នាយករដ្ឋមន្ត្រីកម្ពុជា លោកហ៊ុន ម៉ាណែត បានថ្លែងកោតសរសើរកងកម្លាំងនគរបាលជាតិដែលបានអភិវឌ្ឍខ្លួនឥតឈប់ឈរ និងបានសម្រេចស្នាដៃយ៉ាងច្រើនឥតឧបមា។ តាមលោកហ៊ុន ម៉ាណែត កងកម្លាំងនគរបាលជាតិបានដើរតួនាទីស្នូលជួយរដ្ឋាភិបាលក្នុងការតស៊ូលើសមរភូមិសន្តិសុខ ពិសេសទប់ស្កាត់ការវិលត្រឡប់វិញនូវរបបប្រល័យពូជសាសន៍ និងការការពារសន្តិសុខជាតិ ស្ថិរភាពសន្តិសុខផ្ទៃក្នុង ក៏ដូចជាសណ្តាប់ធ្នាប់ និងសុវត្ថិភាពសង្គម។ តែលោកក៏មិនភ្លេចស្នើឲ្យកម្លាំងនគរបាលបន្តប្រឹងប្រែងក្នុងការឆ្លើយតបរាល់បញ្ហាប្រឈម ព្រមទាំងធានាថា ប្រទេសកម្ពុជានៅតែស្ថិតក្នុងដំណើរការវិវឌ្ឍន៍ទៅកាន់សេចក្តីសុខ និងសេចក្តីចម្រើនគ្រប់សហគមន៍។

រដ្ឋសភាកម្ពុជាបានរៀបចំព្រឹត្តិការណ៍ថ្នាក់ជាតិមួយក្នុងក្របខណ្ឌយុទ្ធសាស្ត្ររយៈពេល៥ឆ្នាំដើម្បីដោះស្រាយបញ្ហា និងបំពេញតម្រូវការរបស់ពលរដ្ឋលើសេចក្តីព្រាង «ការរៀបចំផែនការសម្រាប់​ឌីណាមិក​ប្រជា​ជន​កម្ពុជា​ដែលកំពុងវិវត្តន៍»។ នេះបើតាមសេចក្តីប្រកាសព័ត៌មានរួមមួយរវាងរដ្ឋសភា ក្រសួងផែន​ការ និង​អង្គ​ការ​ UNFPA នៅថ្ងៃទី១៣ ខែឧសភា ឆ្នាំ២០២៥ ។សេចក្តីប្រកាសព័ត៌មានដដែលបន្ថែមថា​ព្រឹត្តិការណ៍នេះ​ជាការ​ពិភាក្សារវាងមន្រ្តីចំនួនជាង២០០នាក់ដើម្បីស្វែងយល់ពីផលប៉ះពាល់លើការថែទាំសុខភាព ការអប់រំ ការងារ និងការគាំពារ​សង្គមដែលបណ្តាលមកពីកំណើនចំនួនពលរដ្ឋ។

អំបិល​ជា​សារធាតុ​ចិញ្ចឹម​ចាំបាច់សម្រាប់​សរីរាង្គកាយ។ ខ្វះអំបិល អាច​នឹង​ធ្វើ​ឱ្យ​ហើម និង​មាន​ជំងឺ​ផ្សេងៗ​ជាច្រើន តែបើ​បរិភោគ​ច្រើនជ្រុល (ប្រៃខ្លាំងពេក) ក៏​នឹង​ធ្វើ​ឱ្យ​មាន​ជំងឺ​ជា​ច្រើន​ដែរ មាន​ជា​អាទិ៍ គឺ​ជំងឺ​ឡើង​ឈាម​តែម្តង។​ តែ​ការសិក្សា​ថ្មី​ចុងក្រោយ​មួយ​របស់​អ្នក​វិទ្យាសាស្ត្រ​ជាតិ​អូទ្រីស បាន​បង្ហាញ​ឱ្យ​ឃើញ​ថា អំបិល​មិន​ត្រឹម​តែអាក្រក់​សម្រាប់​សម្ពាធ​ឈាម​ទេ តែការ​បរិភោគ​ប្រៃ មាន​ជាតិ​អំបិល​ច្រើនពេក​​អាច​បង្កើន​គ្រោះ​កើត​ជំងឺមហារីក​ក្រពះ​ដល់​ទៅ​៤០%​ឯណោះ។ តើ​អំបិល​ធ្វើ​ឱ្យ​មាន​​ជំងឺ​មហារីក​ក្រពះ​ យ៉ាង​ដូចម្តេច?

