​ក្រុមប្រទេស​នៅ​អឺរ៉ុប​ មាន​ជា​អាទិ៍​បារាំង​ អង់គ្លេស ​បាន​ព្រលយ​អំពី​លទ្ធភាពត្រៀម​​ចូល​រួម​ការពារ​សន្តិសុខ​ច្រក​សមុទ្ទ​អកមូហ្ស​ ដើម្បី​សម្រួល​ចរាចរណ៍​​ដឹក​ជញ្ជូន​ប្រេង។​ ប៉ុន្តែ​បេសកកម្ម​ការពារ​ច្រក​សមុទ្ទ​អកមូហ្ស​ អាច​ប្រព្រឹត្ត​ទៅពេល​ណា​លែង​មាន​ស្នូរ​អាវុធ​។

ថ្ងៃព្រហស្បតិ៍​ ទី​១៩មីនា លោក ដូណាល់ ត្រាំ ​ប្រធានាធិបតី​អាមេរិក បាន​ទទួល​ស្វាគមន៍​លោកស្រី​នាយករដ្ឋមន្ត្រីជប៉ុន​ នៅ​សេតវិមាន​។ នេះគឺជា​ដំណើរ​ទស្សនកិច្ច​ផ្លូវការ​ ​ ​លើកទី១​ នៅបរទេស​ របស់​លោកស្រី តាកាអ៊ីជី សាណាអេ ក្នុងនាម​ជា​ប្រមុខរដ្ឋាភិបាល​ជប៉ុន​។ ​ជំនួបនៅ​ទីក្រុង​វ៉ាស៊ីនតោន​នេះ បានគ្រោង​ទុកជា​យូរ​មកហើយ តែ​វាត្រូវ​ធ្លាក់​មក​ចំបរិបទសង្គ្រាម​​ក្តៅគគុក​នៅ​តំបន់​មជ្ឈិមបូព៌ា​។ ម្លោះហើយ​ ទើប​សហរដ្ឋអាមេរិក​របស់​លោក ដូណាល់​ ត្រាំ បាន​ជំរុញផង​និងដាក់​សម្ពាធ​ផង ឲ្យ​ប្រទេស​ជប៉ុន​ ចូលរួម​ការពារ​ច្រកសមុទ្ទ​អកមូស្ស និង​បញ្ជូន​យោធាទៅជួយ​ច្បាំង​ពួតដៃជាមួយ​អាមេរិក​និង​អ៊ីស្រាអែល​។​ ​

សាលាដំបូងរាជធានីភ្នំពេញ នៅថ្ងៃទី១៩ ខែមីនា ឆ្នាំ២០២៦ បានសម្រេចចោទប្រកាន់ និងបង្គាប់ឲ្យឃុំខ្លួនបណ្តោះអាសន្នលើជនត្រូវចោទសរុបចំនួន ៦៥នាក់ ក្នុងនោះមានជនជាតិចិន៨នាក់ និងជនជាតិខ្មែរ ៥៧នាក់ ពាក់ព័ន្ធករណីឆបោកតាមអនឡាញ។ ជនសង្ស័យទាំង ៦៥នាក់នេះ ត្រូវបានសមត្ថកិច្ចរាជធានីភ្នំពេញឃាត់ខ្លួនកាលពីថ្ងៃទី១០ ខែមីនា ឆ្នាំ២០២៦ នៅអគារខុនដូរ ហ្គោលឌិន វ័ន ស្ថិតក្នុងសង្កាត់ទួលស្វាយព្រៃទី១ ខណ្ឌបឹងកេងកង។

មហាយក្ស​ចិន​ នឹង​មិន​​ប្រើកម្លាំង​ទ័ព ដើម្បី​វាយ​សង្គ្រុប​ឈ្លាន​ពាន​តៃវ៉ាន់ នៅឆ្នាំ​២០២៧ ទេ​។​​ ក៏ប៉ុន្តែ រដ្ឋអំណាច​ចិន​ នឹង​រក​មធ្យោបាយ​ផ្សេង ដើម្បីត្រួតត្រា​តៃវ៉ាន់​ ​។ នេះបើតាមសេចក្តីសន្និដ្ឋាន ​ របស់​ទីភ្នាក់ងារ​​ស៊ើប​ការ​ណ៍​សម្ងាត់​អាមេរិក ដែល​​ចេញផ្សាយនៅ​ថ្ងៃពុធ ទី​១៨ មីនា។​ តែទោះយ៉ាងណាក្តី​ រដ្ឋអំណាច​ចិន​ ស្នើឲ្យ​អាមេរិក លះបង់​ផ្នត់គំនិត ដែលតែងតែចោទ​ថា ចិន​ជា​ប្រភព​នៃការគំរាមកំហែង។​  

