របរក្រងស្បូវជារបរបន្ទាប់បន្សំមួយរបស់ពលរដ្ឋវ័យចំណាស់រស់ក្នុងភូមិព្រៃវែង ឃុំគោកមន ស្រុកបន្ទាយអំពិល ខេត្តឧត្តរមានជ័យ។ តាមរយៈរបរមួយនេះ ពលរដ្ឋវ័យចំណាស់ទាំងនោះអាចរកចំណូលបានតិចតួច ក្រៅពីការធ្វើស្រែចម្ការ និងមើលថែទាំចៅៗ ខណៈម្តាយឪពុករបស់ពួកគេចំណាកស្រុកទៅធ្វើការនៅក្នុងប្រទេសថៃ។ តែទោះជាទទួលបានចំណូលតិច និងត្រូវប្រឈមហានិភ័យ ដូចជាមុតដាច់រលាត់ជើងដៃដោយសារស្បូវក៏ពួកគេនៅតែអះអាងមិនបោះបង់ចោលដែរ។

ឥណ្ឌូណេស៊ី​និង​បារាំង​បាន​ចុះ​កិច្ចព្រមព្រៀង​នៅ​ថ្ងៃសុក្រ​ទី ២៤​មករា​២០២៥ ផ្ទេរ​​ទណ្ឌិត​​ ម្នាក់មក​​ប៉ារីស។ មាន​អាយុ​៦១​ឆ្នាំ សញ្ជាតិ​បារាំង ទណ្ឌិត​ ស៊ែក អាឡាវី Serge Atlaoui ត្រូវ​បាន​តុលាការ​ក្រុង​​ហ្សាការតា​ កាត់​ទោស​ប្រហារ​ជីវិត​ នៅ​ឆ្នាំ​២០០៧ ពី​បទ​ជួញ​ដូរ​គ្រឿង​ញៀន។

នៅពេលសុខភាពអំណោយផល វ័យចូលនិវត្តជាវ័យដែលលោកស្រី កែម អ៊ីឡេងអាចសម្រេចក្តីស្រមៃរបស់ខ្លួន។ ជាអតីតបុគ្គលិកជាន់ខ្ពស់របស់ផ្ទះច្នៃម៉ូដដ៏ល្បីមួយរបស់បារាំង Maison Pierre Cardin លោកស្រីបានយកចំណេះជំនាញដែលលោកស្រីធ្លាប់រៀនធ្វើក្នុងរយៈពេលជាង៣០ឆ្នាំ មកបូកផ្សំជាមួយចំណង់ចំណូលចិត្តខាងផ្នែកសិល្បៈ ដើម្បីកែច្នៃរំលេចតម្លៃក្រណាត់សូត្រ ក្រមាខ្មែរ។ ឈាង បុប្ផាបានទៅជួបលោកស្រីកែម អ៊ីឡេងនៅផ្ទះរបស់គាត់នៅភាគខាងជើងជាយក្រុងប៉ារីស។

ការប្រែប្រួល​អាកាសធាតុ ដែល​បង្កឲ្យមាន​ ខ្យល់ព្យុះ រលកកម្តៅ និងគ្រោះ​​ទឹកជំនន់ ​ បាន​ជះឥទ្ធិពលប៉ះពាល់​ទៅលើ​ការសិក្សា​របស់​ក្មេងៗ​ ប្រមាណ​ ២៥០ លាននាក់​​ ក្នុង​ពិភពលោក​។​ នេះបើតាម​អង្គការយូនីសេហ្វ ដោយ​បញ្ជាក់ទៀត​ថា ក្នុង​ឆ្នាំ ២០២៤ កន្លងទៅ​ ការ​​រៀនសូត្រ​របស់​​​កុមារ យ៉ាងហោចម្នាក់​ក្នុង​ចំណោម​ ៧ នាក់ បានទទួល​ផលវិបាក​ពីការ​ប្រែប្រួល​អាកាសធាតុ ​​។

ដោយហេតុ​តែ​គុណភាព​​ខ្យល់​បរិយាកាស​ក្រុង​បាង​កក កខ្វក់​​និង​ឡើង​ពុល​ខ្លាំង​ពេក​ ​​អាជ្ញាធរ​បាន​សម្រេច​ចិត្តបិទ​​សាលា​រៀន​ជាង​៣៥០កន្លែង នៅ​ថ្ងៃ​សុក្រ​ទី​២៤​មករា​២០២៥។​ ចំណែក​មធ្យោបាយ​ដឹកជញ្ចូន​សាធារណៈ​ក្នុង​រាជធានី មិន​គិត​ថ្លៃទេ សម្រាប់​រយៈ​ពេល​មួយ​សប្តាហ៍ ខាង​មុខ​នេះ។ នេះ​បើ​តាម​សេចក្តី​ប្រកាស​របស់​រដ្ឋមន្ត្រីក្រសួង​ដឹកជញ្ជូន​ថៃ។