នៅ​ថ្ងៃពុធ​ទី​១៤​ឧសភា​នេះ កូឡុំ​ប៊ី​បាន​ចុះ​កិច្ចព្រមព្រៀង​ជាមួយ​ចិន បញ្ចូល​ខ្លួន​ទៅ​ក្នុង​គម្រោង​ផ្លូវ​សូត្រ​ថ្មី​ ប្រកប​ដោយ​មហិច្ឆតា​របស់​លោក​ស៊ីជីនពីង។ ជា​ការ​ឱកាស​ថ្មី ជា​ប្រវត្តិសាស្ត្រ​​សម្រាប់​កូឡុំប៊ី និង​ជា​ការ​ចាក់​ឫសពង្រីក​ឥទ្ធិពល​​កាន់​តែ​ខ្លាំង​​សម្រាប់​ចិន​​នៅ​តំបន់​អាមេរិកឡាទីន។

អគ្គនាយកដ្ឋានគយ និងរដ្ឋាករកម្ពុជាបានណែនាំឲ្យមន្ត្រីជំនាញ និងអាជ្ញាធរពាក់ព័ន្ធទប់ស្កាត់ការនាំចូលផ្លែទុរេនប្រើប្រាស់សារធាតុគីមីដោយមិនបានឆ្លងកាត់ការត្រួតពិនិត្យគុណភាព ឬុមិនភ្ជាប់មកជាមួយនូវវិញ្ញាបនបត្រភូតគាមអនាម័យ។ ការណែនាំនេះធ្វើឡើង ក្រោយពលរដ្ឋមួយចំនួន រួមទាំងអ្នកដាំផ្លែទុរេនក្នុងស្រុកបានរាយការណ៍ថា ផ្លែទុរេននាំចូលពីប្រទេសជិតខាង ពិសេសពីប្រទេសវៀតណាមបានធ្វើឲ្យប៉ះពាល់ដល់ សុខភាព និងប៉ះពាល់ដល់ទីផ្សារទុរេនក្នុងស្រុក។

ពលករខ្មែរ ២រូបបន្ថែមទៀតត្រូវបានរកឃើញនៅថ្ងៃ១៤ ឧសភានេះថាបានស្លាប់នៅក្រោមអាគារបាក់រលំដោយសារគ្រោះរញ្ជួយដីនៅក្នុងប្រទេសថៃដែលកើតឡើងកាលពីថ្ងៃទី២៨ មីនា។ ឯកអគ្គរាជទូតកម្ពុជាប្រចាំនៅប្រទេសថៃ ក្រសួងស្ថាប័ន និងមន្ត្រីពាក់ព័ន្ធកំពុងរៀបចំសម្របសម្រួលបែបបទដើម្បីដឹកសពជនរងគ្រោះទាំង ២រូបត្រលប់មកប្រទេសកម្ពុជាវិញ។ គិតត្រឹមពេលនេះ មានពលករខ្មែរសរុប ៤នាក់ដែលត្រូវបានរកឃើញស្លាប់ ខណៈ ២នាក់ទៀតរងរបួសនៅក្នុងគ្រោះមហន្តរាយធម្មជាតិនៅប្រទេសថៃ។

ខ្ទះត្នោតរបស់ខ្មែរត្រូវបានប្រើប្រាស់តាំងពីយូរលង់សម្រាប់ចម្អិនអាហារនៅក្នុងកម្មវិធីមង្គលការ ឬបុណ្យទាន។ តែគេកម្រឃើញពីការផលិតខ្ទះត្នោតដោយរបៀបណា។ លោក នួន ភារម្យដែលជាពលរដ្ឋរស់នៅឃុំទំនប់ធំ ស្រុកពញាឮ ខេត្តកណ្តាល គឺជាអ្នកផលិតខ្ទះត្នោតបន្តពីឳពុករបស់លោកជាង ៤០ឆ្នាំមកហើយ។ ជារៀងរាល់ថ្ងៃ លោកត្រូវប្រឈមនឹងកម្តៅភ្លើងក្តៅខ្លាំងពីការស្លដែកអេតចាយដើម្បីធ្វើខ្ទះត្នោត។ 

ធនាគារក្ដាម ជាទីតាំងសម្រាប់ភ្ញាស់ពងក្ដាម និងថែបំប៉នមេក្ដាមពង ដើម្បីជួយបង្កើនស្តុកក្ដាមធម្មជាតិ ស្របពេលដែលមានក្តីបារម្ភចំពោះការថយចុះទិន្នផលក្តាមក្នុងសមុទ្រ។ ធនាគារនេះបានដើរតួនាទីយ៉ាងសំខាន់ ក្នុងការទិញក្តាមមានពងក្រៅសន្ទះទ្រូងពីប្រជានេសាទ យកទៅភ្ញាស់ក្ដាមរាប់លានកូននៅក្នុងសំណាញ់។ គោលដៅគឺដើម្បីទិន្នផលក្ដាមក្នុងប្រទេសកម្ពុជាឲ្យមានជានិរន្តភាព។

លោក​ដូណាល់ ត្រាំ បាន​ចាប់ផ្តើមទស្សនកិច្ចនៅតំបន់​ដើមបូព៌ា ដោយ​បានធ្វើដំណើរទៅដល់ ប្រទេសអារ៉ាប៊ីសាអូឌីត កាលពីថ្ងៃអង្គារ​ ទី​១៣ឧសភា។ ដោយ​​ភាពស្និទ្ធស្នាលក្អាកក្អាយ ជាមួយ​នឹង​លោក​ព្រះអង្គមហាម៉េដបេនសាល់ម៉ាន់ លោក​ដូណាល់ ត្រាំ សង្ឃឹមថានឹងបានទទួល​ការ​បោះទុកវិនិយោគដ៏ច្រើនសន្ធឹកនៅសហរដ្ឋអាមេរិក ពីសំណាក់អារ៉ាប៊ីអាសអូឌីត​។