សង្គ្រាមនៅមជ្ឈឹមបូព៌ា កំពុងរីករាលដាលកាន់តែធំ និង​បង្កផលវិបាក​កាន់តែធ្ងន់ធ្ងរ​មកលើសេដ្ឋកិច្ចពិភពលោកទាំងមូល។ តំបន់នេះគឺជាជង្រុក​ប្រភពថាមពលដ៏ធំបំផុតមួយ ដែលមានប្រេងកាតនិងឧស្ម័នធម្មជាតិ​។ ពេលនេះ ការវាយប្រហារទៅវិញទៅមក មិនត្រឹមតែបាន​សំដៅទៅលើទីតាំងស្តុក​ប្រេងនិង​ឧស្ម័ន​ប៉ុណ្ណោះទេ តែវាបាន​វាយសំដៅទៅលើហេដ្ឋារចនាសម្ព័ន្ធ​​ផលិតកម្ម​​​តែម្តង។ បញ្ហានេះ និងជះផលប៉ះពាល់យូរអង្វែង ទៅលើ​បណ្តាញផលិត​និង​​ផ្គត់ផ្គង់ នៃ​​វត្ថុធាតុដើមថាមពល។

នៅថ្ងៃទី១៩ ខែមីនានេះ ក្រុមការងារសហភាពសហព័ន្ធយុវជនកម្ពុជាបានរៀបចំពិធីសែនប្រុងពលីដើម្បីត្រៀមបើកដំណើរការតុបតែងលំអតាមដងផ្លូវ និងតំបន់សម្រាប់ត្រៀមព្រឹត្តិការណ៍ «នគរសង្ក្រាន្ត» នៅរាជធានីភ្នំពេញដែលនឹងឈានចូលមកដល់នៅជាង ២០ថ្ងៃទៀត។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នារសៀលថ្ងៃទី១៩ ខែមីនានេះ លោក សោម រតនា ប្រធាននាយកដ្ឋានផ្សព្វផ្សាយ និងទំនាក់ទំនងសាធារណៈនៃគណៈកម្មាធិការសហភាពសហព័ន្ធយុវជនកម្ពុជាបានអះអាងថា ក្រុមការងាររៀបចំព្រឹត្តិការណ៍បាន​បែងចែកក្រុមការងារតាមផ្នែកនីមួយៗរួចហើយ តែដំណើរការរៀបចំតុបតែងលម្អនៅតាមតំបន់ដែលត្រូវរៀបចំព្រឹត្តិការណ៍នៅពុំទាន់មានលទ្ធផលធំដុំអ្វីនៅឡើយទេ។

ក្នុងបរិបទនៃសង្រ្គាមនៅមជ្ឈិមបូព៌ា កម្ពុជាកំពុងប្រឈមនឹងវិបត្តិតម្លៃប្រេងឥន្ធនៈឡើងថ្លៃ និងការផ្គត់ផ្គង់ពីទីផ្សារដែលខ្លួនធ្លាប់នាំចូលកន្លងមក។ បច្ចុប្បន្ន និងដើម្បីអាចបន្តបំពេញតម្រូវការរបស់ខ្លួន កម្ពុជាកំពុងស្វែងរកការនាំចូលប្រេងឥន្ធនៈបន្ថែមពីប្រទេសសិង្ហបុរី និងម៉ាឡេស៊ី។ គួរជម្រាបជូនថា កម្ពុជានៅមិន ទាន់មានរោងចក្រចម្រាញ់ប្រេងដោយខ្លួនឯងបាននៅឡើយទេ។ តែក្រុមអ្នកវិភាគយល់ថា កម្ពុជាគួរចាប់ផ្តើមពិចារណាសិក្សាពីលទ្ធភាពបង្កើតរោងចក្រចម្រាញ់ប្រេងឱ្យបានឆាប់ដើម្បីបញ្ជៀសវិបត្តិប្រេងឥន្ធនៈដូចដែលកំពុងកើតមាននៅលើពិភពលោកពេលនេះ។

នៅយប់ថ្ងៃទី១៨ ខែមីនា ឆ្នាំ២០២៦ បុរសម្នាក់ដែលគេស្គាល់ថាជាមន្ត្រីរាជការនៅស្រុកកងមាសបានបង្កគ្រោះថ្នាក់ចរាចរណ៍ក្រោមស្ថានភាពស្រវឹងក្នុងខណ្ឌឫស្សីកែវ បណ្តាលឲ្យក្មេងប្រុសម្នាក់អាយុ ១២ឆ្នាំរងរបួសធ្ងន់ និងត្រូវបានបញ្ជូនទៅសង្រ្គោះបន្ទាន់នៅមន្ទីរពេទ្យគន្ធបុប្ផា។ លោក ថា ភក្តី ដែលជាបងប្រុសបង្កើតរបស់ក្មេងប្រុសរងគ្រោះបានប្រាប់វិទ្យុបារាំងអន្តរជាតិ RFI នៅរសៀលថ្ងៃទី១៩ មីនានេះថា លោកកំពុងស្វះស្វែងរកយុត្តិធម៌ឲ្យប្អូនប្រុស តាមរយៈការដាក់ពាក្យបណ្តឹងប្តឹងជនបង្ក។ បើតាមលោក ថា ភក្តី ពាក្យបណ្តឹងកំពុងស្ថិតនៅក្នុងការពិនិត្យរបស់ស្នងការដ្ឋាននគរបាលរាជធានីភ្នំពេញ។

