Eqqartuussisoqarfik Sermersuup Paul Watson parnaarussaaqqaannassanersoq sisamanngorpat aalajangiiffigissavaa. Eqqartuussissuserisut videomik saqqummiiniarput.

Donnas Dyreklinik oqarasuaatikkut ippassaq ualikkut siorasaaruteqarfigineqarnermi kingorna matoqqavoq. Dyreklinikkili nalinginnaasumik ammaqqittoq, uumasunik nakkutilliisoq klinikkimillu piginnittoq, Tom Amtoft oqarpoq.

Umiarsuaq ilisimatusaat RRS James Cook soqutiginnittunut tamanut aqagu ualikkut ammassaaq.

Nuummi atuarfik nutaaq, Atuarfik Inussuk ukiup atuarfiup aallartinnissaanut piareernavianngilaq. Tamanna atuarfiup pisortaata uggoraa, atuartulli pilersaarut malillugu aggustip 15-ianni aallartissapput.

Qilaatersortoq, uaajeertut pinngortitarlu kusanartoq Qooqqut festivaalimi ukioq manna qitioqqipput, siullermeerlutik peqataasut marluk pakatsisimanatik oqaluttuattuarput.

Avatangiisinik illersuiniaq Paul Watson, Nuummi tigummigallagaasoq iperagaassasoq danskit partiivisa ilaata Alternativetip kissaatigaa. Erinarsortartullu marluk tapersiipput.

Ilulissat eqqaanni qaqqat iluserilersimasaat qanoq pisimanersoq aamma qaqqat sananeqaataat suunersut, Danmarkimiit Nunatsinniillu misissuisut amerlasuut, misissuipput.

Nukissiorfiit Cicilie Senderovitzip soraarniuteqarnerata kingunerisaanik nutaamik pisortassarsioqqittussanngorpoq.

Takornariartitsineq pillugu inatsisissatut siunnersuut umiarsuit takornariartaatit nunatta imartaani qanorsuaq angalaarsinnaasarnerannik killiliisuusussaassaaq. Nuummi takornarialerisut arlallit siunnersuummut tassunga ilaliipput, takornariartaassuimmi Nuup Kangerluaniittussaqqinngitsut taakkua isumaqarput.

Takornarniat nunanit allaneersut marluk aliikkutaralugu aalisariartut, putsilernerani periarfeerunneqartut ajunngitsut Sisimiut eqqaanni nassaarineqarput. Umiatsiat, qulimiguulik timmisartorlu atorlugit ujaasisoqarnerani tamanna pivoq.

Ajornartoorfimmi oqaatsivut pinngortitarlu pingaaruteqarput. Taamatut isumaqarpoq Inuk L. Borup Bang, namminerlu immap maliinut eqqissinartunukartarluni ulluni ulapaarfiusuni.

Avannaata Kommuniani meeqqat inuusuttullu akunnerpassuarni arsarsinnaanngulissapput. Arsammi 1000-t kommunimut ataasinngorpat tunissutigineqassapput.

Aasianni najukkat ilaannit aallaasersortoqareersorlu inuk ataaseq politiinit tigusarineqarpoq. Aallaasersortoqarnerani ajoqusertoqanngilaq, ulorianartorsiortoqaranilu, politiit ilisimatitsipput.

Qooqqut festivaalimi ukioq manna aamma qilaatersortoqaqqissaaq. Nuka Alice Lund-i qilaatersortussanut akuuvoq. Taanna neriuppoq festivaalimi ataatsimoornermik misigisaqartitsisinnaassalluni.

Nuummi atuarfissami atualernissaq kinguaattooqqippoq. Atuarfiup qaqugu atorneqalernissaa suli ilisimaneqanngilaq.

Ilaatigut Alaskameersunik ukioq manna Qooqqut Festivalimi peqataasoqassaaq, kalaallilli kulturiat festivalimi tassani qiutiutiinnaritsik, festivalimik aaqqissuisut ilaat oqarpoq.

- Nunat inoqqaavisa namminneq politikkikkut oqaluttuassartaminnik saqqummiussinissaat pingaaruteqartorujussuuvoq, ICC-p siulittaasua Sara Olsvig oqarpoq.