ក្រសួងកសិកម្មបានធ្វើសេចក្តីព្រាងច្បាប់ជលផលថ្មីដើម្បីអភិរក្ស និងអភិវឌ្ឍជលផល ពិសេសប្រឆាំងនឹងសកម្មភាពនេ​សាទ​ខុសច្បាប់។ ការសម្រេចធ្វើសេចក្តីព្រាងច្បាប់ថ្មីនេះប្រព្រឹត្តទៅនៅក្នុងកិច្ចប្រជុំមួយរវាងរដ្ឋមន្រ្តីក្រសួងកសិកម្ម និងគណៈកម្មាធិការទី៣ នៃរដ្ឋសភាកាលពីថ្ងៃទី១២ ខែឧសភា ឆ្នាំ២០២៥។ តាមក្រសួងកសិកម្ម សេចក្តីព្រាងច្បាប់ថ្មីនេះមានលក្ខណៈខុសពីច្បាប់ចាស់កាលពីឆ្នាំ ២០០៦ និងថា កម្មវត្ថុនៃការធ្វើសេចក្តីព្រាងច្បាប់ថ្មីគឺដើម្បីឲ្យស្របនឹងបរិបទ បច្ចុ​ប្បន្ន​​ ដោយធានាឲ្យមានការ ការពារប្រយោជន៍ប្រជានេសាទ កាត់បន្ថយភាពក្រីក្រ និងលើកកម្ពស់ជីវភាពរបស់ពលរដ្ឋ ។

គ្រឹះស្ថានអង្គរដែលកត់ត្រាទុកចំនួនទេសចរអន្តរជាតិទៅទស្សនាប្រាសាទអង្គរវត្តបានឲ្យដឹងថា នៅក្នុងរយៈ ៤ខែដំបូងនៃឆ្នាំ២០២៥ ចំនួនទេសចរចិនបានកើនឡើង ២៩ភាគរយធៀបនឹងរយៈពេលដូចគ្នាក្នុងឆ្នាំ ២០២៤។ ចំនួននេះបានធ្វើឲ្យទេសចរចិនឈរនៅលំដាប់ទី៤ នៃចំនួនភ្ញៀវដែលទៅទស្សនាប្រាសាទបុរាណរបស់ខ្មែរច្រើនជាងគេបំផុតក្នុងខេត្តសៀមរាប។ តាមអ្នកគ្រប់គ្រងគ្រឹះស្ថានអង្គរ កំណើនភ្ញៀវបានមកពីស្ថានភាពល្អប្រសើរនៃហេដ្ឋារចនាសម្ព័ន្ធក្នុងខេត្តសៀមរាប និងការផ្សព្វផ្សាយផ្សេងៗទៀត។

នាវាចម្បាំងខ្នាតយក្សរបស់ចិនឈ្មោះ Changbaishan បានចូលចតនៅកំពង់ផែរាមក្រុងព្រះសីហនុនៅថ្ងៃចន្ទ​ ទី១២​ ឧសភា។ វត្តមានរបស់នាវាចម្បាំងខ្នាតយក្សចិននៅដែនសមុទ្រកម្ពុជាពេលនេះ គឺដើម្បីចូលរួមលំហាត់សឹកនាគមាសកម្ពុជា-ចិន ឆ្នាំ២០២៥ ដែលអ្នកនាំពាក្យកងទ័ពជើងទឹកកម្ពុជាអះអាងថា គឺជាសមយុទ្ធប្រវត្តិសាស្ត្រ ក្រោយពេលកំពង់ផែរាមទើបធ្វើទំនើបកម្មរួចរាល់។

កងទ័ពកម្ពុជា និងកងទ័ពចិនចាប់ផ្តើមធ្វើ«សមយុទ្ធនាគមាស-២០២៥» ពីថ្ងៃទី១៤ ដល់ថ្ងៃទី២៨ ខែឧសភា ឆ្នាំ២០២៥ ក្រោមប្រធានបទ«ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌»។ សមយុទ្ធនាគមាសកម្ពុជា-ចិន បានពង្រីកកាន់តែធំទៅៗពីមួយឆ្នាំទៅមួយឆ្នាំដោយឆ្នាំនេះមានកងទ័ពកម្ពុជា-ចិន ចូលរួមសរុបជាង ២ ០០០នាក់ មានសព្វាវុធ និងឧបករណ៍យោធាកាន់តែទំនើប ក្នុងនោះក៏មានការប្រើបញ្ញាសិប្បនិម្មិត(AI)ដែរ។ អ្នកវិភាគនានាមើលឃើញថា ការបង្កើនសមយុទ្ធយោធាកម្ពុជា-ចិនកាន់តែធំ គឺជាការបង្កើនសមត្ថភាពការពារជាតិរបស់កម្ពុជាស្របទៅនឹងច្បាប់របស់ប្រទេស និងស្របទៅនឹងបរិបទនៃការប្រែប្រួលភូមិសាស្ត្រនយោបាយ។