នៅថ្ងៃទី២៣ ខែមករា ឆ្នាំ២០២៥ រដ្ឋាភិបាលកម្ពុជាបានសម្រេចផ្ដល់ការលើកទឹកចិត្តពិសេសដល់គម្រោងវិនិយោគក្នុងខេត្តព្រះសីហនុចំនួន ៤២គម្រោង ក្នុងទំហំទុនវិនិយោគសរុបប្រមាណ ៥៦៤លានដុល្លារ។ ការសម្រេចរបស់រដ្ឋាភិបាលកម្ពុជាដូចនេះធ្វើឡើង បន្ទាប់ពីមានការស្នើសុំរបស់ធុរជន និងវិនិយោគិន។

៣ថ្ងៃ​ក្រោយពី​​​លោក ដូណាល់ ត្រាំ ឡើង​កាន់អំណាច​ប្រធានាធិបតី​ រដ្ឋបាល​អាមេរិកបាន​ផ្តើម​យុទ្ធនាការបណ្តេញជន​អន្តោប្រវេសន៍​ខុសច្បាប់ តបតាម​ពាក្យ​សន្យារបស់​លោក ត្រាំ ក្នុង​​ពេល​​ឃោសនា​​បោះឆ្នោត​។ គិត​ត្រឹមថ្ងៃព្រហស្បត្តិ៍ ទី​២៣មករា ប៉ូលិស​​អាមេរិក បាន​ចាប់ជន​អន្តោប្រវេសន៍​ខុសច្បាប់ ចំនួនជាង​ ៥០០ នាក់ ហើយ​ក្នុងនោះ មាន​​ច្រើន​រយនាក់ត្រូវ​បណ្តេញ​ចេញពី​សហរដ្ឋអាមេរិករួច​ហើយ​​​។

ឯកអគ្គរដ្ឋទូតបារាំងប្រចាំនៅកម្ពុជា លោក ហ្សាក់ ប៉ឺឡេបានបញ្ជាក់ជាថ្មីថា ប្រទេសបារាំងនឹងបន្តយកចិត្តទុកដាក់ជុំវិញការស៊ើបអង្កេតលើករណីឃាតកម្មលោក លិម គិមយ៉ាដែលត្រូវបានខ្មាន់កាំភ្លើងបាញ់សម្លាប់នៅប្រទេសថៃកាលពីថ្ងៃទី៧ មករា។ លោក ហ្សាក់ ប៉ឺឡេបានបញ្ជាក់យ៉ាងដូច្នេះនៅក្នុងជំនួបពិភាក្សាការងារជាមួយលោកប្រាក់ សុខុន រដ្ឋមន្ត្រីក្រសួងការបរទេសនាថ្ងៃទី២៣ ខែមករា ឆ្នាំ២០២៥។

ថ្ងៃព្រហស្បតិ៍ ទី២៣មករា រដ្ឋអាជ្ញាតុលាការព្រហ្មទណ្ឌអន្តរជាតិ បាន​ស្នើសុំ​​ដីកា​ចាប់​ខ្លួនមេដឹកនាំកំពូលតាលីបង់ ក្នុង​បទល្មើស​​រំលោភបំពាន​សិទ្ធិស្ត្រី​និង​ក្មេង​ស្រី​។ តាមរយៈ​​សំណើសុំ​ដីកាឃាត់ខ្លួន​នេះ ​រដ្ឋអាជ្ញាតុលាការព្រហ្មទណ្ឌអន្តរជាតិ យល់ថា​ ការ​បំពាន​ជាន់ឈ្លីសិទ្ធិនារី​នៅ​អាហ្វហ្កានីស្ថាន ប្រៀបបាន​នឹង​ឧក្រិដ្ឋកម្ម​ប្រឆាំង​មនុស្ស​ជាតិ​​។ ​

