Lebanon



ماسك يلمّح لمخاطر تحدق به.. «سأتلقى مزيداً من التهديدات»

بعد العاصفة التي أطلقها خلال الأيام الماضية، سواء بقضية التحرش التي طفت إلى السطح، أو الهجوم العنيف الذي شنه على الحزب الديمقراطي الأميركي، خ
tayyar.org Live News

ماسك يلمّح لمخاطر تحدق به.. «سأتلقى مزيداً من التهديدات»

بعد العاصفة التي أطلقها خلال الأيام الماضية، سواء بقضية التحرش التي طفت إلى السطح، أو الهجوم العنيف الذي شنه على الحزب الديمقراطي الأميركي، خرج الملياردير الأميركي إيلون ماسك، خلال الساعات الماضية بتغريدة زادت الطين بلة، مشعلة المزيد من الجدل. فقد رجح رئيس تسلا، أنه سيتلقى المزيد من التهديدات إذا مضى في صفقته التي شغلت العالم خلال الأسابيع الماضية، بشراء منصة «تويتر» الشهيرة. جاء ذلك بعد أن دعته إحدى المتابعات إلى أخذ الحيطة والحذر، وزيادة عدد حراسه، معتبرة أنه سيتلقى المزيد من التهديدات بعد شرائه «العصفور الأزرق». فما كان من الرئيس التنفيذي لسبايس أكس، إلا أن رد مؤكداً تلك التوقعات. وكتب بتغريدة على حسابه في تويتر أمس: «صحيح شرائي لتويتر لن يزيد على الأرجح من متوسط عمري المتوقع!». الديمقراطيون والتحرش! يشار إلى أن تلك التلميحات لأغنى رجل في العالم، أتت بعد أن انتقد بشكل لاذع الديمقراطيين في البلاد، معتبراً أنهم أضحوا حزباً يروج للانقسام والكراهية في الولايات المتحدة، ومؤكداً أنه سيصوت للحزب الجمهوري في الانتخابات المقبلة. كما جاءت بعد اتهامات تحرش طفت إلى السطح مؤخراً، زاعمة أن شركة سبيس إكس دفعت 250 ألف دولار في عام 2018 لتسوية دعوى رفعتها ضده مضيفة طيران لم يذكر اسمها، بحسب ما نقل موقع «بيزنيس إنسايدر» قبل أيام. فيما نفى ماسك تلك الاتهامات، مؤكداً أنها «غير صحيحة»، وذات دوافع سياسية، ومتوقعاً أن يشهد المزيد من تلك الفبركات. ليست «معلقة» يذكر أن الرجل المثير للجدل، كان أكد سابقاً أن صفقة استحواذه على تويتر بقيمة 44 مليار دولار، لن تستمر حتى يتضح له كيف تحسب منصة التواصل عدد الحسابات المزيفة على موقع التغريد الشهير. في حين أكد الرئيس التنفيذي لتويتر، باراج أغراوال، ورئيستها القانونية فيجايا جادي، لموظفي الشركة يوم الخميس الماضي أن الصفقة ليست «معلقة»، مطمئناً إلى أنها ستمضي قدماً. ومنذ إعلانه عزمة شراء المنصة وتحويلها إلى شركة خاصة في أبريل الماضي، لم تهدأ التكهنات حول مصير تلك الصفقة، لاسيما بعد الانتقادات التي وجهها ماسك البالغ من العمر 51 عاماً للعصفور الأزرق.

أرسلان: سنعيد حساباتنا في التعاطي مع الحلفاء قبل الأخصام

عقد رئيس الحزب الديمقراطي اللبناني طلال أرسلان اجتماعاً لقيادة وكوادر الحزب في خلدة، حضره إلى جانب عقيلته رئيسة المنتدى النسائي اللبناني زين
tayyar.org Live News

