នៅថ្ងៃទី២ ខែកញ្ញា ឆ្នាំ ២០២៤ មានមន្ត្រីជាន់ខ្ពស់ក្រសួងព្រះបរមរាជវាំង ២រូបត្រូវបានផ្តល់គោរមងារ ជា«សម្តេច» និងជា«លោកអ្នកឧកញ៉ា» ដែលជាគោរមងារថ្នាក់ខ្ពស់បំផុតនៅកម្ពុជា។ ការផ្តល់គោរមងារ និងតួនាទីដល់មន្ត្រីទាំងពីររូបនេះធ្វើឡើងក្រោយមរណភាព លោក គង់ សំអុល ឧបនាយករដ្ឋមន្ត្រីទទួលបន្ទុកព្រះបរមរាជវាំងនៅថ្ងៃទី២ ខែកញ្ញា ឆ្នាំ ២០២៤ ក្នុងជន្មាយុ ៩៤ឆ្នាំ។
ក្រសួងទេសចរណ៍កម្ពុជាកំពុងត្រៀមបញ្ចប់សំណង់សាលាវិជ្ជាជីវៈវិស័យទេសចរណ៍ចំនួន២កន្លែង ដែលទី១ស្ថិតនៅក្នុងរាជធានីភ្នំពេញ និងទី២ស្ថិតនៅក្នុងខេត្តព្រះសីហនុ។ សាលាទាំង២នេះ នឹងបើកដំណើរការក្នុងពេលដ៏ខ្លីខាងមុខ។ សំណង់សាលាវិជ្ជាជីវៈទេសចរណ៍ទាំងពីរ ធ្វើឡើងក្រោមជំនួយឥណទានរបស់ទីភ្នាក់ងារអភិវឌ្ឍន៍បារាំង(AFD) ក្នុងទឹកប្រាក់ ១១លានអឺរ៉ូ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិនាថ្ងៃទី០៣ ខែកញ្ញា ឆ្នាំ២០២៤នេះ លោក ហោ សារុន រដ្ឋលេខាធិការក្រសួងទេសចរណ៍បានថ្លែងថា សាលាវិជ្ជាជីវៈវិស័យទេសចរណ៍ទាំងពីរនេះមានសារៈសំខាន់ណាស់សម្រាប់ជួយលើកស្ទួយវិស័យទេសចរណ៍កម្ពុជា៕
គណបក្សកម្លាំងជាតិបានចេញសេចក្តីថ្លែងការណ៍មួយនៅថ្ងៃទី០៣ ខែ កញ្ញានេះដោយចាត់ទុកការចាប់ខ្លួនលោក ជិន ប៊ុនណ្ណារ័ត្ន អគ្គនាយករដ្ឋបាលរបស់គណបក្សជំទាស់នេះថាជាការគំរាមកំហែងផ្នែកនយោបាយ និងជាការបន្តធ្វើទុក្ខបុកម្នេញលើគណបក្សកម្លាំងជាតិ។ ទន្ទឹមគ្នានេះ គណបក្សប្រឆាំងដដែលនេះបានហៅការបន្តចាប់ខ្លួនសមាជិករបស់ខ្លួនថាធ្វើឲ្យប៉ះពាល់យ៉ាងធ្ងន់ធ្ងរដល់ដំណើរការប្រជាធិបតេយ្យនៅកម្ពុជា។
ថ្នាក់ដឹកនាំរបស់បណ្តាប្រទេសអាហ្វ្រិកបានធ្វើដំណើរជាបន្តបន្ទាប់គ្នាទៅដល់ទីក្រុងប៉េកាំងនៅថ្ងៃចន្ទទី ២កញ្ញានេះ ដើម្បីចូលរួមនៅក្នុងវេទិកាចិន អាហ្វ្រិក ដែលប្រធានាធិបតីចិន លោកស៊ី ជីនពីងនឹងបើកសម្ពោធនៅព្រហស្បតិ៍សប្តាហ៍នេះ។ ចិនក្រាលកម្រាលព្រំក្រហមទទួលមេដឹកនាំអាហ្វ្រិកនៅក្នុងវេទិកាដ៏ធំមិនធ្លាប់មាន គិតចាប់វិបត្តិកូវីដ១៩ នៅក្នុងគោលដៅ រឹតចំណងមិត្តភាព ទំនាក់ទំនងពាណិជ្ជកម្មជាមួយទ្វីបអាហ្វ្រិក ដែលសំបូរទៅដោយធនធានរ៉ែធម្មជាតិ។