គិតត្រឹមរសៀលថ្ងៃទី២៣ មករា មានមនុស្សស្លាប់យ៉ាងហោច ៤នាក់ និងរបួស៥នាក់នៅក្នុងហេតុការណ៍ប្រជ្រៀតគ្នាយកអាំងប៉ាវ ឬអំណោយចំនួន ៤ម៉ឺនរៀល និងអង្ករ ២គីឡូក្រាមពីអ្នកឧកញ៉ា សុខ គង់។ ឧបទ្ទវហេតុនេះនាំឱ្យមានការចោទសួរពីការរៀបចំសន្តិសុខសណ្តាប់ធ្នាប់របស់អ្នកឧកញ៉ា សុខ គង់ និងកត្តាដែលនាំឱ្យពលរដ្ឋខ្មែរប្រជ្រៀតគ្នាដោយគ្មានសណ្តាប់ធ្នាប់ដើម្បីទទួលអំណោយ។ សម្រាប់អ្នកតាមដានសង្គម ហេតុការណ៍នេះបង្ហាញ និងឆ្លុះបញ្ចាំងថា ពលរដ្ឋខ្មែរមួយចំនួនកំពុងតែមានជីវភាពខ្វះខាតនៅឡើយ។

មនុស្ស៤នាក់ស្លាប់ និង៥នាក់ផ្សេងទៀតកំពុងស្ថិតក្នុងស្ថានភាពសង្គ្រោះបន្ទាន់នៅមន្ទីរពេទ្យបន្ទាប់ពី ការប្រជ្រៀតគ្នា ទទួលអាំងប៉ាវ ពីអ្នកឧកញ៉ា សុខ គង់ នៅព្រឹកថ្ងៃទី២៣ ខែមករា ឆ្នាំ២០២៥នេះ នៅខាងមុខគេហដ្ឋានអ្នកឧកញ៉ា សុខ គង់ ស្ថិតក្នុងខណ្ឌដូនពេញ រាជធានីភ្នំពេញ។ នេះបើតាម លោក ឃួង ស្រេង អភិបាលនៃគណៈអភិបាលរាជធានីភ្នំពេញ ដែលបានបញ្ជាក់ប្រាប់វិទ្យុបារាំងអន្តរជាតិ RFI នៅមុននេះបន្តិច។ លោកអភិបាលរាជធានីរូបនេះ ឲ្យដឹងទៀតថាអាជ្ញាធររាជធានីមិនទាន់គិតពីចំណាត់ការបន្តនៅឡើយ ខណៈលោកកំពុងអន្តរាគមន៍ជួយសង្គ្រោះអ្នករងរបួសធ្ងន់នៅក្នុងមន្ទីរពេទ្យ និងប្រាប់ឲ្យសមត្ថកិច្ចបំបែកការជួបជុំគ្នាភ្លាមៗ ពីខាងមុខផ្ទះអ្នកឧកញ៉ា សុខ គង់។ សូមរំលឹកថាជារៀងរាល់ឆ្នាំអ្នកឧកញ៉ា សុខ គង់ ដែលគេស្គាល់ថាជាមហាសេដ្ឋីលំដាប់ខ្ពស់ ដែលមានមុខជំនួញធំៗជាច្រើននៅកម្ពុជាតែងចែកអាំងប៉ាវ(លុយ) នៅក្នុងអំឡុងបុណ្យចូលឆ្នាំចិនឈានចូលមកដល់។ សូមសូមស្តាប់ការបញ្ជាក់របស់លោក ឃួង ស្រេង អភិបាលរាជធានីភ្នំពេញ ដែលរៀបចំដោយ ញឹម សុផល៖

ថ្ងៃទី២២ ខែមករា ឆ្នាំ ២០២៥ នេះជាខួបទី ២១ឆ្នាំនៃការបាញ់សម្លាប់លោក ជា វិជ្ជា មេដឹកនាំសហជីពការពារសិទ្ធិសេរីភាពកម្មករខ្មែរដ៏ល្បីឈ្មោះមួយរូបកាលពីថ្ងៃទី២២ ខែមករា ឆ្នាំ ២០០៤ ក្នុងរាជធានីភ្នំពេញ។ ជាថ្មីម្តងទៀត ពួកគេនៅតែបន្តទាមទារឲ្យស្វែងរកការពិត និងយុត្តិធម៌ពិតប្រាដកជូនលោក ជា វិជ្ជា។

គ្រាន់​តែ​ចាប់​ផ្តើម​បំពេញ​ការងារនៅ​ថ្ងៃ​ទី​មួយ​ភ្លាម លោ​ក​ប្រធានាធិបតី​ទី​៤៧​របស់សហរដ្ឋ​អាមេរិក ដូណាល់ ត្រាំ បាន​ប្រកាស​ដំឡើង​ពន្ធ​លើ​ផលិតផល​នាំ​ចូល​ពី​ចិន​១០% ចាប់​ពី​ថ្ងៃទី​១​កុម្ភៈ២០២៥​ទៅ។ ២៥%​លើ​ផលិតផល​ម៉ិកស៊ិក និងកាណាដា។ ផលិតផល​របស់​បណ្តាប្រទេស​នៅ​​អឺរ៉ុប ក៏ត្រូវ​រង​រនាំ​ង​ពន្ធគយ​ដូច​គ្នា​។ នេះ​បើ​តាម​ប្រសាសន៍​របស់​លោក​​ត្រាំ នៅ​ថ្ងៃ​អង្គារ​ទី​២១​មករា២០២៥​។ ចំពោះ​នយោបាយសេដ្ឋកិច្ច​​ក្នុង​ផ្ទៃ​ប្រទេសវិញ​ លោក ដូណាល់ ត្រាំ​ បាន​ប្រកាស​​គម្រោង​វិនិយោគ​ថ្មី​​ផ្នែក​បញ្ញា​សិប្បនិម្មិត (AI) « Stargate » ដែល​បង្កើត​ការងារ​ជាង​មួយ​សែន​កន្លែង។

