នៅព្រឹកថ្ងៃទី១៩ វិច្ឆិកានេះ គណៈកម្មាធិការអចិន្ត្រៃយ៍នៃរដ្ឋសភាកម្ពុជាបានបើកកិច្ចប្រជុំដើម្បីពិនិត្យលើសំណើសុំផ្លាស់ប្ដូររដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិលោក សុខ ចិន្តាសោភា។ រដ្ឋាភិបាលកម្ពុជាអាណតិ្តទី៧ទើបមានអាយុចំនួន១៥ខែ ប៉ុន្តែនេះជាលើកទី២ដែលមានការកែសម្រួលសមាសភាពរាជរដ្ឋាភិបាល។ អ្នកតាមដានសង្គម និងអ្នកជំនាញកិច្ចការអន្តរជាតិបានលើកឡើងថា ការផ្លាស់ប្តូររដ្ឋមន្រ្តីការបរទេសដូចនេះ អាចមកពីរដ្ឋាភិបាលចង់ពង្រឹងនយោបាយការបរទេសកម្ពុជា និងការងារមួយចំនួនរបស់រដ្ឋមន្រ្តីការបរទេសក្នុងអាណត្តិទី៧នេះ។ មូលហេតុអ្វីបានជាមានសំណើសុំឲ្យផ្លាស់ប្តូររដ្ឋមន្រ្តីក្រសួងការបរទេសលោក សុខ ចិន្តាសោភា?។

ក្រុមហ៊ុនស្រាវជ្រាវទិន្នន័យអន្តរជាតិ 60 Decibels រកឃើញថា កម្ពុជានៅតែស្ថិតក្នុងចំណាត់ថ្នាក់ជាប្រទេសដែលមានទីផ្សារហិរញ្ញវត្ថុមិនល្អ និងមានពលរដ្ឋជំពាក់បំណុលមីក្រូហិរញ្ញវត្ថុច្រើនជាងគេក្នុងតំបន់អាស៊ីអាគ្នេយ៍។ យោងតាមរបាយការណ៍របស់ 60 Decibels ពលរដ្ឋខ្មែរប្រមាណ៣២%ដែលខ្ចីប្រាក់ពីស្ថាប័នមីក្រូហិរញ្ញវត្ថុ បាននិយាយថា ការបង់សងបំណុលជាបន្ទុកធ្ងន់ធ្ងរ ខណៈ២៤%ផ្សេងទៀតត្រូវកាត់បន្ថយការចំណាយលើថ្លៃអាហារដើម្បីសន្សំប្រាក់ទុកបង់សងស្ថាប័នមីក្រូហិរញ្ញវត្ថុ។ ទោះយ៉ាងណា របាយការណ៍របស់60 Decibels រំលេចពីចំណុចវិជ្ជមានខ្លះដែរ ដោយសង្កេតឃើញស្ថាប័នហិរញ្ញវត្ថុនៅកម្ពុជាបាន និងកំពុងបន្តកែលម្អយន្តការការពារអតិថិជន និងនីតិវិធីសងប្រាក់ត្រឡប់របស់អតិថិជនទៅស្ថាប័នផ្តល់កម្ចី។

មិនទាន់​ចូលកាន់​អំណាច​ដឹកនាំអាមេរិកផង លោកដូណាល់ ត្រាំ កាលពីថ្ងៃ​ចន្ទទី ១៨ វិច្ឆិកា​បាន​បញ្ជាក់​នៅលើ​បណ្តាញសង្គមថា លោក​គ្រោង​នឹង​ប្រកាស​អាសន្នជាតិ ដើម្បី​ប្រើ​កងទ័ពអាមេរិក​ឲ្យ​ចាប់បញ្ជូន​ជនអន្តោប្រវេសន៍​ខុសច្បាប់ នៅក្នុងទ្រង់ទ្រាយ​ធំ។ បើតាម​លោកដូណាល់ ត្រាំ យុទ្ធនាការ​ចាប់បញ្ជូន​ជនអន្តោប្រវេសន៍​ខុសច្បាប់​នៅ​អាមេរិក នឹង​ចាប់ផ្តើម តាំងពីថ្ងៃដំបូង​ដែល​លោកចូលកាន់តំណែងជាផ្លូវការ នៅថ្ងៃទី ២០​មករា ឆ្នាំ ២០២៥។

តុលាការ​ហុងកុង​ បាន​ជម្រះក្តី​ព្រហ្មទណ្ឌ​ប្រឆាំង​អ្នក​​នយោបាយ អ្នក​ច្បាប់ និង​សកម្មជន​គាំទ្រ​លទ្ធិ​ប្រជាធិបតេយ្យ​ សរុប​ចំនួន​ ៤៥ នាក់​ ឲ្យ​ជាប់ពន្ធនាគារ​ ចន្លោះពី ៤ឆ្នាំ ​២ខែ រហូត​ដល់ ១០ ឆ្នាំ​។ បទ​ចោទ​ប្រកាន់​​ចំពោះ​ពួក​គេ​ទាំងនេះ ទាក់ទង​នឹងការ​ប្រព្រឹត្ត​​អំពើ​វិទ្ធង្សនាបង្ក​គ្រោះថ្នាក់​ដល់​សន្តិសុខ​ជាតិ​ហុងកុង។ ការ​​ជម្រះក្តីនេះ ឋិត​ក្រោម​ច្បាប់​សន្តិសុខជាតិហុងកុង ដែល​តាក់តែង​ក្រោម​ខ្សែ​ញាក់​​របស់​អាជ្ញាធរ​រដ្ឋ​អំណាច​​ក្រុង​ប៉េកាំង។​ សហគមអន្តរជាតិបាន​រិះគន់​ថ្កោលទោស​សាលក្រម​​របស់​តុលាការ​ហុងកុង និង ក្រើន រំឭក​​ថា «ការ​ទាមទារ​លទ្ធិប្រជាធិបតេយ្យ ពុំមែន​ជា​ទោស​​ឧក្រិដ្ឋឡើយ»។​

