មានករណីបាញ់រះ​សម្លាប់មនុស្ស​មួយ កើតឡើង​នៅទីក្រុង​ ហ្គ្រាហ្ស (Graz) ភាគអាគ្នេយ៍​ប្រទេសអូទ្រីស កាលពី​ព្រឹកថ្ងៃអង្គារទី​១០​មិថុនា។ ផ្អែកតាម​សមត្ថកិច្ច​អូទ្រីស មាន​សិស្សសាលាចំនួន​៩​នាក់បានស្លាប់ ចំណែក​ជនដៃដល់ អាយុ​២១ឆ្នាំ ​ជាអតីតសិស្សនៅសាលារៀននេះ បានបាញ់សម្លាប់ខ្លួនឯង។

នៅទីក្រុងLos Angeles ក្នុងរដ្ឋកាលីហ្វ័រញ៉ា បាតុកម្មតវ៉ាប្រឆាំងនឹងការចាប់បណ្តេញជនអន្តោប្រវេសន៍បានរីករាលដាលទៅជាការដំឡើងសរសៃ ក ប្តឹងផ្តល់គ្នារវាងលោកប្រធានាធិបតីដូណាល់ ត្រាំ និងអាជ្ញាធរគ្រប់គ្រងរដ្ឋ។ បន្ទាប់ពីលោកដូណាល់ ត្រាំប្រកាសបញ្ជូនទាហានម៉ារីន ៧០០នាក់ និងឆ្មាំជាតិ២ពាន់នាក់បន្ថែមទៀតទៅពង្រឹងសន្តិសុខ ការពារប៉ូលិសអន្តោប្រវេសន៍នៅទីក្រុង Los Angeles អភិបាលរដ្ឋកាលីហ្វ័រញ៉ាកាលពីថ្ងៃចន្ទទី ៩ មិថុនា បានដាក់ពាក្យបណ្តឹងទៅតុលាការដើម្បីប្តឹងលោកដូណាល់ ត្រាំ ពីបទរំលោភដែនអធិបតេយ្យភាពរដ្ឋដែលមានចែងនៅក្នុងមាត្រា១០នៃរដ្ឋធម្មនុញ្ញអាមេរិក។

​ទិវា​ពិភពលោក​ប្រឆាំងនឹង​ថ្នាំ​ជក់ ​ឆ្នាំ​២០២៥ ​ផ្តោត​ប្រធានបទ​ទៅ​លើ​ឥទ្ធិពល​អាក្រក់​នៃ​ឧស្សាហកម្ម​ថ្នាំជក់​ទៅ​លើ​យុវវ័យ។ ដើម្បី​ទាក់ទាញ​ក្មេង​ឱ្យ​ជក់ ឧស្សាហកម្ម​បាន​ប្រើ​ក្លិន ប្រើ​រសជាតិ​បន្ថែម កែច្នៃប្តូរ​ទម្រង់ ​ផ្លាស់​របៀប​ជក់​ បង្កើត​ផលិតផល​បារី​អេឡិចត្រូនិកថ្មី​ៗ​ ប្លែកៗ។ បើ​តាម​​របាយការណ៍​របស់​អង្គការ​សហប្រជាជាតិ ការ​ជក់​បារី​អេឡិចត្រូនិក​បាន​កើន​ឡើង​នៅ​ទូទាំងពិភពលោក ក្នុង​ចំណោម​ក្មេង​ជំទង់​និង​ក្មេង​ទើប​ពេញ​វ័យ​​។ តើ​បារីអេឡិចត្រូនិក​ជា​អ្វី ? អាច​បង្ក​គ្រោះ​ថ្នាក់​ដល់​សុខភាព និង​នាំ​ឱ្យ​ញៀន​ដូច​បារី​ធ្វើ​ពី​ថ្នាំជក់​ដែរទេ?

មន្ត្រី​ច្រក​ទ្វារ​អន្តរ​ជាតិ​ប៉ោយ​ប៉ែត​ខាង​ភាគី​កម្ពុជា ​បាន​បដិសេធ​សំណើ​ផ្ទាល់​មាត់​របស់​មន្ត្រី​ច្រក​ទ្វារ​អន្តរ​ជាតិ​ខ្លង​លឹក​ខាង​ភាគី​ថៃ​ ដែល​ស្នើ​ឲ្យ​កម្ពុជា​បើក​ទ្វារ​ព្រំ​ដែន​នៅ​ម៉ោង​៨​ព្រឹក​វិញ​។​ ក៏ប៉ុន្តែ​មន្ត្រី​ច្រក​ទ្វារ​ខាង​ភាគី​កម្ពុជា​ឆ្លើយ​តប​ថា កម្ពុជា​នៅ​រក្សា​ជំហរ​ដដែល​គឺ​បើក​ទ្វារ​ព្រំ​ដែន​នៅម៉ោង​៩ព្រឹក​។​ ការ​ដែល​កម្ពុជា​ពន្យារ​ពេល​បើក​ទ្វារ​ព្រំដែន​បែប​នេះ ធ្វើ​ឡើង​បន្ទាប់ពី​ អាជ្ញាធរ​ថៃ​បាន​សម្រេច​ជា​ឯក​តោភាគី ​កាល​ពី​ចុង​សប្តាហ៍​មុន​ ដោយ​សម្រេច​បិទទ្វារ​ព្រំដែន​នៅម៉ោង​៤​រសៀល គឺ​មុន​ម៉ោង​ដែល​បាន​កំណត់​។

