល​ឲ្យ​ស្លាប់​មនុស្ស​ យ៉ាងហោច ជាង​ ១៩០នាក់​។​ ក្នុងចំណោមមរណជនទាំងនោះ ​មា​នទាំង​ខាងក្រុម​និស្សិត​បាតុករ​​និង​ក្រុម​ប៉ូលិស។​ នៅគ្រានេះ​ ឧត្តម​ស្នងការ​សិទ្ធិមនុស្សអង្គការ​សហប្រជាជាតិ បាន​ទាមទារបង្កើត​គណៈកម្មការ​​ស៊ើប​អង្កេតឯករាជ ដើម្បី​ស៊ើប​អង្កេត​​ចំពោះ​ការបង្ក្រាប​បាតុករ​ និង​រំលោភ​បំពាន​សិទ្ធិមនុស្ស​ បង្កឡើងពី​សំណាក់​អាជ្ញាធរ​បង់ក្លាដែស​។

លោក ធែល ធីលែន ដែលគេស្គាល់ជាសកម្មជនរិះគន់នឹងការបង្កើតដេប៉ាតឺម៉ង់ភាសាវៀតណាមកំពុងត្រូវសង្ស័យមានការចាប់ខ្លួនជាថ្មី បន្ទាប់ពីសមត្ថកិច្ចបានចូលទៅចាប់រូបលោកនៅល្ងាចថ្ងៃពុធ ទី២៥ កក្កដា ឆ្នាំ២០២៤។ ការសង្ស័យចាប់ខ្លួនជាថ្មីនេះ បន្ទាប់ពីរូបលោកបានបង្ហោះវីដេអូមួយលើបណ្តាញសង្គមដោយបង្ហាញពីចេតនាមិនគាំទ្រចំពោះការបង្កើតតំបន់អភិវឌ្ឍត្រីកោណកម្ពុជា ឡាវ វៀតណាម ឬហៅ CLV។

នៅព្រឹកថ្ងៃព្រហស្បតិ៍ ទី២៥ កក្កដានេះ ប្រធានព្រឹទ្ធសភាកម្ពុជា លោក ហ៊ុន សែនបានធ្វើដំណើរទៅកាន់ទីក្រុងហាណូយ ប្រទេសវៀតណាមដើម្បីចូលរួមគោរពវិញ្ញាណក្ខន្ធសពអគ្គលេខាធិការបក្សកុម្មុយនិស្តវៀតណាមលោកង្វៀន ភូចុង។ ចំណែកឥស្សរជននយោបាយមួយចំនួននៃគណបក្សប្រជាជនកម្ពុជាក៏បានចូលរួមពិធីដូចគ្នានេះដែរ តែនៅឯស្ថានទូតវៀតណាមប្រចាំទីក្រុងភ្នំពេញ។

ប្រធានាធិ​បតី​សហរដ្ឋអាមេរិក ចូ បៃដិន ​​មាន​ប្រសាសន៍ថា លោក​ដកបេក្ខភាព​ចេញពីការប្រកួត​ប្រជែង​បោះឆ្នោត​ប្រធានាធិបតី​ ពី​ព្រោះដើម្បីជួយ​សង្គ្រោះ​លទ្ធិប្រជាធិបតេយ្យ ព្រមទាំង​ ទុក​កន្លែងនិង​សំឡេង​​ឲ្យ​យុវជន​ជាន់​ថ្មី​បន្តវេន​។ នេះជា​ការធ្វើ​សុន្ទរកថា​​​ពន្យល់ ​ជាលើកទី១របស់​លោក ចូ បៃដិន ក្រោយ​ងើប​ពី​ឈឺ​ជំងឺ​កូវីដ​១៩។ ​​

