Nuummi mittarfittaami isumannaallisaanermut tunngatillugu kukkunerit amigaataasullu kinguaattoorutigineqarnerat pissutigalugu mittarfimmit nunanut tamalaanut timmisartuussisalernissat unitsinneqarallarlutik sapaatip akunneranut 36-mut kinguartinneqarput.

Umiarsuaq alapernaarsuut Triton nipilersortartunik ilaasoqarluni Avannaani illoqarfinnut nunaqarfinnullu arfineq-marlunnut aasaanerani angalanermik taallugu ulluni tulliuttuni tikittassaaq.

Inatsisartuni oqalutseqartarnerup sulinermut sunniuteqartarneranik Naleqqameersup Pele Brobergip oqarnera, Erik Jensenip isumaqatiginngilaa. Tamannami namminiilivinnissamut sunniuteqanngivissoq, taanna isumaqarpoq.

USA-p nunanut allanut tunngasuni ministeria Antony Blinken Gazami sakkuaakkunnaarallarnissamut isumaqatigiissusiornissaq angutserniarlugu Israelimut tikeraarpoq.

Pariserhjul Tysklandimi illoqarfimmi Leipzigimi festivalertoqarnerani ikuallappoq. Qanoq ilillunni ikuallalersimanersoq suli paasineqanngilaq.

Naliliisartut pingasut assigiinngilluinnartut nassaarineqarput. Taakkuli pingasuullutik saqqummiussineq piginnaaneqarfigaat, tamannalu ajugaasussami aamma maluginiarneqartussaavoq.

Sermersuarmi qaqutigoortorujussuarmik nannumik takusaqartoqarpoq. Ulorianartorsiortoqanngilarli.

Namminiilivinnissaq anguniarutsigu suliassat ilungersunartut pisariaqavissullu politikerertatta sulissutigilertortariaqaraat, Pele Broberg isumaqarpoq.

Kinaassutsimik atornerluinikkut eqqunngitsumillu taarsigassarsiniarnikkut ilaqutariit Presley-ikkut pigisaat Graceland akitsorterussinikkut tuniniarneqaleraluarpoq.

Kalaallit arnat nunanut allanut unammisartui U-18-it, ullumi Taipai-mut unammigamik ajorsarput. Maanna ajorsartut unaminerannut peqataasussanngorput.

Inatsisartuni oqalutseqarneq ima ajortigaaq, tamat oqallinnerannik allaat unitsitsilluni. Taamaammat ataatsimiittarfimmi danskisut nutserisoqassaartarisaqartugut, Naleqqamit politikeri isumaqarpoq.

Sisimiuni aqagu tusarnaartitsisoqassaaq. Tusarnaariallu nipilersortartut sapaatip akunnerani kulturikkut avitseqatiginninnerminni angusaannik tusarnaagaqarsinnaapput.

Nuummi tillinniartoqarneranik kalerrisaarut ullaassaq aallartimmat politiit ornigupput. Kinguninngua angutit inuuusuttut marluk tigusarineqarput.

Nuummi meeqqanut atuagaateqarfimmi oqarasuaatit angallattakkat, Ipadit, tabletit qarasaasiallu septembarip aallaqqaataanit atorneqaqqusaajunnaassapput.

Angut 35-nik ukiulik siorna februaarimi toqutsisoqarneranut atatillugu eqqartuussivimmi suliami ataasinngorpat eqqartuussaassaaq.

Kalaallit Nunaanni Politiit nunakkut pisuttumit ajornartoornermi kalerrisaarummik ullaaq siusissukkut tigusaqarput. Tamannami kukkunikkut aallartinneqarsimasoq paasinarsisoq, Kalaallit Nunaanni Politiit oqaatigaat.

Nunakkut pisuttuartoq GPS-iminik ajornartoornermi tallimanngornermi ullaassakkut kalerrisaaruteqarsimasoq, Kalaallit Nunaanni politiit ilisimatitsipput.

WHO-p qullersaata nunat kuppillammik tunillaassuuffiusut nappaatip tuniluutilertunnginnissaanik suleqatigiinnissaannut kaammattorpai.