أرسلان: سنعيد حساباتنا في التعاطي مع الحلفاء قبل الأخصام

عقد رئيس الحزب الديمقراطي اللبناني طلال أرسلان اجتماعاً لقيادة وكوادر الحزب في خلدة، حضره إلى جانب عقيلته رئيسة المنتدى النسائي اللبناني زينة طلال أرسلان، وشقيقته زينة مجيد أرسلان، وزير المهجرين عصام شرف الدين، الوزير السابق البروفسور رمزي المشرفية، الأمين العام للحزب وليد بركات، أعضاء المجلس السياسي والهيئة التنفيذية ومنتدى الشباب الديمقراطي اللبناني وجمعية الكشاف الديمقراطي، بالإضافة إلى رؤساء الدوائر والوحدات الحزبية وأعضاء هيئاتها. وبعد النشيدين الوطني اللبناني والحزب الديمقراطي اللبناني، تحدّث أرسلان فقال: “الإخوة الوزراءوالرفاق في قيادة الحزب جميعاً، طلبت اللقاء بكم اليوم وأنا مُدرك أنّ في داخل كلّ رفيقة ورفيق منكم غصّة، والحزن يملأ وجوه البعض، وأسئلة تخطر كل لحظة على بالكم حول مصيرنا… وماذا بعد؟! ولقاؤنا اليوم، لنناقش بمحبة وانفتاح وصدق، ولنضع نصب أعيننا مصلحة الحزب الديمقراطي اللبناني، الذي أسسناه معاً منذ 22 سنة، وخضنا معارك وصدينا جبهات، وفرحنا بانتصارات معاً وواجهنا الخسارة بإرادة وعزيمة وإصرار… فنحن أبناء الجبل… وُلدنا لنتحمل المصاعب والمشقات ولنصمد… وسنصمد. من يعتقد أنّني هنا لأتحدث عن مؤامرات حيكت… وعن هجمات تعرضنا لها من الداخل والخارج… وعن مخططات أدت لاسقاطنا… وعن ألاعيب خبيثة استغلت وجع الناس لمعاقبتنا والإبقاء على الفاسدين… فهو مُخطىء… فكل ذلك معروف للجميع… لكم وللبعيد وللصغير وللكبير… وأصبحت خلفنا. نحن هنا اليوم… للنهوض معاً، ولنثبت للحليف والخصم… أنّنا حين نربح… نتواضع ونتعامل بأخلاقنا وعاداتنا وقيمنا… وحين نخسر… نشتدّ ونصمّم ونواجه… وسنواجه بكل ما أوتينا من قوة، وشو خسرنا؟؟ مقعد نيابي؟؟ النيابي والوزارة والرئاسة وكل مناصب الكون وكل المراكز لكبار القوم بكل العالم بالنسبة إلنا ولقناعتنا بيوصلوا على باب دار خلدة وبيرجعوا…. ويلّي ما إلو ماضي لا إلو حاضر ولا مستقبل. من يعتقد منكم أنّ مصيرنا ودورنا في هذا البلد الذي أسسناه محصور بالمناصب وبتمثيلنا في السلطة فلا يقدّر الأمور جيداً… وسنثبت للجميع أننا حيث نكون… يكون الموقف الصادق والقرار الصائب… وهنا أعيد ما قلت، نتقبّل نتيجة الإنتخابات ونحترم قرار ورأي أهلنا في الجبل والإغتراب… ولو أتى على حسابنا وأبقى على الفاسدين… وأضيف هنا أنّ قرارنا اليوم هو الناس الأوفياء الشرفاء الذين قرّروا الصمود إلى جانبنا وإلى جانب دار خلدة والدوحة الأرسلانية، وما بدلوا يوماً في كل الظروف…. وبقوا حدنا على المرّة قبل الحلوة. أمّا على صعيد الحزب، الأهم دائماً وأبداً، هذه المؤسسة التي رأينا فيها مساحة كبيرة تجمعنا وتعطينا الفرصة لننقل من خلالها موقفنا وأفكارنا ورؤيتنا… ونوحد صفوفنا وننظم أهلنا الأوفياء في إطار العمل المؤسساتي، ومنذ تأسيسنا له في تمّوز 2001، كنا نقول ونكرّر أنه لو تركنا العالم كلّه وتبدلت الظروف وتغيّرت الأوضاع، سيبقى هذا الحزب بمبادئه وأبنائه صامداً وحراً ومقداماً… واليوم أعلن أمامكم أننا أمام صيفٍ حار حزبياً… وسنعقد المؤتمر العام للحزب… مؤتمر الشهيدين رامي سلمان وسامر أبي فراج… رحمهما الله وشهداء الحزب جميعاً… خلال هذا الصيف وتحديداً في ٢٤ تموز أي ضمن المهل المحددة بحسب النظام الداخلي…. وسنسعى خلاله إلى تحقيق تغيير ملحوظ بدءاً من المجلس السياسي وصولاً إلى أصغر وحدة حزبية… أينما تدعو الحاجة لذلك. وبكل صراحة وشفافية… وكما تعودتم عليّ… إنّ هذا التغيير الداخلي هو ليس من باب المحاسبة أو الإقتصاص من أحد… ولا من باب “فشّة الخلق” كما يريدها البعض… إلاّ أنّني مصرٌّ على أننا في مرحلة جديدة وعلينا مواكبة العصر والتطورات… فنفس الناس تبدل وهمومهم وتطلعاتهم تغيرت… وخطابنا السياسي والإعلامي يجب أن يراعي كل ذلك… وهذا لن يحصل في حال لم نجرِ التغييرات اللازمة التي تواكب هذا التطور…   وبكل صراحة أيضاً، علينا العمل بالقول الشهير: “لو دامت لغيرك لما اتصلت إليك”، فالحزب ومصلحته ومصلحة استمراريته أكبر منا جميعاً. وبعد المؤتمر سيختلف أداء الحزب، ومجلسه السياسي ومديرياته ودوائره ووحداته والمؤسسات التابعة له (المنتدى النسائي، ومنتدى الشباب وجمعية الكشاف) ومكاتبه والاعلام فيه… وسنركز على نشاطنا في المناطق بين أهلنا وناسنا… وسنبقى إلى جانبهم نشاركهم أتراحهم قبل أفراحهم ونتابع همومهم… فالمرحلة القادمة صعبة وصعبة جداً. المرحلة القادمة ستشهد انهيارات في معظم القطاعات المتبقية، والإنهيار أسرع من محاولات لجمه أو وقفه… فبعد قطاع الكهرباء اليوم قطاع الاتصالات على مشارف الانهيار وبالأمس اتخذ مجلس الوزراء قرار رفع التعرفة… ومن أين سيأتي الشعب الذي بات بأكثريته تحت خط الفقر بثمن بطاقات التعبئة الجديد لا أحد يعرف… وماذا عن الدين العام والأموال المهربة والاموال المنهوبة والمشاريع المتوقفة والصفقة مع صندوق النقد الدولي والبنك الدولي؟ وماذا عن النازحين السوريين؟ وعن قضية انفجار مرفأ بيروت؟ وعن أزمة الطحين ورغيف الخبز؟ وعن أزمة الدواء والإستشفاء؟ وعن أزمة المحروقات؟ وسعر صرف الدولار؟ وشبه الحصار الاقتصادي علينا ؟ وماذا عن استحقاق رئاسة المجلس النيابي والحكومة الجديدة أولاً بتكليف رئيس جديد ومن ثمّ التأليف… وصولاً إلى الإستحقاق الرئاسي…. وأمام هذا المشهد السوداوي ستقولون لي… الحمدالله يا مير نحنا برّا… وعلى الصعيد السياسي،وضعتنا نتائج الإنتخابات في الشوف وعاليه وحاصبيا وبيروت والمتن، بموقع المعارضة، ونقولها أمامكم وأمام الجميع… كما جاء في كتابه المقدّس: “وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ”، واليوم أصبحنا حيث نحن في الموقع الذي يشبهنا… وسنكون في صفوف المعارضة الحقيقية لا المصطنعة، ولا الكاذبة، ولا المستغلة لأوجاع الناس… سنكون في معارضة تشبهنا وتشبه تاريخنا وأخلاقياتنا… سنصفق لهم وللإنجازات إن أنجزوا وسنحاسبهم على الأخطاء والقرارات الخاطئة إن أخطأوا. وسنعيد حساباتنا في التعاطي مع الجميع… مع الحلفاء والأخصام… ولن نهادن… ولن نسكت عن ظلم أو تقصير أو دجل بعد اليوم… ولن نراعي أحداً، إلاّ أهلنا الشرفاء… من حاصبيا وصولاً إلى المتن الأعلى… وهنا لا بد من التنويه بأنّنا صحيح قد نكون خسرنا هذه المعركة الشرسة، وأيضاً لن أعطي أهمية لتدخلات الغرب في شؤوننا والتي باتت واضحة وبالعلن أمامكم جميعاً، وباتوا مسؤولون دوليون يتباهون بخسارتنا في مقابلاتهم وتصريحاتهم… ثمّ نرى من يسأل هل يُعقل أن يكون هناك تدخلٌ من السفارات والدول… ولا قيمة للإجابة طبعاً. وعلى الرغم من كل ذلك… أختم لأقول أننا نلنا في صناديق الإقتراع في عاليه فقط أكثر من 9000 صوت، وتقدمنا عن الاستحقاق السابق اكثر من 1200 صوت، حين بدا واضحاً للجميع تراجع كل الأفرقاء السياسيين بآلاف الأصوات… وهذا وسام على صدري… وهنا أشكر كلّ من سهر وبذل جهداً وتعب وعمل بكل إرادة وعزم لنجاحنا،وشو ما كانت النتيجة يعطيكم الف عافية… يمكن نخسر معركة إنما رح نربح الحرب بوجّن كلّن… وكلّن يعني كلّن.لأن لا منشبه حدا… ولا حدا بيشبهنا”. وكان أرسلان قد استقبل وفوداً مناطقية في دارته في خلدة بالأمس أكدت على وفائها لدارة خلدة ولمسيرته مهما تبدلت الظروف وتغيرت.

حدرج لعلي حسن خليل: ليش دايما بيستفزك كلام باسيل وهوي حليف وما شفناك انزعجت من جعجع

علّق المستشار في القانون الدولي الدكتور قاسم حدرج على كلام النائب علي حسن خليل الذي ردّ فيه على الوزير باسيل. وغرّد حدرج عبر حسابه على «تويت
tayyar.org Live News

حدرج لعلي حسن خليل: ليش دايما بيستفزك كلام باسيل وهوي حليف وما شفناك انزعجت من جعجع

علّق المستشار في القانون الدولي الدكتور قاسم حدرج على كلام النائب علي حسن خليل الذي ردّ فيه على الوزير باسيل. وغرّد حدرج عبر حسابه على «تويتر»: «خليل: باسيل توهم أن هناك من يفاوضه ليضع دفتر شروط ورشحنا بري لرئاسة المجلس ولم نطلب مبادلة الاصوات مع أي موقع. فيك تخبرنا ليش دايما بيستفزك كلام #جبران_باسيل وهوي حليف وبتركض حتى ترد عليه وما شفناك انزعجت من #جعجع يلي اعتبر الرئيس بري غير مطابق للمواصفات عن جد صار بدها تفسير .»

خريش: ليش مستغربين إنّو حسن خليل دغري ردّ على باسيل وما ردّ على جعجع

علّقت نائبة رئيس التيار للشؤون السياسية مي خريش على كلام النائب علي حسن خليل عبر تغريدة على تويتر جاء فيها: «ليش مستغربين إنّو علي حسن خليل دغر
tayyar.org Live News

خريش: ليش مستغربين إنّو حسن خليل دغري ردّ على باسيل وما ردّ على جعجع

علّقت نائبة رئيس التيار للشؤون السياسية مي خريش على كلام النائب علي حسن خليل عبر تغريدة على تويتر جاء فيها: «ليش مستغربين إنّو علي حسن خليل دغري ردّ على جبران باسيل بموضوع رئاسة المجلس النيابي…وما ردّ على جعجع…ارجعوا لأحداث الطيونة…بتعرفوا الجواب…»

القرم: لم أقبل بتحويل قطاع الاتصالات لما يشبه قطاع الكهرباء

قال وزير الاتصالات جوني القرم لـ«الشرق الأوسط»، إن قرار رفع التعرفة «أنقذ القطاع الذي لم يكن قادراً على الاستمرار على حاله مع كل المشكلات الم
tayyar.org Live News