ប្រធាន​គណបក្ស​ភ្លើងទៀន ​លោក ​ទាវ វណ្ណុល ​ត្រូវបាន​តុលាការ​ផ្តន្ទាទោស​ពីបទ​បរិហារកេរ្តិ៍​ជាសាធារណៈ​នៅថ្ងៃ​ទី​២៥ ខែ​កក្កដា ឆ្នាំ​២០២៤​នេះ ហើយត្រូវបាន​បង្គាប់​ឲ្យសង​សំណង​ខូចខាត​សរុប​ជាទឹកប្រាក់ ​១,៥​លាន​ដុល្លារ​ទៅឲ្យ​រដ្ឋាភិបាល​ដែលជា​ភាគី​ដើមបណ្តឹង​។ រឿងរ៉ាវ​ស្រដៀងគ្នា​នេះ​ធ្លាប់​កើត​កាលពី​ឆ្នាំ២០២២ ​ដោយ​តុលាការ​បាន​បង្គាប់ឲ្យ​លោក ​សុន ឆ័យ ​អនុ​ប្រធាន​គណបក្ស​ភ្លើងទៀន​សង​សំណង​ខូចខាត​សរុប​ប្រមាណ ​១​លាន​ដុល្លា​ទៅឲ្យ​គណបក្ស​ប្រជាជន​។ ​អ្នកវិភាគ​នយោបាយ ​និង​សង្គម​មានយោបល់​ខុសគ្នា​ដោយចោទ​សួរថា ​តើ​ការប្តឹង​ទារ​សំណង​ជំងឺចិត្ត​រាប់លាន​ដុល្លារ​ជា​យុទ្ធសាស្ត្រ​របស់​បក្សកាន់អំណាច​ដើម្បី​ផ្តាច់​ច្រក​នយោបាយ ​និង​ហិរញ្ញវត្ថុ​របស់​បក្ស​ប្រឆាំង ​ឬ​យ៉ាងណា​?

ខ្យល់ព្យុះទីហ្វុង​ Gaemi បានបោកសង្គ្រុបលើហ្វីលីពីន និ​ងតៃ​វ៉ាន់ ចាប់ពីថ្ងៃពុធទី​២៤កក្កដា បានបណ្តាល​​ឲ្យ​លិចលង់ និង​បាក់​បែកផ្ទះសម្បែងជាច្រើនខ្នង។ យ៉ាងហោច​ណាស់​ មាន​មនុស្សស្លាប់​២០នាក់នៅហ្វីលីពីន និ​ង២នាក់នៅតៃវ៉ាន់។​ នាវាដឹកប្រេងឆៅ​​ចំណុះ​១លាន​៤សែនលីត្រ​​មួយ​គ្រឿង បាន​លិចនៅ​ឆកសមុទ្រម៉ានីល នៅថ្ងៃព្រហស្បតិ៍​នេះ ហើយ​កំពុងបង្ក​ឲ្យ​មានការព្រួយបារម្ភជាខ្លាំង អំពី​មហន្តរាយ​​ធ្ងន់ធ្ងរទៅលើធម្មជាតិ​។

អង្គការសហប្រជាជាតិ​​បាន​កំណត់​កម្មវត្ថុ​លុប​បំបាត់ភាព​អត់​ឃ្លាន​ឱ្យ​អស់​ពីផែន​ដី​នៅ​ឆ្នាំ​២០៣០ ប៉ុន្តែ​ផ្ទុយ​ពី​​ការ​រំពឹងទុក​ ភាព​អត់​ឃ្លាន​មិន​បាន​ថយ​ចុះ​ទេ​នៅ​ឆ្នាំ​២០២៣​កន្លង​ទៅ។ នៅ​ក្នុង​របាយការណ៍​ចេញផ្សាយ​នា​ឱកាស​បើក​ជំនួប​កំពូល​ហ្សេ​២០ នៅ​ប្រេស៊ីល ចំនួន​មនុស្ស​អត់​ឃ្លាន​បាន​ឡើង​ដល់​៧៣៣​លាន​នាក់ ឬ​ត្រូវ​ជា​៩%​នៃ​ប្រជាជន​នៅ​លើ​ពិភពលោក។