ថ្ងៃចន្ទទី១២ ឧសភា វិមានក្រេមឡាំងបានថ្លែងទាត់ចោល” ឱសានវាទ” ដែលដាក់ចេញដោយក្រុងកៀវ និងបណ្តាសម្ព័ន្ធមិត្តអឺរ៉ុបរបស់អ៊ុយក្រែន។ គឺជាឱសានវាទដែលតម្រូវឲ្យមានបទឈប់បាញ់រយៈពេល ៣០ ថ្ងៃនៅអ៊ុយក្រែន មុននឹងចាប់ផ្តើមបើកកិច្ចចរចាសន្តិភាព។ ទន្ទឹមគ្នានេះ ម៉ូស្គូក៏មិនឆ្លើយតបនឹងសំណើរបស់ប្រធានាធិបតីអ៊ុយក្រែន លោក ហ្សេឡេនស្គីដែលស្នើសុំជួបចរចាជាមួយសមភាគីរុស្ស៊ី លោក ពូទីនដោយផ្ទាល់នៅក្រុងអ៊ីស្តង់ប៊ូល ប្រទេស តួកគីនាថ្ងៃព្រហស្បតិ៍ ទី ១៥ ឧសភា ខាងមុខ។

នៅថ្ងៃអង្គារទី​១៣ឧសភា​នេះ លោក​ប្រធានាធិបតីចិន បានបើកវេទិកាកំពូលមួយនៅទីក្រុងប៉េកាំង ជាមួយ​ថ្នាក់ដឹកនាំនៃក្រុមប្រទេសអាមេរិកឡាទីននិង​ការ៉ាអ៊ីប។ ជាវេទិកាដែលចិនបាន​ប្រកាសខ្លួន ធ្វើជាអ្នកការពារ​ទ្រឹស្តីពហុភាគីនិយម ហើយ​បានបរិហារ​ចំពោះការ​ប្រើកម្លាំងគំរាមសម្លុតរបស់សហរដ្ឋអាមេរិក។​ ដើម្បីយកចិត្ត​ក្រុមប្រទេស​អាមេរិកឡាទីន​និង​ការ៉ាអ៊ីប ចិន​បានប្រកាស​ផងដែរ នូ​វការ​ផ្តល់​កម្ចី​សរុបប្រមាណ​ជាង​៨ពាន់​លានអឺរ៉ូ។

មហោស្រពភាពយន្តអន្តរជាតិលើកទី​៧៨​ចាប់បើកទ្វារ​ពីថ្ងៃអង្គារ​ទី ១៣​ឧសភា ​រហូត​ដល់​ថ្ងៃទី ២៤ឧសភា។ នៅក្នុង​រយៈពេល​ជិត​ពីរសប្តាហ៍ ​មហោស្រពភាពយន្ត​ដ៏ធំជាងគេ​នៅក្នុងពិភពលោក​នឹង​ក្រាលព្រំក្រហម​​ទទួល​តារាភាពយន្តល្បីៗក្នុងពិភពលោក និងចាក់បញ្ចាំងខ្សែភាពយន្តបរទេស​ជាច្រើន។ នៅក្នុង​នោះ ខ្សែភាពយន្ត​ចំនួន​២២មកពីអឺរ៉ុប អាស៊ី ដើមបូព៌ា អាមេរិក​នឹង​ត្រូវ​​ប្រកួតប្រជែងគ្នា​ ដណ្តើមរង្វាន់​តាល់ប័ត្រ​មាស​ ដែលជារង្វាន់ធំ​របស់​មហោស្រព។ ខ្សែភាពយន្ត​ហូលីវូដរឿង Mission : Impossible-The Final Reckoningដែលមានលោក​ Tom Cruiseជាតួឯក នឹង​មកបន្ថែមទម្ងន់​របស់មហោស្រពភាពយន្តកាន។

លោក អ៊ុក ម៉ៅ អ្នក​សារ​ព័ត៌​មាន​ផ្នែក​បរិស្ថាន​ប្រចាំ​ខេត្ត​ស្ទឹង​ត្រែង បាន​អះអាង​ថា ​លោក​បាន​រង​បណ្តឹង​នៅ​តុលា​ការ​សរុប​១៤​ករណី​ដោយ​សារ​តែលោក​បាន​រាយការណ៍​ពី​ការ​ឃុប​ឃិត​គ្នា​រវាង​មន្ត្រី និង​ក្រុម​អ្នក​កាប់ឈើ​នៅ​តំបន់​នោះ​។ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI នៅ​ថ្ងៃ​ទី​១៣ ខែឧសភា អ្នក​សារ​ព័ត៌​មាន​ដែល​គ្មាន​ប្រាក់​ខែ​រូប​នេះ ថ្លែងថា លោក​ធ្លាប់​ត្រូវ​បាន​គេវាយ​ដំ គេបោក​ទូរសព្ទ​ចោល ដុត​ម៉ូតូ និង​ដុត​ផ្ទះ​ចោល​។ តែ​លោក​ថា នៅ​ពេល​លោក​ដាក់​ពាក្យ​បណ្តឹង​ដើម្បី​រក​យុត្តិ​ធម៌​ មន្ត្រី​មួយ​ចំនួន​ទាត់​ចោល​ពាក្យ​បណ្តឹង​របស់​លោក ហើយ​នៅ​ពេល​ដែល​ភាគី​ម្ខាង​ទៀត​ប្តឹង​លោក​វិញ គឺ​បែរ​ជា​មន្ត្រី​មាន​ចំណាត់​ការ​លឿន​ទៅ​វិញ​។