ប៉ាណាម៉ា​ព្រួយ​បារម្ភ​កាន់​តែ​ខ្លាំងឡើងៗជុំ​វិញ​សំណុំ​រឿង​ព្រែក​ជីក​ប៉ាណាម៉ា។ នៅ​ថ្ងៃពុធ​ទី​២២មករា​២០២៥នេះ លោក​ប្រធានាធិបតី​ប៉ាណាម៉ា José Raul  Mulino បាន​ប្រកាស​ដោយ​ចំៗ​នៅ​ក្នុង​វេទិកា​សេដ្ឋកិច្ច​ពិភពលោក​ នៅ​ទីក្រុង​ដាវ៉ូសប្រទេស​ស៊្វីសតែម្តង​ថា​ ​ព្រែក​ជីក​ប៉ាណាម៉ា មិនមែន​ជា​អំណោយ​របស់​អាមេរិក​សម្រាប់​ប៉ាណាម៉ា​ទេ។ ​កាលពី​ថ្ងៃ​អង្គារទី​២១មករា​២០២៥​ រដ្ឋាភិបាល​ប៉ាណាម៉ា បានថ្ងូរ​​ប្រាប់​អង្គការ​សហប្រជាជាតិ រឿង​លោក​ដូណាល់​ត្រាំ​គំរាម​យក​ព្រែក​ជីក​ប៉ាណាម៉ា​វិញ។ ហេតុ​អ្វី​លោក​ត្រាំ​ចិញ្ចឹម​ចិត្ត​ចង់ក្រសោប​យក​ព្រែក​ជីក​ប៉ាណាម៉ា? តើ​សហរដ្ឋ​អាមេរិក​ពិត​ជា​អាច​ដណ្តើម​យក​ព្រែក​ជីក​ប៉ាណាម៉ា​បាន​វិញ​ឬ?

នៅ​ថ្ងៃ​ពុធ ទី​២២មករា ក្រុម​សមត្ថកិច្ច​ថៃ​ បាន​ច្រានចោលព័ត៌មាន​ដែលលេចឮថា អាជ្ញាធរ​ថៃ​ប្រុង​ចាប់​បញ្ជូន​ជនជាតិ​ភាគតិច​អ៊ុយហ្គួរ​ ប្រមាណជិត ​៥០នាក់ ឲ្យ​ត្រឡប់​ទៅ​ប្រទេស​ចិន​វិញ។ ការ​ចេញ​មុខ​បដិសេធ​របស់​មន្ត្រីថៃ​បែបនេះ បន្ទាប់ពី​ អ្នក​ជំនាញ​អង្គការ​សហប្រជាជាតិ​ សម្តែង​ក្តីបារម្ភ​ពី​ការ​បញ្ចូន​ជនជាតិ​អ៊ុយហ្គួរដែល​កំពុងតែ​​សុំ​សិទ្ធិ​ជ្រក​កោន​នៅថៃ ឲ្យ​ត្រឡប់​ទៅ​ស្រុក​កំណើត​វិញ។ សង្គម​ស៊ីវិល​ការពារ​សិទ្ធិម​នុស្ស ក៏​ព្រួយបារម្ភ​ខ្លាំង​​ថា ពួក​គេ​ទាំង​នោះ​នឹងអាចត្រូវគេ​​ធ្វើ​ទារុណកម្ម​ធ្ងន់ធ្ងរ នៅពេល​ទៅដល់​ស្រុក​ចិន។​

នៅក្នុងឆ្នាំ២០២៤ ក្រសួងសាធារណការ និងដឹកជញ្ជូនអាចលក់ផ្លាកលេខពិសេស និងលេខពិសេសផ្ទាល់ខ្លួនបានប្រមាណជាង ៣ម៉ឺន៣រយលេខដោយទទួលចំណូលបានប្រមាណ ១៨លានដុល្លារអាមេរិក។ នេះបើតាមរបាយការណ៍របស់ក្រសួងសាធារណការ និងដឹកជញ្ជូនដែលបានប្រកាសឱ្យដឹងនៅក្នុងពិធីសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារសម្រាប់ឆ្នាំ ២០២៥ នាថ្ងៃទី២២មករា ឆ្នាំ២០២៥។