លោក​​ញឹក សេរីរតនា ជាងចម្លាក់ស្បែកបានបង្កើតសាលាបង្រៀនចម្លាក់ស្បែកមួយកន្លែងក្នុងខេត្តសៀមរាប។ សាលាមួយនេះបានផ្តល់ឱកាសឱ្យយុវជនក្រីក្រ និងកុមារកំព្រាស្នាក់នៅដើម្បីរៀនជំនាញចម្លាក់ស្បែក និងដើម្បីបន្តការសិក្សានៅមហាវិទ្យាល័យ។ តែចាប់តាំងពីវិបត្តិកូវីដ១៩ មក សាលាបានផ្តើមជួបការខ្វះខាតថវិកាសម្រាប់ចំណាយប្រចាំថ្ងៃ។ លោកញឹក សេរីរតនាបានប្រាប់ថា លោកមានលទ្ធភាពចិញ្ចឹមយុវជនក្រីក្រ និងកុមារកំព្រាបានត្រឹមតែ ៣៨នាក់ ខណៈមានមនុស្សដល់ទៅ ៨០នាក់ដែលត្រូវចិញ្ចឹម៕

សាលាដំបូងរាជធានីភ្នំពេញ នៅថ្ងៃទី១៩ ខែវិច្ឆិការ ឆ្នាំ២០២៤នេះ បានសម្រេចផ្តន្ទាទោសសមាជិកសហគមន៍សំរោងត្បូង៣នាក់ ឲ្យជាប់ពន្ធនាគារម្នាក់ៗចំនួន៦ខែ នៅក្នុងបទចោទ «ស្ថានទម្ងន់ទោស នៃបទប្រឆាំងនឹងអ្នករាជការសាធារណៈ»។ ការផ្ទន្ទាទោសនេះ ធ្វើឡើងក្រោយពីមានការចោទប្រកាន់ថា ពលរដ្ឋទាំងនេះបានធ្វើការតវ៉ា ដោយហិង្សាប្រឆាំងនឹងអាជ្ញាធរ ដែលចុះទៅរុះរើតូបលក់ដូររបស់ពួកគេ នៅខាងមុខផ្ទះ ជិតបឹងតាមោកកាលពីខែធ្នូ ឆ្នាំ២០២៣។

រដ្ឋសភា​កម្ពុជា​នឹងបើក​កិច្ចប្រជុំពេញអង្គ​របស់​ខ្លួននៅ​ថ្ងៃទី​២០ ​ខែ​វិច្ឆិកា ​ឆ្នាំ​២០២៤ ​ដើម្បីពិភាក្សា​និង​អនុម័ត​របៀបវារៈ​សំខាន់ៗ​ចំនួន​៣​។ ​ក្នុងចំណោម​របៀបវារៈ​សំខាន់ៗ​ទាំង​៣នេះ ​សំណើរ​របស់​រដ្ឋាភិបាល​ស្នើសុំ​កែសម្រួល​សមាជិក​រដ្ឋាភិបាល​គឺ​ជារបៀបវារៈ​ដែលមាន​ការចាប់អារម្មណ៍​ខ្លាំង​ ពោលគឺ​អតីត​រដ្ឋមន្ត្រីការបរទេស​លោក ​ប្រាក់ សុខុន ​ត្រូវបាន​ស្នើ​ឲ្យ​មកធ្វើ​ជា​រដ្ឋមន្ត្រី​ការបរទេស​ឡើងវិញ​ជំនួស​លោក ​សុខ ចិន្តាសោភា ​រដ្ឋមន្ត្រី​ការបរទេស​បច្ចុប្បន្ន​។

​នៅឥណ្ឌា ថ្ងៃចន្ទ​ដើម​សប្តាហ៍​នេះ ​​រដ្ឋធានី​ញូវដេលីទទួល​រង​ផ្សែង​ពុល​អួរអាប់ជា​ថ្មី​។ កម្រិត​ខ្យល់​បរិយា​កាស​​​​​កខ្វក់ ​កើនឡើង​ខ្ពស់​គួរ​ឲ្យ​ព្រួយ​បារម្ភ​ជាខ្លាំង​។ ដោយក្តីបារម្ភ​ពី​ខ្យល់មាន​ជាតិ​ពុល អាជ្ញាធរ​ឥណ្ឌា បាន​សម្រេច​បញ្ជា​ឲ្យ​បិទសាលា​រៀន​ជាច្រើនកន្លែង​​។​

​នៅបុរីរដ្ឋសិង្ហបុរី មហាសេដ្ឋីម្នាក់​ដែលជាអតីត​ម្ចាស់ក្រុមហ៊ុន​រកស៊ី​ជួញដូរ​ប្រេង​ដ៏ល្បីម្នាក់​ប្រចាំតំបន់​អាស៊ី ត្រូវតុលាការ​ផ្តន្ទាទោស​ឲ្យ​ជាប់ពន្ធនាគារ​ ចំនួន​១៧ឆ្នាំ​កន្លះ ព្រោះតែ​ប្រព្រឹត្តបទល្មើស​បោកប្រាស់​គៃបន្លំ​ហិរញ្ញវត្ថុ និង​ក្លែង​បន្លំ​ឯកសារ​។​ ទោះបីជា ​មេធាវីការពារ​ជន​ត្រូវចោទ បាន​​សុំ​អនុញ្ញាត​ពី​​តុលាការឲ្យ​​បន្ធូរ​បន្ថយ​ទោស ដ្បិត​សំអាង​លើជំងឺ​និង​វ័យ​៨២ឆ្នាំ​របស់​ជន​ត្រូ​វ​​ចោទនោះ​ក្តី ក៏សាលាជម្រះក្តី​សិង្ហបុរី មិន​ព្រម​ផ្តល់​ក្តី​មេត្តា​អធ្យាស្រ័យ​សោះឡើយ។​