នៅក្នុងខែឧសភា ឆ្នាំ២០២៥ កម្ពុជាទទួលបានគម្រោងវិនិយោគថ្មីចំនួន ៥៩ មានទំហំទុនវិនិយោគប្រមាណ ៨១៦លានដុល្លារ និងបានបង្កើតឱកាសការងារចំនួន ៧៧ពាន់កន្លែងក្នុងប្រទេស។ ជាការកត់សម្គាល់ក្នុងចំណោមគម្រោងវិនិយោគទាំងអស់ ចិនជាប្រទេសឈានមុខគេក្នុងការបោះទុន ដែលសរុបជាទឹកប្រាក់ចំនួនជាង ៦៩១លានដុល្លារ ឬស្មើនឹង ៨៤,៨%។ នេះបើតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជានៅថ្ងៃទី១០ ខែមិថុនា ឆ្នាំ២០២៥។

លោកប្រធានាធិបតីចិន ស៊ី ជីនពីង បានទូរស័ព្ទនិយាយគ្នាជាមួយលោកប្រធានាធិបតីកូរ៉េខាងត្បូង លី ចែម្យុង ដែលទើបតែជាប់ឆ្នោតកាលពីពេលថ្មីៗនេះ។ ក្នុងពេលសន្ទនាគ្នា លោក ស៊ី ជីនពីង បានសំណូមពរឲ្យលោក លី ចែម្យុង រួមគ្នាសហការដើម្បីការពារការដោះដូរពាណិជ្ជកម្មសេរី និងដើម្បីការពារលំនឹងស្ថិរភាពសេដ្ឋកិច្ចពិភពលោក។ ដោយមិនចុចឲ្យចំឈ្មោះ តែសម្តីលោកស៊ី ជីនពីង បានសំដៅដោយប្រយោលទៅលើលោកដូណាល់ ត្រាំ ដែលបានធ្វើសង្គ្រាមពាណិជ្ជកម្ម និងបានប្រើសម្តីចោទថាចិនជាអ្នកបង្កអស្ថិរភាពនៅអាស៊ីប៉ាស៊ីហ្វិក។

សហព័ន្ធឧស្សាហកម្មថៃ (FTI) បានព្រមាននៅថ្ងៃអង្គារទី១០ ខែមិថុនានេះថា វិធានការ​បិទ​ព្រំដែន​កម្ពុជា-ថៃ អាច​ប៉ះ​ពាល់​ពាណិជ្ជកម្ម​តាម​ព្រំដែនរបស់ប្រទេស២ ​ដែល​មាន​តម្លៃ ១៧០ ពាន់​លាន​បាត ឬប្រមាណ ៥ពាន់២រយលានដុល្លារ។ នេះបើតាមការចុះផ្សាយដោយកាសែតថៃ The Nation និងបានបន្ថែមថា វិធានការកំណត់ម៉ោងចេញ-ចូលច្រកព្រំដែននេះ កំពុងចាប់ផ្តើមទទួលប៉ះពាល់ដល់ផ្នែកពាណិជ្ជកម្ម និងរំខានដល់ការដឹកជញ្ជូនទំនិញឆ្លងកាត់ព្រំដែនរវាងប្រទេសទាំង២។

ក្រសួងសាធារណការ និងដឹកជញ្ចូនបានឲ្យដឹងថា ដំណើរការប្រមូលទិន្នន័យ ផ្ទៀងផ្ទាត់និយាមកា និងបោះបង្គោលព្រំដីព្រែកជីកហ្វូណន បានធ្វើឡើងដោយរលូនតាមការគ្រោងទុក ទោះបីជាជួបប្រទះបញ្ហាមួយចំនួនក៏ដោយ។ តាមក្រសួងសាធារណការ បើគ្មានអ្វីប្រែប្រួលទេ គម្រោងព្រែកជីកហ្វូណនតេជោ គ្រោងចាប់ផ្ដើមសាងសង់ជាផ្លូវការនៅខែវិច្ឆិកាឆ្នាំ២០២៥ខាងមុខ។

លោក ហ៊ុន សែន បាន​ស្នើឱ្យថៃ​​បញ្ជូនលោក​ អែម ពិសិដ្ឋ សកម្មជនប្រឆាំង និងជាប្រ​ធានបណ្តាញយុវជនកម្ពុជាសកល ប្រចាំប្រទេសថៃ ​មកឱ្យអាជ្ញាធរកម្ពុជា​​​​​ចាត់ការតាមផ្លូវច្បាប់ បន្ទាប់ពីជននេះបានថតសម្តែងជាកងទ័ពរិះគន់​រដ្ឋា​ភិបាលកម្ពុជា​​​​​។ ​តាមលោក ហ៊ុន សែន​ ​​លោក អែម ពិសិដ្ឋ បានឃុបឃិតជាមួយបរទេសមកបំផ្លាញខ្មែរ​ ខណៈប្រទេសកំណើតរបស់ខ្លួនកំពុងប្រឈម​​នឹងការឈ្លានពាន​របស់បរទេស​។

