អ្នកនាំពាក្យក្រសួងការបរទេសកម្ពុជា លោក ជុំ សន្ទរី អះអាងថា វិធានការផ្អាកបណ្តោះអាសន្ននៃប្រតិបត្តិការផ្នែកខ្លះរបស់ស្ថានទូតអាមេរិកប្រចាំទីក្រុងភ្នំពេញនឹងមិនរងផលប៉ះពាល់ណាមួយដល់ទំនាក់ទំនងការទូតរវាងកម្ពុជា និងសហរដ្ឋអាមេរិកឡើយ។ ការបញ្ជាក់របស់លោក ជុំ សន្ទរីដូចនេះធ្វើឡើង ក្រោយសហរដ្ឋអាមេរិកធ្លាក់ចូលក្នុងវិបត្តិគ្មានថវិកាចំណាយ និងធ្វើឱ្យស្ថានទូតសហរដ្ឋអាមេរិកប្រចាំកម្ពុជាត្រូវផ្អាកប្រតិបត្តិការខ្លះ ដូចជាការធ្វើបច្ចុប្បន្នភាពព័ត៌មាននៅលើបណ្តាញសង្គមជាដើម។

កម្ពស់ទឹកទន្លេនៅតាមបណ្តាខេត្ត ក្រុងមួយចំនួនជាប់ដងទន្លេមេគង្គ និងទន្លេសាបបន្តឡើងឥតឈប់ឈរ។ នៅក្នុងខេត្តខ្លះ កម្ពស់ទឹកបានហក់ឡើងក្បែរកម្រិតប្រកាសឲ្យមានការប្រុងប្រយ័ត្ន។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២ ខែតុលា ឆ្នាំ២០២៥ នេះ លោក សុទ្ធ គឹមកុលមុនី អ្នកនាំពាក្យគណៈកម្មាធិការគ្រប់គ្រងគ្រោះមហន្តរាយបានថ្លែងថា ខេត្តចំនួន១១ មានផ្ទះចំនួនជាង២ម៉ឺនខ្នង និងប្រជាជនជាង ៣ម៉ឺនគ្រួសារ បាន និងកំពុងរងផលប៉ះពាល់ពីទឹកជំនន់។

គ្រោះ​រញ្ជួយ​ដី​ដ៏​ធ្ងន់ធ្ងរ​ក្នុង​កំរិត​៦,៩​ គិត​តាម​មាត្រដ្ឋាន​រីស្ទែរ កាលពី​យប់​ថ្ងៃ​អង្គារ​ បាន​ផ្តាច់​ជីវិត​មនុស្ស​អស់​យ៉ាង​ហោច​៧២​នាក់ នៅ​ហ្វីលីពីន។ នេះបើ​តាម​តុល្យការ​ថ្មី​ផ្តល់​ដោយ​អាជ្ញាធរ​ហ្វីលីពីន នៅ​ថ្ងៃ​ព្រហស្បតិ៍​ទី​២​តុលា ដោយ​ប្រកាស​បញ្ឈប់​ជា​បណ្តើរៗ​ប្រតិបត្តិការ​រុក​រក​អ្នក​បាត់​ខ្លួន ដើម្បីងាក​ទៅ​​ផ្តល់​អាទិភាព​ដល់​ជន​រងគ្រោះ​រង​របួស ​និង​បាត់បង់​ជម្រក​វិញ។

កាលពីពេលថ្មីៗនេះ ក្រុមយោធាថៃភូមិភាគ១ បានចុះទៅពិនិត្យបង្គោលព្រំដែនលេខ៤០ និង៤១ ដែលស្ថិតក្នុងខេត្តស្រះកែវ ជាប់នឹងខេត្តបន្ទាយមានជ័យ ប្រទេសកម្ពុជា។ យោធាថៃបានបង្ហាញចេតនាជាថ្មីចង់សាងសង់របងព្រំដែនជាមួយកម្ពុជាក្នុងពេលឆាប់ៗខាងមុខនេះ។ ក្រុមអ្នកជំនាញយល់ថា ការសាងសង់របងព្រំដែនជារឿងល្អ ប្រសិនបើការសាងសង់នោះធ្វើឡើងក្នុងទឹកដីដែលកម្ពុជា-ថៃបានឯកភាពគ្នារួច។ តែអ្វីដែលពួកគេបារម្ភ គឺខ្លាចថៃមានចេតនាញុះញង់បង្កហេតុចង់ឲ្យកម្ពុជាអស់ការអត់ធ្មត់។