القرم: لم أقبل بتحويل قطاع الاتصالات لما يشبه قطاع الكهرباء

قال وزير الاتصالات جوني القرم لـ«الشرق الأوسط»، إن قرار رفع التعرفة «أنقذ القطاع الذي لم يكن قادراً على الاستمرار على حاله مع كل المشكلات المالية مع الموردين والموظفين»، موضحاً أنه «بما يتعلق بالهاتف الثابت زادت التكلفة مرتين ونصف المرة، علماً بأن هناك باقات بأسعار أقل لمحدودي الدخل وأخرى بأسعار أعلى. أما الهاتف الخليوي فأصبح المعدل الوسطي للفاتورة 7 دولارات، علماً بأن هناك باقة بـ4.5 دولارات». وأشار القرم إلى أنه، ورغم رفع التعرفة، فإن تكلفة الاتصالات في لبنان لا تزال الأقل مقارنة بدول المنطقة، فمثلاً يبلغ المعدل الوسطي في الأردن، الذي يشبهنا من حيث دخل الفرد وعدد السكان 11.5 دولار، فيما بات يبلغ لدينا 7 دولارات». ورداً على سؤال، أوضح أن رفع التعرفة لا شك سينعكس إيجاباً على القطاع من حيث معالجة عدد من المشكلات، لكن تبقى هناك إشكاليات أخرى تعترضنا غير مرتبطة بالتعرفة كالسرقات التي تحصل للكابلات والمازوت والبطاريات، إضافة لتقنين المولدات التي نعتمد بكثير من الأحيان عليها. وأضاف: «أنا لم أقبل بتحويل قطاع الاتصالات لما يشبه قطاع الكهرباء. بالنهاية القطاع ليس في جزيرة معزولة وهو يتأثر تلقائياً بالوضع المالي، وكما خفف المواطن استهلاك الكثير من السلع والخدمات، لا بد أن يسري ذلك على الاتصالات والإنترنت».

بيل غيتس يوضح سبب عدم استثماره بالعملات الرقمية

كشف الملياردير الأمريكي بيل غيتس، عن السبب وراء عدم استثماره في العملات الرقمية، موضحا أنه «يحب الاستثمار في الأشياء التي لها مخرجات قيمة&r
tayyar.org Live News

بيل غيتس يوضح سبب عدم استثماره بالعملات الرقمية

كشف الملياردير الأمريكي بيل غيتس، عن السبب وراء عدم استثماره في العملات الرقمية، موضحا أنه «يحب الاستثمار في الأشياء التي لها مخرجات قيمة».   وفي جلسة أسئلة وأجوبة في موقع «ريديت»، أجاب بيل غيتس على سؤال: «ما رأيك في البيتكوين والعملات المشفرة؟» قائلا: «أنا لا أملك أيا من العملات الرقمية».   وتابع: «أحب الاستثمار في الأشياء التي لها مخرجات قيّمة، وتعتمد قيمة الشركات على كيفية صنع منتجات رائعة».   وأضاف: «قيمة العملة المشفرة هي فقط ما يقرر شخص آخر أن شخصا آخر سيدفعه مقابل ذلك، لذا لا يضيف إلى المجتمع مثل الاستثمارات الأخرى».   وكان غيتس أعرب في وقت سابق عن بعض الشكوك بشأن «البيتكوين»، معربا عن قلقه في شباط/ فبراير الماضي في مقابلة مع وكالة «بلومبرغ»، عن قلقه من انغماس الناس العاديين في «جنون البيتكوين».

النائب سيزار ابي خليل: بدكن الاصلاح؟ تفضلوا ردوا الأموال يلي طيّرتوها جُوّا وبرّا

غرد النائب سيزار ابي خليل عبر تويتر : المعاون، الأمين على إرث التفليسة وكل الموبقات، ٦ مرات برئاسة المجلس والـ٧ على الأبواب. ما تركتوا وزارة د
tayyar.org Live News

النائب سيزار ابي خليل: بدكن الاصلاح؟ تفضلوا ردوا الأموال يلي طيّرتوها جُوّا وبرّا

غرد النائب سيزار ابي خليل عبر تويتر : المعاون، الأمين على إرث التفليسة وكل الموبقات، ٦ مرات برئاسة المجلس والـ٧ على الأبواب. ما تركتوا وزارة دسمة تفلت منكن. بدكن الاصلاح؟ تفضلوا ردوا الأموال يلي طيّرتوها جُوّا وبرّا، ووقفوا عرقلة قوانين الاصلاح المالي بدءاً بالكابيتال كونترول يلي سحبتوه من الحكومة ومن المجلس. استحوا!

لماذا غادر كنعان احتفال التيار؟

بعد مواكبته تيار المتن الى احتفال التيار في البيال، ومشاركته في قسم من الاحتفال، علم أن النائب ابراهيم كنعان غادر متوجها الى المطار حيث سيمضي
tayyar.org Live News

لماذا غادر كنعان احتفال التيار؟

بعد مواكبته تيار المتن الى احتفال التيار في البيال، ومشاركته في قسم من الاحتفال، علم أن النائب ابراهيم كنعان غادر متوجها الى المطار حيث سيمضي بضعة أيام خارج لبنان قبل عودته للمشاركة في اول جلسة للمجلس النيابي.

النص الكامل : مهرجان الانتصار

قلنا لهم «تعوا انتو ومالكم السياسي واعلامكم المدفوع، والدول يلّي داعمتكم، تعوا واجهونا نحنا العزّل الاّ من كرامتنا وشعبنا الواثق فينا»
tayyar.org Live News