នៅថ្ងៃទី២១ ខែមករា ឆ្នាំ២០២៥ គ្រួសារជនរងគ្រោះបានបន្តដាក់ពាក្យបណ្តឹងទៅសាលាឧទ្ធរណ៍ ក្រោយអតីតឧកញ៉ាស្រី ស៊ីណាប្តឹងទៅសាលាឧទ្ធរណ៍ពាក់ព័ន្ធនឹងសាលក្រមសាលាដំបូងរាជធានីភ្នំពេញដែលបានសម្រេចឱ្យស្រី ស៊ីណាជាប់ក្នុងពន្ធនាគាររយៈពេល ៣១ឆ្នាំ និងបង់សំណងជំងឺចិត្តឲ្យគ្រួសារជនរងគ្រោះជាង២លាន៥០ម៉ឺនដុល្លារ។ នៅក្នុងការបន្តប្តឹងទៅសាលាឧទ្ធរណ៍នេះ គ្រួសារជនរងគ្រោះបានទារសំណងជំងឺចិត្តបន្ថែមម្នាក់៥០ម៉ឺនដុល្លារ និងស្នើឱ្យតុលាការកាត់ទោសដាក់ទណ្ឌិតស្រី ស៊ីណាមួយជីវិត។ 

ប្រមុខរដ្ឋាភិបាលកម្ពុជាកំពុងជំរុញគោលនយោបាយបង្កើតសហគមន៍កសិកម្មទំនើប តាមរយៈការចងក្រងកសិករដែលមានដីដាំដុះកសិកម្មឲ្យដាំដុះរួមគ្នាជាលក្ខណៈសហគមន៍ដោយមានការគាំទ្រផ្នែកបច្ចេកទេស ទុន និងទីផ្សារ។ តាមមន្ត្រីក្រសួងកសិកម្ម សហគមន៍កសិកម្មទំនើបនឹងជួយឱ្យកសិករកាត់បន្ថយថ្លៃដើមផលិត មិនប្រឈមបញ្ហាកង្វះទុន និងមិនបារម្ភពីបញ្ហាគុណភាពក្រោយប្រមូលផលបាន ពិសេសមានទីផ្សារសម្រាប់លក់មួយច្បាស់លាស់។ អ្នកជំនាញផ្នែកកសិកម្មបង្ហាញជំហរគាំទ្រគោលនយោបាយបង្កើតសហគមន៍កសិកម្មទំនើប តែបានស្នើឱ្យរដ្ឋាភិបាលមានឆន្ទៈជួយកសិករឱ្យបានផុលផុស៕

ប្រធានាធិបតី​ព្យួរ​តំណែង​កូរ៉េខាង​ត្បូង លោក​ យូន ស៊ុកយោល បាន​បង្ហាញ​ខ្លួន​​ជា​លើក​ទី​មួយ នៅថ្ងៃ​អង្គារ​ទីទី​២១​មករា​២០២៥នេះ នៅ​ក្នុង​អង្គសវនាការ​នៃ​តុលាការ​ធម្មនុញ្ញ។ តុលាការ​ធម្មនុញ្ញបើក​ការ​​ជំនុំ​ជម្រះ​ដើម្បី​ឈាន​ទៅ​សម្រេចជោគវាសនាលោក យូន​ស៊ុកយោលថា​ត្រូវ​អស់​អំណាច​ទាំងស្រុង​ ឬត្រលប់​មកកាន់​​​តួនាទី​ជា​ធម្មតា​ឡើង​វិញ។

ថ្មីៗនេះ សហភាពអឺរ៉ុបបានបញ្ជូនអង្ករខ្មែរមួយចំនួនឲ្យត្រលប់មកប្រទេសកម្ពុជាវិញ បន្ទាប់ពីបានរកឃើញនៅមានសំណល់ថ្នាំកសិកម្មលើសកម្រិតបញ្ញត្តិ។ នេះបើតាមក្រសួងកសិកម្មក្នុងថ្ងៃទី២០ មករាដោយអះអាងបន្ថែមថា បញ្ហានេះពិតជាបាន និងកំពុងជះឥទ្ធិពលអាក្រក់ដល់ការនាំចេញអង្ករខ្មែរទៅកាន់សហភាពអឺរ៉ុប។