ថ្ងៃពុធ ទី​២៤កក្កដា រដ្ឋាភិបាល​ថៃ បង្ហាញផែនការជំរុញ​សន្ទុះ​វឌ្ឍនភាពសេដ្ឋកិច្ច និងជួយ​​​លើកកម្ពស់កម្រិត​ជីវ​ភាព​ប្រជា​ជន​។ ក្នុង​ផែនការនេះ រដ្ឋអំណាច​ក្រុង​បាងកក ក្រោម​ការ​ដឹកនាំ​របស់​គណបក្ស​ភឿថៃ បាន​សម្រេច​​ចែក​លុយ​ដល់​ប្រជាជន​ ចំនួនជាង ៥០ លាន​នាក់​។ ថ្នាក់​ដឹក​នាំរដ្ឋាភិបាលថៃ​​ អះអាងថា ការធ្វើដូច្នេះ ក៏​គោរព​តបតាម​​ពាក្យ​សន្យា ដែល​គណបក្សកាន់អំណាច​ ​បាន​​សន្យា​ក្នុងឱកាសយុទ្ធនាការ​​បោះឆ្នោត​ កាលពីឆ្នាំ ២០២៣​​។ ​​ 

នៅបង់​ក្លាដែស យ៉ាងហោច​ មនុស្ស​ ១៨៦ នាក់​ បាន​ស្លាប់​បាត់បង់​ជីវិត នៅក្នុងបាតុកម្ម​​ហិង្សា​ ជាច្រើន​ថ្ងៃមកនេះ។ គ្រានេះ ភាគីនីមួយៗហាក់​បន្ថយដៃរៀងៗខ្លួន។ អាជ្ញាធរ​បង់​ក្លាដែស ប្រកាស​ថា​ពន្ធូរបន្ថយ​បំរាម​គោចរ ហើយ​​ផ្តើម​បើក​ដំណើរការប្រព័ន្ធអ៊ីនធ័រនែតជាបណ្តើរៗ​មក​វិញ​។ ក៏ប៉ុន្តែ ប្រព័ន្ធ​ទាក់ទង​បណ្តាញ​សង្គម​ នៅតែ​មានភាពរឹតត្បិតនៅឡើយ។ ចំណែក ពួក​​និស្សិតបាតុករ​​បង់ក្លាដេស  ១ ក្រុម​ បាន​សម្រេច​ផ្អាក​ធ្វើ​បាតុកម្ម ​២ថ្ងៃ ដើម្បីដាក់​ឱសានុវាទ​ឲ្យ​រដ្ឋអំណាច​ប្រគល់​បក្សពួក​គ្នីគ្នា ដែល​បាត់ខ្លួន។ ​​រីឯ ធនាគារ​និងរោងចក្រ​កាត់​ដេរ ក៏​បា​នបើក​ដំណើរការ​ វិញដែរ។​ ​

​គេ​ពុំ​ធ្លាប់ឃើញ​មាន​​អ្នក​ជំងឺ​គ្រុ​នស្វិតដៃជើងនៅ​តំបន់​ហ្កាហ្សា អស់​រយៈ​ពេល​​ជាង​២៥​ឆ្នាំមក​ហើយ។ ប៉ុន្តែអ្វី​ៗ​អាច​នឹង​ប្តូរ​ផ្លាស់​បាន។ ពេល​នេះ​ ហ្កាហ្សា​កំពុងស្ថិត​លើ​មាត់​ជ្រោះនៃ​​​ហានិភ័យ។ ​នៅ​ថ្ងៃអង្គារ​ម្សិលមិញ អង្គការ​សុខភាពពិភពលោក​បាន​ប្រកាសថា​​ព្រួយ​បារម្ភ​ខ្លាំងណាស់ ខ្លាច​តែ​ជំងឺ​រាតត្បាតមាន​ជាអាទិ៍​ជំងឺ​គ្រុន​ស្វិតដៃជើង វាយលុក​លើ​តំបន់​ហ្កាហ្សាទេ ព្រោះ​គេ​បាន​រក​ឃើញ​សំណាក​មេរោគ​គ្រុនស្វិតដៃជើង​ ក្នុង​ទឹក​ស្អុយ​នៅ​ហ្កាហ្សា។