ការិយាល័យស្រាវជ្រាវម៉ាក្រូសេដ្ឋកិច្ចអាស៊ានបូក៣ ឬ AMRO បានព្យាករថា កំណើនសេដ្ឋកិច្ចកម្ពុជានឹងធ្លាក់មកនៅត្រឹម ៤.៩ភាគរយសម្រាប់ឆ្នាំ ២០២៥ នេះ និង៤.៧ភាគរយសម្រាប់ឆ្នាំ ២០២៦ ប្រសិនបើរនាំងពន្ធគយសហរដ្ឋអាមេរិកចាប់ចូលធរមាន។ ទន្ទឹមនឹងការព្យាករទាញទម្លាក់កំណើនសេដ្ឋកិច្ច AMRO ក៏បានព្រមានពីផលប៉ះពាល់ធ្ងន់ធ្ងរនៃសេដ្ឋកិច្ចកម្ពុជា ប្រសិនបើរដ្ឋាភិបាលកម្ពុជាគ្មានវិធានការគោលនយោបាយជាបន្ទាន់ទេនោះ។ របាយការណ៍របស់ AMRO ធ្លាក់មកក្នុងពេលដែលកិច្ចចរចាលើកិច្ចព្រមព្រៀងពាណិជ្ជកម្មគយកម្ពុជា និងសហរដ្ឋអាមេរិកកំពុងចាប់ផ្តើមពីថ្ងៃទី១៣ ដល់ថ្ងៃទី១៥ ឧសភា ឆ្នាំ២០២៥។

មហោស្រពភាពយន្តអន្តរជាតិលើកទី​៧៨​ចាប់បើកទ្វារ​ពីថ្ងៃអង្គារ​ទី ១៣​ឧសភា ​រហូត​ដល់​ថ្ងៃទី ២៤ឧសភា។ នៅក្នុង​រយៈពេល​ជិត​ពីរសប្តាហ៍ ​មហោស្រពភាពយន្ត​ដ៏ធំជាងគេ​នៅក្នុងពិភពលោក​នឹង​ក្រាលព្រំក្រហម​​ទទួល​តារាភាពយន្តល្បីៗក្នុងពិភពលោក និងចាក់បញ្ចាំងខ្សែភាពយន្តបរទេស​ជាច្រើន។ នៅក្នុង​នោះ ខ្សែភាពយន្ត​ចំនួន​២២មកពីអឺរ៉ុប អាស៊ី ដើមបូព៌ា អាមេរិក​នឹង​ត្រូវ​​ប្រកួតប្រជែងគ្នា​ ដណ្តើមរង្វាន់​តាល់ប័ត្រ​មាស​ ដែលជារង្វាន់ធំ​របស់​មហោស្រព។ ខ្សែភាពយន្ត​ហូលីវូដរឿង Mission : Impossible-The Final Reckoningដែលមានលោក​ Tom Cruiseជាតួឯក នឹង​មកបន្ថែមទម្ងន់​របស់មហោស្រពភាពយន្តកាន។

គណបក្ស​ពលករជនជាតិគួដឌីស្ថាន PKK បានប្រកាសរំលាយ​ខ្លួនចោល និង​ឈប់ធ្វើការតស៊ូនយោបាយ​ដោយ​អាវុធ​តទៅទៀត ។ ការប្រកាសរំលាយ​ចោល​នូវចលនាតស៊ូ​ជនជាតិ​គួដឌីស្ថាន​នេះ គឺបន្ទាប់ពី​ចលនានេះ ​បាន​ផ្សះផ្សារនយោបាយ​ជាមួយ​គណបក្សកាន់អំណាចនៅតួកគី គឺបក្ស AKP។ ស្របពេលដែល​​​លោកអ៊ែរដូហ្កាន់ ប្រធានាធិបតីតួកគី អះអាងថា ​នេះគឺជាការបោះជំហាន​ដើម្បីកសាងសន្តិភាព​ តែអ្នកវិភាគខ្លះលើកឡើងថា លោកអ៊ែរដូហ្កាន់នឹងកាន់តែក្តាប់អំណាចពេញដៃ​ លែងមាន​ចលនាប្រឆាំង​។