កំហឹងរបស់ប្រជាជនអ៊ីស្រាអែល បានផ្ទុះឡើងយ៉ាងខ្លាំង នៅក្រោយការស្លាប់ចំណាប់ខ្មាំងចំនួន៦នាក់ ដែលកងទ័ពអ៊ីស្រាអែល បានយកសាកសពត្រលប់មកពីហ្កាហ្សាកាលពីថ្ងៃទី១កញ្ញាម្សិលមិញ។ ប្រជាជនអ៊ីស្រាអែល បានស្តីបន្ទោសថា នេះគឺជាកំហុសរបស់រដ្ឋាភិបាលលោកនេតាន់យ៉ាហ៊ូ ដែលមិនព្រមចុះហត្ថលេខាលើកិច្ចព្រមព្រៀងបញ្ចប់សង្គ្រាម ដើម្បីរំដោះចំណាប់ខ្មាំងមកវិញ។ បន្ទាប់ពីបាតុកម្មយ៉ាងកក្រើកកាលពីយប់ថ្ងៃអាទិត្យរបស់ប្រជាជន សហជីពធំៗរបស់អ៊ីស្រាអែលបានប្រកាសធ្វើកូដកម្មទូទាំងប្រទេសនៅថ្ងៃចន្ទនេះ ដើម្បីដាក់សំពាធទៅលើលោកនេតាន់យ៉ាហ៊ូ។
បណ្តាញ Telegram បានរងនូវការសង្ស័យថ្មីមួយទៀតនៅកូរ៉េខាងត្បូង ថាបានចូលរួមបើកចំហរ ឲ្យមានការចែកចាយរូបភាពក្លែងក្លាយ Deepfake ដែលមានលក្ខណៈអាសអាភាស។ ផ្អែកតាមបណ្តាញព័ត៌មាន Yonhap កាលពីថ្ងៃចន្ទទី២កញ្ញា អាជ្ញាធរកូរ៉េខាងត្បូង បានសម្រេចបើកការស៊ើបអង្កេតទៅលើបណ្តាញTelegram បន្ទាប់ពីផ្ទុះការតវ៉ារិះគន់ជាខ្លាំង ពីសំណាក់មតិមហាជន។ គួររំលឹកថា ថ្មីៗនេះ អាជ្ញាធរបារាំងបានចាប់ឃាត់ខ្លួនជនជាតិរុស្ស៊ី ដែលជាស្ថាបនិកបណ្តាញTelegram ដោយចោទថាមិនព្រមសហការ ក្នុងការប្រយុទ្ធប្រឆាំងនឹងបណ្តាញឧក្រិដ្ឋ ដែលប្រើប្រាស់បណ្តាញTelegram ជាទីផ្សព្វផ្សាយនិងឆ្លងឆ្លើយគ្នា។
ទើបហួសទៅផុតបាន២ថ្ងៃ ខែសីហាត្រូវបានទីភ្នាក់ងារឧតុនិយមចិន និងជប៉ុនចាត់ទុកជាខែដែលក្តៅជាងគេបំផុត មិនធ្លាប់មាននៅក្នុងប្រវត្តិកំណត់ត្រារបស់ប្រទេសទាំងពីរ។ នៅប្រទេសចិន យ៉ាងហោចខេត្តក្រុងចំនួន៨បានរងប៉ះពាល់ដោយអាកាសធាតុក្តៅខ្លាំង ចំណែក ជប៉ុនឯណោះរងរលកកំដៅ២ខែជាប់គ្នា តាំងពីខែ កក្កដា។ នេះបើតាមទីភ្នាក់ងារឧតុនិយមជប៉ុន កាលពីថ្ងៃចន្ទទី ២កញ្ញា។ អាកាសធាតុក្តៅថប់ខ្លាំង ចូលរួមចំណែកធ្វើឲ្យមនុស្សជាង១០០នាក់ស្លាប់ដោយសារជំងឺគាំងបេះដូង នៅទីក្រុងតូក្យូ នៅក្នុងអំឡុងខែកក្កដា។