កាលពីថ្ងៃពុធ ទី​១តុលា ក្រុមប្រទេសសហភាពអឺរ៉ុបទាំង​២៧​ បានបើកជំនួបកំពូលពិសេសមួយ​នៅ​ទីក្រុងកូប៉េនហាហ្ក ប្រទេសដាណឺម៉ាក ដើម្បីនិយាយ​អំពី​គម្រោង​បង្កើត “ជញ្ជាំងការពារដ្រូន” រួមគ្នា​។ ប៉ុន្មានសប្តាហ៍​កន្លងមកនេះ​ ដែនអាកាសអឺរ៉ុប បាន​រងនូវការរំលោភបំពាន​ផ្ទួនៗគ្នា ពីសំណាក់យន្តហោះចម្បាំងរុស្ស៊ី ព្រមទាំងដ្រូនអនាមិកច្រើនគ្រឿង ដែលគេជឿថាក៏ជារបស់រុស្ស៊ីដែរ​។ យ៉ាងណាក៏ដោយ កិច្ចប្រជុំកាលពីថ្ងៃពុធ មិនទាន់សម្រេច​ចេញជាវិធានការជាក់ស្តែងអ្វីទេ ព្រោះសហភាពអឺរ៉ុបនៅតែ​មិនទាន់​​អះអាងថា នឹងបាញ់ទម្លាក់រាល់យានដ្រូន ឬយន្តហោះចម្បាំង​ដែល​ហោះចូលដោយ​ខុសច្បាប់​ មកលើដែនអាកាសអឺរ៉ុប​។

អ្នក​នាំ​ពាក្យ​រង​ក្រ​សួង​មហា​ផ្ទៃ​បាន​អះអាង​ថា​ ករណី​គ្រោះ​ថ្នាក់​ចរាចរណ៍​លើ​ លោក ​ធឿន​ រដ្ឋា​ ប្រធាន​នាយកដ្ឋាន​សិទ្ធិ​មនុស្ស ​នៃ​គណបក្ស​ដើម្បី​កម្ពុជា ​មិន​មែន​ជា​រឿង​នយោបាយ​ទេ​។​ ការ​ឆ្លើយ​តប​បែប​នេះ​របស់​ក្រសួង​មហា​ផ្ទៃ ​បន្ទាប់​ពី​ លោក​ ធឿន ​រដ្ឋា​ បាន​ដាក់​លិខិត​ជូន​លោក​ ស សុខា ​រដ្ឋ​មន្ត្រី​ក្រ​សួង​មហា​ផ្ទៃ ​នៅ​ថ្ងៃ​ទី​១​ ខែ​តុលា ​ឆ្នាំ​២០២៥ ​ដោយ​សុំ​ឲ្យ​ពិនិត្យ​លើ​មន្ត្រី​នគរបាល​ចរាចរណ៍​២នាក់ ​និង​បុគ្គល​ពាក់​ព័ន្ធមួយ​ចំនួន​នៃ​អធិការ​ដ្ឋាន​នគរបាល​ខណ្ឌ​ដង្កោ។​ ជា​បណ្តឹង​ដែល​ចោទ​ប្រកាន់​មន្ត្រី​នគរបាល​ចរាចរណ៍​ថា មិន​បាន​បំ​ពេញ​ភារ​កិច្ច​ស៊ើប​អង្កេត​បទ​ល្មើស​ចរាចរណ៍ ​និង​ជួយ​សម្រួល​ឲ្យ​ជន​បង្ក​គ្រោះ​ថ្នាក់​រត់​គេច​ខ្លួន​។​

ស្វ៊ីសគឺជាប្រទេសមួយ ក្នុងចំណោម​ប្រទេសមួយចំនួន​​ ដែលគេឃើញពីភាពជាក់ស្តែងនៃហានិភ័យ បង្កឡើងដោយ​​វិបត្តិ​​អាកាសធាតុ។ ផ្អែកតាមរបាយការណ៍ថ្មីមួយ ក្នុងរយៈពេល​១០ឆ្នាំចុងក្រោយនេះ ផ្ទាំងទឹកកកស្វ៊ីសបានរលាយ​អស់​ ១ភាគ៤នៃទំហំសរុប​។ ល្បឿននៃការរលាយ​ដែលកាន់តែលឿនរហ័ស ហើយដែលធ្វើ​ឲ្យអ្នកជំនាញ​ព្រួយបារម្ភ អំពី​ការបាត់បង់​តុល្យភាព​នៅតំបន់ភ្នំខ្ពស់​ៗ​ ដែលគ្រប់ដណ្តប់សឹងតែ​ទាំងស្រុងនៃផ្ទៃដីស្វ៊ីស​។​