ប្រធានាធិ​បតីបារាំង ​លោក អេម៉ានុយអែល ម៉ាក្រុង បាន​ដាក់ឈ្មោះ​ឲ្យ​ នាវាផ្ទុកយន្តហោះចម្បាំងថ្មីរបស់បារាំង ដែលបំពាក់​អាវុធនុយក្លេអ៊ែរ​  ថា France Libre ។ ការ​ដាក់​ឈ្មោះបែប​នេះ ដើម្បីឧទ្ធិស​ដល់​ចលនាតស៊ូរំដោះប្រទេស​បារាំង នា​ជំនាន់​សង្គ្រាម​លោកលើកទី២។ តែការ​ប្រសិទ្ធនាម​ឈ្មោះ​ដូច្នេះ ខុសប្លែក​ពីទម្លាប់​ជាប្រពៃណី ដែល​ធ្លាប់តែ​ដាក់ឈ្មោះ​នាវាចម្បាំង​ ជាឈ្មោះ​របស់​ឥស្សរជននយោបាយ ឬឈ្មោះ​ កំពូលមេទាហាន​។​ ​​

​ជា​លើក​ទី​មួយ​ក្រុម​ប្រទេស​ក្នុង​តំបន់​ឈូង​សមុទ្ទ​ពែក្ស​នាំ​គ្នា​បរិហារ​​ និង​បញ្ចេញ​ប្រតិកម្មព្រួយ​បារម្ភ​ ក្រោយ​ពី​អ៊ីស្រាអែល​បាន​​​វាយប្រហារ​លើ​​អណ្តូង​ឧស្ម័នក្នុង​ក្រុង​Kangan ដែល​ស្ថិត​នៅ​ភាគ​ខាង​ត្បូង​​នៃ​ប្រទេស​អ៊ីរ៉ង់ និង​ដែល​ជំរុញ​ឱ្យ​អ៊ីរ៉ង់​បាញ់​មីស៊ីល​សង​សឹក​វិញ​លើ​ទីតាំង​ចម្រាញ់​​ឧស្ម័ន​របស់​កាតា។ ប្រធានាធិបតី​អាមេរិកលោក​​ដូណាល់ត្រាំបាន​សន្យា​រារាំង​មិន​ឱ្យ​អ៊ីស្រាអែល​វាយប្រហារ​លើ​អណ្តូង​ឧស្ម័ន​​អ៊ីរ៉ង់​ទៀតទេ ​បើ​អ៊ីរ៉ង់​ឈប់​ប៉ះពាល់​រចនា​សម្ព័ន្ធ​ឧស្ម័ន​កាតា។

សាលាឧទ្ធរណ៍ភ្នំពេញកាលពីថ្ងៃទី១៦ ខែមីនា ឆ្នាំ២០២៦ បានចេញដីកាកោះហៅលោក រ៉ុង ឈុន ទីប្រឹក្សាគណបក្សកម្លាំងជាតិឲ្យចូលសវនាការនៅថ្ងៃទី៣១ ខែមីនា ឆ្នាំ២០២៦ខាងមុខ។ ដីកាកោះដើម្បីបើកសវនាការឧទ្ធរណ៍នៅដំណាច់ខែមីនានេះ ធ្វើឡើងបន្ទាប់ពីលោក រ៉ុង ឈុន តាមរយៈមេធាវីលោក បានប្តឹងទៅសាលាឧទ្ធរណ៍ ជុំវិញការសម្រេចក្តីនៅសាលាដំបូងកាលពីពេលកន្លងទៅ ដោយផ្តន្ទាទោសលោក រ៉ុង ឈុន ឲ្យជាប់ពន្ធនាគាររយៈពេល ៤ឆ្នាំ ពីបទ«ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ 

នៅថ្ងៃទី​១៨ម្សិលមិញនេះ លោកស្រី ជា សិរី ទេសាភិបាលធនាគារជាតិនៃកម្ពុជា បានចេញសេចក្តីថ្លែងការណ៍ពន្យល់​អំពីនីតិវិធី​​​នៃការដោះស្រាយ​វិបត្តិ​ហិរញ្ញ​វត្ថុនៅធនាគារចំនួន២ គឺធនាគារព្រីនស៍ និងផេនដា។ តាមការបញ្ជាក់របស់​លោកស្រី ជា សិរី រយៈពេលជាង​ ២ខែមកនេះ ក្រុមហ៊ុនសវនកម្មឯករាជ្យ​កំពុងជម្រះបញ្ជីដើម្បីបង្វិលសាច់ប្រាក់​​ជូនអតិថិជនវិញ​។ ក្នុងន័យនេះ លោកស្រី ជា សីរី បាន​អំពាវ​ឱ្យអតិថិជនធនាគារផេនដា និងព្រីនស៍អត់ធ្មត់ និងទុកពេលឱ្យអ្នកទូទាត់បំណុលធ្វើការ។  ​​

បុគ្គលិកដេរកាបូបទាំងអស់នៅក្នុងសិប្បកម្មមេត្រី គឺជាជនមានពិការភាព។ សម្រាប់ម្ចាស់សិប្បកម្មមេត្រី ទោះបីជាពួកគេជាជនមានពិការភាពក៏ពួកគេមានសមត្ថភាពបំពេញការងារបានយ៉ាងល្អ។ សម្រាប់ជនមានពិការភាពវិញ ការងារនៅសិប្បកម្មមេត្រីបានផ្តល់ក្តីសង្ឃឹម និងជីវិតថ្មី ពិសេសគេចពីការរើសអើង និងការមើលងាយពីអ្នកដទៃ៕