ក្រសួង​សុខាភិបាល​បានអំពាវនាវ​នៅ​ថ្ងៃទី២៤ ​ខែ​កក្កដានេះ​ឲ្យប្រជាពលរដ្ឋ​នៅទូទាំង​ប្រទេស​កុំទទួលទាន​ស្រាថ្នាំ​ចំនួន​៣​ប្រភេទ ​ដែលមាន​ផ្ទុកសារធាតុ ​SILDENAFIL ​ហួសកម្រិត​បណ្តាលឲ្យ​ប៉ះពាល់ដល់​សុខភាពធ្ងន់ធ្ងរ​។ ទន្ទឹមគ្នានេះ ​ក្រសួងសុខាភិបាល​ក៏បាន​ហាមឃាត់​ការចែកចាយ ​និង​ដាក់លក់​ស្រាថ្នាំប្រភេទនេះ​ដោយ​ព្រមាន​ចាត់វិធានការ​តាមផ្លូវច្បាប់​។

នៅក្នុងប្រទេសថៃ អាជ្ញាធរកំពុងបើកការស៊ើបអង្កេតជាបន្ទាន់លើការផ្សព្វផ្សាយផ្ទាំងប៉ាណូចិនដែលផ្តល់សេវាធ្វើលិខិតឆ្លងដែន និងស្វែងរកសញ្ជាតិថ្មីខុសច្បាប់ក្នុងទីក្រុងបាងកក។ ផ្ទាំងប៉ាណូចិនបានរំលេចរូបថតលិខិតឆ្លងដែនកម្ពុជា ឥណ្ឌូនេស៊ី តួកគី ឬវ៉ានូអាទូជាដើម។ យោងតាមការចុះផ្សាយរបស់កាសែតថៃនៅថ្ងៃទី២៣ កក្កដា អាជ្ញាធរក្រុងបាងកកបានទម្លាក់ផ្ទាំងប៉ាណូនោះចុះ និងបានចាប់ឃាត់ខ្លួនស្ត្រីរត់ការម្នាក់។ ទន្ទឹមគ្នានេះ អាជ្ញាធរថៃបានអះអាងបន្តតាមវែកមុខមេខ្លោងផ្តល់សេវាធ្វើលិខិតឆ្លងដែន និងសញ្ជាតិថ្មីយ៉ាងអាណាធិបតេយ្យមួយនេះ។

អ្នកជំនាញច្បាប់ សញ្ជាតិពីរ អាល្លឺម៉ង់-រុស្ស៊ី លោក Guerman Moïjes ដែលអាជ្ញាធររុស្ស៊ី បានចាប់ខ្លួន ក្នុងខែ ឧសភា ឆ្នាំ ២០២៤ ពីបទក្បត់ជាតិ ត្រូវតុលាការរុស្ស៊ី សម្រេចបន្តឃុំខ្លួនបណ្តោះអាសន្ន នៅថ្ងៃអង្គារទី​ ២៣​ ខែកក្កដា​។​ នេះបើតាម​ សេចក្តីរាយការណ៍ចុះផ្សាយដោយ ទីភ្នាក់ងារសារព័ត៌មានរដ្ឋរុស្ស៊ី​ Tass។​ ផ្នែកតាមសារព័ត៌មាន Tass ដដែល លោក Guerman Moïjes មានក្រុមហ៊ុនមួយ នៅរុស្ស៊ី ដែលជួយរត់ការ ឲ្យជនជាតិរុស្ស៊ីណា​ ដែលចង់ទទួលបានលិខិតស្នាក់នៅ​ស្របច្បាប់ ក្នុងសហភាពអឺរ៉ុប។ ពុំតែប៉ុណ្ណោះ លោក ក៏ជាមនុស្សសកម្មម្នាក់​ ក្នុងចលានារួមមួយ ដែលជួយសម្រួលការធ្វើដំណើរ​ក្នុងក្រុង របស់អ្នកបើកបរទោចក្រយានយន្ត។  គិតមកទល់ពេលនេះ តុលាការ​  Lefortovo នៃទីក្រុងម៉ូស្គូ ពុំបានបញ្ជាក់ពី​ហេតុផលច្បាស់លាស់ ដែលនាំឲ្យអ្នកជំនាញច្បាប់រូបនេះ ជាប់ចោទពីក្បត់ជាតិ​ នោះឡើយ។ គួររំឭកថា ក្នុងប្រទេសរុស្ស៊ី​ ទោសក្បត់ជាតិ គឺជាឧក្រិដ្ឋកម្មកម្រិតធ្ងន់បំផុតមួយ ដែលអាចឲ្យជនល្មើស ត្រូវជាប់ពន្ធនាគារច្រើនឆ្នាំ ឬ អស់មួយជីវិត។