ក្រសូងការពារជាតិកម្ពុជាបានបញ្ជាក់ថា នាវាចម្បាំងចំនួន២ ដែលចិនបានឱ្យកម្ពុជានៅមូលដ្ឋានកងទ័ពជើងទឹករាមជាការស្នើសុំរបស់កម្ពុជា។ ការចេញមុខបញ្ជាក់របស់ក្រសួងការពារជាតិកម្ពុជាដូចនេះធ្វើឡើង ក្រោយពីមានការចុះផ្សាយព័ត៌មានរបស់កាសែត The Diplomat ដោយយោងតាមសេចក្តីរាយការណ៍របស់វិទ្យុអាស៊ីសេរីដែលថា រដ្ឋាភិបាលចិនត្រៀមផ្ទេរនាវាចម្បាំង ២គ្រឿងឱ្យកម្ពុជានៅមូលដ្ឋានកងទ័ពជើងទឹករាមក្នុងខេត្តព្រះសីហនុ។
ធនាគារអភិវឌ្ឍន៍អាស៊ី ADB បានសម្រេចអនុម័តថវិកាលើកញ្ចប់ថវិកាចំនួន ៩៣,៦ លានដុល្លារឲ្យរដ្ឋាភិបាលកម្ពុជាដើម្បីយកទៅធ្វើការកែលម្អ និងពង្រីកការផ្គត់ផ្គង់ទឹកស្អាតដែលមានសុវត្ថិភាព និងអនាម័យនៅតាមតំបន់ជនបទក្នុងប្រទេសកម្ពុជា។
រដ្ឋាភិបាលនឹងផ្តើមដឹកពលរដ្ឋទៅលេងព្រំដែននៅភាគឦសានចាប់ពីថ្ងៃទី៧ ខែកញ្ញានេះដោយធ្វើឡើងនៅរៀងរាល់ថ្ងៃសៅរ៍រហូតដល់ដាច់ឆ្នាំ២០២៤។ ទស្សនៈកិច្ចនេះគឺផ្តោតទៅព្រំដែនក្នុងខេត្តក្រចេះ ស្ទឹងត្រែង មណ្ឌលគិរី និងរតនៈគិរី។ ជាទស្សនកិច្ចតែមួយថ្ងៃដោយវិលល្ងាច តែមានតំបន់ខ្លះត្រូវសម្រាកមួយយប់។ តើទស្សនៈកិច្ចបែបនេះអាចជម្រះមន្ទិលសង្ស័យ និងរំងាប់ពីបញ្ហាបង្គោលព្រំដែនដែលគេចោទប្រកាន់មានភាពមិនប្រក្រតីបានដែរ ឬទេ?
ស្តូបមិត្តភាពកម្ពុជា-វៀតណាម នៅខេត្តសៀមរាបត្រូវបានជួសជុសឡើងវិញរួចរាល់ហើយ មកដល់ថ្ងៃទី១ ខែកញ្ញា ឆ្នាំ២០២៤នេះ តែសមត្ថកិច្ចនៅមិនទាន់រកឃើញអ្នកបំផ្ទុះស្ដូបមិត្តភាពនេះនៅឡើយ។ អ្នកនាំពាក្យសាលាខេត្តសៀមរាប អះអាងថា សមត្ថកិច្ចកំពុងតែបន្ដស៊ើបអង្កេតលើករណីនេះបន្ថែមទៀត។
អង្គការទិន្នន័យអំពីការអភិវឌ្ឍកម្ពុជា (Open Development Cambodia) នៅថ្ងៃទី១ ខែកញ្ញា ឆ្នាំ២០២៤នេះ បានចេញផ្សាយរបាយការណ៍មួយ អំពីគម្របព្រៃឈើនៅក្នុងប្រទេសកម្ពុជាចាប់ពីឆ្នាំ២០១៥ ដល់ឆ្នាំ២០២៣។ ក្នុងរបាយការណ៍នេះ អង្គការក្រៅរដ្ឋាភិបាល ODC បានអះអាងថា គម្របព្រៃឈើនៅកម្ពុជា បានថយចុះមកក្រោម៤០% ក្នុងឆ្នាំ២០២៣។
នៅប្រទេសបារាំង ក្រុមសមាជិកសភាបក្សឆ្វេងនិយម បានអំពាវនាវជាថ្មីឲ្យបើកនីតិវិធីទម្លាក់ប្រធានាធិបតី អេម៉ានុយអែល ម៉ាក្រុង ខណៈលោកនៅតែមិនទាន់តែងតាំងនាយករដ្ឋមន្ត្រីថ្មី។ ប្រទេសបារាំងធ្លាក់ក្នុងសភាពការណ៍១មិនច្បាស់លាស់ ព្រោះគ្មាននាយករដ្ឋមន្ត្រីនិងគ្មានរដ្ឋាភិបាលដឹកនាំ ពិតប្រាកដ អស់ចំនួន ៤៧ ថ្ងៃមកហើយ។ ការជាប់គាំងនយោបាយនេះ បន្ទាប់ពីប្រមុខរដ្ឋាភិបាល ហ្កាប៊្រីយែល អាតតាល់ ប្រកាសលាលែងចុះពីតំណែង ក្រោយពីគណបក្សកាន់អំណាចបាត់បង់កៅអីសភាជាច្រើនអាសនៈ ក្នុងឱកាសបោះឆ្នោតសភាមុនអាណត្តិ ក្នុងខែកក្កដា។