ក្នុង​ខណៈ​ដែលពិភពលោកកំពុង​ជ្រួល​ច្របល់​ខ្លាច​ខ្វះ​ប្រេង​ឥន្ធនៈ​ប្រើប្រាស់​ ព្រោះ​តែ​​​​ចរាចរណ៍​ដឹកជញ្ជូន​ប្រេងរអាក់រអួល​យ៉ាងខ្លាំង​ដោយ​​សង្គ្រាម​នៅ​អ៊ីរ៉ង់​ ​​ក្រុម​អ្នក​ជំនាញ​បាន​ចេញ​របាយការណ៍​មួយ​បញ្ជាក់​អំពី​តួលេខ​សន្សំ​សំចៃ​ប្រេងតាម​រយៈ​ការ​ងាក​ទៅ​ប្រើ​រថយន្តអគ្គិសនី។ បើ​តាមការ​សិក្សា​របស់​អ្នកជំនាញ​ឯករាជ្យ​​ផ្នែក​​ថាមពល​ Ember ការ​ប្រើប្រាស់​រថយន្ត​អគ្គិសនី​​នៅ​លើ​ពិភពលោក បាន​កាត់​បន្ថយ​ការ​ចំណាយ​​ប្រេង​បាន​​១លាន​៧​សែន​ធុង​បារីលក្នុង​មួយ​ថ្ងៃ​នៅ​ឆ្នាំ​២០២៥។

ជាង២សប្តាហ៍​ហើយ ដែលច្រកសមុទ្រអកមូហ្ស ត្រូវបិទខ្ទប់ ធ្វើ​ឲ្យ២០%នៃតម្រូវការ​ប្រេងឆៅរបស់ពិភពលោក ត្រូវកកស្ទះ​​ មិនអាច​ដឹកជញ្ជូនចេញបានពីតំបន់ដើមបូព៌ា​​។ ផ្អែកតាមទីភ្នាក់ងារថាមពលអន្តរជាតិ គឺមានជម្រើស​​ផ្លូវវាងផ្សេងទៀត ដែល​អាចឲ្យ​គេដឹកប្រេងចេញបាន ដោយ​មិនចាំបាច់​ឆ្លងកាត់​ច្រកសមុទ្រអកមូហ្ស។ ក៏ប៉ុន្តែទោះជាយ៉ាងណា ទំហំប្រេងឆៅ​ដែល​អាចដឹកចេញបានតាមផ្លូវវាង នៅតែមិនទាន់គ្រប់គ្រាន់ សម្រាប់ការប្រើប្រាស់​ឡើយ​។

នៅថ្ងៃទី​១៨ម្សិលមិញនេះ លោកស្រី ជា សិរី ទេសាភិបាលធនាគារជាតិនៃកម្ពុជា បានចេញសេចក្តីថ្លែងការណ៍ពន្យល់​អំពីនីតិវិធី​​​នៃការដោះស្រាយ​វិបត្តិ​ហិរញ្ញ​វត្ថុនៅធនាគារចំនួន២ គឺធនាគារព្រីនស៍ និងផេនដា។ តាមការបញ្ជាក់របស់​លោកស្រី ជា សិរី រយៈពេលជាង​ ២ខែមកនេះ ក្រុមហ៊ុនសវនកម្មឯករាជ្យ​កំពុងជម្រះបញ្ជីដើម្បីបង្វិលសាច់ប្រាក់​​ជូនអតិថិជនវិញ​។ ក្នុងន័យនេះ លោកស្រី ជា សីរី បាន​អំពាវ​ឱ្យអតិថិជនធនាគារផេនដា និងព្រីនស៍អត់ធ្មត់ និងទុកពេលឱ្យអ្នកទូទាត់បំណុលធ្វើការ។  ​​

សង្គ្រាម​នៅ​អ៊ីរ៉ង់​មិន​បាន​ទទួល​ការ​គាំទ្រទាំង​ស្រុង​ពី​សំណាក់​អ្នក​ទទួល​ខុស​ត្រូវ​អាមេរិក​​ក្នុង​រដ្ឋបាល​លោក​ត្រាំ​ទេ។ នៅ​ថ្ងៃ​អង្គារ​ទី​១៧​មីនា​២០២៦​ម្សិលមិញ លោក​Joseph Kent នាយក​​មជ្ឈមណ្ឌល​ជាតិ​ផ្នែក​ប្រយុទ្ធ​ប្រឆាំង​នឹង​ភេរវកម្ម​បាន​ប្រកាស​លាលែង​ចេញ​ពី​តំណែង ដើម្បី​បញ្ជាក់​ជំហរ​ប្រឆាំង​​នឹងការ​វាយប្រហារ​លើ​​អ៊ីរ៉ង់។ ​