នៅតែ​ជាង ២ខែ មុនអស់អំណាច ដឹកនាំសហរដ្ឋអាមេរិក លោក​ចូ បៃដិន​បាន​សម្រេចចិត្ត​បើកភ្លើងខៀវ អនុញ្ញាត​ឲ្យ​អ៊ុយក្រែន​ប្រើ​មីស៊ីល​ចម្ងាយឆ្ងាយ​របស់អាមេរិក ដើម្បីបាញ់ចូលទឹកដី​រុស្ស៊ី។ នេះបើតាម​ការចុះផ្សាយ​របស់​កាសែត និងទីភ្នាក់ងារព័ត៌មាន​អន្តរជាតិ ដែលបាន​ដកស្រង់សំដី​របស់​មនុស្ស​ជាន់ខ្ពស់​របស់​រដ្ឋបាល​លោក​ចូ បៃដិន។ ការសម្រេច​ចិត្ត​របស់​លោក​ចូ បៃដិន​បាន​បង្ក​ឲ្យ​មាន​ប្រតិកម្ម​ធ្លាក់​ព្រោងព្រាត មិនថា ពីខាង​រុស្ស៊ី អ៊ុយក្រែន សម្ព័ន្ធមិត្ត​អឺរ៉ុប ព្រមទាំង​ចិន និង​កូរ៉េខាងជើង។ អ៊ុយក្រែន​បាន​ទាមទារ​ចង់​ប្រើ​មីស៊ីល​ចម្ងាយឆ្ងាយ​របស់​អាមេរិក​យូរណាស់​មកហើយ ប៉ុន្តែ អាមេរិក​មិន​ព្រម ដោយសារ​តែ​ខ្លាចថា រុស្ស៊ីផ្ទុះកំហឹង ពង្រីក​សង្រ្គាម​អ៊ុយក្រែន​ឲ្យ​រាលដាល​ទៅជា​សង្រ្គាមលោក។ ប៉ុន្តែ​ហេតុអ្វី​បានជា​មេដឹកនាំ​អាមេរិក​ទើប​តែ​មក​សម្រេចចិត្ត​នៅពេលនេះ​ទៅវិញ?

នាយករដ្ឋមន្រ្តីកម្ពុជា លោក ហ៊ុន ម៉ាណែតបានអះអាងថា គណបក្សប្រជាជនកម្ពុជាមានបំណងលើកកម្ពស់លទ្ធិប្រជាធិបតេយ្យនិយមកណ្ដាល រួមជាមួយបណ្តាប្រទេស និងគណបក្សនយោបាយផ្សេងទៀតដែលមានគំនិតដូចគ្នា។ តាមនាយករដ្ឋមន្រ្តីកម្ពុជារូបនេះដដែល គណបក្សប្រជាជនកម្ពុជាគំាទ្រពហុភាគីនិយម និងភាពចម្រុះនៅក្នុងអភិបាលកិច្ចនយោបាយ។

​នៅបុរីរដ្ឋសិង្ហបុរី មហាសេដ្ឋីម្នាក់​ដែលជាអតីត​ម្ចាស់ក្រុមហ៊ុន​រកស៊ី​ជួញដូរ​ប្រេង​ដ៏ល្បីម្នាក់​ប្រចាំតំបន់​អាស៊ី ត្រូវតុលាការ​ផ្តន្ទាទោស​ឲ្យ​ជាប់ពន្ធនាគារ​ ចំនួន​១៧ឆ្នាំ​កន្លះ ព្រោះតែ​ប្រព្រឹត្តបទល្មើស​បោកប្រាស់​គៃបន្លំ​ហិរញ្ញវត្ថុ និង​ក្លែង​បន្លំ​ឯកសារ​។​ ទោះបីជា ​មេធាវីការពារ​ជន​ត្រូវចោទ បាន​​សុំ​អនុញ្ញាត​ពី​​តុលាការឲ្យ​​បន្ធូរ​បន្ថយ​ទោស ដ្បិត​សំអាង​លើជំងឺ​និង​វ័យ​៨២ឆ្នាំ​របស់​ជន​ត្រូ​វ​​ចោទនោះ​ក្តី ក៏សាលាជម្រះក្តី​សិង្ហបុរី មិន​ព្រម​ផ្តល់​ក្តី​មេត្តា​អធ្យាស្រ័យ​សោះឡើយ។​

គណៈកម្មាធិការ​ប្រតិបត្តិ​អង្គការ​អ្នក​ប្រជាធិបតេយ្យ​និយម​កណ្តាល​អន្តរជាតិ ​IDC-CDI ​បាន​បើក​កិច្ច​ប្រជុំនៅក្នុង​ខេត្ត​សៀមរាប​នាថ្ងៃ​ទី​១៨ ​ខែ​វិច្ឆិកា ​ឆ្នាំ​២០២៤​។ ​នៅក្នុង​បទសម្ភាស​ជាមួយ​វិទ្យុបារាំង​អន្តរជាតិ​ RFI ​នាថ្ងៃ​ទី​១៨ ​ខែ​វិច្ឆិកា ​ឆ្នាំ​២០២៤ ​លោកបណ្ឌិត ​អេង កុកថាយ ​អ្នក​ស្រាវជ្រាវ​នយោបាយ ​និង​ប្រវត្តិសាស្ត្រ​កម្ពុជា ​និង​ជា​សមាជិក​ម្នាក់​ទទួលបន្ទុក​ការរៀបចំ​កិច្ចប្រជុំ​នេះ​បាន​ថ្លែងថា ​CDI ​នឹង​ចេញ​សេចក្តីថ្លែងការណ៍​ទីក្រុង​សៀមរាបមួយ​ដែល​ផ្តោត​សំខាន់​ពីការ​កសាង​សន្តិភាព​នៅលើ​ពិភពលោក​ក៏ដូចជា​ការយក​មេរៀន​របស់​កម្ពុជា​ទៅ​ប្រើប្រាស់​នៅក្នុង​ទំនាស់ ​ឬ​សង្រ្គាម​ផ្សេង​ៗ​នៅលើ​ពិភពលោក​។