កងទ័ពអ៊ីស្រាអែលបានយកប្រទះឃើញសាកសពចំណាប់ខ្មាំង ចំនួន៦នាក់ នៅក្នុងរូងក្រោមដី ក្នុងក្រុងរ៉ាហ្វា ភាគខាងត្បូងតំបន់ហ្កាហ្សា កាលពីល្ងាចថ្ងៃសៅរ៍ទី៣១សីហា។ ផ្អែកតាមកងទ័ពអ៊ីស្រាអែល គឺចំណាប់ខ្មាំងទាំង៦នាក់នេះ ត្រូវបានក្រុមភេរវកម្មហាម៉ាសសម្លាប់ មុនពេលដែលកងទ័ពចូលទៅដល់បន្តិចតែប៉ុណ្ណោះ។ ដំណឹងនៃការស្លាប់ចំណាប់ខ្មាំងនេះ បានបង្កឲ្យប្រជាជនអ៊ីស្រាអែល ស្ទុះឡើងតវ៉ា ស្តីបន្ទោសរដ្ឋាភិបាលលោកនេតាន់យ៉ាហ៊ូកាន់តែខ្លាំង ថាមកពីមិនព្រមចុះហត្ថលេខាលើកិច្ចព្រមព្រៀងឈប់បាញ់ និងរំដោះចំណាប់ខ្មាំងមកវិញ។
អង្គការសុខភាពពិភពលោក សហការជាមួយទីភ្នាក់សហប្រជាជាតិដើម្បីជនភៀសខ្លួនប៉ាឡេស្ទីន បានចាប់ផ្តើមយុទ្ធនាការ ផ្តល់ដំណក់ថ្នាំ បង្ការជំងឺគ្រុនស្វិតដៃជើង ទៅឲ្យកុមារប៉ាឡេស្ទីននៅតំបន់ហ្កាហ្សា។ នេះគឺជាយុទ្ធនាការដ៏សែនលំបាកបំផុត ខណៈសង្គ្រាមនៅតែបន្ត។ តែយ៉ាងណាភាគីទាំងហាម៉ាស និងអ៊ីស្រាអែល បានអះអាងថាគេនឹងព្យាយាមចូលរួមធ្វើឲ្យយុទ្ធនាការផ្តល់ថ្នាំបង្ការនេះ បានជោគជ័យ។
មន្ត្រីជំនាញកិច្ចព្រំដែនកម្ពុជា បានអះអាងថា ការប្រើផែនទីរបស់Google Maps មិនអាចយកជាការបានឡើយ សម្រាប់ការបោះបង្គោលព្រំដែនកម្ពុជា និងវៀតណាម។ នេះជាការឆ្លើយតបទៅនឹងការផ្សព្វផ្សាយរបស់ លោក សម រង្ស៊ី និងអ្នកមួយចំនួនទៀត ដែលថា បង្គោលព្រំដែនដែលបានបោះរួចគឺចេះដើរចូលមកក្នុងទឹកដីកម្ពុជា រាប់គីឡូម៉ែត្រ បើផ្អែកតាមផែនទី Google Maps។ តែមន្ត្រីព្រំដែនរបស់រដ្ឋាភិបាល ចាត់ទុកថា ការលើកឡើងរបស់អ្នកនយោបាយប្រឆាំង ធ្វើឲ្យមានការយល់ច្រឡំ។
វេទិកាប្រចាំឆ្នាំលើកទី៥៣ នៃប្រទេសកូនកោះក្នុងមហាសមុទ្រប៉ាស៊ីហ្វិក បានបិទបញ្ចប់ទៅ កាលពីថ្ងៃសៅរ៍ ទី៣១សីហា នៅទីក្រុងនូគូអាឡូហ្វា ប្រទេសតុងហ្កា។ អ្វីដែលជាការកត់សំគាល់ គឺក្រុមប្រទេសកោះប៉ាស៊ីហ្វិក បានលុបកោះតៃវ៉ាន់ចេញពីខ្លឹមសារ នៃសេចក្តីថ្លែងការណ៍រួមចុងក្រោយនៃកិច្ចប្រជុំនេះ បន្ទាប់ពីចិនបានគម្រាមសម្លុតដោយការមិនសុខចិត្ត។