ជនជាតិកូរ៉េខាងត្បូងចំនួន ៦នាក់ត្រូវបានចោទប្រកាន់ពីបទជាប់ពាក់ព័ន្ធក្នុងការបោកប្រាស់ស្នេហាឆ្លងដែនតាមអនឡាញ។ សកម្មភាពនេះធ្វើឡើងដោយក្រុមឧក្រិដ្ឋជនចិនដែលមានមូលដ្ឋាននៅក្នុងប្រទេសកម្ពុជា។ នេះបើតាមការចុះផ្សាយរបស់កាសែតកូរ៉េខាងត្បូង The ChoSun Daily នៅថ្ងៃទី១ ខែតុលា ឆ្នាំ២០២៥។ តាមកាសែតកូរ៉េខាងត្បូង ក្រុមឧក្រិដ្ឋជនបានយកខេត្តព្រះសីហនុក្នុងប្រទេសកម្ពុជាធ្វើជាទីតាំងបោកប្រាស់តាមអនឡាញ ដោយផ្តោតលើបុរសជនជាតិកូរ៉េខាងត្បូងនៅចន្លោះខែកុម្ភៈ ដល់ខែមីនា ឆ្នាំ២០២៥។

នៅប្រទេស​អេស្ប៉ាញ តុលាការ​ពាណិជ្ជកម្ម ​បានបើក​​សវនាការ ចំនួន​២ថ្ងៃ ដើម្បីជំនុំជម្រះ​សំណុំ​រឿងក្រុមហ៊ុនបច្ចេកវិទ្យា​អាមេរិក​ មេតា (Meta) ដែល​ជាក្រុមហ៊ុនមេគ្រប់គ្រងបណ្តាញ​សង្គម​ Facebook, Instagram និង Whatsapp។​ ដើមបណ្តឹង​ ជា​ក្រុម​ប្រព័ន្ធ​ផ្សព្វផ្សាយ​ព័ត៌មាន​អេស្ប៉ាញ ចំនួន​ជាង ៨០ ស្ថាប័ន ដែលរួម​គ្នា​ប្តឹង​ក្រុម​ហ៊ុ​នមេតា​ ពី​​បទល្មើស​ប្រកួត​ប្រជែង​មិន​ស្មោះត្រង់ និង​រំលោភបំពាន​ទិន្នន័យ​អ្ន​កប្រើប្រាស់។​​

កំណើន​សេដ្ឋ​កិច្ច​កម្ពុជា​ត្រូវ​បាន​ព្យាករ​ថា​នឹង​ធ្លាក់​ចុះ​នៅ​ឆ្នាំ ​២០២៥ ​នេះ​ និង​បន្ត​ធ្លាក់​ចុះ​នៅ​ឆ្នាំ​២០២៦ ​ទៀត​ដោយ​សារ​តែ​កតា្ត​ចម្បងៗ​មួយ​ចំនួន​ ដូច​ជា​ជម្លោះ​ព្រំដែន​ជាមួយ​ប្រទេស​ថៃ​ និង​ផល​ប៉ះ​ពាល់​ពី​ការ​យក​ពន្ធ​របស់​អាមេរិក​លើ​ទំនិញ​ដែល​នាំ​ចេញ​ពី​កម្ពុជា​។​ នេះ​បើ​តាម​របាយ​ការណ៍ថ្មី​មួយ​របស់​ធនាគារ​អភិវឌ្ឍន៍​អាស៊ី​(ADB)​ ចេញ​ផ្សាយ​នៅ​ថ្ងៃ​ទី​១ ខែ​តុលា​នេះ​។​ អ្នក​ជំនាញ​វាយ​តម្លៃ​ថា​ ទោះ​បី​ជា​កំណើន​សេដ្ឋ​កិច្ច​កម្ពុជា​ធ្លាក់​ចុះ​បន្តិច​ តែ​កំណើន​សេដ្ឋ​កិច្ច​របស់​ប្រទេស​អាស៊ី​អាគ្នេយ៍​មួយ​នេះ​នៅ​តែ​ខ្ពស់​ជាង​បណ្តា​ប្រទេស​ផ្សេង​ទៀត​ដដែល​។