នៅក្នុង​ក្របខ័ណ្ឌ​នៃ​កម្មវិធី​ជនភៀសខ្លួន​ពិសេស​របស់​លោកដូណាល់ ត្រាំ​ ប្រជាជនអាហ្រ្វិកខាងត្បូងស្បែកស​មួយក្រុមដែលមានគ្នីគ្នា​ចំនួន​៤៩នាក់​បាន​ទទួល​សិទ្ធិជ្រកកោន​ទៅរស់នៅ​សហរដ្ឋអាមេរិក ក្នុងនាមជាជនភៀសខ្លួន។ កាលពីថ្ងៃអាទិត្យ​ទី​១១​ឧសភាម្សិលមិញ ពួកគេ​ទាំងនោះ​បានធ្វើដំណើរតាម​យន្តហោះចាកចេញពីទឹកដីអាហ្វ្រិកខាងត្បូង សំដៅ​ រដ្ឋធានីវ៉ាស៊ីនតោន មុននឹង​ទៅតាំង​ទីជា​អចិន្ត្រៃយ៍​នៅ​រដ្ឋ​តិចសាស់។

សំណុំរឿងកាប់បំផ្លាញព្រៃឈើបានទាញចំណាប់អារម្មណ៍ពីសាធារណជនជាថ្មីទៀត បន្ទាប់ពីសហគមន៍ជនជាតិដើមភាគតិចកួយភូមិប្រមេរ ក្នុងឃុំប្រមេរ ស្រុកត្បែងមានជ័យ ខេត្តព្រះវិហារ បានរកឃើញករណីបំផ្លិចបំផ្លាញព្រៃឈើក្នុងដែនជម្រកសត្វព្រៃព្រះរការ។ អ្នកការពារបរិស្ថានថា ក្រសួងបរិស្ថាន និងអាជ្ញាធរពាក់ព័ន្ធគួរបើកការស៊ើបអង្កេតឲ្យបានល្អិតល្អន់ តាមប្រមាញ់ជនបង្កបទល្មើសព្រៃឈើក្នុងតំបន់ការពារ និងបិទបញ្ចប់ការសាចទឹកដាក់គ្នាទៅវិញទៅមករវាងពលរដ្ឋដែលឃ្លាំមើលធនធានព្រៃឈើ និងអាជ្ញាធរទទួលបន្ទុកអភិរក្សតំបន់ការពារ។

តាមគម្រោង សមាជរួមគ្នារវាងរដ្ឋសភា និងព្រឹទ្ធសភានឹងធ្វើឡើងរយៈពេល ២ថ្ងៃចាប់ពីថ្ងៃទី២ ដល់ទី៣ ខែមិថុនាឆ្នាំ២០២៥។ កម្មវត្ថុ គឺបើកផ្លូវឲ្យមានការពិភាក្សារវាងសភាទាំងពីរដើម្បីរកដំណោះស្រាយឲ្យបញ្ហាសំខាន់ៗនានាជូនប្រទេសជាតិ។ អ្នកនយោបាយ និងអ្នកសង្កេតការណ៍បានគាំទ្រឲ្យមានការរៀបចំសមាជបែបនេះ ដោយពួកគេឆ្លៀតរំលេចពីបញ្ហាធំៗមួយចំនួនរបស់ជាតិដែលជាការចង់បានរបស់ពលរដ្ឋដើម្បីយកទៅពិភាក្សារកដំណោះស្រាយ។

ចិននិងសហរដ្ឋអាមេរិក បានចាប់ផ្តើមចរចាគ្នា កាលពីថ្ងៃសៅរ៍សប្តាហ៍​កន្លងទៅ​ ដើម្បីដោះស្រាយ​បញ្ហាសង្គ្រាមពាណិជ្ជកម្ម​។ ក្រោយការចរចាបាន២ថ្ងៃ នៅព្រឹកថ្ងៃចន្ទទី​១២ឧសភា​ ភាគីទាំង២បានប្រកាសដំណឹងល្អ អំពីលទ្ធផលវិជ្ជមាន​។ ​មហាអំណាចសេដ្ឋកិច្ចទាំង​២ បានព្រមព្រៀងគ្នា​ផ្អាកការអនុវត្ត​អត្រាពន្ធខ្ពស់​កប់ពពករយៈពេល​៩០ថ្ងៃ ដើម្បី​បន្តការចរចា ស្វែងរកដំណោះស្រាយ​ជាស្ថាពរ បិទបញ្ចប់សង្គ្រាមពាណិជ្ជកម្មដែល​បំផុសឡើង ដោយរដ្ឋបាល​​លោកដូណាល់ ត្រាំ​។​

ក្នុងសវនាការនៅព្រឹកថ្ងៃទី១២ ឧសភានេះ សាលាឧទ្ធរណ៍បានបដិសេធសំណើសុំស្តារនីតិសម្បទា ឬការផ្ដល់សិទ្ធិធ្វើនយោបាយឡើងវិញរបស់លោក រ៉ុង ឈុន ទីប្រឹក្សាគណបក្សកម្លាំងជាតិ។ ការបដិសេធលើសំណើនេះត្រូវបានតុលាការលើកយកហេតុផលទៅពន្យល់ថា លោក រ៉ុង ឈុន មិនបានផ្តល់ភស្តុតាងគ្រប់គ្រាន់ពាក់ព័ន្ធនឹងការសងសំណងជំងឺចិត្តដល់ដើមបណ្តឹងទេ។