ត្រលប់មកកាន់អំណាចដឹកនាំអាមេរិកជាថ្មី លោក ដូណាល់ ត្រាំបានបញ្ជូនសញ្ញាឲ្យគេភ័យព្រួយ ស្លុតចិត្ត តាមរយៈការចុះហត្ថលេខាលើក្រឹត្យប្រធានាធិបតីដែលបញ្ជាក់ជំហរដាច់ណាត់របស់អាមេរិកក្នុងអាណត្តិរបស់លោក។ ក្រៅពីប្រកាសដកអាមេរិកចេញពីកិច្ចព្រមព្រៀងប៉ារីស និងអង្គការសុខភាពពិភពលោក លោកដូណាល់ ត្រាំ បានចុះហត្ថលេខាលើក្រឹត្យប្រកាសអាសន្នជាតិនៅព្រំដែនជាមួយម៉ិកស៊ិក បង្កើនការបូមប្រេងនៅទឹកដីអាមេរិក និងបញ្ជាក់ជំហរចង់ចូលគ្រប់គ្រងព្រែកជីករបស់ប្រទេសប៉ាណាម៉ា។ លោកដូណាល់ ត្រាំ បានសន្យាធ្វើអ្វីគ្រប់បែបយ៉ាងដើម្បីផលប្រយោជន៍របស់អាមេរិកមុនគេ។ តើពិភពលោកត្រូវភ័យ ឬត្រេកអរនៅពេលលោកដូណាល់ ត្រាំត្រលប់មកដឹកនាំអាមេរិកជាថ្មី?

នៅថ្ងៃទី២១ ខែមករា ឆ្នាំ២០២៥នេះ កសិករជាច្រើននាក់មកពីឃុំចំនួន៥ ស្ថិតនៅក្នុងស្រុកបាទី ខេត្តតាកែវ បាននាំគ្នាបិទផ្លូវជាតិលេខ២ ដើម្បីជំរុញឲ្យអាជ្ញាធរពាក់ព័ន្ធជួយដោះស្រាយរឿងខ្វះទឹកដើម្បីសង្គ្រោះស្រូវប្រាំងរបស់ពួកគេ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី២១ ខែមករា ឆ្នាំ២០២៥នេះ លោក វ៉ី សំណាង អភិបាលខេត្តតាកែវបានបញ្ជាក់ថា អាជ្ញាធរខេត្តតាកែវ និងអង្គភាពពាក់ព័ន្ធបានជួយអន្តរាគមន៍ឆ្លើយតបនឹងសំណូមពររបស់កសិករហើយ។ តាមលោកអភិបាលខេត្ត កង្វះទឹកដោយសារតែកសិករបានធ្វើស្រែលើសពីផែនការកំណត់ដល់ទៅពីរដង ខណៈអាជ្ញាធរបានជូនដំណឹងពីដើមរដូវថា អាជ្ញាធរមានការអភិវឌ្ឍន៍ប្រព័ន្ធធារាសាស្ត្រផ្នែកខាងលើឲ្យប្រសើរឡើង៕

ថ្មីៗនេះ សហភាពអឺរ៉ុបបានបញ្ជូនអង្ករខ្មែរមួយចំនួនឲ្យត្រលប់មកប្រទេសកម្ពុជាវិញ បន្ទាប់ពីបានរកឃើញនៅមានសំណល់ថ្នាំកសិកម្មលើសកម្រិតបញ្ញត្តិ។ នេះបើតាមក្រសួងកសិកម្មក្នុងថ្ងៃទី២០ មករាដោយអះអាងបន្ថែមថា បញ្ហានេះពិតជាបាន និងកំពុងជះឥទ្ធិពលអាក្រក់ដល់ការនាំចេញអង្ករខ្មែរទៅកាន់សហភាពអឺរ៉ុប។

នៅក្នុងពិធីសម្ពោធដាក់ឲ្យប្រើប្រាស់សមិទ្ធផលនានានៅមជ្ឈមណ្ឌលអតីតយុទ្ធជន ប៊ុនរ៉ានីសែនជ័យដំណាក់ត្រយឹង ស្ថិតនៅក្នុងស្រុកភ្នំក្រវាញ ខេត្តពោធិ៍សាត់នាថ្ងៃទី២០ ខែមករា ឆ្នាំ២០២៥នេះ លោកនាយករដ្ឋមន្ត្រី ហ៊ុន ម៉ាណែត បានប្រកាសថា រដ្ឋាភិបាលបានតម្លើងឥណទានរហូតដល់ ១៥០លានដុល្លារ ដើម្បីប្រមូលទិញស្រូវពីកសិករ។ ការប្រកាសរបស់លោកនាយករដ្ឋមន្ត្រីដូច្នេះ ធ្វើឡើងដើម្បីឆ្លើយតបទៅនឹងវិបត្តិស្រូវធ្លាក់ថ្លៃនៅក្នុងប្រទេសកម្ពុជា។ តាមលោក ហ៊ុន ម៉ាណែត ការទំលាក់លុយ១៥០លានរបស់រដ្ឋ គឺដើម្បីធានាដល់រោងម៉ាស៊ីនកិនស្រូវនៅពេលម្ចាស់រោងម៉ាស៊ីនកិនស្រូវទៅខ្ចីលុយពីធនាគារឯកជន។ សូមស្តាប់ការលើកឡើងរបស់លោកនាយករដ្ឋមន្ត្រី ហ៊ុន ម៉ាណែត ដែលរៀបចំដោយ ញឹម សុផល៖