ហ្វីលីពីន ជះកំហឹងដាក់ក្រុងប៉េកាំងថា ចិនជាមេរំខានសន្តិភាពនៅអាស៊ីអាគ្នេយ៍។ ប្រតិកម្មរបស់ថ្នាក់ដឹកនាំទ័ពហ្វីលីពីយ៉ាងដូច្នេះ ធ្វើឡើងបន្ទាប់ពីឃើញថា នាវារបស់ឆ្មាំសមុទ្រចិននិងនាវាក្រុមយាមល្បាតហ្វីលីពីន បានប៉ះទង្គិចគ្នាជាញឹកញយពេក។ នាវាចិននិងហ្វីលីពីប៉ះទង្គិចគ្នាចុងក្រោយបំផុត កើតនៅវេលាកណ្តាលថ្ងៃត្រង់ ថ្ងៃសៅរ៍ ទី៣១សីហា។
រដ្ឋាភិបាលកម្ពុជានាថ្ងៃសៅរ៍ ទី៣១ សីហា សម្រេចបង្កើតគណៈកម្មាធិការគ្រប់គ្រងធនធានខ្សាច់ ក្នុងគោលបំណងតាមដាន និងចាត់វិធានការផ្លូវច្បាប់ផ្សេងៗទៅលើក្រុមហ៊ុនខ្សាច់ណាមួយដែលប្រព្រឹត្តសកម្មភាពបូមខ្សាច់ខុសបច្ចេកទេស។ អ្នកធ្វើការលើការងារបរិស្ថានចង់ឱ្យគណៈកម្មាធិការគ្រប់គ្រងធនធានខ្សាច់ធ្វើការងារឱ្យមានតម្លាភាពទៅលើក្រុមហ៊ុនដែលធ្វើការបូមខ្សាច់ខុសបច្ចេកទេស ដោយធានាលើការចាត់វិធានការឱ្យបានម៉្មត់ចត់។
ប្រធានាធិបតីអ៊ុយក្រែន ប្រកាសផ្លាស់ប្តូរថ្នាក់ដឹកនាំបញ្ជាការដ្ឋានកងទ័ពជើងអាកាស ដោយអះអាងថាចង់កែសម្រួលកម្លាំងយោធាអ៊ុយក្រែន។ សេចក្តីសម្រេចចិត្តដូច្នេះ ធ្វើឡើងក្រោយពីព្រឹត្តិការណ៍ធ្លាក់យន្តហោះចម្បាំងដ៏ទំនើប១គ្រឿង ប្រភេទអែហ្វ-១៦ ដែលជាអំណោយជំនួយយោធារបស់អាមេរិកនិងលោកខាងលិច។ ក្រឹត្យប្រធានាធិបតីអ៊ុយក្រែន ប្រកាសដកតំណែងមេទ័ពជើងអាកាសនេះ ត្រូវផ្សាយតាមបណ្តាញតេឡេក្រាម នៅយប់ថ្ងៃសុក្រ ទី៣០សីហា។
សភាអាស៊ានដើម្បីសិទ្ធិមនុស្ស APHR នៅថ្ងៃទី៣០ ខែសីហា បានចេញសេចក្តីថ្លែងការណ៍មួយដោយចាត់ទុកការដឹកនាំរបស់រដ្ឋាភិបាលលោកហ៊ុន ម៉ាណែតបច្ចុប្បន្នថា ជាការដឹកនាំបែបផ្តាច់ការ និងយកគំរូពីលោក ហ៊ុន សែន ដែលត្រូវជាឪពុក។ ការអះអាងយ៉ាងដូច្នេះ ដោយសភាអាស៊ានដើម្បីសិទ្ធិមនុស្សសង្កេតឃើញរដ្ឋាភិបាលលោកហ៊ុន ម៉ាណែត បានបង្ក្រាបក្រុមសកម្មជន និងពលរដ្ឋមិនបន្ថយដៃ ខណៈពលរដ្ឋយ៉ាងហោចណាស់៩៤នាក់ត្រូវបានចាប់ខ្លួនក្រោយរិះគន់គម្រោងតំបន់ត្រីកោណអភិវឌ្ឍន៍CLV ។