នៅក្នុងចំណោមប្រធានរឿងដ៏រសើបនៅក្នុងនយោបាយខ្មែរ បញ្ហាព្រំដែនគឺជាចំណុចក្តៅមួយដែលអ្នកនយោបាយ និងសកម្មជនលើកយកមកធ្វើជាអាវុធសម្រាប់វាយប្រហារគ្នា ពិសេសការដាក់បន្ទុករបស់ក្រុមអ្នកនយោបាយប្រឆាំងទៅលើរដ្ឋាភិបាល។ តែប្រធានបទព្រំដែននេះអាចនឹងធូរស្រាលវិញរវាងខ្មែរ និងខ្មែរ ប្រសិនបើរដ្ឋាភិបាលកម្ពុជាអាចសម្រេចបាននូវលទ្ធផលជាវិជ្ជមានជាមួយប្រទេសជិតខាង។

នៅក្នុង​ក្របខ័ណ្ឌ​នៃ​កម្មវិធី​ជនភៀសខ្លួន​ពិសេស​របស់​លោកដូណាល់ ត្រាំ​ ប្រជាជនអាហ្រ្វិកខាងត្បូងស្បែកស​មួយក្រុមដែលមានគ្នីគ្នា​ចំនួន​៤៩នាក់​បាន​ទទួល​សិទ្ធិជ្រកកោន​ទៅរស់នៅ​សហរដ្ឋអាមេរិក ក្នុងនាមជាជនភៀសខ្លួន។ កាលពីថ្ងៃអាទិត្យ​ទី​១១​ឧសភាម្សិលមិញ ពួកគេ​ទាំងនោះ​បានធ្វើដំណើរតាម​យន្តហោះចាកចេញពីទឹកដីអាហ្វ្រិកខាងត្បូង សំដៅ​ រដ្ឋធានីវ៉ាស៊ីនតោន មុននឹង​ទៅតាំង​ទីជា​អចិន្ត្រៃយ៍​នៅ​រដ្ឋ​តិចសាស់។

ប្រមុខការទូតអ៊ីស្រាអែលបានឲ្យដឹងថា អ៊ីស្រាអែលគាំទ្រយ៉ាងពេញទំហឹង ចំពោះគំនិតផ្តួចផ្តើមរបស់រដ្ឋបាលលោកដូណាល់ ត្រាំ ជុំវិញផែនការផ្តល់ជំនួយមនុស្សធម៌ទៅដល់ប្រជាជនប៉ាឡេស្ទីន នៅតំបន់ហ្កាហ្សា។ ផែនការរបស់សហរដ្ឋអាមេរិកនេះ តម្រូវឲ្យកងទ័ពអ៊ីស្រាអែលជាអ្នកការពារសន្តិសុខ អំឡុងពេលចែកជំនួយមនុស្សធម៌។ រីឯភ្នាក់ឯកជន រួមមានអតីតទាហានអាមេរិក និង បុគ្គលិកអង្គការមនុស្សធម៌ ទទួលបន្ទុកចែកស្បៀងអាហារនិងជំនួយផ្សេងៗ។

នៅក្នុង​ពិធី​សូត្រ​ធម៌​​ប្រចាំ​​ថ្ងៃ​អាទិត្យ​ ជា​លើកដំបូង​ក្នុង​​នាមសម្តេច​សង្ឃ​កាតូលិក សម្តេច​ប៉ាប ឡេអុង១៤ បានពញ្ញាក់​ស្មារតី​​ក្រុម​មហាអំណាច​នៅ​លើ​ពិភពលោក​ទាំង​អស់ឱ្យ​បញ្ឈប់​សង្គ្រាម។ មិន​ត្រូវ​ឱ្យ​មាន​សង្គ្រាម​ទៀត​ទេ ! សម្រាប់​​​សម្តេច​ប៉ាប ឡេអុង​១៤​ដែល​មាន​ជំហរនយោបាយ​បន្ត​ពី​​សម្តេច​ប៉ាប​ហ្វ្រង់ស័រ ពិភពលោក​កំពុង​ធ្លាក់​ក្នុង​សេណារីយ៉ូដ៏អាក្រក់​ ក្នុង​ទម្រង់​ជា​​សង្គ្រាម​លោកលើក​ទីបី ដោយអន្លើ។

ដែនអភិរក្សសហគមន៍នេសាទភូមិថ្មីក្នុងខេត្តកែបធ្លាប់តែជាកន្លែងប្រឈមនឹងបទល្មើសនេសាទ។ តែចាប់តាំងពីឆ្នាំ២០២០ មក រដ្ឋបាលជលផល និងអង្គការដៃគូបានទម្លាក់ថ្មសិប្បនិម្មិតចូលសមុទ្រដើម្បីជួយបង្កើនទីជម្រកដល់ជីវចម្រុះ និងទប់ស្កាត់បទល្មើសផ្សេងៗ។ ប្រជានេសាទក្នុងសហគមន៍អះអាងថា វិធានការទម្លាក់ថ្មសិប្បនិម្មិតនេះមានប្រសិទ្ធិភាពខ្ពស់ក្នុងការអភិរក្សធនធានជលផល និងបានស្នើក្រសួងកសិកម្មឲ្យពិនិត្យមើលលទ្ធភាពក្នុងការទម្លាក់ថ្មសិប្បនិម្មិតបន្ថែមទៀត។