សមាគមស្វាយចន្ទីកម្ពុជាបានឱ្យដឹងនៅព្រឹកថ្ងៃទី១៨ ខែវិច្ឆិកានេះថា ក្នុងរយៈពេល១០ខែឆ្នាំ ២០២៤ កម្ពុជាទទួលបានចំណូលជាង ១ ១០០លានដុល្លារអាមេរិកពីការនាំចេញគ្រាប់ស្វាយចន្ទីឆៅទៅប្រទេសវៀតណាម។ តាមសមាគមស្វាយចន្ទីកម្ពុជា ការនាំចេញក្នុងរយៈពេល១០ខែ ឆ្នាំ ២០២៤ មានការកើនឡើងចំនួន ៣១% បើធៀបនឹងរយៈពេលដូចគ្នាកាលពីឆ្នាំ ២០២៣ និងថាបច្ចុប្បន្ន គ្រាប់ស្វាយចន្ទីឆៅកំពុងមានតម្រូវការ ហើយទទួលបានតម្លៃខ្ពស់នៅលើទីផ្សារ។ តែទំហំនៃការនាំចេញទៅវៀតណាមនេះ ហាក់ នៅ ទ្រឹង អស់ រយៈពេល ជិត៤ខែកន្លងមក។ 

កាល​ពី​ថ្ងៃ​ទី​១៤ ខែ​វិច្ឆិកា ឆ្នាំ​២០២៤ រាជ​បណ្ឌិត​សភា​កម្ពុជា​បាន​បើក​កិច្ច​ពិភាក្សា​ជុំវិញ​ព្រឹត្តិ​ការណ៍​ថ្មីៗ​រវាង​កម្ពុជា និង​ថៃ។ ​ក្នុង​នោះ បញ្ហា​កោះគុត​ត្រូវ​បាន​អ្នកនយោបាយ​មួយ​ចំនួន​យក​មក​ធ្វើ​ជា​ប្រធាន​បទ​ពិភាក្សា​យ៉ាង​ក្តៅ​គគុក​នាប៉ុន្មាន​ថ្ងៃ​មក​នេះ​។​ មន្ត្រីមួយ​ចំនួន​នៃ​រាជ​បណ្ឌិត​សភា​កម្ពុជា​បាន​លើក​ឡើង​ថា ​បញ្ហា​កោះគុត​ជា​ប្រធាន​បទ​មួយ​ដែល​អ្នក​នយោបាយ​ប្រឆាំង​របស់​កម្ពុជា និង​អ្នក​នយោបាយ​ប្រឆាំង​របស់​ថៃ​តែង​លើក​ឡើង​ដើម្បី​កេង​ចំណេញ​នយោបាយ​។​ តែ​អ្នក​នយោបាយ​ប្រឆាំង​របស់​កម្ពុជា​ចាត់​ទុក​បញ្ហាកោះ​គុត​ជារឿង​ផល​ប្រយោជន៍​ជាតិ​៕

ណើរការជួសជុសប្រតិមាព្រះវិស្ណុ ឬ ព្រះនរាយណ៍ផ្ទុំ ធ្វើពីសំរិទ្ធ នៅប្រទេសបារាំងកំពុងបោះមួយជំហានទៅមុខ។ នៅដើមខែវិច្ឆិកានេះ ប្រតិមាព្រះវិស្ណុមកពីប្រាសាទមេបុណ្យខាងលិច ត្រូវបានដឹកជញ្ជូនចេញពីមជ្ឈមណ្ឌលស្រាវជ្រាវ និងជួសជុលនៃសារមន្ទីរជាតិបារាំង ក្នុងទីក្រុងប៉ារីស សំដៅមន្ទីរពិសោធន៍ អាក់ អង់ទិក Arc Antique ក្នុងទីក្រុងណង់ស៍ ភាគខាងលិចប្រទេសបារាំង។ ឈាង បុប្ផាបានចុះទៅធ្វើបទយកការណ៍ផ្ទាល់នៅមជ្ឈមណ្ឌលស្រាវជ្រាវ និងជួសជុលនៃសារមន្ទីរជាតិបារាំង

ឥណ្ឌា​បាន​សាកល្បង​ដោយជោគជ័យមីស៊ីល​អ៊ីពែសូនិក។ មីស៊ីល​ដែលលឿនជាងសំឡេង​៥ដង។ នៅក្នុង​សារ​បង្ហោះផ្សាយ​លើ​បណ្តាញ​សង្គម​X កាលពីថ្ងៃអាទិត្យ​ទី ១៧ វិច្ឆិកា រដ្ឋមន្រ្តី​ការពារ​ជាតិ​ឥណ្ឌា​បាន​និយាយ​សរសើរ​ស្នាដៃ​សម្រេច​បាន​ជាប្រវត្តិសាស្រ្ត​ ដែលធ្វើ​ឲ្យ​ឥណ្ឌា​អាច​ចូលក្នុង​ចំណោម​មហាអំណាច ប្រទេស​ដែល​មាន​សមត្ថភាព​បច្ចេកវិទ្យាផលិត​មីស៊ីល​អ៊ីពែសូនិក។

ជាថ្មីម្តងទៀត ហ្វីលីពីន​កំពុងតែស្ថិតនៅក្នុ​ងគ្រោះមហន្តរាយ​ខ្យល់ព្យុះសង្ឃរា​។ នៅរសៀលថ្ងៃអាទិត្យ​ទី​១៧​វិច្ឆិកា​នេះ ព្យុះទីហ្វុងដ៏កំណាច ឈ្មោះម៉ានយី បាន​បោក​បក់​មកដល់​ដោះ​លូសុន ដែលជាកោះធំ និងមានមនុស្ស​រស់នៅច្រើនបំផុត​នៅហ្វីលីពីន​។​ មិនដល់​១ខែផង មានព្យុះទីហ្វុង​ចំនួន​ដល់ទី​៦ ដែលបាន​បោកសង្គ្រុប​លើ​ហ្វីលីពីន បណ្តាល​ឲ្យ​ស្លាប់មនុស្សជាច្រើនរយនាក់ និង​ខូចខាតផ្ទះសម្បែងហេដ្ឋារចនាសម្ព័ន្ធសាធារណៈយ៉ាងដំណំបំផុត​។