النص الكامل : مهرجان الانتصار

قلنا لهم «تعوا انتو ومالكم السياسي واعلامكم المدفوع، والدول يلّي داعمتكم، تعوا واجهونا نحنا العزّل الاّ من كرامتنا وشعبنا الواثق فينا». سمعوا منّي، اجوا كلّهم، وواجهونا وانتصرنا عليهم.   رفاقنا بالتيار الوطني الحر، والطاشناق، يا ابطال لبنان، تحيّة كبيرة الكم، ومحبّة اكبر، وكلّ الشكر والتقدير؛ - التقدير لكلّ يلّي صمدوا بوجه التضليل والتشويه والتنمير. تنمّروا عليكم 30 شهر، نمّرتوا عليهم بالصندوق بنهار واحد قدّن كلّن. - التقدير لكلّ يلّي تغلّبوا على زعلهم وخيبتهم، حرّضوكم وحمّلونا المسؤولية، رفضتوا الظلم وصوّتوا صح للتيار. - التقدير لكلّ يلّي حافظوا على كرامتهم وحريّتهم وما باعوا صوتهم./ حاولوا يشتروكم برخيص مهما دفعوا غالي، قاومتوا وما وقعتوا. - التقدير لكلّ يلّي ترشّحوا وما فرق معهن اذا بيخسروا. /كان همّهم انّو بمشاركتهم، يربّحوا التيار. - التقدير لكلّ التياريين يلّي ترشحوا بالنظام وما توفقوا بس التزموا بالمناقبية الحزبيّة وتكرّموا، والأسف ليلّي ما التزموا وتبهدلوا. - التهنئة لكلّ الناجحين يلّي عملوا شغلهم صح وفهموا انّو المقعد جابوه للتيار وللتكتل، مش الهم.   - الشكر لكلّ يلّي انتخبوا معنا أو ضدنا، واجبنا نعطيهم الاحساس انّا عم نمثلّهم بأعمالنا. - الشكر لأهلنا بكلّ المناطق  وخصوصاً المسنين يلّي حملوا معهم تقل عمرهم ليصوّتوا لنا، وبخصّص عكّار يلّي عطيتنا  4 نواب بيعكسوا تنوّعها بمذاهبها الأربعة، وبدّي خصّص الطائفة العلويّة يلّي عطيتنا 4000 صوت لمرشح من التيار ما حدا فرضه علينا وعلى أهلها، هنّي اختاروه وهنّي اعطوه. - الشكر للأجهزة الأمنية والقضائية والإدارية، ولوسائل الاعلام المناضلة للحق وعلى رأسها الـ OTV (صوت المدى و Tayyar.org). يلّي من زمان بيشتغلوا وبيضحوا للقضيّة، مش للمال.   احبائنا ورفاقنا، بعتذر من كلّ يلّي قصّرنا معهم بسبب الظروف الاستثنائية يلّي مرّت علينا، ورغم هالشي واجبنا نصحّح. وبعتذر من الخايب املهم لأن ما قدرنا حقّقنا بالـ 6 سنوات كلّ احلامهم. حاولنا كلّ شي بس كانت المنظومة أقوى منّا. نحنا مضطرين نشتغل معهم لأنّو الناس اختارتهم بالانتخابات، بس نحنا مصمّمين نكمّل وننجح طالما عم تعطونا ثقتكم. يمكن غلطنا باختيار بعض يلّي كلّفناهم بمسؤوليّات داخل التيار وداخل الدولة، وغلّطنا بالآمال الزايدة  يلّي حطّيناها ببعض المواقع وببعص يلّي تفاهمنا معهم، بس اكيد، ما خذلناكم بأخلاقيّاتنا ووطنيّتنا. هاجسنا دايماً ننجز اكثر ما نحكي، بالوقت يلّي معظم الناس بلبنان بتتاخد بالحكي الحلو مش بالشغل المنيح. قصّرنا بالاعلام بس هيدي قدرتنا.   حزين على جزين الجريحة يلّي انسرق تمثيلها، وانا قلبي جريح معها. كنت متخوّف نوصل لهون من ورا التمادي بالأنانية ومن ورا الحصار يلّي تعرّضنا له. بعدنا الأول فيها، وجزين بتبقى قلعة عونية، والطعنات يلّي تعرّضنا لها عم نجمع عناصرها لنردّها بطعن. بالآخر بدّي اعتذر من كلّ يلّي توهموا باسقاطنا وبإسقاطي انا شخصياً، عن جدّ ما كنت بريد اتسبّب لكم بصدمات ولا وهلات ولا هزّات، وانا ما بريد انّكم تضبّوا شنط وتفلّوا لأن بدّنا نعيش سوا. هيدا كلّه لأن فكرتوا غلط وحسبتوا غلط وتموّلتوا غلط لشي اكبر من اموالكم (يلّي استثمروا فيكم، ما طلعوا بالرسمال). نبّهناكم انّو التيار ما بيخلص، ما صدّقتونا. هلّق صدّقوني، احسن ما تتفاجأوا بصدمات اكبر. حكيتكم يا لبنانيي عن خمس كذبات. تأمّلوا بكلّ واحدة منها بتعرفوا وين صرنا: 1 - الأكثرية. وينها؟ وبكرا بتشوفوا بالممارسة. 2 – الاحتلال الايراني. كيف؟ وبكرا بتّابعوا مواقفنا. 3 – كتلة التيار هي لحزب الله. اسمعوا ديفيد هيل وشوفونا بالمجلس والحكومة. 4- الصرف الانتخابي: ضلّ حدا منكم ما عرف بحدا دفع او قبض؟ 5 – انخفاض الدولار. وين؟ ما قالوا بس يربحوا بينزل الدولار، وهن عم يدّعوا انهن ربحوا، طيب وين صار الدولار طلوع؟ او ما ربحوا لحتّى عم يطلع؟  بالحالتين كذب، لا هنّ ربحوا، ولا الدولار نزل. القصة مش هون... القصة اكبر!  صدّقوا!   احبائي، هالتجربة الانتخابية بتعطينا كتير عبر، بذكر بعضها: 1 – التيار اكبر من اي واحد فينا: كل منتسب للتيار بيعتبر حاله اكبر من التيار، او بيتشاطر ليميّز حاله عن التيار ويتذاكى على الرأي العام، او بيضهر من التيار ليعمل انتخاباته، وبعدين يرجع! الرأي العام والتيار حاسبه. يلّي بيطلع من التيار بيبرد، اهل التيار بيعرّوه من الأصوات، وبيطلع مظلّط ومشرشح بكم صوت. الامثلة قدّامكن كتيرة من كسروان، للمتن، لبعبدا، للشوف وبيروت وغيره. انشا الله يكونوا تعلّموا  يلّي كان بعدهم عم يفكّروا فيها... 2 – الخيانة آخرتها وخيمة: قليلي الوفا كتار، وكلّ واحد غلّط معنا وتعامل بقلّة اخلاق، او تصرّف على اساس انّا انتهينا وما عاد بدّو يتعاون معنا، او صار يتعاطى بفوقيّة على اساس صرنا ضعاف وبنهاية عهدنا؛ الناس ونحنا حاسبناه. عدّوا: من يلّي التزموا معنا بعكّار وغيرها وهربوا، من يلي بطرابلس المنية الضنية حسبوها غلط واختاروا غيرنا علينا، ليلّي بالشمال الثالثة وبيروت الأولى وزحلة وكسروان وغيرها هربوا منّا بسبب تفاهمنا مع حزب الله، ليلّي طعنونا بتأليف اللوائح بالمتن وبالشوف وعاليه وبجزين... كلّهم اكلوا نصيبهم وبتعرفوهم واحد واحد، وأوّلهم رأس الخيانة بالبقاع الغربي، صار متيلة لكل يلّي بيضهروا من بيئتهم وبيصيروا «مستولدين بكنف الآخرين»، / بيئتهم بتلفظهم والبيئات الثانية بتعرف انّن مش أهل للثقة لأنّن غدروا بأهلهم يلّي احتضنوهم! يا صغار السياسة، يا متلوّنين، يا حربايات، يا اصحاب المصالح المتقلّبة، يا مراهنين على زعامة أو رئاسة كتلة، انكشفتوا انتو وكتلكم الوهمية وين ما كان، من كسروان، لزحلة، لزغرتا،/ وأكيد ما بقصد بكلامي سليمان فرنجية يلّي مهما اختلفنا معه، بيبقى اصيل. 3 – قانون الانتخاب: انا ما بستحي انّي مساهم اساسي بقانون الانتخابات الحالي المعمول على قياس لبنان، لا على قياسي، ولا على قياس التيار، والبرهان النتائج يلّي توزّعت على الكل. القانون  هو على قياس نظامنا وتركيبتنا الطائفية، وانا مش مستعد اتخلّي عنه الاّ اذا في افضل منه لتحسين تمثيلنا، او اذا انتقلنا فعلاً للدولة العلمانية (ساعتها منروح على الدواير الكبيرة بالنسبية). غير هيك، نحنا متمسكين بالقانون وخاصةً باقتراع المنتشرين لنوابهم الـ 6 (وبعتقد الكلّ عرفوا قيمتها)، واعتماد البطاقة الممغنطة والميغاسنتر، ومستعدين لتحسينه، وتحديداً في امر اساسي رفضوه سنة 2017، بالرغم من اصراري عليه. اليوم الكلّ اكتشف، انّو مطلبي كان محق وهو الزامية حصول المرشّح على عتبة حد ادنى من الأصوات التفضيلية حتى ينجح. يعني متل ما في حاصل انتخابي للائحة، بيكون في حاصل تفضيلي للمرشّح، وما يعود ينجح بعشرات او مئات الاصوات بينما منافسو بيسقط بالألوف!   يا كل اللبنانيين، في قراءات انتخابية كثيرة، وكلّ واحد بيشوفها بضيعته او دايرته او طايفته، بس في اشياء جامعة لكل اللبنانيين ولازم نتوقّف عندها واهمّها: 1 – الوضع السياسي السني مش سليم، صحيح نحنا مع التنوّع ومش مع احتكار فريق لطائفة، ولكن التشرذم بهالشكل خطير./ ممنوع الاحباط والمس بحقوق هالطائفة المؤسسة والهيمنة على قرارها، ونحنا الى جانبها. 2 – الوضع الشيعي بعدو متماسك بالرغم من التحريض لإختراقه بأمر عمليات خارجي عبّر عنه شينكر بلؤم ونعاه هيل بحكمته. صحيح نحنا مع التنوّع داخل الطائفة الشيعية ولكن مش مع التآمر لضرب وعزل مكوّن اساسي. لهيك نحنا ساهمنا بمنع الاختراق وتحديداً بالمقعد الشيعي بجبيل، وهنّي ساهموا بمنع حصارنا الانتخابي. منذكّر انّو عزل اي مكوّن هو ضرب للبنان، بالمقابل، الإمساك بالقرار الشيعي ما بيشرّع الامساك بالقرار الوطني. 3 – الوضع الدرزي منتعاطى معه باحترام ارادة ابناؤ والتطلّع دايماً للشراكة الصادقة والمتوازنة معهم. ولكن ما بيجوز تجاهل التحوّل يلّي صار بالمزاج الانتخابي عنده، ولا بيجوز تجاهل موقع ووزن يلّي سقطوا بالأرقام مش بالقيمة. (ولو غلطوا معنا). 