ពលរដ្ឋភៀសសឹកជាង ១០០គ្រួសារដែលភាគច្រើនជាស្រ្តី កុមារ និងមនុស្សចាស់មកពីក្បែរ​តំបន់អូរស្មាច់ ខេត្តឧត្តរមានជ័យកំពុងបន្តជាប់គាំងនៅក្នុងជំរំសុវត្ថិភាពនៃវត្តស្រណាលស្ថិតក្នុងឃុំស្រណាល ស្រុកក្រឡាញ់ ខេត្តសៀមរាប។ ពលរដ្ឋភៀសសឹកទាំងនេះបានរៀបរាប់ពីជីវភាពខ្វះខាត និងបញ្ហាផ្លូវចិត្ត។ តែទោះជាយ៉ាងណា ពួកគេក៏មិនទាន់ហ៊ានត្រឡប់ទៅផ្ទះវិញដោយសារតែកងទ័ពថៃបានដាក់រាយបន្លាលួស ទូរកុងតឺន័រ និងការប្រែតំបន់ភូមិសាស្ត្រមួយចំនួន។ 

ចៅក្រមសាលាឧទ្ធរណ៍នៃសហព័ន្ធអាមេរិកបានបង្គាប់ឱ្យទីភ្នាក់ងារសហរដ្ឋអាមេរិក​សម្រាប់ប្រព័ន្ធផ្សព្វផ្សាយសកល ហៅកាត់ USAGM ហៅបុគ្គលិកទាំងជាង ១ ០០០នាក់របស់វិទ្យុសំឡេងសហរដ្ឋអាមេរិក វីអូអេចូលបម្រើការងារឡើងវិញនៅត្រឹមថ្ងៃទី២៣ មីនាខាងមុខ។ នៅក្នុងសេចក្តីសម្រេចចុះថ្ងៃទី១៧ ខែមីនា ឆ្នាំ២០២៦ ចៅក្រមសាលាឧទ្ធរណ៍បានចោទរដ្ឋបាលលោក ដូណាល់ ត្រាំថាបានធ្វើខុសច្បាប់ក្នុងការព្យាយាមបិទស្ថាប័នសារព័ត៌មានប្រជាធិបតេយ្យមួយនេះ។ 

កាសែតក្នុងស្រុកថៃបានចុះផ្សាយជាព្រោងព្រាត នៅថ្ងៃអង្គារទី១៧ ខែមីនា ឆ្នាំ២០២៦ ពីគម្រោងសាង​សង់របងព្រំដែនជាមួយនឹងកម្ពុជា នៅដើមខែមេសាខាងមុខនេះ។ អ្នកនាំពាក្យទីបញ្ជាការកងទ័ពថៃបានឲ្យដឹងថា ការសាងសង់របងព្រំដែនជាមួយកម្ពុជានេះធ្វើឡើងនៅលើទីតាំងដែលប្រទេសទាំងពីរគ្មានជម្លោះទឹកដី និង​ថា កម្ពុជាក៏បានយល់ព្រមលើគម្រោងនេះដែរ។

តម្លៃប្រេងឥន្ធនៈនៅកម្ពុជាបន្តហក់ឡើងថ្លៃជាបន្តបន្ទាប់ក្នុងរយៈពេល ៣ថ្ងៃម្តង ចាប់តាំងពីដើមខែមីនា ឆ្នាំ២០២៦ នេះមក។ តម្លៃប្រេងហក់ឡើងពេលនេះបានធ្វើឲ្យក្រុមហ៊ុនដឹកជញ្ជូននាំគ្នាតម្លើងថ្លៃសេវាកម្មរបស់ខ្លួនចន្លោះពី ១០ ទៅ ២០ភាគរយ។ អ្នកជំនាញមើលឃើញថា នេះជាផលប៉ះពាល់តៗគ្នា ក្នុងនោះ ពលរដ្ឋដែលជាអ្នកប្រើប្រាស់សេវា ឬជាអ្នកទិញទំនិញ គឺជាអ្នករងគ្រោះចុងក្រោយ។ តើរដ្ឋាភិបាលគួរបញ្ចុះពន្ធប្រេងឥន្ធនៈដើម្បីបញ្ជៀសផលប៉ះពាល់ដល់ពលរដ្ឋ ឬយ៉ាងណា?

ផ្ទុយពីសហរដ្ឋអាមេរិក​ ដែលបានបំផ្ទុះសង្គ្រាមនៅដើមបូព៌ា ចិន​វិញកំពុងតែប្រើយុទ្ធសាស្ត្រ​ជំនួយមនុស្សធម៌​ ដើម្បីជួយ​ប្រទេសរងគ្រោះ​ដោយ​ផ្ទាល់ឬដោយ​ប្រយោល ដោយសារតែសង្គ្រាមនេះ​។ អ្នកនាំពាក្យ​ក្រសួងការ​បរទេសចិន បាន​ប្រកាសនៅព្រឹកថ្ងៃទី​១៧​មីនានេះ ថាចិន​នឹង​បញ្ជូន​ជំនួយមនុស្សធម៌ ទៅកាន់​ប្រទេស​៤នៅដើមបូព៌ា មានអ៊ីរ៉ង់ លីបង់ ហ្សកដានី និងអ៊ីរ៉ាក់​។