នៅបង់​ក្លាដែស យ៉ាងហោច​ មនុស្ស​ ១៨៦ នាក់​ បាន​ស្លាប់​បាត់បង់​ជីវិត នៅក្នុងបាតុកម្ម​​ហិង្សា​ ជាច្រើន​ថ្ងៃមកនេះ។ គ្រានេះ ភាគីនីមួយៗហាក់​បន្ថយដៃរៀងៗខ្លួន។ អាជ្ញាធរ​បង់​ក្លាដែស ប្រកាស​ថា​ពន្ធូរបន្ថយ​បំរាម​គោចរ ហើយ​​ផ្តើម​បើក​ដំណើរការប្រព័ន្ធអ៊ីនធ័រនែតជាបណ្តើរៗ​មក​វិញ​។ ក៏ប៉ុន្តែ ប្រព័ន្ធ​ទាក់ទង​បណ្តាញ​សង្គម​ នៅតែ​មានភាពរឹតត្បិតនៅឡើយ។ ចំណែក ពួក​​និស្សិតបាតុករ​​បង់ក្លាដេស  ១ ក្រុម​ បាន​សម្រេច​ផ្អាក​ធ្វើ​បាតុកម្ម ​២ថ្ងៃ ដើម្បីដាក់​ឱសានុវាទ​ឲ្យ​រដ្ឋអំណាច​ប្រគល់​បក្សពួក​គ្នីគ្នា ដែល​បាត់ខ្លួន។ ​​រីឯ ធនាគារ​និងរោងចក្រ​កាត់​ដេរ ក៏​បា​នបើក​ដំណើរការ​ វិញដែរ។​ ​

រដ្ឋ​មន្ត្រី​ការបរទេស​អ៊ុយក្រែន ឌីមីត្រូ គូឡេបា បាន​អញ្ជើញ​ទៅ​ក្រុង​ប៉េកាំង​នៅ​ថ្ងៃ​អង្គារ​ទី ២៣​កក្កដា​២០២៤​។ នេះ​ជា​ទស្សនកិច្ច​លើក​ដំបូង​បង្អស់ គិត​ចាប់​តាំងពី​រុស្ស៊ី​ចូល​ឈ្លានពាន​អ៊ុយក្រែន​មក។ លោកប្រមុខ​ការ​ទូត​អ៊ុយក្រែន​នឹង​​ជជែក​ពិភាក្សាជា​មួយ​ភាគី​ចិន ​អំពីការ​ស្វះ​ស្វែង​រក​​មធ្យោបាយ​បញ្ចប់​សង្គ្រាមរវាង​កៀវ​និង​ម៉ូស្គូ​​ដោយ​​សន្តិវិធី​។

