លោកដូណាល់ ត្រាំសន្យាថា ប្រជាជននឹងបង់ពន្ធតិច ហើយអាមេរិកនឹងមានកងទ័ពខ្លាំងពូកែ
newsare.net
បន្ទាប់ពីឈ្នះឆ្នោត វិលត្រលប់ទៅដឹកនាំអាមេរិកសាជាថ្មី លោកដូណាល់ ត្រាំ នៅប៉ុន្មានថ្ងៃមកលោកដូណាល់ ត្រាំសន្យាថា ប្រជាជននឹងបង់ពន្ធតិច ហើយអាមេរិកនឹងមានកងទ័ពខ្លាំងពូកែ
បន្ទាប់ពីឈ្នះឆ្នោត វិលត្រលប់ទៅដឹកនាំអាមេរិកសាជាថ្មី លោកដូណាល់ ត្រាំ នៅប៉ុន្មានថ្ងៃមកនេះ បានប្រកាសតែងតាំងក្រុមមហាសេដ្ឋី និងមនុស្សជំនិត ស្មោះស្ម័គ្រនឹងលោកឲ្យកាន់តំណែងធំៗរបស់ប្រទេសដែលមានចាប់តាំងតំណែងរដ្ឋមន្រ្តីការបរទេស ឬរដ្ឋមន្រ្តីការពារជាតិ ដែលធ្លាក់ទៅក្នុងដៃរបស់ពិធីករទូរទស្សន៍Fox News របស់ក្រុមអភិរក្សស្តាំនិយមជ្រុល។ នៅថ្ងៃអង្គារដើមសប្តាហ៍នេះ មហាសេដ្ឋីអចលនទ្រព្យ លោកដូណាល់ ត្រាំ បានប្រកាសតែងតាំងមហាសេដ្ឋី លោកអេឡុន ម៉ាសក៍ ម្ចាស់ក្រុមហ៊ុនអវកាសSpace X ឲ្យដឹកនាំក្រសួងថ្មី ដែលមានគោលដៅធំបំផុត គឺធ្វើកំណែទម្រង់ស៊ីជម្រៅ កាត់បន្ថយការចំណាយរបស់រដ្ឋសហព័ន្ធ។ នៅថ្ងៃព្រហស្បតិ៍ទី ១៤វិច្ឆិកា នៅក្នុងពិធីជប់លៀងដ៏ធំនៅរីស៊តMar-a-Lago នៅរដ្ឋFlorida លោកដូណាល់ ត្រាំបានអួតសរសើរអនាគតរដ្ឋមន្រ្តីដែលលោកទើបតែងតាំង និងសន្យាធ្វើឲ្យកងទ័ពអាមេរិកខ្លាំងពូកែឡើងវិញ ព្រមទាំងបិទបញ្ចប់សង្រ្គាមនៅ អ៊ុយក្រែន នៅដើមបូព៌ា។ Read more