ជាច្រើន​ឆ្នាំ​ជាប់ៗគ្នា​មកនេះ មហាយក្ស​ចិន បង្កើន​ថវិកាយោធា​ជា​លំដាប់ ដើម្បី​ពង្រឹង​ឥទ្ធិពលយោធា​ ជាពិសេស​ទ័ព​ជើងទឹក។ ចិន ​ជាប្រទេស​ដែល​មាន​ចំនួន​​កងទ័ព​ជើង​ទឹក ​ច្រើន​ជាង​គេ​លើពិភពលោក។ ​បើតាម​មន្ទីរបញ្ចកោណអាមេរិក ចិន​មាន​នាវាចម្បាំង​ នាវាផ្ទុកយន្តហោះចម្បាំង​ និង​នាវាមុជទឹក សរុប​ជាង ៣៧០ គ្រឿង។ ដើមសប្តាហ៍​នេះ ​ លោកប្រមុខ​រដ្ឋចិន ស៊ី ជីនពីន មិន​លាក់​លៀម​អំពី​មហិច្ចតា​បង្កើន​សមត្ថភាព​កម្លាំងទ័ព​ជើង​ទឹក ដោយ​ជំរុញ​​អភិវឌ្ឍ​ន៍បច្ចេកវិទ្យាទ័ពជើងទឹក និងសាងសង់កំពង់ផែ បម្រើឲ្យវិស័យ​យោធា​។ ម្ល៉ោះហើយ សមុទ្ទ​​​ ក្លាយ​ជា​បេះដូង​យុទ្ធសាស្ត្រ​យោធា​ នៃ​មហាអំណាច​ចិន។​​ ​

រដ្ឋមន្ត្រី​ក្រសួងការពារជាតិអ៊ីស្រាអែល បានចេញមុខប្រកាសដោយ​ផ្ទាល់ កាលពីរសៀល​ថ្ងៃទី​១៧មីនាម្សិលមិញ ថាប្រធានឧត្តម​​ក្រុមប្រឹក្សាសន្តិសុខជាតិអ៊ីរ៉ង់​ ឈ្មោះ អាលី ឡារីចានី ត្រូវបាន​អ៊ីស្រាអែល​សម្លាប់​បានសម្រេចហើយ​។ ផ្អែកតាមភ្នាក់ងារ​​​ចារកិច្ចអ៊ីស្រាអែល អាលី ឡារីចានី ​គឺជា​មេ​ធំបំផុត​ និង​ជា​អ្នកចាត់ចែង​​ជាក់​ស្តែង នៅក្នុងរបប​អ៊ីស្លាមផ្តាច់ការ​អ៊ីរ៉ង់ បើទោះ​បី​​មិន​មាន​ងារ​​ជា​​អគ្គមគ្គុទ្ទេសក៍​កំពូលក៏ដោយ​។

ប្រធានាធិបតីអាមេរិក លោក ដូណាល់ ត្រាំ បាន​ធ្វើ​សន្និសីទសារព័ត៌មាន​ នៅថ្ងៃចន្ទ ទី​១៦មីនា ​ដើម្បី​បង្ហាញ​អំពី​តុល្យការ​សង្គ្រាម​អ៊ីរ៉ង់។ ក្រៅពី​លើកសរសើរ​ថា​អាមេរិក​ខ្លាំង​អស្ចារ្យ​ជាងគេនិងមិនត្រូវ​ការ​ជំនួយ​ពីប្រទេសណា​ ចៅហ្វាយ​សេតវិមានក៏បានសម្តែង​​ភាព​អាក់អន់ចិត្ត​ចំពោះ​ប្រទេស​បស្ចិមលោក ពិសេស​បារាំង​និង​អង់គ្លេស​ ដែល​មិនព្រម​បញ្ជូន​នាវាចម្បាំង​ទៅ​រក្សាសន្តិសុខនាវានាចរណ៍ នៅច្រកសមុទ្ទ​អកមូស្ស​។ ប្រឈម​នឹង​ស្ថានការណ៍​សង្គ្រាម​នៅមជ្ឈិមបូព៌ា លោក ត្រាំ សម្រេចចិត្តពន្យារពេល​ដំណើរទស្សនកិច្ច​ទៅ​ប្រទេស​ចិន ដែលគ្រោង​ទុកជាយូរមកហើយ។  