ក្រសួងការពារជាតិ​សហរដ្ឋអាមេរិក បាន​សម្តែង​ក្តីព្រួយ​បារម្ភអំពីការ​ខិត​ទៅជិតគ្នា​កាន់តែខ្លាំង​រវាង​ក្រុង​ប៉េកាំង​និងម៉ូស្គូ នៅតំបន់​ប៉ូលខាងជើង។ ការ​ថ្លែង​ក្តីបារម្ភរបស់មន្ទីរបញ្ចកោណ គ្រា​នេះ ក៏ព្រោះតែ​​ ចិន​និងរុស្ស៊ី កាន់តែ​ពួត​ដៃ​សហការគ្នា​នៅវិស័យ​ពាណិជ្ជកម្ម​និង​ថាមពល​ ក្នុង​​តំបន់​ទឹកកក​អាកទិក។ អាកទិក​ ជាទី​ដែល សហរដ្ឋ​​អាមេរិក​ ចាត់ទុក​ជាមូលដ្ឋាន​យុទ្ធសាស្ត្រ១ដ៏​សំខាន់។ នៅ​ចំពោះមុខ​សភាពការណ៍​កាន់តែ​គួរ​ព្រួយ,  មន្ទីរ​បញ្ចកោណ​ បាន​បើក​ដំណើរ​ការ​មូលដ្ឋាន​យោធា​មួយចំនួន​​ឡើងវិញ​។​​ ​

តំបន់អភិវឌ្ឍន៍ត្រីកោណបីរវាងកម្ពុជា ឡាវ និងវៀតណាមកំពុងក្លាយជាប្រធានបទរសើប និងពុះកញ្ជ្រោលខ្លាំង ខណៈប្រជាពលរដ្ឋខ្មែរកំពុងបន្តប្រតិកម្មមិនទទួលស្គាល់ និងស្នើឱ្យរដ្ឋាភិបាលកម្ពុជាដកខ្លួនចេញពីកិច្ចសហប្រតិបត្តិការអភិវឌ្ឍន៍តំបន់ត្រីកោណនេះ។ អ្នកវិភាគសង្គមមួយចំនួនមើលឃើញថា បើកម្ពុជាបន្តស្ថិតក្នុងកិច្ចសហប្រតិបត្តិការមួយនេះ កម្ពុជាអាចប្រឈមនឹងការបាត់បង់ទឹកដី ហើយខេត្ត៤ របស់កម្ពុជាអាចមានវាសនាដូចកម្ពុជាក្រោម។ ក៏ប៉ុន្តែ ប្រធានព្រឹទ្ធសភាលោកហ៊ុន សែនបានថ្លែងនៅរសៀលថ្ងៃទី២៣ កក្កដានេះថា រដ្ឋាភិបាលកម្ពុជាមិនបានកាត់ខេត្ត៤ ឱ្យទៅវៀតណាមទេ និងថា នៅក្នុងកិច្ចសហប្រតិបត្តិការតំបន់ត្រីកោណនេះ កម្ពុជាទទួលបានផលប្រយោជន៍ច្រើនជាងឡាវ និងវៀតណាម៕

ថ្ងៃចន្ទទី ២២ ខែកក្កដា វិមានក្រេមឡាំង បានចាត់ទុក ការបដិសេធមិនឲ្យអ្នកកាសែតកីឡាមកពីរុស្ស៊ី ចំនួន ៥ រូប ចូលទៅយកព័ត៌មាន ក្នុងការប្រកួតកីឡាអូឡាំពិក នៅទីក្រុងប៉ារីស ថាជាទង្វើមួយ ជ្រុលហួសហេតុ មិនអាចទទួលយកបានជាដាច់ខាត។ អ្នកនាំពាក្យវិមានក្រេមឡាំង លោក ឌីមីទ្រី ប៉េស្កូវ បន្ថែមថា ការបដិសេធអ្នកកាសែត របស់ទីភ្នាក់ងារព័ត៌មានផ្លូវការរុស្ស៊ី Ria Novosti នេះ គឺជាការរំភោភបំពានលើ សេរីភាពសារព័ត៌មាន ពីសំណាក់អាជ្ញាធរបារាំង។ យោងតាមសំដីរបស់រដ្ឋមន្ត្រីក្រសួងមហាផ្ទៃបារាំង ចុះផ្សាយនៅថ្ងៃសៅរ៍សប្តាហ៍មុន បានឲ្យដឹងថា បារាំងបានបដិសេធវត្តមានមនុស្សជាង ១០០ នាក់ ក្នុងនោះរួមទាំងអ្នកកាសែតផង ដែលមកពីរុស្ស៊ី  ប៊ែលឡារុស និងប្រទេសមួយចំនួនទៀត ដែលគេសង្ស័យថា ចង់ឆ្លៀតឱកាសនៃការប្រកួតកីឡាអូឡាំពិក ដើម្បីលួចយកការណ៍សម្ងាត់ និងអុកឡុករំខាន ក្នុងកិច្ចការផ្ទៃក្នុង របស់បារាំង។