របាយការណ៍ប្រចាំឆ្នាំ២០២៤ នៃ«គម្រោងរោងចក្រកាន់តែប្រសើរនៅកម្ពុជា» បានរកឃើញភាពមិនប្រក្រតីមួយចំនួនដែលបានកើតឡើងតាមរោងចក្រកាត់ដេរនៅកម្ពុជា។ ភាពមិនប្រក្រតីបានសំដៅដល់បញ្ហាពលកម្មលើកុមារ ការបង្ខំឲ្យធ្វើការបន្ថែមម៉ោង និងការរើសអើងលើសមភាពយេនឌ័រ។

ភរិយាលោក លិម គិមយ៉ា គឺអ្នកស្រី Anne-Marie Lim បានបញ្ជាក់នៅថ្ងៃអង្គារ ទី៣០ខែកញ្ញា ឆ្នាំ ២០២៥ ថា អ្នកស្រីចង់ដឹងពីមូលហេតុ និងអ្នកនៅពីក្រោយនៃការបាញ់សម្លាប់ស្វាមីរបស់អ្នកស្រី គឺលោក លិម គិមយ៉ា កាលពីដើមឆ្នាំ២០២៥ នៅកណ្តាលទីក្រុងបាងកក ប្រទេសថៃ។ ការបញ្ជាក់នេះធ្វើឡើង មុនពេលអ្នកស្រីត្រូវចូលខ្លួនបំភ្លឺនៅតុលាការក្រុងបាងកកដែលបានបើកសវនាការលើសំណុំរឿងឃាតកម្មលោក លិម គិមយ៉ា អតីតតំណាងរាស្ត្រគណបក្សប្រឆាំងនៅកម្ពុជា។

នៅវៀតណាម មានមនុស្សស្លាប់យ៉ាងតិច ២៦នាក់ និងបាត់ខ្លួន រួមទាំងរបួសជាច្រើនសិបនាក់ ដោយសារតែខ្យល់ព្យុះកំណាច ​Bualoi ដែលបានបោកបក់ខ្លាំងនៅប៉ែកខាងជើង និងភាគកណ្តាលប្រទេស​។ តំបន់ប្រជុំជនមួយភាគធំនៅរដ្ឋធានីហាណូយបានរងការខូចខាតដោយឥទ្ធិពលខ្យល់ព្យុះ និងទឹកជំនន់។​ ​

មានវត្តមាននៅក្នុង​សន្និសីទកាសែត​ជាមួយ​ចៅហ្វាយសេតវិមាន​កាលពីថ្ងៃចន្ទ នាយករដ្ឋមន្រ្តីអ៊ីស្រាអែល បាននិយាយថា លោកផ្តល់ភ្លើងខៀវ គាំទ្រ​ផែនការសន្តិភាព​នៅហ្កាហ្សា​ដែលស្នើឡើង​ដោយ​លោកដូណាល់ត្រាំ។ នៅចំពោះប្រធានាធិបតីអាមេរិក នាយករដ្ឋមន្រ្តី​អ៊ីស្រាអែល​មិនភ្លេច​ដាក់​លក្ខខ័ណ្ឌ​ដែល​ថា អ៊ីស្រាអែលសុំរក្សាសិទ្ធិ​បិទបញ្ចប់​ការងារ​នៅហ្កាហ្សា ក្នុងករណីដែល​ក្រុមហាម៉ាស មិន​ទទួលយកផែនការសន្តិភាព​របស់​អាមេរិក ឬ​រំលោភមិនគោរព​តាម​ចំណុចដែលមាន​ចែង​។​ផែនការសន្តិភាពរបស់​លោកដូណាល់ ត្រាំ​មាន២០ចំណុច។

នៅថ្ងៃទី២៩ ខែកញ្ញា ឆ្នាំ២០២៥ ក្រសួងការបរទេសអាមេរិកបានផ្សព្វផ្សាយរបាយការណ៍មួយស្តីពីការជួញដូរមនុស្សឆ្នាំ២០២៥។ សម្រាប់ប្រទេសកម្ពុជា ក្រសួងការបរទេសអាមេរិកបានចោទរដ្ឋាភិបាលថាមិនបានខិតខំទប់ស្កាត់បទល្មើសជួញដូរមនុស្សឲ្យមានប្រសិទ្ធភាពទេ។ នៅក្នុងរបាយការណ៍ថ្មី អាមេរិកនៅតែបន្តដាក់កម្ពុជាជាប្រទេសស្ថិតក្នុងកម្រិតទី៣ ដែលមិនបានគោរពពេញលេញនូវបទដ្ឋានអប្បបរមាក្នុងការលុបបំបាត់ការជួញដូរមនុស្ស។ លម្អិតព័ត៌មាននេះដោយ ស៊ឹម ចាន់សំណាង៖