Imartani avatangiisit illersorneqarnissaannik suliniuteqartoq OKNK sumiiffimmi attanneqarsinnaasumik aalisarnermi unammilligassat pillugit Uummannap Sulluanut angalangalerpoq.

Kalaallit arnat inuusuttut assammik arsartartut Danmarkimut Kinami U18-it nunarsuarmi pissartanngorniunneranni tallimanngornermi ullaakkut unammipput. Nunatsinneersut ajoraluartumik ajorsarput.

Umiarsuaq ilisimatusaat RRS James Cook, Nuummi innuttaasunit pingasunngornermi alakkarneqarluarpoq.

Atualertut angajoqqaallu pisarneq malillugu kalaallisoorlutik takkupput. Assit uani takukkit.

Timmisartorsuit angallassissutit Challengerit naggataasersorput. Illersornissaqarfik nutaanik pisitinnani tartaasussanik attartugassarsiorpoq.

Inuk Jørgensenip filmiliaa Entropy Montrealimi filmfestivalimi 'Prix International De La Relève Main Film'-imik taallugu pingaarnertut nersornaasiuttakkamik nersornaaserneqarpoq.

Mittarfimmit nutaamit tassungalu nunanit tamalaanit timmisartuussinissat inerteqqutigineqalerallarnerisa kingunerisaanik Canadami Iqalunniit angalasussat angalanissaat ullunik arlalinnik kilometererpassuarnillu sivitsorneqarput.

73-inik ukiulik avatangiisinik illersuiniaq juulip 21-aniilli tigummigallarneqareerluni ullaap tungaani sassartinneqaqqippoq.

Inatsit tunngaviusussatut siunnersuut innuttaasunik ataatsimiititsinerni oqallisigineqaqqammerpoq – taakkuali pinissaat amigartumik paasissutissiissutigineqartartut isornartorsiuisut oqaatigaat.

Atuartitsivitoqqani ilisimasat nutaat. Atuartut Nuummi atuarfimmi nutaami aqagu aallartittussaagaluartut atuartitsivitoqqani ASK-imi USK-imilu atualeqqaarneranni tamanna qulequtaassaaq.

Nunanit tamalaanut Nuummiit Nuummullu ulluni aggersuni timmisartuussisoqassanngilaq. Mittarfiup isumannaallisaanermik akuersissutaata utertinneqarallarneranik tamanna pissuteqartoq, Angallannermut Aqutsisoqarfik nakkutilliisoqaqqammernerata kingorna paasissutissiivoq.

Ruslandimi nunap ilaani Belgorodimi Ukrainep killeqarfianiittumi inatsisitigut upalungaarsimaneq atuutsinneqalertoq, tamaani guvernøri nalunaarpoq. Tamanna Ruslandimi tamarmi ajornartorsiornertut isigisariaqartoq, taanna isumaqarpoq.

Arnat assammik arsartartut inuusuttut nunarsuarmi pissartanngorniunnermi unamminermi siullermi Kinamut unammipput. Unammineq nunaminni Kinami unammisut 46-17-imik ajugaanerannik inerneqarpoq.

Aligoq aappaluttoq Kalaallit Nunaanneersoq pitsaanerpaanngilaq. Ukiunilli milliardtinik pisoqaassuseqarmat oqaluttuassartaqarmallu pisisartut pilerigilersinnaavaat, ujarassiooq oqarpoq.

Aqqartartoq ukrainemiu nunani tamalaani ujagaalersutut Tysklandimi eqqartuussiviit ilaanni aalajangiunneqarpoq. Inuit allat marluk Nord Streaminik qaartitsisimasutut aamma pasineqarput.

Piginneqatigiiffiup Aappaluttumi rubinisiorfimmik ingerlatsisup pisisartut eqqarsaatigivallaarnagit piiaaffimmik ukkatarinnippallaarsimanera, pisortap nassuerutigaa.

Eqqartuussisoqarfik Sermersuup Paul Watson parnaarussaaqqaannassanersoq sisamanngorpat aalajangiiffigissavaa. Eqqartuussissuserisut videomik saqqummiiniarput.