នៅព្រឹកថ្ងៃទី២០ មករានេះ បុគ្គលិកកម្មករក្រុមហ៊ុនប្រមូលសំរាម 800 Super-GAEA Cambodia ជាច្រើននាក់ធ្វើកូដកម្មតវ៉ាប្រឆាំងនឹងការបណ្តេញតំណាងសហជីព ៤នាក់ចេញពីការងារ។ ឆ្លៀតនៅក្នុងឱកាសកូដកម្មនោះ ក្រុមបុគ្គលិកកម្មករក៏បានតវ៉ាទាមទារឱ្យក្រុមហ៊ុនប្រមូលសំរាម 800 Super-GAEA ផ្តល់អត្ថប្រយោជន៍ឱ្យពួកគេស្របតាមច្បាប់ការងារកម្ពុជា។

របាយការណ៍ឆ្នាំ២០២៤ ស្តីពីស្ថានភាពការងារជាសកលរបស់ក្រុមអ្នកស្រាវជ្រាវទិន្នន័យ Gallup បង្ហាញថា កម្ពុជាជាប់ចំណាត់ថ្នាក់លេខ៤ ដែលបុគ្គលិកនិយោជិកមានកម្រិតបញ្ហាផ្លូវចិត្ត និងស្រ្តេសខ្ពស់នៅក្នុងតំបន់អាស៊ីអាគ្នេយ៍។ មូលហេតុគឺ ដោយសារស្ថានភាពទីផ្សារការងារ ស្ថានភាពសេដ្ឋកិច្ច និងការចូលរួមរបស់ក្រុមនិយោជិក រួមទាំងការគោរពសិទ្ធិការងារ។ តាមរយៈរបាយការណ៍មួយនេះ អ្នកជំនាញផ្នែកចិត្តសាស្ត្រ និងអ្នកតាមដានសង្គមជំរុញឲ្យរដ្ឋាភិបាលបញ្ចូលសេវាសុខភាពផ្លូវចិត្តទៅក្នុងបណ្ណបេឡាជាតិរបបសន្តិសុខសង្គម ឬ ប.ស.ស សម្រាប់បុគ្គលិកនិយោជិកដើម្បីឲ្យពួកគេមានឱកាសទទួលបានសេវាពិនិត្យ និងពិគ្រោះសុខភាពផ្លូវចិត្ត។

លោកនាយករដ្ឋមន្ត្រី ហ៊ុន ម៉ាណែត បានថ្លែងថា រដ្ឋាភិបាលកម្ពុជាចាំបាច់បញ្ជូនឃាតករទៅឲ្យថៃធ្វើអ្វី ប្រសិនបើខ្លួនឯងនៅពីក្រោយខ្នងឃាតកម្មលោក លិម គិមយ៉ា។ ការលើកឡើងរបស់លោក ហ៊ុន ម៉ាណែត ដូច្នេះធ្វើឡើងនៅក្នុងពិធីសម្ពោធសមិទ្ធផលនានានៅមជ្ឈមណ្ឌលអតីតយុទ្ធជន ប៊ុន រ៉ានីសែនជ័យដំណាក់ត្រយឹង ស្ថិតក្នុងស្រុកភ្នំក្រវាញ ខេត្តពោធិ៍សាត់ នាថ្ងៃទី២០ ខែមករា ឆ្នាំ២០២៥។