កាលពីប៉ុន្មានថ្ងៃកន្លងទៅនេះ ប៉ូលិសសហព័ន្ធFBI បានមកចាប់ខ្លួនភ្នាក់ងារស៊ើបការណ៍សម្ងាត់(CIA)ម្នាក់នៅប្រទេសកម្ពុជា ពីបទធ្វើឱ្យបែកធ្លាយឯកសារសម្ងាត់ ស្តីពីផែនការយោធាអ៊ីស្រាអែល សងសឹកអ៊ីរ៉ង។ យោងតាមការចុះផ្សាយរបស់សារព័ត៌មានអាមេរិក The New York Times នៅសប្តាហ៍នេះ ក្រសួងយុត្តិធម៌អាមេរិកបានចោទប្រកាន់ភ្នាក់ងារCIAខាងលើ ចំនួនពីរបទល្មើស គឺបទរក្សាទុក និងធ្វើឱ្យបែកធ្លាយព័ត៌មានការពារជាតិអាមេរិកដោយចេតនា។

ភ្នាក់ងារអចលនទ្រព្យកម្ពុជាដែលហៅកាត់ជាភាសាអង់គ្លេស CBRE Cambodia បានចេញរបាយការណ៍វិភាគមួយ កាលពីពេលថ្មីៗនេះ ស្តីពីឱកាស និងហានិភ័យរបស់កម្ពុជា នៅក្នុងវិស័យសេដ្ឋកិច្ច ពាណិជ្ជកម្ម និងការវិនិយោគ នៅក្នុងអាណត្តិដឹកនាំថ្មីរបស់លោកដូណាល់ ត្រាំ ជាប្រធានាធិបតីសហរដ្ឋអាមេរិក។ ក្រុមអ្នកវិភាគរបស់CBRE Cambodiaអះអាងថា គោលនយោបាយរបស់លោកត្រាំ «អាមេរិកជាអាទិភាពទី១» នឹងជះផលអវិជ្ជមានមួយចំនួនចំពោះកម្ពុជា។ ទន្ទឹមគ្នានេះ កម្ពុជាក៏នឹងទទួលបានផលប្រយោជន៍ខ្លះមកវិញដែរ ដូចជាក្នុងវិស័យឧស្សាហកម្ម និងសេដ្ឋកិច្ច។

ដូចយើងបានដឹងកន្លងមកហើយ តាំងតែពីអាណត្តិ​មុន លោកដូណាល់ ត្រាំ តែងតែបាននិយាយ​រិះគន់ចោទប្រកាន់ចិន​ និងបានចាប់ផ្តើម​ប្រកាសសង្គ្រាមពាណិជ្ជកម្ម​ជាមួយ​ចិន​​។ លោក​ដូណាល់ ត្រាំ បានសន្យា​ថានឹងតម្លើងពន្ធ​លើទំនិញចិន​ ដល់ទៅ​៦០%។ ហើយ​នៅក្នុង​អនាគតរដ្ឋបាល​ថ្មីរបស់​លោក​ ដែលនឹងចូលកាន់អំណាចនៅខែមករាឆ្នាំក្រោយ គឺមានសមាជិក​មួយចំនួន​បានចាប់ផ្តើម និយាយ​ប្រើ​ភាសា​ធ្ងន់ៗទៅលើថ្នាក់ដឹកនាំ​​​។ ជាមួយនឹងការត្រលប់មកដឹកនាំប្រទេសវិញរបស់​លោកដូណាល់ ត្រាំ ធ្វើ​ឲ្យ​គេបារម្ភជាខ្លាំង អំពីជម្លោះសេដ្ឋកិច្ចនិងការទូត​ ដែលអាច​កាន់តែធ្លាក់​ផុងជ្រៅឡើងៗ រវាង​មហាអំណាចសេដ្ឋកិច្ចដ៏ធំ​ទាំង២នេះ​។

ព្រៃកោងកាងធ្លាប់ត្រូវបានកាប់បំផ្លាញ ដោយមួយផ្នែក ដោយប្រជាពលរដ្ឋ ក្រោមរូបភាពយកទៅធ្វើអុសដុត ធ្វើធ្យូង និងមួយផ្នែកទៀត ដោយសារការកាប់ទន្ទ្រានព្រៃកោងកាង ពីសំណាក់អ្នកមានអំណាច ដើម្បីចាក់ដីលុបសមុទ្រ យកដីធ្វើជាកម្មសិទ្ធិឯកជនជាដើម។ ប៉ុន្តែ ក្រោយការបង្កើតសហគមន៍ព្រែកត្នោតក្នុងឆ្នាំ២០១១មក សហគមន៍មួយនេះ បានអភិរក្ស និងស្តារដើមកោងកាងឡើងវិញប្រមាណជា ៤ម៉ឺនដើមក្នុងតំបន់ធ្លាប់រងការកាប់បំផ្លាញ ដោយមានការគាំទ្រពីអង្គការក្រៅរដ្ឋាភិបាល និងក្រសួងពាក់ព័ន្ធ។ ដើមកោងកាង១ ដើម ប្រៀបបាននឹងជីវិត១! ការបាត់បង់ព្រៃកោងកាង គឺបាត់បង់ឆ្នាំងបាយរបស់ប្រជានេសាទ៕

លោកសុខ ស៊ុនណារ៉េត ឪពុករបស់លោក ស៊ន តារា ត្រូវបានអាជ្ញាធរខេត្តកំពង់ស្ពឺចាប់ខ្លួន កាលពីថ្ងៃទី ១៣វិច្ឆិកាកន្លងទៅ។ យោងតាមតុលាការខេត្តកំពង់ស្ពឺ លោក សុខ ស៊ុនណារ៉េត ត្រូវបញ្ជូនទៅដាក់ពន្ធនាគារបណ្តោះអាសន្ន ក្នុងបទចោទប្រកាន់ ជាប់ពាក់ព័ន្ធនឹងបទល្មើសគ្រឿងញៀន។ រឿងនេះធ្វើឲ្យអ្នកនយោបាយរស់នៅក្រៅប្រទេស នៅតែមិនអស់ចិត្ត និងប្រតិកម្មជាហូរហែ។ ពួកគេមិនអស់ចិត្តព្រោះលោក ស៊ន តារា ជាអ្នកអធិប្បាយនយោបាយដ៏លេចធ្លោមួយនៅលើបណ្តាញសង្គម ដែលតែងរិះគន់មិនសំចៃ សកម្មភាពរដ្ឋាភិបាលកម្ពុជា។ ក្រុមអ្នកនយោបាយប្រឆាំងរស់នៅក្រៅប្រទេស យល់ថា ការចាប់ខ្លួនលោក សុខ ស៊ុនណារ៉េត ដែលជាឪពុករបស់លោក ស៊ន តារា គឺជារឿងនយោបាយសុទ្ធសាទ។ ក៏ប៉ុន្តែបក្សកាន់អំណាច បានបញ្ជាក់ថា ការចាប់ខ្លួនធ្វើឡើងដោយផ្អែកលើបទល្មើសជាក់ស្តែង ដែលនៅក្នុងនោះ លោក សុខ ស៊ុនណារ៉េត ត្រូវបានរកឃើញថា មានរក្សាទុកសារធាតុញៀន។

