លោក ហ៊ុន សែន ព្រមានរំលាយគណបក្សដែលមានទំនាក់ទំនងជាមួយរដ្ឋាភិបាលនិរទេសនៅបរទេស
newsare.net
ប្រធានព្រឹទ្ធសភា និងជាប្រធានគណបក្សប្រជាជនកម្ពុជាលោក ហ៊ុន សែន បានប្រាប់ឲ្យដឹងពីដលោក ហ៊ុន សែន ព្រមានរំលាយគណបក្សដែលមានទំនាក់ទំនងជាមួយរដ្ឋាភិបាលនិរទេសនៅបរទេស
ប្រធានព្រឹទ្ធសភា និងជាប្រធានគណបក្សប្រជាជនកម្ពុជាលោក ហ៊ុន សែន បានប្រាប់ឲ្យដឹងពីដំណឹងស្តីពីគម្រោងបង្កើតរដ្ឋាភិបាលនិរទេសនៅបរទេសដោយក្រុមជ្រុលនិយម។ ត្រង់ចំណុចនេះត្រូវបានលោក ហ៊ុន សែន ព្រមានទុកជាមុនថានឹងរំលាយភ្លាមៗគណបក្សនយោបាយណា ដែលមានទំនាក់ទំនងជាមួយរដ្ឋាភិបាលនិរទេសនៅឯបរទេស។ ការថ្លែងរបស់ប្រធានគណបក្សប្រជាជនដូចនេះធ្វើឡើងនៅក្នុងមិទ្ទិញមួយ ដើម្បីអបអរខួប៧៣ឆ្នាំ នៃថ្ងៃកំណើតគណបក្សប្រជាជនកម្ពុជាក្នុងថ្ងៃទី២៨ ខែមិថុនា ឆ្នាំ២០២៤។ ក្នុងពេលជាមួយគ្នា លោក ហ៊ុន សែន ក៏បានស្នើឲ្យរដ្ឋាភិបាលពិនិត្យពិចារណាលើរឿងនេះ ដើម្បីធ្វើវិសោធនកម្មច្បាប់ស្តីពីការបង្កើតគណបក្សនយោបាយផងដែរ។ ក្រៅពីនេះ អតីតនាយករដ្ឋមន្ត្រីរូបនេះដដែល ក៏បានប្រកាសប្រាប់សមាជិករបស់ខ្លួននៅក្នុងអង្គមិទ្ទិញឲ្យកំចាត់រាល់ចលនាជ្រុលនិយមដែលលោក ហ៊ុន សែន ថាជាគ្រោះថ្នាក់របស់ប្រទេសជាតិ។ ជាមួយគ្នានេះ លោក ហ៊ុន សែន ក៏បានយល់ស្របនឹងការលើកឡើងរបស់ប្រធានាធិបតីបារាំងកាលពីពេលថ្មីៗនេះពីលទ្ធភាពនៃការកើតឡើងនូវសង្គ្រាមស៊ីវិល ប្រសិនបើក្រុមជ្រុលនិយមឈ្នះឆ្នោតនៅក្នុងការបោះឆ្នោតសភានាពេលខាងមុខ ហើយថាកម្ពុជាក៏អាចថ្លែងដូចគ្នានេះដែរ៕ Read more