លោក​នាយក​រដ្ឋ​មន្ត្រី​ ហ៊ុន ម៉ាណែត បាន​បញ្ជាក់​ឡើង​វិញ​នៅ​ថ្ងៃ​ទី​៩ ខែ​មិថុនា​ថា​ រដ្ឋាភិបាល​កម្ពុជា​នឹង​បន្ត​រក្សា​ទំនាក់​ទំនង​រវាង​ប្រទេស​កម្ពុជា និង​ថៃ តាម​គ្រប់​យន្ត​ការ​ដែល​មាន​ស្រាប់ ​ដើម្បីជា​ប្រយោជន៍​សម្រាប់​ប្រជា​ពលរដ្ឋ​នៃ​ប្រទេស​ទាំង​ពីរ​។​ បើ​តាម​ប្រមុខ​រដ្ឋា​ភិបាល​កម្ពុជា ​ក្នុង​ករណី​ចាំបាច់​ ដូចជា​ករណី​ប្រា​សាទតាមាន់​ធំ ​ប្រាសាទ​តាមាន់​តូច​ ប្រាសាទ​តាក្របី និង​តំបន់​មុំបី ​កម្ពុជា​នឹង​បញ្ជូន​សំណុំ​រឿង​នេះ​ទៅ​តុលា​ការ​យុត្តិ​ធម៌​អន្តរ​ជាតិ​(ICJ)​នៅ​ទីក្រុង​ឡាអេ​។

ចាប់ពីថ្ងៃសៅរ៍ទី៧ ខែមិថុនា ឆ្នាំ២០២៥ ថៃបានសម្រេចជាឯកតោភាគីបិទច្រករបៀងព្រំដែនជាមួយកម្ពុជា ខណៈច្រកទ្វារអន្តរជាតិនៅជាប់ខាងកម្ពុជាក៏ថៃដាក់កំហិតម៉ោងចេញ-ចូលផងដែរ។ ការណ៍នេះបានបង្កការលំបាកដល់ប្រជាពលរដ្ឋដែលរស់នៅតាមច្រកទាំងនោះ ដូចយ៉ាងនៅច្រកទ្វារអន្តរជាតិប៉ោយប៉ែត។ នៅថ្ងៃទី១០ ខែមិថុនា ឆ្នាំ២០២៥នេះ ហ៊ុល រស្មី អ្នកយកព័ត៌មានវិទ្យុបារាំងអន្តរជាតិ RFI កំពុងស្ថិតក្នុងតំបន់ច្រកទ្វារអន្តរជាតិ ប៉ោយប៉ែត ជាទីដែលការបើកច្រកទ្វារត្រូវបានប្តូរពីម៉ោង ៦ ទៅម៉ោង ៩ នៅពេលព្រឹក និងបិទនៅម៉ោង ៤រសៀល។ ពោលគឺខុសពីពេលមុនដែលច្រកទ្វារអន្តរជាតិប៉ោយប៉ែតត្រូវបានបិទនៅម៉ោង១០យប់។

ប្រជាសហគមន៍ក្នុងតំបន់ឆ្នេរខេត្តកំពត បានចែករំលែកបទពិសោធន៍របស់ពួកគេក្នុងការចូលរួមការពារអភិរក្ស និងស្តារប្រព័ន្ធអេកូឡូស៊ីក្នុងសមុទ្រកម្ពុជា។ ទោះប្រឈមនឹងបញ្ហាជាច្រើន ប៉ុន្តែប្រជាសហគមន៍នៅតែបន្តសកម្មភាពរបស់ខ្លួន រហូតដល់អាចរក្សាបាននូវដើមកោងកាង និងជីវៈចម្រុះក្នុងសមុទ្រកម្ពុជា។ ក្នុងន័យនេះ ពួកគេចង់ឃើញយុវជនជំនាន់ក្រោយ បន្តចូលរួមការងារការពារបរិស្ថាន ដើម្បីអភិរក្សធនធានក្នុងសមុទ្រឲ្យស្ថិតនៅបានគង់វង្សតទៅទៀត។

នាវា​ផ្ទុកកុងទឺនឺមួយគ្រឿង ដោតទង់ជាតិ​សិង្ហបុរី បានត្រូវអគ្គីភ័យឆាបឆេះ​ក្នុងមហាសមុទ្រឥណ្ឌា ថ្ងៃទី​៩​មិថុនា​​ មិនឆ្ងាយ​ប៉ុន្មានពីឆ្នេរខាងត្បូងប្រទេសឥណ្ឌា។ អគ្គីភ័យ​ដែលបាន​ឆាបឆេះបន្ទាប់ពី​មាន​កុងទឺនឺមួយផ្ទុះ​។ អាជ្ញាធរសិង្ហបុរីវិញ បានឲ្យដឹងថាមាន​បុគ្គលិកធ្វើការ​នៅលើ​កាប៉ាល់ ​របួសនិង​បាត់ខ្លួនច្រើននាក់ បន្ទាប់ពីជួប​ហេតុការណ៍​នេះ​។