ទោះបី​យឺត​យ៉ាវ​បន្តិច​មែន ប៉ុន្តែ​បទ​ឈប់​បាញ់​រវាង​អ៊ីស្រាអែល​និង​ចលនា​ហាម៉ាស​នៅ​ហ្កាហ្សា​ បាន​ជា​ចូល​ជា​ធរមាន នៅ​ថ្ងៃ​អាទិត្យ​ទី ១៩​មករា​២០២៥ ដូច​សេចក្តី​ប្រកាសក្នុង​កិច្ចព្រមព្រៀង។ ប៉ុន្មាន​ម៉ោង​ក្រោយ​ពី​ចលនា​ហាម៉ាស​បានដោះលែង​​​ចំណាប់​ខ្មាំងអ៊ីស្រាអែល​​បីនាក់​ដំបូងមក​ អាជ្ញាធរ​អ៊ីស្រាអែល​បានផ្តល់​សេរីភាព​ដល់​​អ្នក​ទោស​ប៉ាឡេស្ទីន​ចំនួន​៩០​នាក់​ជា​ថ្នូរ។

លោក ទីវ តារារិទ្ធិ បាន​ចំណាយ​ពេល​ជិះ​កង់​ឆ្លង​ទ្វីប​បាន​ចម្ងាយ​ជិត​ ២ម៉ឺន​គីឡូ​ម៉ែត្រ ​ចាប់​តាំង​ពី​ពាក់​កណ្តាល​ឆ្នាំ​២០២៤​មក​ទល់​ពេល​នេះ​។ ​មាន​អាយុ​៣៥​ឆ្នាំ លោក ​តារា​រិទ្ធិ ​ត្រូវ​បាន​គេ​ឲ្យ​រហ័ស​នាម​ថា​«វីរជនកុមារ​កម្ពុជា»​ នោះ​ក៏​ព្រោះតែ​លោក​បាន​ចំណាយ​ពេល​៦​ឆ្នាំ​ក្នុង​ការ​ជិះ​កង់​ដើម្បី​អង្គាស​ប្រាក់​ជួយ​មន្ទីរ​ពេទ្យ​កុមារ​អង្គរ​។​ ពី​ប្រទេស​ក្នុង​តំបន់​អាស៊ី​កណ្តាល ​លោក ​តារា​រិទ្ធិ ​បាន​ចាត់​ទុក​បេសកម្ម​ជិះកង់​ឆ្លង​ទ្វីប​របស់​លោក​លើក​នេះ​ប្រៀប​ដូច​បាន​ទៅ​ដល់​ក្តី​ស្រ​មៃ​នៃ​ឋាន​សួគ៌​ពិតៗ​។

ធនាគារពិភពលោក បញ្ជាក់ថា ​តំបន់​អាហ្វ្រិកបាន​ជួប​កំណើន​សន្ទុះ​វឌ្ឍនភាព​សេដ្ឋកិច្ច ២ ឆ្នាំ​ជាប់គ្នា។ ក៏ប៉ុន្តែ ​ប្រទេសអាហ្វ្រិកនីមួយៗ មានភាព​រីកចម្រើនមិនស្មើគ្នាទេ ហើយ​នៅ​មាន​បញ្ហា​ច្រើន​ណាស់​ដែល​បង្កហានិភ័យ​ចំពោះ​សេដ្ឋកិច្ច​ហិរញ្ញវត្ថុ​ក្នុង​តំបន់​នេះ​។

លេខាធិការដ្ឋាននៃអនុសញ្ញាស្តីពីពាណិជ្ជកម្មអន្តរជាតិលើប្រភេទសត្វព្រៃជិតផុតពូជ និងរុក្ខជាតិ (CITES) បានលើកឡើងពីអនុសាសន៍របស់ខ្លួន នៅថ្ងៃទី១៩មករា ឆ្នាំ​២០២៥ ប្រាប់ទៅបណ្តាប្រទេសដែលធ្លាប់នាំចូលសត្វស្វាកន្ទុយវែងពីកម្ពុជា ត្រូវផ្អាកការនាំចូលសត្វប្រភេទនេះទៅធ្វើការពិសោធន៍ ចាប់ពីពេលនេះតទៅ។ ការផ្តល់អនុសាសន៍នេះធ្វើឡើងបន្ទាប់ពី CITES រកឃើញពីភាពជិតផុតពូជនៃសត្វស្វាកន្ទុយវែង និងបានស្នើឲ្យកម្ពុជាផ្តល់ព័ត៌មាន ដោយតម្លាភាពពីការនាំចេញស្វាកន្ទុយវែងទៅទីផ្សារខាងក្រៅ។

នៅថ្ងៃអាទិត្យ ទី១៩ មករា តុលាការទីក្រុងសេអ៊ូល បានសម្រេចបន្តឃុំខ្លួនលោកប្រធានាធិបតីព្យួរតំណែង យូន ស៊ុកយោល។ សាលក្រមនេះ បានធ្វើឲ្យក្រុមបាតុករគាំទ្ររូបលោក ផ្ទុះកំហឹងយ៉ាងខ្លាំង និង បាននាំគ្នាសម្រុកចូលតុលាការ បង្កជាចលាចល។