នៅថ្ងៃ​អាទិត្យ​ទី​១១​ឧសភា​នេះ អាល់បានី រៀប​ចំ​បោះឆ្នោត​សភា ដែល​មាន​អត្ថន័យ​សំខាន់​ខ្លាំង​លើស​សព្វដង សម្រាប់​អ្នក​ស្រមៃ​ចង់​ក្លាយ​ជា​សមាជិក​សហភាព​អឺរ៉ុប។ ជា​ប្រទេស​ដ៏​តូច​មួយ​នៅក្នុង​ឧបទ្វីប​​បាល់កង់ ពលរដ្ឋ​អាល់បានី ត្រូវ​ជ្រើសរើស​រវាង​បក្ស​របស់​នាយករដ្ឋមន្ត្រី​កំពុង​កាន់​អំណាច និង​បក្ស​ប្រឆាំង​ដែល​ធ្វើ​គ្រប់​យ៉ាង​ដើម្បី​ទម្លាក់​រដ្ឋាភិបាល​ចាស់។

ថ្ងៃអាទិត្យទី ១១ ឧសភា លោកប្រធានាធិបតីរុស្ស៊ី វ៉្លាឌីមៀរ ពូទីន បានស្នើឲ្យបើកការ ចរចា ដោយ​”ត្រង់ផ្ទាល់” និង “ដោយគ្មានលក្ខខណ្ឌជាមុន” រវាងរុស្ស៊ីនិងអ៊ុយក្រែន នៅថ្ងៃព្រហស្បត៏ទី ១៥ ឧសភា ក្នុងក្រុង អ៊ីស្តង់ប៊ូល ប្រទេសទួកគី បានន័យថា លោក​ច្រានចោល​រាល់​ការពិភាក្សា​ដើម្បីបទឈប់បាញ់ ជាយថាហេតុ ដែលទាមទារដោយបណ្តាសម្ព័ន្ធមិត្តរបស់ក្រុងកៀវ។

បន្ទាប់ពីបានវាយប្រហារគ្នាទៅវិញទៅមកយ៉ាងសន្ធាប់ ៤ថ្ងៃជាប់គ្នា ឥណ្ឌានិងប៉ាគីស្ថានសុខចិត្តទទួលយកបទឈប់បាញ់ទាំងស្រុង និងជាបន្ទាន់ តាមសំណើរបស់អាមេរិក កាលពីថ្ងៃសៅរ៍ ទី១០ ឧសភា។ ក៏ប៉ុន្តែភាគីជម្លោះទាំងពីរបន្តប្រយុទ្ធគ្នា​ នៅតាមបណ្តោយព្រំដែនក្នុង​តំបន់​កាស្មៀរ រហូតដល់ព្រឹកថ្ងៃអាទិត្យ ដោយបានចោទដាក់គ្នាអំពីការរំលោភបទឈប់បាញ់នេះ។

នាប៉ុន្មាន​ថ្ងៃ​មក​នេះ ​មាន​ការ​ជជែក​យ៉ាង​ផុល​ផុស​នៅ​តាម​បណ្តាញ​សង្គម​អំពី​ជំនឿ​អរូបិយ​ ឬ​មន្ត​អាគម​ ខណៈ​ដែល​តារា​ចម្រៀង​ល្បី​ឈ្មោះ​ មាស សុខ​សោភា ​ប្រកាស​ចែក​ផ្លូវ​គ្នា​ជា​មួយ​ស្វាមី​ បន្ទាប់​ពី​នាង​មាន​ជំនឿ​ទៅ​លើ​បុរស​ម្នាក់​ដែល​តាំង​ខ្លួន​ឯង​ជា«​តាបស»​នៅ​លើ​ភ្នំ​ត្បែង​។ ​មាស សុខសោភា ​បាន​អំពាវ​នាវ​ឲ្យ​អតីត​ស្វាមី​របស់​ខ្លួន​ដក​ពាក្យ​បណ្តឹង​ដែល​ប្តឹង​«​បុរស​ដែល​តាំង​ខ្លួន​ជា​តាបស»​នោះ ​ពី​បទ​ឆ​បោក​ប្រាក់​២៣​ម៉ឺន​ដុល្លារ​។​ អ្នក​តាម​ដាន​សង្គម លើក​នូវ​ពាក្យ​ស្លោក​បុរាណ​របស់​ខ្មែរ​មករម្លឹកថា ​«មន្តអាគម​ផ្សំ​ជីវិត​ តែ​បើ​ជឿ​មិន​ចេះ​គិត​ធ្វើ​ឲ្យ​ជីវិត​អន្តរាយ​»។