ការប្រែប្រួលអាកាសធាតុ​ជាដើមចម​នៃ​រលកធ្វើអត្តឃាត​ក្នុង​ចំណោម​កសិករ​ឥណ្ឌា ជាពិសេស​នៅ​រដ្ឋ Maharashtra ​ភាគខាងលិច​ប្រទេស​ដែល​រងគ្រោះខ្លាំងជាងគេ​។ យោងតាម​ក្រសួង​កសិកម្ម​ឥណ្ឌា ក្នុង​ចន្លោះ​ឆ្នាំ ២០២២ និង​ឆ្នាំ​២០២៤ កសិករ​ជាង​៣ពាន់នាក់​ធ្វើអត្តឃាតខ្លួន ពោលគឺ សម្លាប់ខ្លួនឯង ៣នាក់​ក្នុង​មួយថ្ងៃៗ ដោយសារបញ្ហាជំពាក់បំណុល ការនិង​ធ្លាក់ចុះទិន្នផលជាដើម។

ជំនួបកំពូលពិភពលោក​ស្តីពីមហាសមុទ្រ បានចាប់ផ្តើម​បើកទ្វារនៅទីក្រុង​នីស ភាគខាងត្បូងប្រទេសបារាំង នៅថ្ងៃចន្ទទី​៩​មិថុនា​​។ ថ្នាក់ដឹកនាំ​ ប្រមុខរដ្ឋាភិបាល​​ ប្រមាណ​ជាង​៦០ប្រទេស នឹងមានវត្តមាននៅក្នុង​ជំនួបកំពូលនេះ ជាមួយ​នឹង​ការប្តេជ្ញាសន្យាជាច្រើនចំណុច ដើម្បី​ឈានទៅ​ការពារ អភិរក្សធនធានក៏ដូចជាប្រព័ន្ធជីវៈចម្រុះសមុទ្រ​។ បារាំងដែលជាប្រទេសម្ចាស់ផ្ទះ សង្ឃឹមថានឹងមានប្រទេសកាន់តែច្រើន ដែល​នឹង​ចុះហត្ថលេខា​ផ្តល់ស​ច្ចាប័នចំពោះសន្ធិសញ្ញាអន្តរជាតិស្តីពីនាយសមុទ្រ​។

អគ្គនាយកដ្ឋានសេដ្ឋកិច្ចឌីជីថល នៃក្រសួងសេដ្ឋ​កិច្ច​បានក្រើនរំឮកឱ្យពលរដ្ឋមានការប្រុងប្រយ័ត្នចំពោះករណីឆបោក តាមរយៈការប្រើប្រាស់បច្ចេកវិទ្យាទំនើបនៃបញ្ញាសិប្បនិម្មិត ឬ AI។ តាមសំណេររបស់ខ្លួននៅថ្ងៃទី៦ មិថុនា ឆ្នាំ២០២៥ អគ្គនាយកដ្ឋានសេដ្ឋកិច្ចឌីជីថលបានបង្ហាញពីសញ្ញាដែលគួរសម្គាល់ ដើម្បីជៀសវាងការចាញ់បោកក្នុងរូបភាពណាមួយ។ ដោយឡែកអ្នកតាមដានសង្គមស្នើឱ្យរដ្ឋាភិបាលផ្សព្វផ្សាយឱ្យកាន់តែទូលំទូលាយបន្ថែមទៀត ខណៈចង់ឱ្យមានការការពារសុវត្ថិភាព និងសីលធម៌ក្នុងសង្គម។

ស្ថិតនៅក្នុងបរិបទនៃការផ្លាស់ប្តូរពិភពលោក បរិបទនៃការប្រកួតប្រជែង តម្រូវការទីផ្សារការងារ និងការរីកចម្រើនផ្នែកបច្ចេកវិទ្យាថ្មីៗ ការសិក្សាភាសាបារាំងអាចជាស្ពានចម្លងមួយឆ្ពោះទៅរកវិជ្ជា និងអាជីពសំខាន់ផ្សេងៗទៀត។ ប៉ុន្តែ តើជម្រើសនៃការសិក្សាភាសាបារាំង និងការបន្តកាសិក្សាថ្នាក់ឧត្តមសិក្សានៅប្រទសបារាំង នៅមានតម្រូវការនិងភាពចាំបាច់យ៉ាងណាសម្រាប់អតីតនិស្សិតកម្ពុជានាពេលកន្លងមក និងក្នុងពេលបច្ចុប្បន្ន?  