4 – الوضع العلوي ما بيجوز استمرار التعاطي معه بدونيّة وبأقل من حقوق كاملة، نحنا معهم متل ما هنّي (رح يكونوا) معنا. 5 – الوضع المسيحي زاد فيه التنوّع لدرجة كتيرة، وبعدين منحكم اذا هالشي مفيد او لا. المنيح انّو القانون امّن حسن تمثيلهم، نحنا بحجمنا الأكبر رح نبقى المدافعين عن الحقوق والوجود والدور. كل واحد لازم يكون اخد عبرة من اتكاله على الخارج، وعلى المال، أوعلى الغاء غيره، أوعلى تكبير حجمه... الشغل للقضيّة بيحدّد مين المستحقّ. بتبقى القراءة  الأهمّ هي تململ كل اللبنانيين، والمشاركة المنخفضة (41%) يلّي بتمس بشرعيّة الانتخابات، هي والمال السياسي، بس ما بتلغيها، وهون مسؤوليّتنا كلّنا بالمعالجة.   رفيقاتي ورفاقي التياريين، اكيد انّو ارقام التيار والتكتل انخفضت من 2018 للـ 2022 والدليل الأوّل هو انّو كنّا 29، صرنا 21 (ومع الطعون منتوقّع نصير فوق الـ 23). الأسباب كتيرة: أوّلها حالة التململ الشعبي وهيدا شي طبيعي بعد انهيار البلد. حدا كان معتقد انّو الناس بتفقد كلّ اموالها وبتتبهدل وما بتتذمّر؟ او ما بتحمّلنا المسؤولية، ولو ظلم؟ ثانيها الفرق بين اوّل العهد وآخره وهيدا كمان طبيعي مع انّو عهدنا مع الناس ما بيخلص. ثالثها التحريض الإعلامي وتشويه الصورة والإغتيال السياسي غير المسبوق بلبنان ويمكن بالعالم كلّه. رابعها الحلفاء يلّي صاروا بـ 2022 اقلّ بكتير من 2018، وبصراحة بلاهم أريح لأنّن تركونا بنص الطريق ويلّي متلهم بيعيدوها. على كل حال، نواب التيار الملتزمين كانوا 12 بالـ 2009، صاروا 18 بالـ 2018، واليوم 17 (ورح يزيدوا بالطعون) ومنضلّ اكيد اكبر كتلة حزبيّة الاّ اذا حدا بيحبّ يغلّط بالعدّ من جديد. وخامسها هو المال الانتخابي السياسي، يلّي له الأثر الأكبر ويلّي هوّي سبب اساسي للطعن بشرعيّة الانتخاب وتحوير إرادة الناس واستغلال حاجتهم لسرقة صوتهم... ويلّي بدّو يعدّ اصوات تفضيليّة متقاربة بعكس ما عم يكذبوا حتى يعتدّ بتمثيل افضل للمسيحيين، خلّيه يخصم اصوات غير المسيحيين يلّي اجوا بالمال ومش بالقناعة السياسية، وسمحولوا، ياخذ بمعونة اضافية، مقاعد اضافية،/ بجزين وزحلة وبيروت وطرابلس والبقاع الشمالي./ بالمقابل نوّابنا نجحوا بأصواتنا التفضيليّة من دون الحاجة لدعمهم بأصوات اضافية لحتّى ينجحوا. كمان لازم يخصم اصوات المسيحيين الموسميين يلّي اجوا بشراء الأصوات وبخرق السقوف الماليّة كلّها وبصرف إنتخابي تخطّي كلّ حدود الاخلاق والمنافسة الشريفة (لو كانوا شرفا بيواجهونا بتكافؤ الإمكانات – مش متل يلّي محصّن بالدبابة وعم يقاتل انسان عاري الصدر). بكل الأحوال، يلّي عم يحكي عن الصوت التفضيلي بتردوا عليه «بالمال التفضيلي»؛ هيدي مش اصوات تفضيلية هيدي اموال تفضيلية. بكرا بتروح الأموال وبترجع لنا الأصوات. وبتبقى الحقيقة الثابتة يلّي هيّ انتوا... ما بتنلغوا وما بتتغيّروا. والحقيقة انّو نحنا الكتلة والتكتل الأكبر بمجلس النواب. رح بتشوفوه عم يكبر./ عند الحاجة منعلن عنه، او بيعبّر عن حاله. وبدّكن الصراحة؟ انا مش زعلان  انّو يصغر، ولا انّو ما نكون اكبر كتلة بالعدد (ما جرّبناها!). خليّهم يكونوا اكبر! قولكم بيتحمّلوا شي مرّة المسؤولية؟ لنشوف شو بيطلع منهم! نحنا سجّلنا النصر الانتخابي وحفرناه بالتاريخ وختمناه. وبعد هيك، مش مهمّ الاّ شو منقدر نعمل للبلد (بنايب او بـ 25).   أهلي ورفاقي، من بعد اليوم نحنا منوقّف العدّ، بتطلع الأرقام الصحيحة وبتبيّن الحقائق، ومنقدّم الطعون اللازمة لأن ما بيجوز نمرّق فضيحة شراء الأصوات والضمائر. هنّي يلّي وضعوا سقف المعركة بإنهائنا وإسقاطنا. هنّي يلّي قالوا «ما بقى في شباب بالتيار»، «وما بقا في تيار»، «وباسيل ما بقا يعمل ناطور ببناية او مختار بالبترون»، هنّي يلّي بدّن ما يوقّفونا على اجرينا، ويحطّونا بالطابق 17 تحت الأرض – نحنا معوّدين نقعد فوق الأرض. هنّي افتكروا يدفنونا، مش عارفين انّو نحنا شلش سنديان منشقّ الارض ومنوصل للسما.   عملوا كل شي حتّى يسقطونا. كسّروا البلد وسرقوا الناس وزرعوا الكذب بعقولهم، وخلّوا قسم يصدّق انّو نحنا سبب المصيبة. المرتكبين الفعليين تخبّوا ورا الثورة النضيفة، والناس المظلومين، بدل ما يصبّوا غضبهم عليهم صبوه علينا وطيّروا فرصة التغيير. عملوا كلّ شي، بس نجحنا! نجحنا وعلى اكتافنا حمل كبير، وبقلبنا غصّة على الناس يلّي دفعوا ثمن المؤامرة. انتصرنا بس اي انتصار وبلدنا مهدّد وجودياً، اي انتصار وبكل بيت في كارثة ووجع؟ انتصرنا بس شو بدنا نعمل بالانتصار؟ جايين نحتفل مش لنعاتب او نبرّر، جايين نقول بكل شجاعة وايمان: البلد بخطر ومسؤوليّتنا كلّنا  نخلّصه. ما حدا قادر يلغي حدا ولا حدا قادر يحكم لوحده، ولا حدا قادر يخلّصه لوحده. كلّ واحد بيعرف حجمه الحقيقي، وهيدا الجدل بعد اليوم ما له قيمة اذا ما خلّصنا البلد. شو مبرّر وجودنا واحجامنا وكتلنا اذا ما وقّفنا الانهيار؟ بعد كم شهر بيخلص الاحتياطي بمصرف لبنان، وهو بالحقيقة ما تبقى من ودايع الناس، بيخلص وما بيعود معنا حق الطحين والدوا والبنزين والمازوت. هون التحدّي الحقيقي! شو الها قيمة الانتخابات والحكومة والرئاسة اذا ما كانوا لإنقاذ البلد والناس من الجوع والفقر والمرض؟ انطلاقاً من هون منوجّه نداء ومنمدّ ايد لكل النواب يلّي بيتشكل منهم المجلس الجديد، لنشتغل سوا ونقرّ القوانين الاصلاحية ونشكّل حكومة اصلاح، (ونترك الرئاسة لوقتها ولظروفها وما نخرّب البلد كرمالها)، وبدل النكد والتفشيل نحوّل الأشهر الباقية من ولاية الرئيس للشغل على محورين: 1- الحكومة والمجلس النيابي، نستفيد من وجود النواب الجدد وخاصةً من المجتمع المدني، ليتمثلوا بالحكومة ويتحمّلوا مسؤولية، ويشاركوا بإقرار القوانين الإصلاحيّة. وبكرا رح نبعتلهم لائحة مفصّلة بكل القوانين الـ 299 يلّي مقدّمينهم كتكتل من 2009 لليوم. يناقشوا ويعدّلوا شو ما بيريدوا، المهم انّو نتعاون سوا ونكون سند لبعضنا بالاصلاح. 2 – بالتوازي، طاولة الحوار بيشارك فيها الكلّ بإرادتهم، قبل ما تجينا دعوة لمؤتمر بالخارج وينجبروا الكلّ يشاركوا فيه. منعمل حوار داخلي حول كلّ المواضيع الخلافيّة من الاستراتيجية الدفاعية، للدولة المدنية واللامركزية الموسّعة ومجلس الشيوخ والنظام السياسي، حول الخيارات الاقتصادية والمالية، حول تحييد لبنان بإرادة ابنائه، حول النازحين واللاجئين، حول الحدود والغاز ومنحطّ سوا معادلة «لا غاز من كاريش من دون غاز من قانا». مشاكلنا ما بتنحلّ لا بالعنف ولا بالنكد، بتنحلّ بالحوار. ويلّي اوهموا الناس انّها بتنحلّ بالانتخابات، كذبوا عليهم. نبّهناهم انّو التغيير الكبير بدّو حوار. مواجهة الازمات الكبيرة بدّها جرأة ووقف المكابرة. منتحاور لنلاقي حلول. وشو ما كانت الحلول، رح نضلّ عايشين سوا على مساحة 10452 كلم²، بلا اوهام التقسيم والفدرلة. كيف ما كان شكل النظام، الارض باقية ما بتتقسم والناس رح يبقوا مرتبطين بروابط اجتماعية ومصالح اقتصادية. الأمن لكل الناس، والاستقرار والازدهار لكل الناس. الحرب والجوع والفقر بيصيبوا كل الناس – ما تسمحوا لحدا يردّنا على الحرب ويوصّلنا على الجوع[U1] . لبنان باقي محلّه. الأرض ما بتزيح، سوريا رح تضلّ جارتنا. يلّي بيتغيّر هو طبيعة العلاقة، لا منقبل المس بسيادتنا ولا منريد نتدخل بشؤونها وبشؤون غيرنا. مطلبنا حسن الجوار واحترام متبادل للإستقلال، طموحنا المشرقية الاقتصاديّة، وتعاون بالاقتصاد وحماية بعضنا من مخاطر العدوان والارهاب. شو ما كان نظامنا، طبيعة مجتمعنا ما بتقبل التسلّط والتفرّد. الحريّة هي اساس وجودنا، واحترام التنوّع وبناء المواطنة هو الهدف. ما حدا بيفرض على حدا نموذج العيش، وما حدا يهوّل على حدا... رح يضلّ لبنان على شرق المتوسط مفتوح على الغرب، ورح يضلّ دولة مشرقية امتدادها سوريا والعراق والاردن وفلسطين، وشراكتها مع مصر والخليج ومداها الأبعد تركيا وايران، وبدّنا نبني معهم كلّهم علاقات اقتصادية واحترام سياسي. هيدا مشروعنا وهيدا موقفنا. ما تسكّروا دينيكم، اسمعونا وناقشونا، اختلفوا معنا بس ناقشونا بالعقل والمنطق، مش تقاتلونا بالغريزة والحقد. شعبنا كلّه على مركب واحد، ما تخلّوا العناد والمكابرة يغرّقوا المركب. شيلوا من راسكم فكرة الغائنا، نحنا ما حدا بيلغينا، ولا فينا ولا بدّنا نلغي حدا. لا منظلم ولا منقبل بظلم. نحنا قوايا بالحق، ودورنا نكون همزة الوصل وصلة التواصل. ورح نبقى تصالحيين واصلاحيين – ابناء الدولة المحميّة بالجيش القادر يستفيد من عناصر قوّة لبنان؛ وروّاد الدولة المدنية المبنية على الاقتصاد الحر مش الاحتكار، على الانتاج مش على الدين.     