ថ្មីៗនេះ អតិថិជនរបស់ធនាគារ APD បាននាំគ្នាសម្រុកទៅដកប្រាក់របស់ខ្លួន ក្រោយមានពាក្យចចាមអារ៉ាមថា ធនាគារមួយនេះអាចប្រឈមនឹងការអាជ្ញាប័ណ្ណដោយសង្ស័យពាក់ព័ន្ធនឹងសកម្មភាពក្លែងបន្លំតាមអនឡាញ។ នៅថ្ងៃទី១៦ ខែមីនា ឆ្នាំ២០២៦ ធនាគារ APD បានចេញលិខិតអះអាងថាខ្លួនមិនជាប់ពាក់ព័ន្ធនឹងសកម្មភាពក្លែងបន្លំតាមអនឡាញអ្វីទេ។ ចំណែកធនាគារជាតិកម្ពុជា តាមរយៈអគ្គទេសាភិបាល លោកស្រី ជា សិរី បានបញ្ជាក់ក្នុងថ្ងៃទី១៦ មីនាថា នៅពេលអតិថិជននាំគ្នាសម្រុកទៅដកប្រាក់ទាំងអស់របស់ខ្លួនចេញពីគណនីនៅធនាគារនឹងនាំឲ្យមានការរាំងស្ទះ ព្រោះធនាគារមិនអាចបង្វិលប្រាក់ទាន់ពេលទេ និងថា ការណ៍នេះក៏នឹងប៉ះពាល់ដល់សេដ្ឋកិច្ចជាតិដែរ។ ដើម្បីបញ្ជៀសក្តីបារម្ភរបស់អតិថិជន តើរដ្ឋាភិបាលគួរធានាអ្វីខ្លះដើម្បីឱ្យពលរដ្ឋមានជឿទុកចិត្តលើប្រព័ន្ធធនាគារ?

រដ្ឋាភិបាលក្រុងប៉េកាំងបានប្រកាស នៅថ្ងៃចន្ទ ទី១៦ មីនា ថាបានបញ្ជូនប្រេសិត ទៅប្រទេសប៉ាគីស្ថាន និងអាហ្វហ្កានីស្ថាន ដើម្បីសម្របសម្រួល បញ្ចប់ជម្លោះរវាងភាគីទាំងពីរ។ របបកុម្មុយនិស្តចិនក៏បានអំពាវនាវឲ្យប្រទេសទាំងពីរ អនុវត្តបទឈប់បាញ់ជាបន្ទាន់ និងទម្លាក់អាវុធចុះ ងាកចូលតុចរចា។ ប៉ុន្តែ កងទ័ពប៉ាគីស្ថាន និងអាហ្វហ្កានីស្ថាន នៅបន្តបាញ់ប្លោងដាក់គ្នា ឥតលោះថ្ងៃ។ នៅថ្ងៃចន្ទដដែល ការវាយប្រហាររបស់ប៉ាគីស្ថានបានផ្តាច់ជីវិតជនស៊ីវិលអាហ្វហ្កានីស្ថាន ២នាក់។

ប្រឈមនឹងបញ្ហាបិទខ្ទប់ច្រកសមុទ្រអកមូហ្ស ដោយសារតែសង្គ្រាមនៅអ៊ីរ៉ង់ លោក​ដូណាល់ ត្រាំ បាន​ប្រកាសកាលពីថ្ងៃអាទិត្យ​ទី​១៥មីនា ទាមទារ​ឲ្យ​ប្រទេសសម្ព័ន្ធមិត្តអូតង់ ព្រមទាំងចិនជប៉ុនជាដើម ត្រូវបញ្ជូន​កម្លាំងមកជួយ​ការពារសន្តិសុខតំបន់​នេះ​។ ការប្រកាសរបស់លោកត្រាំនេះ គ្មាននរណាធ្វើតាមឡើយ ទាំងចិនទាំងជប៉ុននិងអូស្ត្រាលី​។ ចំណែក​អង់គ្លេស និងអាល្លឺម៉ង់ បានបញ្ជាក់ជំហរច្បាស់ៗ ថាបញ្ហានៅដើមបូព៌ា​ មិនមានអ្វីពាក់ព័ន្ធជាមួយ​អង្គការសម្ព័ន្ធមិត្តអាត្លង់ទិកខាងជើង ហៅកាត់ថា អូតង់ ឬណាតូ បន្តិចណាឡើយ​។

រដ្ឋាភិបាលក្រុងប៉េកាំងបានប្រកាស នៅថ្ងៃចន្ទ ទី១៦ មីនា ថាបានបញ្ជូនប្រេសិត ទៅប្រទេសប៉ាគីស្ថាន និងអាហ្វហ្កានីស្ថាន ដើម្បីសម្របសម្រួល បញ្ចប់ជម្លោះរវាងភាគីទាំងពីរ។ របបកុម្មុយនិស្តចិនក៏បានអំពាវនាវឲ្យប្រទេសទាំងពីរ អនុវត្តបទឈប់បាញ់ជាបន្ទាន់ និងទម្លាក់អាវុធចុះ ងាកចូលតុចរចា។ ប៉ុន្តែ កងទ័ពប៉ាគីស្ថាន និងអាហ្វហ្កានីស្ថាន នៅបន្តបាញ់ប្លោងដាក់គ្នា ឥតលោះថ្ងៃ។ នៅថ្ងៃចន្ទដដែល ការវាយប្រហាររបស់ប៉ាគីស្ថានបានផ្តាច់ជីវិតជនស៊ីវិលអាហ្វហ្កានីស្ថាន ២នាក់។

នៅក្នុងប្រទេសភូមា សភាបានបើកកិច្ចប្រជុំពេញអង្គនាថ្ងៃចន្ទ ទី១៦ មីនាក្នុងទីក្រុងណៃពីដោ ដោយមានវត្តមានអ្នកតំណាងរាស្រ្តដ៏ច្រើនលើសលប់មកពីគណបក្ស ឯកភាព សាមគ្គីភាព និងអភិវឌ្ឍន៍ដែលគេស្គាល់ជាគណបក្សគាំទ្រកងទ័ព។ គណបក្សមួយនេះបានឈ្នះឆ្នោតភ្លូកទឹក ភ្លូកដីនាការបោះឆ្នោតសភាជាដំណាក់កាលក្នុងខែធ្នូ ឆ្នាំ ២០២៥ និងខែមករា ឆ្នាំ ២០២៦។