ការនាំចេញ​របស់​ប្រទេស​ចិន​កាលពី​ខែ​ឧសភា​បានធ្លាក់ថយចុះគួរឲ្យកត់សំគាល់ បើប្រៀបធៀប​នឹង​ខែ​មេសា។ យោងតាម​ស្ថិតិផ្លូវការដែល​​នាយកដ្ឋានគយចិនចុះផ្សាយ​នៅថ្ងៃ​ចន្ទទី​៩​មិថុនានេះ កំណើននៃការនាំចេញរបស់​ចិន​ នៅ​ខែ​ឧសភា​​មាន​តែ​៤,៨% ពោលគឺ​តិចជាង​ការព្យាករទុក​ ដែល​អ្នកសេដ្ឋកិច្ច​បាន​ដៅ​កំណត់​ដល់ទៅ​៦%។ ការនាំចេញ​ទំនិញ​របស់​ចិន​ទៅ​សហរដ្ឋអាមេរិក​បាន​ធ្លាក់ចុះ​ខ្លាំង ដោយសារ​តែ​សង្រ្គាមពាណិជ្ជកម្ម រនាំងពន្ធគយ​របស់​រដ្ឋបាលអាមេរិក។ ចិនបង្ហាញ​របាយការណ៍​ស្តីពីការនាំចេញ​របស់ខ្លួន នៅថ្ងៃចន្ទទី ៩ ចំថ្ងៃ​ដែល​ភាគី​ចិន​កំពុង​បើកការចរចាពាណិជ្ជកម្ម​ជុំទី​២​ជាមួយ​អាមេរិក​នៅទីក្រុង​ឡុងដ៍ នៅក្នុង​គោលដៅ​បន្ថយ​ភាពតានតឹង​ ដោយសារ​សង្រ្គាមដំឡើងពន្ធដាក់គ្នា ដែលផ្តើមឡើង​ដោយ​រដ្ឋបាល​លោកដូណាល់ ត្រាំ។

​លោក ហ៊ុន សែន ប្រធានព្រឹទ្ធសភាកម្ពុជា នៅថ្ងៃទី​៨មិថុនា ឆ្នាំ​២០២៥ បានអះអាងថា ​​មេបញ្ជា​ការកងទ័ព​កម្ពុជា និងថៃបានព្រមព្រៀង​​កែសម្រួល​កម្លាំង​ទ័ព​នៅតំបន់មានជម្លោះ​ ក្រោមហេតុផលបញ្ជៀស​​ការប៉ះទង្គិច​គ្នាដោយបង្ហូរឈាមក្នុងទ្រង់ទ្រាយធំ​។ ​ការព្រមព្រៀង​យ៉ាងដូច្នេះ​ត្រូវបាន​មតិ​សាធារណៈ និងក្រុមជាតិនិយមខ្មែរ​ខ្លះ​ចាត់ទុកជាការលុតជង្គង់​ ឬការចុះញ៉មជាមួយ​​​ភាគីថៃ​។​ ​តែលោក ហ៊ុន សែន បានបញ្ជាក់ថា ទោះមានការ​​​​កែសម្រួលកម្លាំងទ័ពនៅព្រំដែនថៃ កម្ពុជានៅតែបន្តប្តឹងទៅ​តុលាការយុត្តិធម៌អន្តរជាតិ ICJ និង​គ្មានការកែសម្រួល​បន្ទាត់ព្រំដែន​អ្វីទាំងអស់​។

អតីត​នាយក​រដ្ឋ​មន្ត្រី​កម្ពុជា លោក ហ៊ុន សែន បាន​អះអាង​នៅ​ល្ងាច​ថ្ងៃ​ទី​៨​មិថុនា​ថា ការ​កែ​សម្រួល​កម្លាំង​កង​ទ័ព​នៅ​តំបន់​មាន​ជម្លោះ​ដែល​ស្រុះស្រួល​គ្នា​រវាង​មេបញ្ជា​ការ​កង​ទ័ព​នៃ​ប្រទេស​ទាំង​ពីរ ​គឺកម្ពុជា និងថៃ ដើម្បី​កុំ​ឲ្យ​ប៉ះទង្គិច​បង្ហូរ​ឈាម​ទ្រង់​ទ្រាយ​ធំ​គឺ​ជា​រឿង​ចាំ​បាច់​។​ តែ​អ្នក​តាម​ដាន​សភាពការណ៍​ខ្លះ​ យល់ថា ​ការ​សម្រេច​ចិត្ត​បែប​នេះ​របស់​កម្ពុជា​ គឺ​ចាញ់​ប្រៀប​ថៃ​។

សិល្បករកូនកាត់ខ្មែរបារាំង លោកអ៊ីងភូ សេរ៉ាបានចូលរួមចំណែក គាស់កកាយប្រលោមលោករបស់អ្នកនិពន្ធខ្មែរដ៏ល្បីឈ្មោះ សុទ្ធ ប៉ូលីនឲ្យកើតរស់មានជីវិតឡើងវិញ។ នៅខែមេសាកន្លងទៅ រោងពុម្ពបារាំង La Table Ronde បានសម្រេចបោះពុម្ពផ្សាយ សៀវភៅរឿងប្រលោមលោក L’Anarchiste របស់លោកសុទ្ធប៉ូលីនជាលើកទី៣។ នៅក្នុងការបោះពុម្ពចុងក្រោយ រឿង L’Anarchiste ដែលបង្កប់ដោយខ្លឹមសារនយោបាយ និងព្រឹត្តិការណ៍ប្រវត្តិសាស្រ្ត មានអមជាលើកទី១ រូបភាពគំនូរស្តែងពីកម្ពុជាទសវត្សរ៍ឆ្នាំ ១៩៦០។