أهلي اللبنانيين، الاستحقاق الأهم هو وقف الانهيار وخطّة الاصلاح، ولكن امامنا استحقاقات دستورية ملزمة (متل الانتخابات)، ومفروض نمرّرها بسرعة وبهدوء، ولازم تكون مؤشّر لادراكنا انّو الأمور تغيّرت.   الاستحقاق الأوّل رئاسة المجلس والادارة المجلسيّة. نحنا من جهتنا جاهزين لإلغاء الطائفية بالكامل، مش بس الطائفية السياسية. بس منفهم انّو مش وقتها اليوم. بس شو كان بيمنع التغيير من نفس الفريق؟ بالآخر هيدا قراركم ومنحترمه، بس شو بيمنع اعطاء فرص للآخرين برئاسة المجلس ونيابته طالما المقاومين والأوادم كتار؟ اذا في حدا بالغلط عم يفكّر يقايضنا رئاسة المجلس بنيابة الرئاسة، فهو غلطان ومسترخصنا! جرّبنا نيابة الرئاسة بالمجلس، ومع احترامنا للموقع، عرفنا فعاليّته بظل الادارة المجلسية القائمة. نحنا اقلّ شي بينحكى معنا بإقرار اللامركزية الموسّعة، بالنظام الداخلي لمجلس النواب وبالتصويت الالكتروني من ضمنه، بفصل فعلي للسلطة التشريعية عن السلطة التنفيذية، التعاون ما بيعني الامساك الكامل بالأولى ومدّ الإيد على الثانية. نحنا بينحكى معنا باسترداد الأموال المحوّلة للخارج، والتدقيق الجنائي والكابيتل كونترول وكشف الحسابات والأملاك، برفع الإيد عن القضاء بتحقيق المرفأ وغيرو وغيرو... وهول مش بس بالحكي والتعهدّات لأن جرّبناها، ولا بالتواقيع الخطيّة لأن اختبرناها (بالمياومين وبالكابيتل كونترول)، ولا بالضمانات لأن ما حدا قادر يعطيها (في اكتر من المنتشرين والميغاسنتر). نحنا ثمن صوتنا اكتر بكثير من نائب رئيس، والتياريين آمالهم اكثر بكثير من وعود، واللبنانيين من حقّهم التغيير واسترداد اموالهم المهرّبة والمنهوبة. الأزمة كبيرة، الانهيار ضخم، والإيّام تغيّرت، وما فينا نقبل بأقلّ من هيك. قادر يكون هيك؟   الاستحقاق الثاني السريع هو الحكومة. منرجع منذكّر باقتراحنا بتعديل دستوري بسيط بيعطي شهر واحد للرئيس لإجراء الاستشارات الملزمة، بيتمّ خلاله التفاهم مع الكتل على شكل الحكومة ونوعها وبرنامجها، وهيك ما بيصير في مفاجأت؛ وكمان بيعطي الدستور رئيس الحكومة مهلة شهر للتأليف. هيك منضمن حكومة بسرعة. امّا اذا عاندتوا متل العادة ومن دون سبب، فهيدا بيأكّد وجود نيّة (من رئيس الحكومة وغيره)، نحنا لامسينها بوضوح، لعدم تشكيل حكومة وتجاوز الدستور باعتبار الحكومة الحالية حكومة كاملة الصلاحيّات. انتبهوا، هيدا بيسقط الطائف وبيخلّي كل موقع ومؤسسة دستورية قائمة من دون حدود زمنية. بالمقابل، نحنا بدّنا رئيس حكومة عنده شرعيته الشعبية ومرضى عنه من طائفته اوّلاً ومن مجموع اللبنانيين ثانياً، ومش من الخارج. حقّنا نعرف شكل الحكومة ونوعها، بغض النظر، اذا منشارك فيها او لا. واكيد منطالب بإختصاصيين مدعومين سياسياً ليكون عندهم القدرة والمعرفة لحل المشاكل. وبدّنا يكون برنامجها واضح بالاصلاحات المعروفة ويلّي لازم استكمالها خلال الصيف. وفوق هيك بدنا نعرف موقف رئيس الحكومة من 3 قضايا: 1 – رفع الغطا والحماية منّو ومن وزير المالية عن رياض سلامة. ما فينا نوعد الناس بالاصلاحات ورأس المنظومة المالية يلّي سرقتهم باقي محلّو رغم عشرات الدعاوى ضدّو ومذكّرة توقيف بحقّه. هيدا كيف بدّو يضمن العملة الوطنية؟ وبالنسبة للبديل، الكفاءات المش حزبية كثيرة... 2 – الالتزام منه ومن وزير العدل ووزير المال بانهاء تحقيق المرفأ واصدار القرار الظنّي. (نحنا هون على بعد امتار من موقع الانفجار يلّي دمّر العاصمة وقتل وجرح الأبرياء، بدعيكم توقفوا للحظة صمت احتراماً لهم وكل منا على طريقته يصلّي او يتذكّر ويتأمل). الحقيقة مأسورة، التحقيق مأسور، القرار الظني مأسور، أهالي الضحايا مأسورين بحزنهم، الهيئة العامة للتمييز مرسوما مأسور عند وزير المال ومأسور معه مسار العدالة، والموقوفين اصبحوا مأسورين. نعم مطلوب فك اسرهم، بدري ضاهر ورفاقه الكتار اصبحوا اسرى وما عادوا موقوفين (بيكفي سنتين من التوقيف الاحتياطي). 3 – الالتزام بانجاز التدقيق الجنائي وين ما كان، وخاصةً بوزارة الطاقة – يمكن بعجقة الانتخابات ما سمعتوا تسجيل البواخر يلّي بيدحض كل كذبهم. اسمعوه! (وبعد في غيره اذا لزم)، والالتزام كمان بإعادة هيكلة المصارف، باستعادة الأموال المحوّلة، ومش شطب اموال المودعين.   الاستحقاق الثالث رئاسة الجمهورية صحيح مش مستعجل ولكن ما لازم يصير فيه فراغ. كثير رهانات سقطت بالانتخابات وكتير تكهنات طلعت مش بمحلّها. تجنّب الفراغ بيبقى مضمون باقتراحنا بتعديل دستوري محصور بعملية الانتخاب، لتكون بشكل مباشر من الشعب وعلى دورتين، دورة عند المكوّن المسيحي ودورة ثانية لكل اللبنانيين، لضمان حسن التمثيل وقوة الموقع. ليش الهروب من رأي الناس ومحاولة المس بحسن تمثيل الموقع؟ بقول بكلمتين: الرئاسة مش اكلة طيّبة، ولكن منّها لقمة سائغة.   هيدي الاستحاقات الثلاثة بتدلّ اذا في ارادة سياسية للتغيير او بعدنا على نفس النمط، وهون مننتظر من العناصر الجديدة بالمجلس، موقفها وقدرتها على التعبير والتغيير.  انا شفت مشاهد المقترعين، وشعرت بعطشهم للتغيير وتذكّرت ايام التظاهر ضد السلطة ... بتأمّل كلّنا نساهم بالتغيير.   التيار الوطني الحر، انتو عن جدّ ابطال، تعرّضتوا لحرب كونيّة ما بيصمد بوجّها الاّ الأبطال. المؤامرة علينا بلّشت من زمان، وانا بدعي كل اللبنانيين يقروا  المايسترو شينكر على رواق ليفهموا كلّ شي، ويشوفوا كيف اعترف انه اشتغل لانهيار بلدنا، وابتسامته الساخرة هو وعم يحكي عن قرارهم بتخفيض تصنيف لبنان اصدق من اي كلام. هو مبسوط بعذاباتنا. واقرأوا ديفيد هيل يلّي حكي بملامة عن الحكاية الخيالية عند الاميركان بمعاقبة حلفاء حزب الله غير الشيعة لإضعاف بنية الحزب. رح ضمّ كلامهم على ملف المراجعة تبعي حول العقوبات.   التيار، نحنا صمدنا ومرّة جديدة انتصرنا. حاولوا يدفنونا مش عارفين انّا حبّة القمح. التيار مش بس جسم، التيار روح، والروح ما بتموت. بقينا، بس التحديّات قدّام التيار كبيرة بدّنا نتصدّى لها ونشتغل سوا لاستنهاضه: 1 – وصلت رسالة الغاضبين وبدّنا نسمعهم ونشرحلهم انّو المؤامرة مستمرّة علينا. التياريين يلّي تركونا ما رح نتركهم ولو غلّطوا. 2 – المحاسبة بالتيار صارت ضرورية على كل المستويات ما منقدر نبقى محكومين بنظريّة انّو ما فينا نخسر حدا، لانّو كلفة بقاء البعض من دون محاسبة ، صارت اكبر بكتير من كلفة خروجهم. انا لا عملت ولا بعمل شي تحت الطاولة، كنت عادل مع الكل والتزمت بالتوجيهات يلّي عطيتها باللقاءات وبالاعلام... بس الديمقراطية والحرية لمّا بيزيدوا عن حدّن بيتحوّلوا لفوضى قاتلة. ما بقى في مركز نيابي او وزاري او اداري محجوز لحدا. الكل عرضة للتغيير وحق الناس تطالب بالتغيير، خاصة اذا الأداء مش منيح. النواب هنّي موجودين بارادة الناس والتيار وبس!. 3 – الشباب لازم يستلموا التيار، شفنا بالانتخابات قدّي عندهم طاقات وقدرات ورغبة بالشغل. لازم ياخدوا محلّنا ونبلّش نحضّرهم لهالشي. المرأة لازم تاخد موقعها بالنيابة والتيار مليان سيدات كفؤة وندى بستاني مش استثناء. التغييرات المنتظرة كتيرة والتحسينات واجبة. انا بدعي الشابات والشباب يتقدّموا من اليوم، لياخذوا مراكز قيادية بالهرم الاداري بالتيار، وبدعيهم يتحضّروا من اليوم بكل المناطق للانتخابات القادمة بدءاً من انتخابات البلديات. يتقدّموا وانا لجانبهم. شبابنا انتو الأمل، يمكن حمّلناكم كثير ألم، وحملنا كثير خيبات عنكم. جايتنا ايّام صعبة، وبدنا نبقى مع الناس نحمل لهم الأمل ونحمل عنهم الألم.   بالختام منهدي نصرنا اليوم للعماد عون، ومنقلّه: ناضلت عنا وصار حقّك ترتاح ونحنا نكمّل عنّك. اشتغلت كفاية وتألّمت كفاية، تطمّن انّو الشعلة بايدين التياريين يلّي ما بيعرفوا التعب ولا اليأس. انت زرعت فينا القضية وحمّلتنا المسؤولية ونحنا قدّها. نحنا هون أجيالك،  كنّا ورح نبقى للبنان حرّ سيّد مستقلّ. كنّا وبقينا ورح نبقى تيار ووطني وحرّ. عشتوا، عاش التيار وعاش لبنان.