ជំងឺរាតត្បាតMpox ឬអុតស្វា កំពុងតែបង្កឲ្យមានការព្រួយបារម្ភជាខ្លាំង នៅតាមបណ្តាប្រទេសអាហ្វ្រិក ដែលក្នុងនោះ នៅសាធារណរដ្ឋប្រជាធិបតេយ្យកុងហ្កោ គឺមានករណីឆ្លងរាលដាលច្រើនជាងគេ។ គ្មានប្រព័ន្ធសុខាភិបាលរឹងមាំ និងគ្មានវ៉ាក់សាំងបង្ការ ប្រទេសអាហ្វ្រិកប្រឈមខ្លាំងបំផុត ដោយសារជំងឺកាចសាហាវនេះ ហើយអាចឈានក្លាយជាការឆ្លងរាលដាលពេញពិភពលោក។ អង្គការសុខភាពពិភពលោកបានប្រកាសថា គេនឹងបញ្ជូនវ៉ាក់សាំងចំនួន២៣ម៉ឺនដូសទៅអាហ្វ្រិក នៅប៉ុន្មានថ្ងៃខាងមុខនេះ ក្នុងដំណាក់កាលដំបូង។
អ្នកការពារសិទ្ធិមនុស្ស បានស្នើឲ្យមានការពិចារណាឡើងវិញ ចំពោះការចោទប្រកាន់ទៅលើយុវជន៨នាក់ពីបទ«រួមគំនិតក្បត់» ក្នុងចំណោមមនុស្សជិត១០០នាក់ដែលត្រូវបានចាប់ខ្លួន។ គឺជាការចាប់ខ្លួន ចំពេលដែលសមត្ថកិច្ចរឹតបន្តឹងការធ្វើដំណើរចូលមកភ្នំពេញ ស្របពេលមានការប្រកាសធ្វើបាតុកម្មពីក្រុមប្រឆាំងនៅក្រៅប្រទេស កាលពីថ្ងៃទី១៨ ខែសីហា។ អ្នកការពារសិទ្ធិមនុស្សបានហៅការចាប់ខ្លួនមនុស្សជិត១០០នាក់នេះថា ធ្វើឡើងដោយគ្មានមូលដ្ឋាន តែមន្ត្រីរដ្ឋាភិបាលបានការពារចំណាត់ការផ្លូវច្បាប់របស់ខ្លួន។
គណៈប្រតិភូកងទ័ពជើងទឹកអូស្ត្រាលីត្រៀមមកបំពេញទស្សនកិច្ចក្នុងខេត្តព្រះសីហនុនាសប្តាហ៍ក្រោយ។ នេះបើតាមការបញ្ជាក់នៅក្នុងជំនួបរវាងឯកអគ្គរដ្ឋទូតថ្មីអូស្ត្រាលីប្រចាំកម្ពុជា និង លោក ហ៊ុន សែន ប្រមុខរដ្ឋស្តីទី កាលពីថ្ងៃទី៣០ សីហា។ បើតាមអ្នកតាមដានភូមិសាស្ត្រនយោបាយ ដំណើរទស្សនកិច្ចរបស់ប្រទេសដែលជាសម្ព័ន្ធមិត្តរបស់អាមេរិកមួយនេះ ទំនងទាក់ទិនបញ្ហាការធ្វើទំនើបកម្មនៅមូលដ្ឋានកងទ័ពជើងទឹករាម ដែលចិននៅពីក្រោយ។
អាជ្ញាធរនៅក្នុងទីក្រុងបាងកក បានចាប់ខ្លួនប្រជាពលរដ្ឋខ្មែរចំនួន៣រូប នៅថ្ងៃទី៣០សីហា ក្រោយពួកគេស្នាក់នៅទីក្រុងបាងកកដោយខុសច្បាប់។ ក្រោយការចាប់ខ្លួន អាជ្ញាធរថៃបានរកឃើញថា ពួកគេទាំងបីរូបបានធ្វើសកម្មភាពខុសច្បាប់ ដោយស្លៀកពាក់ជាជនអនាថាសុំទាននៅតាមដងផ្លូវ។ តាមអាជ្ញាធរថៃ ពលរដ្ឋខ្មែរទាំងបីរូប ត្រូវបញ្ជូនទៅប៉ុស្តិ៍ប៉ូលីសដើម្បីស៊ើបអង្កេតបន្ត។