ទូក​ដឹកជំនួយ​មនុស្សធម៌មួយ បាន​ធ្វើ​ដំណើរ​តាម​សមុទ្រជាច្រើន​ថ្ងៃ និង​បាន​ទៅ​ជិត​ដល់​ឆ្នេរ​តំបន់​ហ្កាហ្សាហើយ តែ​ត្រូវ​ទាហាន​ជើង​ទឹក​អ៊ីស្រាអែល​ ​ហាម​ឃាត់​ជា​ដាច់ខាត មិន​ឲ្យ​ទូក​នោះចុះចត​នៅ​គោលដៅឡើយ និង​​​បង្ខំឲ្យ​ត្រឡប់​ទៅ​កន្លែង​ដើមវិញ​។ ​មាន​ប្រវែង​​១៨ម៉ែត្រ ទូកមនុស្សធម៌​នេះក៏មាន​សកម្មជន​បរិស្ថាន កញ្ញា Greta Thunberg  និង​តំណាង​រាស្ត្រ​អឺរ៉ុប រួម​ដំណើរ​ផង។​ ​

នៅថ្ងៃអាទិត្យ ទី៨ និង ថ្ងៃចន្ទ ទី៩ មិថុនា ប្រជាជនអ៊ីតាលីប្រមាណ ៥០លាននាក់ ត្រូវបោះឆ្នោតប្រជាមតិលើកំណែទម្រង់ច្បាប់សំខាន់ៗចំនួន ២ ពោលគឺច្បាប់សញ្ជាតិ និងច្បាប់ការងារ។ លក្ខខណ្ឌ​ត្រូវ​កែសម្រួល​ច្បាប់ មា​ន ៥ ចំណុចលម្អិត​  តែជា​សរុប​ ​មាន​គោល​ដៅ​រួម គឺ​បន្ធូរបន្ថយសិទ្ធិសុំសញ្ជាតិសម្រាប់ជនបរទេសក្រៅរង្វង់សហភាពអឺរ៉ុប និង លុបចោលច្បាប់​សេរីភាវូបនីកម្មទីផ្សារការងារ។ ប្រជាជនអ៊ីតាលី នឹងសម្រេចថា តើត្រូវកែប្រែច្បាប់ដែលមានស្រាប់ ឬ រក្សាទុកច្បាប់ចាស់ដដែល។ ​

ថ្ងៃទី៨ មិថុនា គឺជាទិវាបុណ្យសមុទ្រពិភពលោក ដែលជាការរំឭកដល់តួនាទីរបស់មហាសមុទ្រនៅក្នុងជីវិតប្រចាំថ្ងៃរបស់មនុស្ស។ អង្គការ Action Aid សហគមន៍មូលដ្ឋាន និងអាជ្ញាធរពាក់ព័ន្ធ បានរៀបចំកម្មវិធីដាំកូនកោងកាងចំនួន ៣ពាន់ដើមនៅសហគមន៍នេសាទភូមិថ្មី ខេត្តកែប ដើម្បីស្តារ និងអភិរក្សប្រព័ន្ធអេកូឡូស៊ីក្នុងសមុទ្រកម្ពុជា។ តាមរយៈយុទ្ធនាការនេះ សហគមន៍នេសាទ និងអាជ្ញាធរពាក់ព័ន្ធរំពឹងថានឹងធ្វើឲ្យឆ្នេរសមុទ្ររបស់កម្ពុជាសម្បូរដោយធនធានស្មៅសមុទ្រ ផ្កាថ្ម និងព្រៃកោងកាងដ៏ក្រាស់ឡើងវិញ សម្រាប់ទាក់ទាញភ្ញៀវទេសចរបន្ថែមទៀត។ បទយកការណ៍ដោយ​ស៊ឹម ចាន់សំណាង​ ជាមួយជំនួយបច្ចេកទេស​រូបភាព ឈា ប៊ុនរិទ្ធ

នៅព្រឹកថ្ងៃអាទិត្យទី៨មិថុនានេះ ច្រកទ្វារព្រំដែនអន្តរជាតិប៉ោយប៉ែត មានការកកស្ទះខ្លាំង ដោយសារភាគីថៃបានកែសម្រួលការបើកច្រក។ លោក លី សុវណ្ណារិទ្ធ អភិបាលរងខេត្តបន្ទាយមានជ័យ បានបញ្ជាក់ប្រាប់វិទ្យុបារាំងអន្តរជាតិRFI នៅថ្ងៃអាទិត្យនេះថា ភាគីកម្ពុជាបានអនុញ្ញាតឲ្យមានចរន្តឆ្លងដែន នៅម៉ោងប្រមាណ៩ព្រឹក។ ក៏ប៉ុន្តែយ៉ាងណា អាជ្ញាធរខេត្តបន្ទាយមានជ័យ នៅមិនទាន់ដឹងថា ភាគីថៃអាចនឹងកែប្រែ ស្ថានភាពឆ្លងដែន ជាពិសេសសម្រាប់ពលករចំណាកស្រុករបស់កម្ពុជាយ៉ាងណាទៀតទេ។