លោក ស៊ន តារា អ្នកអត្ថាធិប្បាយនយោបាយនៅលើបណ្តាញសង្គម និងជាសកម្មជននយោបាយរបស់អតីតគណបក្សសង្គ្រោះជាតិ ដែលកំពុងរស់នៅប្រទេសបារាំង បានទទូចឱ្យអតីតនាយករដ្ឋមន្ដ្រីកម្ពុជា លោក ហ៊ុន សែន ដោះលែងឪពុករបស់លោក ដែលត្រូវអាជ្ញាធរចាប់ខ្លួន ក្នុងបទចោទប្រកាន់រក្សាទុកសារធាតុញៀន។ អាជ្ញាធរបានសម្រេចឃុំខ្លួនឪពុករបស់លោកស៊ន តារា នៅពន្ធនាគារខេត្តកំពង់ស្ពឺ កាលពីថ្ងៃទី១៣ វិច្ឆិកា ឆ្នាំ២០២៤។

លោក ប៊ុនលុច ពេត្រុស បាន​ផ្អាក​ការ​ងារ​ព័ត៌​មាន​វិទ្យា​(IT)​ទៅ​ចាប់​យក​អាជីព​ជា​អ្នក​ចែក​រំលែក​ចំណេះ​ដឹង​ពី​ការ​ងារ​កសិកម្ម​។​ មាន​អាយុ​២៩​ឆ្នាំ ​លោក​ ​ប៊ុនលុច ​សព្វថ្ងៃ​ ជា​អ្នក​គ្រប់​គ្រង​កសិដ្ឋាន​មួយ​កន្លែង​នៅ​ក្នុង​ខេត្ត​បាត់​ដំបង​ដែល​មាន​ឈ្មោះថា​ កសិដ្ឋាន​មនោម្យ។​ ប៊ុន​លុច​ ពេត្រុស ​បាន​ចាត់​ទុក​ ការ​ងារ​កសិកម្ម ជា​ចំណង់​ចំណូល​ចិត្ត​របស់​ខ្លួន និង​ជា​ការ​ងារ​មួយ​ដែល​បាន​រួម​ចំណែក​ក្នុង​ការ​ចែក​រំលែក​ចំណេះ​ដឹង​ដល់​កសិករ​ដែល​ខ្វះ​ជំនាញ​៕

ជ័យជម្នះ​របស់​លោកដូណាល់ ត្រាំ ត្រលប់មក​កាន់អំណាច​នៅសហរដ្ឋអាមេរិក កំពុង​ធ្វើ​ឲ្យ​អនាគតសង្រ្គាម​នៅអ៊ុយក្រែន​កាន់តែ​មិន​ច្បាស់លាស់។ លោក​ដូណាល់ ត្រាំ​និយាយ​ដដែលៗថា រដ្ឋបាល​របស់លោក​នឹង​បញ្ចប់សង្រ្គាម​អ៊ុយក្រែន ដែលជា​បន្ទុកចំណាយ​ដ៏ធំមួយ​របស់អាមេរិក។ ប៉ុន្តែ លោកមិនដែល​បានលម្អិត​តើ​នឹង​បញ្ចប់​សង្រ្គាម​ដែល​មានរយៈពេល​ជីត ៣ឆ្នាំនោះ ដោយ​របៀបណានោះ​ទេ។ នៅក្រោយ​ការអះអាង​របស់​អនាគត​ប្រធានាធិបតី​អាមេរិក​ដែលគិត​ប្រយោជន៍អាមេរិក​ដំបូងគេយ៉ាងដូច្នេះ ទាំង​អ៊ុយក្រែន និង​សម្ព័ន្ធមិត្ត​អឺរ៉ុប​ចាប់ផ្តើម​ភ័យព្រួយបារម្ភ​ខ្លាច​ក្រែងថា នយោបាយ​របស់​លោកដូណាល់​ត្រាំ បញ្ចប់​សង្រ្គាម​អ៊ុយក្រែន​នឹង​ផ្តល់​ប្រយោជន៍​ទៅ​ឲ្យ​រុស្ស៊ី​របស់​លោកពូទីន ច្រើនជាង​អ៊ុយក្រែន។

ជ័យជម្នះ​របស់​លោកដូណាល់ ត្រាំ ត្រលប់មក​កាន់អំណាច​នៅសហរដ្ឋអាមេរិក កំពុង​ធ្វើ​ឲ្យ​អនាគតសង្រ្គាម​នៅអ៊ុយក្រែន​កាន់តែ​មិន​ច្បាស់លាស់។ លោក​ដូណាល់ ត្រាំ​និយាយ​ដដែលៗថា រដ្ឋបាល​របស់លោក​នឹង​បញ្ចប់សង្រ្គាម​អ៊ុយក្រែន ដែលជា​បន្ទុកចំណាយ​ដ៏ធំមួយ​របស់អាមេរិក។ ប៉ុន្តែ លោកមិនដែល​បានលម្អិត​តើ​នឹង​បញ្ចប់​សង្រ្គាម​ដែល​មានរយៈពេល​ជីត ៣ឆ្នាំនោះ ដោយ​របៀបណានោះ​ទេ។ នៅក្រោយ​ការអះអាង​របស់​អនាគត​ប្រធានាធិបតី​អាមេរិក​ដែលគិត​ប្រយោជន៍អាមេរិក​ដំបូងគេយ៉ាងដូច្នេះ ទាំង​អ៊ុយក្រែន និង​សម្ព័ន្ធមិត្ត​អឺរ៉ុប​ចាប់ផ្តើម​ភ័យព្រួយបារម្ភ​ខ្លាច​ក្រែងថា នយោបាយ​របស់​លោកដូណាល់​ត្រាំ បញ្ចប់​សង្រ្គាម​អ៊ុយក្រែន​នឹង​ផ្តល់​ប្រយោជន៍​ទៅ​ឲ្យ​រុស្ស៊ី​របស់​លោកពូទីន ច្រើនជាង​អ៊ុយក្រែន។