កម្ពុជាបានពាក់ព័ន្ធនឹងទីផ្សារឆបោករូបិយបណ្ណគ្រីបតូដ៏ខ្មៅងងឹត ក្នុងតម្លៃទឹកប្រាក់រហូតដល់ជាង៤៩ពាន់លានដុល្លារអាមេរិក តាំងពីឆ្នាំ២០២១។ នេះបើតាមការអះអាងរបស់ក្រុមអ្នកស្រាវជ្រាវរូបិយបណ្ណគ្រីបតូ Chainalysis ដែលចេញផ្សាយរបាយការណ៍ឧក្រិដ្ឋកម្មគ្រីបតូ កាលពីថ្ងៃព្រហស្បតិ៍។ Chainalysis បានចង្អុលមុខក្រុមហ៊ុន Huione របស់លោក ហ៊ុន តូ ថា ពាក់ព័ន្ធនឹងបទល្មើសឆបោករូបិយបណ្ណគ្រីបតូ ផងដែរ។
ដោយស្ងាត់ៗបំផុត រដ្ឋាភិបាលអាល្លឺម៉ង់បានចាប់បញ្ជូនជនជាតិអាហ្វហ្កានីស្ថានចំនួន២៨នាក់ទៅប្រទេសកំណើតវិញកាលពីព្រឹកថ្ងៃសុក្រទី ៣០សីហា។ គិតចាប់តាំងពីពួកតាលីបង់ត្រលប់មកកាន់អំណាចសាជាថ្មីនៅអាហ្វហ្កានីស្ថាន កាលពី ៣ឆ្នាំមុន អាល្លឺម៉ង់ជាប្រទេសលើកដំបូងគេដែលចាប់បញ្ជូនជនជាតិអាហ្វហ្កានីស្ថានទៅឲ្យពួកតាលីបង់។ បើតាមរដ្ឋមន្រ្តីក្រសួងមហាផ្ទៃ អាល្លឺម៉ង់ ជនជាតិអាហ្វហ្កានីស្ថានដែលចាប់បញ្ជូនទៅប្រទេសកំណើតវិញ សុទ្ធតែឧក្រិដ្ឋជនដែលត្រូវតុលាការអាល្លឺម៉ង់កាត់ទោសពីបទប្លន់ដោយប្រើអាវុធឬ ចូលរួមរំលោភផ្លូវភេទ។
ដោយស្ងាត់ៗបំផុត រដ្ឋាភិបាលអាល្លឺម៉ង់បានចាប់បញ្ជូនជនជាតិអាហ្វហ្កានីស្ថានចំនួន២៨នាក់ទៅប្រទេសកំណើតវិញកាលពីព្រឹកថ្ងៃសុក្រទី ៣០សីហា។ គិតចាប់តាំងពីពួកតាលីបង់ត្រលប់មកកាន់អំណាចសាជាថ្មីនៅអាហ្វហ្កានីស្ថាន កាលពី ៣ឆ្នាំមុន អាល្លឺម៉ង់ជាប្រទេសលើកដំបូងគេដែលចាប់បញ្ជូនជនជាតិអាហ្វហ្កានីស្ថានទៅឲ្យពួកតាលីបង់។ បើតាមរដ្ឋមន្រ្តីក្រសួងមហាផ្ទៃ អាល្លឺម៉ង់ ជនជាតិអាហ្វហ្កានីស្ថានដែលចាប់បញ្ជូនទៅប្រទេសកំណើតវិញ សុទ្ធតែឧក្រិដ្ឋជនដែលត្រូវតុលាការអាល្លឺម៉ង់កាត់ទោសពីបទប្លន់ដោយប្រើអាវុធឬ ចូលរួមរំលោភផ្លូវភេទ។
មហាយក្សចិន បញ្ចេញធ្មុងកាន់តែខ្លាំងឡើងៗ ឈ្លានពានដែនសមុទ្រប្រទេសដទៃ ចាប់ពីអាស៊ីអាគ្នេយ៍ រហូតដល់តៃវ៉ាន់ និងជប៉ុន។ នេះក៏ព្រោះតែ រដ្ឋអំណាចក្រុងប៉េកាំង បានឆ្លៀតឱកាសល្អ នៅគ្រាដែល មហាអំណាចលោកខាងលិច និងសហរដ្ឋអាមេរិក កំពុងតែរវល់ជាប់ដៃក្នុងសង្គ្រាមនៅមជ្ឈិមបូព៌ានិងនៅអ៊ុយក្រែន ហើយនិងការបោះឆ្នោតនៅសហរដ្ឋអាមេរិក។