សង្គ្រាមនៅអ៊ីរ៉ង់​បានឈានចូលដល់សប្តាហ៍ទី​៣ហើយ។ មួយថ្ងៃបន្ទាប់ពីលោកដូណាល់ ត្រាំ​បានប្រកូក​ប្រកាសហៅ​ប្រទេសផ្សេងៗ​ ឲ្យ​មកជួយការពារសន្តិសុខ​ច្រកសមុទ្រអកមូហ្ស​ អ៊ីរ៉ង់​បាន​ប្រកាសគំរាមនៅថ្ងៃទី​១៦មីនានេះ ហាមប្រទេស​ទាំងអស់ មិន​ឲ្យលូកដៃ ប្រសិន​បើមិន​​​ចង់រងគ្រោះ​។ គិតត្រឹមពេលនេះ អ៊ីរ៉ង់​បានបន្តវាយប្រហារ​មកលើ​ប្រទេសនៅ​តំបន់ឈូងសមុទ្រ ក្នុងនោះមានទាំងអាកាសយានដ្ឋាន មូលដ្ឋានទ័ព និងតំបន់ឧស្សាហកម្ម​​ប្រេង​ជាដើម​​​។

នៅល្ងាចថ្ងៃទី១៤មីនា មានកុមារ ២នាក់បានស្លាប់ដោយសារផ្ទុះគ្រាប់ដែល​សល់​ពីសង្គ្រាមនៅក្រោមស្ពានមួយកន្លែងស្ថិតក្នុងស្រុកសន្ទុក ខេត្តកំពង់ធំ។ អ្នកនាំពាក្យសាលាខេត្តកំពង់ធំ លោក អ៊ុន បុត្ត បានប្រាប់វិទ្យុបារាំងអន្តរជាតិ RFI នៅថ្ងៃចន្ទ ទី១៦ ខែមីនានេះថា មន្ត្រីជំនាញបោសសម្អាតកាកសំណល់មិនទាន់ផ្ទុះបាន​ចុះទៅពិនិត្យទីតាំងផ្ទុះគ្រាប់ និងបានរកឃើញក្បាលគ្រាប់ប្រភេទ M79។ បើតាមការបញ្ជាក់របស់អ្នកនាំពាក្យរូបនេះដដែល ករណីផ្ទុះគ្រាប់នេះបានកើតឡើង បន្ទាប់ពីក្មេងប្រុសស្រីទាំងពីរនាក់បានយកគ្រាប់មិនទាន់ផ្ទុះទៅដំលេងដែលជាហេតុបណ្តាលឲ្យផ្ទុះភ្លាមៗនៅនឹងកន្លែង។ សំឡេងលោក អ៊ុន បុត្ត៖

របាយការណ៍ចុងក្រោយរបស់សហភាពអន្តរសភា និងអង្គការសហប្រជាជាតិសម្រាប់ស្រ្តីបង្ហាញថា គិតត្រឹមខែមករា ឆ្នាំ២០២៦នេះ ចំនួនស្ត្រីដែលជាអ្នកតំណាងរាស្ត្រនៅក្នុងសភានៃបណ្តាប្រទេសទូទាំងសកលលោកនៅមានចំនួនតិចតួចនៅឡើយ។ នៅក្នុងចំណោមប្រទេសទាំង១៨០ កម្ពុជាឈរនៅលេខរៀងទី១៥២ ដែលមានស្ត្រីបម្រើការងារនៅក្នុងកិច្ចការនយោបាយជាន់ខ្ពស់។

ថ្ងៃ អាទិត្យ ទី ១៥ ខែ មីនា ប្រទេសកាហ្សាក់ស្ថាន បានអនុម័តវិសោធនកម្មរដ្ឋធម្មនុញ្ញ តាមរយៈការបោះឆ្នោតប្រជាមតិ ។ តាមការអះអាងរបស់ ប្រធានាធិបតីកាហ្សាក់ស្ថាន​​ លោក Kassym-Jomart Tokayev កំណែទម្រង់រដ្ឋធម្មនុញ្ញថ្មីនេះ គឺបានរៀបចំឡើង ដើម្បីពង្រឹងលទ្ធិប្រជាធិបតេយ្យ នៅក្នុងប្រទេស ។ ប៉ុន្តែផ្ទុយទៅវិញ អង្គការក្រៅ​រដ្ឋាភិបាល និង អ្នកសង្កេតការណ៍មួយចំនួន បានរិះគន់ថា អត្ថបទច្បាប់ថ្មីនេះអាចនឹងទៅពង្រឹងអំណាចរបស់មេដឹកនាំ កាហ្សាក់ស្ថាន ព្រមទាំងរឹតបន្តឹងសេរីភាពសាធារណៈបន្ថែមទៀត។