ماذا قال الوزير باسيل عن إنتخابات رئاسة المجلس

الاستحقاق الأوّل رئاسة المجلس والادارة المجلسيّة. نحنا من جهتنا جاهزين لإلغاء الطائفية بالكامل، مش بس الطائفية السياسية. بس منفهم انّو مش وقت
tayyar.org Live News

ماذا قال الوزير باسيل عن إنتخابات رئاسة المجلس

الاستحقاق الأوّل رئاسة المجلس والادارة المجلسيّة. نحنا من جهتنا جاهزين لإلغاء الطائفية بالكامل، مش بس الطائفية السياسية. بس منفهم انّو مش وقتها اليوم. بس شو كان بيمنع التغيير من نفس الفريق؟ بالآخر هيدا قراركم ومنحترمه، بس شو بيمنع اعطاء فرص للآخرين برئاسة المجلس ونيابته طالما المقاومين والأوادم كتار؟ اذا في حدا بالغلط عم يفكّر يقايضنا رئاسة المجلس بنيابة الرئاسة، فهو غلطان ومسترخصنا! جرّبنا نيابة الرئاسة بالمجلس، ومع احترامنا للموقع، عرفنا فعاليّته بظل الادارة المجلسية القائمة. نحنا اقلّ شي بينحكى معنا بإقرار اللامركزية الموسّعة، بالنظام الداخلي لمجلس النواب وبالتصويت الالكتروني من ضمنه، بفصل فعلي للسلطة التشريعية عن السلطة التنفيذية، التعاون ما بيعني الامساك الكامل بالأولى ومدّ الإيد على الثانية. نحنا بينحكى معنا باسترداد الأموال المحوّلة للخارج، والتدقيق الجنائي والكابيتل كونترول وكشف الحسابات والأملاك، برفع الإيد عن القضاء بتحقيق المرفأ وغيرو وغيرو... وهول مش بس بالحكي والتعهدّات لأن جرّبناها، ولا بالتواقيع الخطيّة لأن اختبرناها (بالمياومين وبالكابيتل كونترول)، ولا بالضمانات لأن ما حدا قادر يعطيها (في اكتر من المنتشرين والميغاسنتر). نحنا ثمن صوتنا اكتر بكثير من نائب رئيس، والتياريين آمالهم اكثر بكثير من وعود، واللبنانيين من حقّهم التغيير واسترداد اموالهم المهرّبة والمنهوبة. الأزمة كبيرة، الانهيار ضخم، والإيّام تغيّرت، وما فينا نقبل بأقلّ من هيك. قادر يكون هيك؟