ថៃបានសម្រេចជាឯកតោភាគីបិទច្រករបៀងព្រំដែនជាមួយកម្ពុជា កាលពីថ្ងៃសៅរ៍ទី៧ ខែមិថុនា ខណៈ​ច្រក​ទ្វារអន្តរជាតិ​នៅជាប់ខាងកម្ពុជាក៏ថៃដាក់​កំហិតម៉ោង​ចេញ-ចូលផងដែរ។ ការ​សម្រេច​ជាឯកតោភាគីរបស់ថៃ​បែបនេះ​ធ្វើឡើងបន្ទាប់ពីយោធាថៃបានបើកការបាញ់ប្រហារមកលើទាហានកម្ពុជាស្លាប់​ម្នាក់នៅត្រង់​ចំណុចមុំបីក្នុង​ខេត្ត​ព្រះវិហារ។ អ្នកជំនាញសេដ្ឋកិច្ចនៅប្រទេសកម្ពុជា​ វាយតម្លៃថា ថៃកំពុងបង្ករឿង និងធ្វើឲ្យខាតប្រយោជន៍ខ្លួនឯងធ្ងន់ ដោយសារតែថៃជាអ្នកលក់ទំនិញក្នុងចំនួនដ៏ច្រើនដល់កម្ពុជា។ អតីតនាយករដ្ឋមន្ត្រីកម្ពុជា លោក ហ៊ុន សែន លើកឡើងថា ពាណិជ្ជករថៃត្រូវសួរទៅរដ្ឋាភិបាលរបស់ខ្លួន ក្នុងករណីមិនអាចនាំទំនិញចូលកម្ពុជាបាន។

ថ្ងៃ​អាទិត្យ ទី​៨មិថុនា  ប្រធានាធិបតី​សហរដ្ឋអាមេរិក​ លោក ដូណាល់ ត្រាំ បាន​ចេញ​បទ​បញ្ជាឲ្យដាក់ពង្រាយប៉ូលិសសហព័ន្ធ ចំនួន ២ ០០០ នាក់ នៅក្នុង​រដ្ឋកាលីហ្វ័រញ៉ា ដើម្បីការពារសន្តិសុខ ក្នុងឱកាសបាតុកម្មប្រឆាំងនឹងការបណ្តេញជនអន្តោប្រវេសន៍ខុសច្បាប់​។ ក្រុមបាតុករបាន​​ធ្វើ​សកម្មភាព​ប្រឆាំង​ និង​បង្ក​ចលាចល​ ជាប់ៗគ្នា ចំនួន​ ​២-៣ថ្ងៃមកហើយ​។​ ចៅហ្វាយ​សេតវិមាន​ ក៏​បាន​រិះគន់​អភិបាល​រដ្ឋ​កាលីហ្វ័រញ៉ា និង​ចៅហ្វាយ​ក្រុង​ Los Angeles ចំពោះការ​បណ្តោយ​ឲ្យ​ហ្វូង​បាតុករ​បង្កភាព​អនាធិបតេយ្យ។

នៅព្រឹកថ្ងៃអាទិត្យទី៨មិថុនានេះ គណបក្សឆន្ទៈខ្មែរ បានធ្វើសមាជដើម្បីកែប្រែលក្ខន្តិកៈមួយចំនួនសម្រាប់ការធ្វើសម្ព័ន្ធភាពជាមួយបក្សដទៃ ក្នុងដំណើរឆ្ពោះទៅរកការបោះឆ្នោតពេលខាងមុខ។ ក្នុងចំណោមលក្ខន្តិកៈដែលកែសម្រួលនោះ គណបក្សដែលមានកៅអីក្នុងព្រឹទ្ធសភាមួយនេះ ក៏មានកែសម្រួលលក្ខខណ្ឌនៃការចងសម្ព័ន្ធភាពជាមួយគណបក្សដទៃ ដើម្បីឲ្យស្របនឹងច្បាប់កំណត់របស់ក្រសួងមហាផ្ទៃ។

នៅកូឡុំប៊ី អនាគតបេក្ខជនប្រធានាធិបតីមកពីគណបក្សស្តាំនិយម ត្រូវខ្មាន់កាំភ្លើងបាញ់ចំនួន ៣គ្រាប់ ក្នុងនោះ ២គ្រាប់ ចំក្បាល ដែលបណ្តាលឲ្យរងរបួសធ្ងន់ធ្ងរ។ ក្រោយកើតហេតុភ្លាមៗ សមត្ថកិច្ចបានចាប់ខ្លួនជនដៃដល់។ ក្រសួងមហាផ្ទៃកូឡុំប៊ីបានចាត់ទុកហេតុការណ៍បាញ់ប្រហារនេះ ជាអំពើភេរវកម្ម។ សហរដ្ឋអាមេរិកក៏បានប្រតិកម្មរិះគន់ចំពោះអ្នកនយោបាយឆ្វេងនិយមនៅកូឡុំប៊ី។