នៅព្រឹកថ្ងៃទី៣០ ខែកញ្ញា ឆ្នាំ២០២៥ ទាហាន និងអ្នកវាស់ដីរបស់ថៃចំនួនមួយក្រុមបានធ្វើសកម្មភាពចូលជិតបង្គោលព្រំដែនលេខ៤៦ ស្ថិតនៅក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ តែសកម្មភាពរបស់ពួកគេត្រូវបានកងកម្លាំងកម្ពុជាដែលមិនបំពាក់អាវុធ និងពលរដ្ឋខ្មែរនៅទីនោះបណ្តេញឲ្យត្រលប់ទៅវិញ។ លោក លី សុវណ្ណារិទ្ធ អភិបាលរង និងជាអ្នកនាំពាក្យសាលាខេត្តបន្ទាយមានជ័យបានប្រាប់វិទ្យុបារាំង RFI នៅរសៀលថ្ងៃទី៣០ ខែកញ្ញានេះថា ទាហាន និងអ្នកវាស់ដីថៃបានចាកចេញពីបង្គោលព្រំដែននោះវិញ ដោយគ្មានការប៉ះទង្គិចគ្នាហិង្សាអ្វីទេ និងថា ទាហាន និងអ្នកវាស់ដីថៃក៏មិនឃើញវិលមកជាថ្មីដែរ។

កម្លាំងសមត្ថកិច្ចកម្ពុជាកាលពីថ្ងៃទី២៩ ខែកញ្ញា ឆ្នាំ២០២៥ បានចុះត្រួតពិនិត្យ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យាចំនួន ៣ទីតាំងស្ថិតនៅក្នុងរាជធានីភ្នំពេញ និងឃាត់ខ្លួនជនបរទេសចំនួន ២៤នាក់។ ការបន្តបង្ក្រាបបទល្មើសឆបោកតាមអនឡាញនេះធ្វើឡើង បន្ទាប់ពីមានបទបញ្ជាលោកនាយករដ្ឋមន្ត្រី ហ៊ុន ម៉ាណែតកាលពីខែកក្កដា ឆ្នាំ២០២៥។ គិតមកទល់ខែកញ្ញា ឆ្នាំ២០២៥នេះ សមត្ថកិច្ចបានឃាត់ខ្លួនជនសង្ស័យ ដែលជាប់ពាក់ព័ន្ធនឹងបទល្មើសអនឡាញបានជាង៣ ០០០នាក់។

ប៉ុន្មានសប្តាហ៍ចុងក្រោយនេះ ដែនអាកាសខាងជើងនិងខាងកើតអឺរ៉ុប បានរងនូវការគំរាមផ្ទួនៗគ្នា ពីសំណាក់ដ្រូនអនាមិក និងយន្តហោះចម្បាំងរបស់រុស្ស៊ី។ ក្រុមប្រទេសអឺរ៉ុប បានជួបប្រជុំគ្នានៅប៉ូឡូញកាលពីថ្ងៃចន្ទទី២៩កញ្ញា ដើម្បីរកដំណោះស្រាយទប់ទល់នឹងការគំរាមសម្លុតទាំងនេះ។ លោកប្រធានាធិបតីអ៊ុយក្រែន វ្លូឌីមៀរ ហ្សេឡេនស្គីបានស្នើថា អ៊ុយក្រែននិងក្រុមប្រទេសសម្ព័ន្ធមិត្ត អាចរួមគ្នាបង្កើតប្រព័ន្ធខែលការពារផ្លូវអាកាសរួម ព្រោះប៉ុន្មានឆ្នាំមកនេះ អ៊ុយក្រែនបានទទួលបទពិសោធន៍ច្រើន ទាំងបច្ចេកវិទ្យានិងតាក់ទិក ដើម្បីទប់ទល់ជាមួយដ្រូនរបស់រុស្ស៊ី។