លោក​​អេឡុន ម៉ាសក៍ ដែលជាមនុស្សជំនិតបំផុត​នឹងលោក​ដូណាល់ ត្រាំ បានស្កាត់ជួបដោយ​ស្ងាត់​ៗ​ ជាមួយនឹង​អគ្គ​រដ្ឋទូតអ៊ីរ៉ង់ប្រចាំនៅអង្គការសហប្រជាជាតិ នៅឯទីក្រុងញូយ៉ក​។ នេះបើតាមការចុះផ្សាយ​របស់កាសែត New York Times។ ផ្អែកតាមប្រភពខាងលើ ជំនួបដោយសម្ងាត់នេះ គឺដើម្បីបើកផ្លូវស្វែងរកការចរចាបន្ធូបន្ថយ​ភាពតានតឹង រវាងសហរដ្ឋអាមេរិកនិង​អ៊ីរ៉ង់​។ តែយ៉ាងណា បណ្តាញសារព័ត៌មាន​នៅអ៊ីរ៉ង់បានប្រតិកម្មខុសៗគ្នា ខ្លះវិជ្ជមាន ខ្លះទៀតរិះគន់ថាជាអំពើក្បត់​។

លោក​ប្រមុខរដ្ឋាភិបាល​អាល្លឺម៉ង់ អូឡាហ្វ ស្ហុលស៍ បានទូរស័ព្ទទៅនិយាយជាមួយ​លោកពូទីន កាលពីរសៀលថ្ងៃសុក្រ ទី​១៥វិច្ឆិកា។​ ផ្អែកតាមការឲ្យដឹងពី​អ្នកនាំពាក្យ​រដ្ឋាភិបាលអាល្លឺម៉ង់ ក្នុងពេលនិយាយគ្នា លោក​អូឡាហ្វ ស្ហុលស៍ បាន​ទាមទារ​ឲ្យ​រុស្ស៊ីត្រូវតែបិទបញ្ចប់សង្គ្រាមនៅអ៊ុយក្រែន តាមរយៈការ​បង្ហាញឆន្ទៈចរចាដើម្បី​សន្តិភាពដែលយុត្តិធម៌​និង​យូរអង្វែងសម្រាប់អ៊ុយក្រែន​។

ចិននឹង​អាចសម្រេច​មហិច្ឆតា​ សាងសង់​មូលដ្ឋាន​ប្រចាំការមួយរបស់ខ្លួននៅលើ​ដីព្រះចន្ទដែរឬទេ? ដើម្បី​ទទួល​បាន​ចម្លើយនេះ ប្រទេស​ចិន​ កាលពីថ្ងៃសុក្រទី ១៥​វិច្ឆិកា​បាន​បញ្ជូន​ថ្មឥដ្ឋជាច្រើនដុំ​ទៅក្នុងទីអវកាស​ដើម្បី​ធ្វើតេស្តសាកល្បង​ភាពរឹងមាំ​របស់វា។ អ្នកវិទ្យាសាស្រ្ត​ចិនវិភាគ ស្រាវជ្រាវ​ចង់បាន​ថ្មឥដ្ឋ​ដែលមាន​គុណភាព ធន់​នឹង​សម្ពាធ ដែលគេអាច​យកទៅ​ប្រើ​ដើម្បីសាងសង់​មូលដ្ឋានរបស់​ចិន នៅឋាន​ព្រះចន្ទ។

មេដឹកនាំ​កូរ៉េខាងជើង លោក​គីម ជុងអ៊ុន​បាន​ចូលរួម​តាមដាន​មើល​ការសាកល្បង​សមត្ថភាព​អាវុធប្រភេទថ្មី​ងាយស្រួលប្រើ និង​ផលិត​ក្នុង​តម្លៃថោក ដែល​គ្មានអ្វីក្រៅពី​ដ្រូន​គ្មានមនុស្ស​បើក។ យោងតាម​ការចុះផ្សាយ​របស់ប្រព័ន្ធផ្សព្វផ្សាយ​រដ្ឋ KCNA នៅ​ថ្ងៃសុក្រទី ១៥​វិច្ឆិកា នៅក្នុង​ពេល​តាមដាន​ការសាកល្បង​ដ្រូន នៅ​ក្នុង​រោងចក្រ​មួយដែល​គេ​មិន​បង្ហាញឈ្មោះ លោក​គីម ជុងអ៊ុន​បាន​បញ្ជា​ឲ្យ​គេ​ផលិត​ដ្រូន​អត្តឃាត​ក្នុង​ចំនួន​ដ៏​ច្រើន ព្រោះថា ដ្រូននេះត្រូវ​បាន​ដាក់បញ្ចូល​ទៅក្នុង​យុទ្ធសាស្រ្ត​យោធា​ជាសកល​របស់​កូរ៉េខាងជើង។