ដោយស្ងាត់ៗបំផុត រដ្ឋាភិបាលអាល្លឺម៉ង់បានចាប់បញ្ជូនជនជាតិអាហ្វហ្កានីស្ថានចំនួន២៨នាក់ទៅប្រទេសកំណើតវិញកាលពីព្រឹកថ្ងៃសុក្រទី ៣០សីហា។ គិតចាប់តាំងពីពួកតាលីបង់ត្រលប់មកកាន់អំណាចសាជាថ្មីនៅអាហ្វហ្កានីស្ថាន កាលពី ៣ឆ្នាំមុន អាល្លឺម៉ង់ជាប្រទេសលើកដំបូងគេដែលចាប់បញ្ជូនជនជាតិអាហ្វហ្កានីស្ថានទៅឲ្យពួកតាលីបង់។ បើតាមរដ្ឋមន្រ្តីក្រសួងមហាផ្ទៃ អាល្លឺម៉ង់ ជនជាតិអាហ្វហ្កានីស្ថានដែលចាប់បញ្ជូនទៅប្រទេសកំណើតវិញ សុទ្ធតែឧក្រិដ្ឋជនដែលត្រូវតុលាការអាល្លឺម៉ង់កាត់ទោសពីបទប្លន់ដោយប្រើអាវុធឬ ចូលរួមរំលោភផ្លូវភេទ។
ប្រឈមនឹងការឆ្លងរីករាលដាលមេរោគ Mpox ទម្រង់ថ្មី Clad1b ដែលប្រទេសថៃបានប្រកាសរកឃើញកាលពីសប្តាហ៍មុន ក្រសួងសុខាភិបាលបាន និងកំពុងអនុវត្តវិធានការរឹតបន្តឹងទប់ស្កាត់ការឆ្លងជំងឺនេះនៅតាមព្រំដែន និងច្រកចេញចូលប្រទេសកម្ពុជា។ នៅក្នុងបទសម្ភាសជាមួយវិទ្យុបារាំងអន្តរជាតិ RFI លោកវេជ្ជបណ្ឌិតលី សូវ៉ាន់ ទីប្រឹក្សាក្រសួងសុខាភិបាល និងជាប្រធាននាយកដ្ឋានប្រយុទ្ធជំងឺឆ្លង CDC បានបញ្ជាក់ថា គិតត្រឹមថ្ងៃទី៣០ សីហា កម្ពុជានៅមិនទាន់រកឃើញករណី Mpox ទម្រង់ថ្មី Clad1b នៅឡើយទេ ខណៈករណីសង្ស័យជាច្រើនត្រូវបានធ្វើតេស្តអវិជ្ជមានទាំងអស់។ ទោះជាយ៉ាងណា លោកវេជ្ជបណ្ឌិតលី សូវ៉ាន់ជឿជាក់ថា ក្រសួងសុខាភិបាលកម្ពុជានឹងអាចទប់ស្កាត់ការឆ្លងរាលដាល Mpox បានដោយជោគជ័យដូចគ្រាជំងឺកូវីដ១៩៕
ថ្ងៃព្រហស្បតិ៍ទី ២៩ សីហា ៥ ថ្ងៃក្រោយ បន្ទាប់ពីនគរបាលបារាំង បានឃាត់ខ្លួន លោក ប៉ារែល ឌូរ៉ូវ អគ្គនាយក Telegram អ្នកនាំពាក្យវិមានក្រេមឡាំង បានផ្ញើសារព្រមានទៅកាន់ រដ្ឋាពិបាលបារាំងថា កុំឲ្យធ្វើទុក្ខបុកម្នេញ ក្នុងផ្លូវនយោបាយណាមួយ លើមហាសេដ្ឋីដើមកំណើតរុស្ស៊ីរូបនេះ។ សូមរំឭកថា លោក ប៉ាវែល ឌូរ៉ូវ ដែលត្រូវគេដោះលែងឲ្យនៅក្រៅឃុំជាបណ្តោះសាសន្ន កាលពីថ្ងៃពុធ ទី ២៨ ខែសីហា បន្ទាប់ពីបានបង់ប្រាក់ធានាខ្លួន ៥ លាន អឺរ៉ូ កំពុងស្ថិតក្នុងការស៊ើបអង្កេតរបស់តុលាការបារាំង លើសំណុំរឿងបទឧក្រិដ្ឋជាច្រើនករណី។ ក្នុងអំឡុងពេលនៃការស៊ើបអង្កេតនេះដែរ លោក ឌូរ៉ូវ គ្មានសិទ្ធិ ធ្វើដំណើរចេញក្រៅទឹកដីបារាំង ជាដាច់ខាត និង ត្រូវបង្ហាញមុខ ២ ដង ក្នុងមួយសប្តាហ៍ នៅស្នងការនគរបាល។