ការ​ចរ​ចា​បញ្ហា​ពន្ធ​គយ​រវាង​កម្ពុជា ​និង​សហរដ្ឋ​អាមេ​រិក​នឹង​ត្រូវ​បន្ត​ធ្វើ​នៅ​ជុំ​ទី​៣​បន្ត​ទៀត​ នៅ​រដ្ឋ​ធានី​វ៉ា​ស៊ីន​តោន​ នា​ពេល​ឆាប់​ៗ​ខាង​មុខ​។​ នេះ​ជា​ការ​គូស​បញ្ជាក់​នៅ​ក្នុង​សេច​ក្តី​ប្រកាស​ព័ត៌​មាន​របស់​អង្គ​ភាព​អ្នក​នាំ​ពាក្យ​រដ្ឋា​ភិបាល​កម្ពុជា​នៅ​ថ្ងៃ​ទី​៧ ​ខែ​មិថុនា ​ឆ្នាំ​២០២៥​។​ បើ​តាម​សេច​ក្តី​ប្រកាស​ព័ត៌​មាន​ដដែល​នេះ​ លទ្ធផល​នៃ​ការ​ចរ​ចា​រវាង​ប្រទេស​ទាំង​ពីរ​នៅ​ជុំ​ទី​២ ​ដែល​បាន​ធ្វើ​ឡើង​ចន្លោះ​ពី​ថ្ងៃ​ទី​៤​ដល់​ទី​៦ ​ខែ​មិថុនា​ ភាគី​ទាំង​ពីរ​បាន​បន្ត​ពិភាក្សា​គ្នា​លើ​អត្ថ​បទ​សេច​ក្តី​ព្រាង​កិច្ច​ព្រម​ព្រៀង​ពាណិជ្ជ​កម្ម​បដិការ ​ដោយ​ឈរ​លើ​ស្មារតី​យោគ​យល់​គ្នា​ខ្ពស់ ​និង​បាន​ឈាន​ទៅ​ឯក​ភាព​គ្នា​លើ​បញ្ញត្តិ​ជា​ច្រើន​។

ប្រធានព្រឹទ្ធសភាកម្ពុជា លោក ហ៊ុន សែន បានអំពាវនាវកុំឱ្យពលរដ្ឋខ្មែរពង្រីកទំនាស់ជុំវិញជម្លោះព្រំដែនជាមួយថៃ ហើយរហូតឈានដល់ការស្អប់ខ្ពើមជាតិសាសន៍។ ការទទូចរបស់ប្រធានព្រឹទ្ធសភាកម្ពុជារូបនេះ ធ្វើឡើងបន្ទាប់ពីពលរដ្ឋខ្មែរមួយចំនួននាំគ្នាប្រកាសធ្វើពហិការឈប់ប្រើប្រាស់ផលិតផលរបស់ថៃ ក្រោយភាគីថៃប្រកាសដោយ​ឯកតោភាគីបិទច្រកព្រំដែនមួយចំនួនជាមួយកម្ពុជានៅមុនម៉ោងកំណត់។ តាមលោក ហ៊ុន សែន ពលរដ្ឋខ្មែរត្រូវតែមានភាពចាស់ទុំថ្លៃថ្នូរ និងមិនត្រូវបង្កហេតុឡើយ។

ទីបំផុត​ទៅ រដ្ឋអំណាច​ចិន បាន​សម្រេច​យល់ព្រមផ្តល់​អាជ្ញាប័ណ្ណ​​នាំចេញ​រ៉ែដីកម្រ ទៅ​ឲ្យ​​ក្រុម​ហ៊ុន​អាមេរិក។ ចិន ​ជាប្រទេស​ផ្គត់ផ្គង់​រ៉ែដីកម្រច្រើន​ជាងគេ​លើពិភពលោក ហើយ​រ៉ែប្រភេទនេះ​ ​ជាយុទ្ធសាស្ត្រ​ដ៏​សំខាន់​របស់ប៉េកាំង តែ​ដើម្បី​សម្រួល​កិច្ចការ​ចរចា​ពាណិជ្ជកម្ម​ ចិន​បាន​សម្រេចចិត្ត​ធ្វើ​សម្បទាន​ខ្លះ ទៅឲ្យ​​លោកប្រធានាធិបតី​អាមេរិក​ ដូណាល់ ត្រាំ។ លោក ត្រាំ ក៏​ប្រកាស​ថា​ត្រូវជួប​ចរចា​ជាលើកទី២ ជាមួយ​ភាគី​ចិន នៅ​ថ្ងៃ​ចន្ទ ទី​៩មិថុនា។​​

អ៊ីស្រាអែល​ បាន​បង្ហើបពី​​យុទ្ធសាស្ត្រ​​ថ្មី ដោយ​ជ្រើសរើស​ពួក​ជន​អន្ធពាល​មួយ​ក្រុម ដើម្បី​តទល់​ប្រឆាំង​នឹង​ពួក​ហាម៉ាស នៅ​ហ្កាហ្សា។ នេះក៏​ទំនង​ជា​ល្បិច​​ម្យ៉ាង​ដែរ ខណៈ​ពេល​ដែល​ អ៊ីស្រាអែល ​អះអាង​ថា​ខ្វះកងទ័ព​ប្រយុទ្ធ ប្រមាណ ១ ម៉ឺននាក់ថែមទៀត​ ដើម្បីសម្រេច​ផែនការ​យោធា នៅ​ហ្កាហ្សា។​ ក្នុងប្រតិបត្តិ​ការ​មួយ នៅតំបន់​ហ្កាហ្សា នាថ្ងៃសុក្រ​ ទី​៦មិថុនា អ៊ីស្រាអែល​បាត់បង់​ទាហាន​ ៤ នាក់ ហើយ​ចំណែកឯ​​ខាងពួក​ហាម៉ាស មាន​ស្លាប់​មនុស្ស ជិត​៤០នាក់។​​