Meeqqat pisinnaatitaaffiinik qulakkeerisussamik, naammagittaalliortarfimmik pilersitsisoqarnissaanut Qaqortumilu naqiterivimmik meeqqat eqqumiitsuliornermik piginnaasaannik siuarsaasusamik pilersitsinissamut aningaasaliisoqarpoq.

Naggueqatigiit inuit arlallit amerikamiut suliffeqarfiata Totchopip savinnik tuniniaanera pillugu atsiornernik katersinermik aallartitsipput. Savimmi ulu-mut asingungaatsiarpoq.

Piginneqatigiiffik aligornik aappaluttunik piiaasimasoq Greenland Ruby aningaasarsiornikkut ilungersuavoq. Greenland Rubymik pingaarnertut piginnittut Aappaluttumi rubinisiorfigisimasartik piiaaffiuleqqissinnaaqqullugu tuniniarniarpaat.

Noah Lyles coronamut viruseqalersimanermini kingorna OL-imi ilaasinnaajunnaartutut imminut nalilerpoq.

Nakkutilliinermik Ingerlatsivimmeersut nalunaaqqaarnatik Nuummi meeqqanut inuusuttunullu ulloq unnuarlu angerlarsimaffiit ilaanni nakkutilleeqqammerput. Tamanna peqqussuteqaalunnerannik innersuussuteqaalunnerannillu kinguneqarpoq.

Nukissiorfiup aningaasanik amigartoornera peqqutaalluni, INI A/S-mi nuna tamakkerlugu inissiamik attartortut, imermut atuinerminnut siumut akiliutigisartagaat septembarip aallaqqaataani januaarillunniit aallaqqaataani qaffassaaq.

Qeqertarsuarmi meerarpassuit Nunatsinni pissartanngorniunnermit puigunaatsorsipput unammiat IT-79 arsaaffimmi sammisaqartitsimmata.

Byron Nicholai arfinilinnik ukioqarlunili qilaatersortalerpoq. Taassuma siuaasani pingaartippai. Taamaammat qitinneq pingaartippaa.

Tapersersutsit tuusintilikkuutaat Carles Puigdemontimik tikinnermini Spaniami tigusaariaannaasoq tikilluaqquaat.

Nunatsinni inuit innarluutillit atugaat ajungaarmata, Tilioq tamanna pillugu nalunaarusiamik FN-imut nassiussivoq. Tamatumanili pissutsit tamakku tamarmik ilorraap tungaanukalertortitsisinnaasut, Tiliumeersut upperaat.

Silami arsaannermi nunanut allanut unammisartuniittut piginnaasaminnut tulluartunik arsaaffimmi inissitsiterneqassapput, nuna tamakkerlugu sungiusaasunngortoq oqarpoq.

Naalagaaaffinngornissamut naalakkersuisoq Vivian Motzfeldt, inatsit tunngaviusussatut siunnersuut pillugu innuttaasunut nuna tamakkerlugu piffissami tulliuttumi ataatsimiititsisaqattaarniarpoq.

Unnerluussisut taperserneqarput. Angut polenimiu 39-nik ukiulik nakuuserniarsimasutut Københavnimi illoqarfiup eqqartuussiviani eqqartuunneqarpoq. Saassussinermini aalakoorsimavoq.

Beligiamit hollandimiillu eqimattat eqqumiitsuliortartoqatigiit Schscht nunarsuarmi assingusunik eqqumiitsuliornikuupput.

Nunani tamalaani politikerit tusaamasallu Paul Watsonip iperagaanissaa piumasaraat. Inuit allat assinganik piumasaqarlutik atsiornernik aamma katersipput.

Piumassuserinngisamik kinguaassiorsinnaanngitsut ikiorserneqarsinnaanissaat 2025-mi aamma neqeroorutaasinnaassasoq, naalakkersuisup tamaviaarutigissallugu oqaatigaa.

Angut 39-nik ukiulik atorfilimmut nakuuserniarsimasutut ministeriunermut sakatsinermik suliami unnerluutigineqarpoq. Unnerluutigineqartup eqqartuussaanerata sukannerpallaannginnissaa, illersuisuata piumasaraa.

Piumassuserinngisamik meerartaarneq ajulertut - ukioq manna – ikiorserneqarnissaat qularnaarpoq. Taakkua 2025-mi aamma ikiorserneqarnissaat, peqqissutsimut ataatsimiititaliami ilaasortat arlallit qulakkeerusuppaat.