តៃវ៉ាន់​កំពុង​ធ្វើ​សមយុទ្ធ​ប្រចាំឆ្នាំ​ ក្នុង​ទម្រង់​ជា​ការ​ការពារ​ខ្លួន​ពី​ការ​វាយ​ប្រហារ​ចូល​ឈ្លានពាន​​ជា​យថាហេតុរបស់​ចិន។ សមយុទ្ធ​បាន​​ចាប់​ផ្តើម​ពី​​ថ្ងៃ​ចន្ទ​ទី​២២​កក្កដា មាន​រយៈ​ពេល​៥​ថ្ងៃ។ ប៉ុន្តែ​ឆ្នាំ​នេះ តៃវ៉ាន់​បានប្តូរ​ផ្លាស់​វិធីសាស្ត្រ​ធ្វើ​​​លំហាត់​សឹក​ ដើម្បី​សម្រប​ទៅ​នឹង​ស្ថានភាព​គំរាមកំហែង​មក​ពី​ខាង​ចិន និង​​បាន​លុប​ចោល​កម្មវិធី​ខ្លះ ដោយ​ហេតុ​តែ​មាន​ព្យុះ​កំណាច។

ក្រោមអន្តរាគមន៍​របស់​អំណាច​ចិន​ប៉េកាំង​​ ​ក្រុម​ប្រដាប់​អាវុធហាម៉ាស និងបណ្តា​ក្រុម​អង្គការ​ចលនា​ប៉ាឡេស្ទីន បាន​ចុះ​កិច្ច​ព្រម​ព្រៀង​​គ្នា ដើម្បី​បង្កើត ​«អាជ្ញាធរ​គ្រប់​គ្រង​បណ្តោះអាសន្ន» បន្ទាប់​​ពី​សង្គ្រាម​ហ្កាហ្សា​ផុត​រលត់​ទៅ​។ តាមរយៈ​ការ​ជួយ​សម្រុះ​សម្រួល​នេះ បង្ហាញឲ្យឃើញ​ពី​តួនាទីឥទ្ធិពល​របស់​​មហាយក្ស​ចិន ​នៅក្នុង​ជម្លោះ​តំបន់​ដើម​បូព៌ា​។ នេះជាលើកទី២ហើយ​ បន្ទាប់ពី​កាលពី​ខែ​មេសា ចិន​បាន​ទទួលខ្លួន រៀបចំ​សម្រុះសម្រួល​បញ្ហា​ប៉ាឡេស្ទីន​។

ទាក់ទងទៅនឹង​ការចាប់ខ្លួន​សកម្មជន​ផ្សព្វផ្សាយ​កិច្ចព្រមព្រៀង​សន្តិភាព ​២៣ ​តុលា ​១៩៩១ ​លោក​ ស្រ៊ុន ស្រ៊ន ​និង​សហការី​នៅថ្ងៃនេះ​ដែរ​ លោក ​ហ៊ុន សែន ​ប្រធាន​ព្រឹទ្ធសភា និង​ជាប្រធាន​គណបក្ស​កាន់អំណាច ​បានប្រាប់​ទៅ​តុលាការ​ឲ្យ​ផ្តន្ទាទោស​កំរិត​អតិបរមា​ចំពោះ​អ្នក​ដែល​និយាយ​ផ្សព្វផ្សាយ​ពី​ភាពអវិជ្ជមាន​នៃ​កិច្ច​សហប្រតិបត្តិការ​តំបន់​ត្រីកោណ​អភិវឌ្ឍន៍ ​CLV​(Cambodia​ Lao​ Vietnam)​។ ​លោក ហ៊ុន សែន​ បញ្ជាក់យ៉ាងដូច្នេះ៖