الوزير باسيل من إحتفال التيار:-  نعتذر لكل من توهموا أنهم قادرون على إسقاطنا وإسقاطي أنا شخصيا لم أكن اتمنى أن نسبب لهم الصدمات - مررنا بظروف استثنائية ونؤكد إصرارنا على المضي قدما استجابة لتطلعات اللبنانيين-  أعتذر لمن خيبنا أملهم ولم نستطع تحقيق أحلامهم لأن المنظومة كانت أقوى منا- كل التحية للإعلام النزيه و خاصةً ال-OTV وال TAYYAR.ORG- قلنا لهم :« تعو وانتو ومالكم السياسي واعلامكم والدول إلي داعمتكم .. سمعوا الكلمة وواجهونا وانتصرنا عليكم»

.....
tayyar.org Live News

وكيل المطاحن جنوبا: في حال رفع الدعم سنذهب لإستيراد الطحين التركي والإيراني والروسي

أعلن وكيل المطاحن في الجنوب علي رمال في بيان، أن إتفاقا حصل بين موزعي مادة الطحين والأفران الصغيرة والمخابز وجميع القطاعات المتضررة من رفع ال
tayyar.org Live News

وكيل المطاحن جنوبا: في حال رفع الدعم سنذهب لإستيراد الطحين التركي والإيراني والروسي

أعلن وكيل المطاحن في الجنوب علي رمال في بيان، أن إتفاقا حصل بين موزعي مادة الطحين والأفران الصغيرة والمخابز وجميع القطاعات المتضررة من رفع الدعم، مؤكدا «عدم مشاركتنا في جريمة شراء طن الطحين المرفوع الدعم عنه بحوالى 20 مليون ليرة أي مليون ليرة سعر الشوال الواحد»، معتبرا ان «هذا الامر هو اعدام جماعي لآلاف العائلات اللبنانية». ولفت الى انه «لدينا بعض البضاعة نقوم بتقنينها وتوزيعها كسبا لبعض الوقت وعند نفادها وتتوقف الأفران الصغيرة لكل حادث حديث، واذا كان ولا بد من هذا القرار سنذهب لإستيراد الطحين التركي والإيراني والروسي المعروض علينا ولتتحمل المطاحن نتيجة تواطئها وعدم رفضها لقرار رفع الدعم، ولا يشرفني بعدها أن أكون وكيلا لأي مطحنة بل سنسعى للحصول على الطحين بأرخص ثمن من أي دولة من هؤلاء تزودنا به وستكون المطاحن عرضة للافلاس والاقفال».

جنبلاط لـ «اندبندنت عربية»: التغييريون أتوا من دون جميلة أحد... ولا مشكلة مع تصويت بعض القاعدة الدرزية لمصلحة هؤلاء النواب

اعلن رئيس «الحزب التقدمي الاشتراكي» وليد جنبلاط أن «لا مشكلة مع تصويت بعض القاعدة الدرزية لمصلحة النواب التغييريين، فالذي لا يعرف كي
tayyar.org Live News

جنبلاط لـ «اندبندنت عربية»: التغييريون أتوا من دون جميلة أحد... ولا مشكلة مع تصويت بعض القاعدة الدرزية لمصلحة هؤلاء النواب

اعلن رئيس «الحزب التقدمي الاشتراكي» وليد جنبلاط أن «لا مشكلة مع تصويت بعض القاعدة الدرزية لمصلحة النواب التغييريين، فالذي لا يعرف كيف يتأقلم سيخسر، لكن أسأل عن برنامجهم». وردا على سؤال خلال حديث لـ «اندبندنت عربية»، قال: «سبق أن اتصلت قبل الانتخابات بحوالى شهر ونصف الشهر بالشيخ سعد الحريري، وقلت له إننا على مشارف اغتيال سياسي جديد في المختارة، وطلبت المساعدة. وبصراحة، وإن كنت أتفهم ظروف سعد الحريري بالانكفاء، لكن لم يأتني جواب واضح». وعن اعتبار الحريري أن الانتخابات أثبتت أن قراره كان صائبا لأنه أفسح المجال لظهور التغييريين والشباب، قال: «لا أوافق بالمطلق على هذا الرأي. ولا أريد أن أعلق لئلا ندخل في سجال، وسأبقى على صداقتي الشخصية مع سعد الحريري. التغييريون أتوا من دون جميلة أحد، ولم أطلع بعد على جميع النتائج والخريطة السياسية لوجودهم من منطقة الشوف إلى الجنوب والمناطق كافة». وعن اتهام حزبه مع غيره من الأفرقاء بتلقي دعم من دول غربية وعربية منها دول خليجية، قال: «نعم، وقفت السعودية معنا سياسيا، وما المشكلة؟ في الذكرى الخمسين لمدرسة العرفان في 7 أيار، وأمام حشد من 20 إلى 30 ألف مواطن، غالبيتهم من بني معروف، كان هناك حضور عربي، سعودي وكويتي ومصري وقطري وأردني وعماني. ما العيب؟ كأن هذا سرا. نحن عرب الهوية والانتماء. الفريق الآخر من يحميه؟ إيران وسوريا. أما بعض التنوع من الانتفاضة، أو المجتمع المدني، فليس من شأني أن أقيمهم في انتظار برنامجهم، وأخيرا لم أسمع بدعم غربي». وعن التحالف مع حزبي «القوات اللبنانية» و«الكتائب» وغيرهما قال: «كنا والقوات اللبنانية على اللائحة عينها والشعار عينه، لكن في تبادل الأصوات كل حزب صوت لصالحه بفعل قانون الانتخاب الذي يسمونه نسبيا، في حين أنه طائفي إلى أقصى حد. في الأساس ليس هناك تعاون مع الكتائب، لأن الأستاذ سامي الجميل يعتبر نفسه من الثوار، وأنه لم يكن أساسا من منظومة الحكم وهذا أمر غريب. المطلوب عقلنة الخطاب السياسي لئلا ندخل في العصبيات المناطقية والطائفية، وأن نضع أسسا عريضة لفريق الأغلبية الجديد».

الرئيس عون أعرب عن شكره لرئيس مجلس الوزراء والوزراء وطلب من الحكومة تصريف الأعمال ريثما تُشكَّل حكومة جديدة

أعلنت المديرية العامة للرئاسة ان عملاً بأحكام البند ١ من المادة ٦٩ من الدستور، المتعلقة بالحالات التي تعتبر فيها الحكومة مستقيلة، ونظراً لبد
tayyar.org Live News

الرئيس عون أعرب عن شكره لرئيس مجلس الوزراء والوزراء وطلب من الحكومة تصريف الأعمال ريثما تُشكَّل حكومة جديدة

أعلنت المديرية العامة للرئاسة ان عملاً بأحكام البند ١ من المادة ٦٩ من الدستور، المتعلقة بالحالات التي تعتبر فيها الحكومة مستقيلة، ونظراً لبدء ولاية مجلس النواب الجديد غدا، أعرب رئيس الجمهورية عن شكره لرئيس مجلس الوزراء والوزراء وطلب من الحكومة تصريف الأعمال ريثما تُشكَّل حكومة جديدة.

كهرباء جبيل دعت المشتركين لتحويل الاشتراكات الى عداد

وجهت شركة بيبلوس للتعهدات الكهربائية التابعة لإمتياز كهرباء جبيل نداء للمشتركين، أشارت فيه الى انه «ما زال لديها حوالى ال2500 مشترك لم يتقدم
tayyar.org Live News

كهرباء جبيل دعت المشتركين لتحويل الاشتراكات الى عداد

وجهت شركة بيبلوس للتعهدات الكهربائية التابعة لإمتياز كهرباء جبيل نداء للمشتركين، أشارت فيه الى انه «ما زال لديها حوالى ال2500 مشترك لم يتقدموا بطلب تحويل اشتراكهم لعداد». وتابعت: «ذكرنا سابقا، إنه وفقا لقرار وزارة الاقتصاد رقم 1/4 أ ت تاريخ 7/10/2021 ، على جميع المشتركين تحويل اشتراكهم الى عداد»، منبهة الى «إنه التنبيه الاخير، وسيتم تمديد مهلة تقديم تحويل الاشتراك الى عداد لمدة شهر فقط والا سنضطر لاإلغاء الاشتراك». وختمت الشركة: «إن الاستهلاك بواسطة العداد هو أفضل للمشترك حيث يمكنه التحكم بمصروفه وفقا للامكانات المادية لكل واحد خصوصا في هذه الأيام الاقتصادية الصعبة».

Get more results via ClueGoal