សន្និសីទអន្តរជាតិស្តីពីអាកាសធាតុ COP29 ​ដែល​កំពុង​ប្រព្រឹត្តធ្វើទៅ​ នៅទីក្រុង​បាគូប្រទេសអាស៊ែបៃហ្សង់ ត្រូវបាន​ក្រុម​អង្គការការពារ​បរិស្ថាន​ រិះគន់​បរិហាយ៉ាងខ្លាំង អំពី​វត្តមានដ៏ច្រើនស្អេកស្កះ របស់​ក្រុម​ឡុបប៊ីតំណាង​វិស័យ​ផលិត​ថាមពលហ្វ៊ូស៊ីល។ ផ្អែកតាម​សកម្មជនបរិស្ថាន គឺក្រុមហ៊ុន​ប្រេងកាតនិង​ឧស្ម័នធំៗ បានបញ្ជូន​មនុស្ស​ទៅចូលរួម​ដល់ជាង​១៧០០នាក់ ក្នុងគោលដៅ​​ទាញបង្អាក់​ការជជែកចរចា ស្តីអំពីការកាត់បន្ថយការបញ្ចេញ​​ឧស្ម័នកាបូនិក នៅ​ទូទាំងពិភពលោក​។

ឆ្លៀតឱកាស​ជំនួបកំពូលអាស៊ីប៉ាស៊ីហ្វិក នៅប្រទេសប៉េរូ ​លោក​ប្រធានាធិបតីចិន ស៊ី ជីនពីង បាន​ប្រកាសបើកសម្ពោធ​កំពង់ផែទឹកជ្រៅដ៏ធំមហិមាមួយនៅ​ប៉េរូ។ ជាកំពង់ផែរបស់ចិន​ធំបំផុងនិងដំបូងបង្អស់ សម្រាប់ប៉េរូនិង​សម្រាប់​តំបន់អាមេរិក​ខាងត្បូង​ទាំងមូលតែម្តង​។ ជាផ្នែកមួយនៃគម្រោងផ្លូវមួយខ្សែក្រវ៉ាត់មួយរបស់ចិន កំពង់ផែនេះនឹងអនុញ្ញាតឲ្យចិន​ឈរជើងយ៉ាងរឹងមាំដើម្បីនាំចេញទំនិញពីចិន និងនាំចូលមកវិញ ​នូវវត្ថុធាតុដើមចាំបាច់ជាច្រើនពីតំបន់នេះ​។

បន្ទាប់ពី​ឈ្នះឆ្នោត វិលត្រលប់ទៅ​ដឹកនាំ​អាមេរិក​សាជាថ្មី លោកដូណាល់ ត្រាំ នៅប៉ុន្មានថ្ងៃ​មកនេះ បាន​ប្រកាសតែងតាំង​ក្រុមមហាសេដ្ឋី និង​មនុស្ស​ជំនិត ស្មោះស្ម័គ្រ​នឹង​លោក​ឲ្យ​កាន់តំណែង​ធំៗ​របស់​ប្រទេស​ដែលមាន​ចាប់តាំង​តំណែង​រដ្ឋមន្រ្តី​ការបរទេស ឬ​រដ្ឋមន្រ្តីការពារជាតិ ដែល​ធ្លាក់​ទៅក្នុងដៃ​របស់​ពិធីករ​ទូរទស្សន៍​Fox News របស់ក្រុមអភិរក្ស​ស្តាំនិយមជ្រុល។ នៅ​ថ្ងៃអង្គារ​ដើមសប្តាហ៍នេះ មហាសេដ្ឋី​អចលនទ្រព្យ លោកដូណាល់ ត្រាំ បាន​ប្រកាស​តែងតាំង​មហាសេដ្ឋី លោក​អេឡុន ម៉ាសក៍ ម្ចាស់​ក្រុមហ៊ុន​អវកាសSpace X ឲ្យដឹកនាំ​ក្រសួងថ្មី ដែល​មាន​គោលដៅ​ធំបំផុត គឺធ្វើកំណែទម្រង់ស៊ីជម្រៅ កាត់បន្ថយ​ការចំណាយ​របស់​រដ្ឋសហព័ន្ធ។ នៅ​ថ្ងៃ​ព្រហស្បតិ៍ទី ១៤​វិច្ឆិកា នៅក្នុង​ពិធីជប់លៀងដ៏ធំ​នៅរីស៊ត​Mar-a-Lago នៅ​រដ្ឋ​Florida លោក​ដូណាល់ ត្រាំ​បាន​អួតសរសើរ​អនាគត​រដ្ឋមន្រ្តី​ដែលលោក​ទើបតែងតាំង និង​សន្យាធ្វើ​ឲ្យ​កងទ័ពអាមេរិក​ខ្លាំងពូកែឡើងវិញ ព្រមទាំង​បិទបញ្ចប់​សង្រ្គាម​នៅ អ៊ុយក្រែន នៅ​ដើមបូព៌ា។

លោក​ រ៉ាហ្វាអែល ក្រូស៊ី នាយកទី​​ភ្នាក់ងារថាមពលបរមាណូអន្តរជាតិ បានអញ្ជើញ​ទៅ​បំពេញ​ទស្សនកិច្ច​នៅ​អ៊ីរ៉ង់​​។ ទស្សនកិច្ចនេះ ធ្វើឡើង​តែប៉ុន្មាន​សប្តាហ៍ ​មុននឹង​លោក ដូណាល់ ត្រាំ ឡើង​កាន់អំណាចនៅ​សេត​វិមាន​​អាមេរិក​។ លោក ត្រាំ កាលពី​អាណត្តិ​ដឹកនាំលើកមុន បាន​ដកសហរដ្ឋ​អាមេរិក​ចេញ​ពីកិច្ច​ព្រម​ព្រៀង​ចរចា​សំណុំរឿង​នុយក្លេអ៊ែរអ៊ីរ៉ង់។ ម្ល៉ោះហើយ ទើប​ពេលនេះ នាយកទី​​ភ្នាក់ងារថាមពលបរមាណូអន្តរជាតិ បាន​ស្កាត់​ទៅ​ជជែកពិភាក្សា​ជាមួយ​បណ្តា​ថ្នាក់ដឹកនាំ​អ៊ីរ៉ង់។ ថ្នាក់ដឹកនាំអ៊ីរ៉ង់ បាន​​បញ្ជាក់​ជំហរ​ នៅ​បន្ត​គម្រោង​នុយក្លេអ៊ែរ​ស៊ីវិល ហើយ​និង​មិនព្រម​​​ចរចា​​ដោយឋិត​ក្រោម​សម្ពាធ​គាប​សង្កត់​​នោះ​ឡើយ។​​ ​​