រឿង​អាស្រូវ​ពុករលួយ​សូកប៉ាន់ពាក់ព័ន្ធ​នឹងជំទាវទី១ លោកស្រី គីម គុនហ៊ី ភរិយាប្រធានាធិ​បតី​កូរ៉េខាងត្បូង បាន​ផ្ទុះកក្រើក​ឡើង ​ជាថ្មី។ ផ្ទុះល្បីរន្ទឺជាថ្មី​ ដ្បិត​ថា​ រដ្ឋអាជ្ញាពិសេស​ប្រឆាំង​អំពើ​ពុករលួយ បាន​បើ​កនីតិវិធី​សួរ​ចម្លើយ​ ជំទាវទី១កូរ៉េខាងត្បូង ដោយផ្ទាល់​ចំពោះ​មុខ​ អស់​ពេល​ ១២ ម៉ោង​។ រឿង​អាស្រូវនេះ បានធ្វើឲ្យ​លោកប្រធានាធិ​បតី យូន ស៊ុកយោល ដែល​កំពុង​តែ​អប្រជាប្រិយភាព​ស្រាប់​ផង កាន់តែស្រអាប់កិត្តិយស​ថែមទៀត នៅក្នុង​ពិភព​នយោបាយ​​កូរ៉េ​ខាងត្បូង​។​ ​

ធនាគារជាតិនៃកម្ពុជាបានដាក់ចេញនូវយន្តការចំនួន ៤ចំណុចដើម្បីសម្រួលដល់ការចាយវាយក្រដាសប្រាក់ដុល្លារដែលមានសភាពចាស់ ទក់ ឬរហែកនៅក្នុងខេត្តសៀមរាប។ ធនាគារជាតិបានតម្រូវឲ្យធនាគារពាណិជ្ជកម្មនៅទូទាំងខេត្តសៀមរាបមិនត្រូវគិតថ្លៃកម្រៃសេវាបន្ថែមលើក្រដាសប្រាក់ដុល្លារដែលរហែក ទក់ ឬចាស់។ ការសម្រេចយ៉ាងដូច្នេះរបស់ធនាគារជាតិនៃកម្ពុជាធ្វើឡើង បន្ទាប់ពីលោកនាយករដ្ឋមន្ត្រីហ៊ុន ម៉ាណែតសង្កេតឃើញពីផលលំបាករបស់ពលរដ្ឋ និងអាជីវករលក់ដូរក្នុងខេត្ត ពិសេសបានធ្វើឱ្យប៉ះពាល់ដល់ភ្ញៀវទេសចរបរទេស។

​នៅ​តំបន់​ដើមបូព៌ា ជម្លោះប្រដាប់អាវុធកាន់តែបើកមុខ​ខ្លាំង។ ពួក​ក្រុមប្រដាប់​​​អាវុធហ៊ូទីយេម៉ែន ដែល​ជា​សម្ព័ន្ធមិត្ត​អ៊ីរ៉ង់​និង​ជាបក្សពួក​ក្រុមចលនា​​​ហេសបូឡាលីបង់​ បាន​គំរាម​អ៊ីស្រាអែល​អំពីភ្លើងសង្គ្រាម​កាន់តែ​រីក​ធំ​នៅ​ក្នុង​តំបន់។ ការគំរាម​នេះ ធ្វើឡើង​ក្រោយ​ពី កងទ័ព​អ៊ីស្រាអែល​​ បាន​វាយប្រហារ​​កម្ទេច​កំពង់ផែ ហូដៃដា បណ្តាល​ឲ្យ​ស្លាប់​មនុស្ស ​៦ នាក់​និងរបួស​ជាង​ ៨០ នាក់​។ ​