កាលពីថ្ងៃចន្ទ ទី២៩ កញ្ញា នាយករដ្ឋមន្ត្រីថ្មីរបស់ថៃ លោក អនុធីន ឆន្ទវីរៈគុណ បានបង្ហាញពីគោលនយោបាយថ្មីរបស់រដ្ឋាភិបាលលោកទៅកាន់សភាថៃ។ គោលនយោបាយថ្មីដែលផ្តោតលើវិធានការអាទិភាព និងបន្ទាន់មួយចំនួន ដូចជាសា្តរសេដ្ឋកិច្ច បង្កើនការចំណាយ ឬជួយដោះស្រាយបំណុលរបស់ពលរដ្ឋថៃ។ ដោយឡែក នៅក្នុងជម្លោះព្រំដែនជាមួយកម្ពុជាត្រូវបាននាយករដ្ឋមន្រ្តីថៃវ័យ ៥៨ឆ្នាំរូបនេះសន្យានឹងរកដំណោះស្រាយដោយសន្តិវិធី។ តើរដ្ឋាភិបាលរបស់លោក អនុធីន ពិតជាមានឆន្ទៈចង់ដោះស្រាយជម្លោះព្រំដែនជាមួយកម្ពុជាដោយសន្តិវិធីមែន ឬ ខណៈដែលលោកត្រូវគេស្គាល់ថា ជាមនុស្សសិ្នទ្ធនឹងយោធា ហើយស្មោះស្ម័គ្រនឹងរាជបល្ល័ងនោះ?

មានវត្តមាននៅក្នុង​សន្និសីទកាសែត​ជាមួយ​ចៅហ្វាយសេតវិមាន​កាលពីថ្ងៃចន្ទ នាយករដ្ឋមន្រ្តីអ៊ីស្រាអែល បាននិយាយថា លោកផ្តល់ភ្លើងខៀវ គាំទ្រ​ផែនការសន្តិភាព​នៅហ្កាហ្សា​ដែលស្នើឡើង​ដោយ​លោកដូណាល់ត្រាំ។ នៅចំពោះប្រធានាធិបតីអាមេរិក នាយករដ្ឋមន្រ្តី​អ៊ីស្រាអែល​មិនភ្លេច​ដាក់​លក្ខខ័ណ្ឌ​ដែល​ថា អ៊ីស្រាអែលសុំរក្សាសិទ្ធិ​បិទបញ្ចប់​ការងារ​នៅហ្កាហ្សា ក្នុងករណីដែល​ក្រុមហាម៉ាស មិន​ទទួលយកផែនការសន្តិភាព​របស់​អាមេរិក ឬ​រំលោភមិនគោរព​តាម​ចំណុចដែលមាន​ចែង​។ តើ​ផែនការសន្តិភាព​នៅហ្កាហ្សារបស់​លោកដូណាល់ ត្រាំ​មាននិយាយពីអ្វីខ្លះ?

អគ្គលេខាធិការអង្គការសហប្រជាជាតិលោក Antonio Guterres បានលើក​ពីកង្វល់របស់កម្ពុជា ទៅសមភាគីថៃ ហើយចង់បានដំណោះស្រាយចំពោះជម្លោះព្រំដែននេះ ព្រោះនៅទីបញ្ចប់នៃសង្គ្រាមមានតែប្រជាជនស្លូតត្រង់ទេជាអ្នករងទុក្ខ។ នេះបើតាមខ្លឹមសារក្នុងជំនួបទ្វេភាគីរវាងរដ្ឋមន្រ្តីការបរទេសកម្ពុជាលោក ប្រាក់ សុខុន និង លោក Antonio Guterres អំឡុងពេលនៃការចូលរួមប្រជុំមហាសន្និបាតអង្គការសហប្រជាជាតិនៅថ្ងៃទី២៦ ខែកញ្ញា ឆ្នាំ២០២៥។

នៅប្រទេស​ចិន តុលាការ​Wenzhou នៅទីក្រុង​​កាលពីថ្ងៃចន្ទទី ២៩​កញ្ញា​បាន​សម្រេច​កាត់ទោស​ប្រហារជីវិត​មនុស្ស​១៦នាក់ និង​ផ្តន្ទាទោស​មនុស្ស​២៣នាក់​ផ្សេងទៀតឲ្យជាប់ពន្ធនាគារ​ពី ៥ឆ្នាំ រហូតដល់​មួយជីវិត ក្នុង​បទចោទប្រកាន់​ប្រព្រឹត្ត​ឧក្រិដ្ឋ​កម្ម​អនឡាញ ល្បែងខុសច្បាប់ ជួញដូរគ្រឿងញៀន និង​អំពើពេស្យាចារ​នៅក្នុ​ងមជ្ឈមណ្ឌល​បោកប្រាស់អនឡាញ​ក្នុងទឹកដី​ភូមា។ យោងតាម​ការចុះផ្សាយ​របស់​ទូរទស្សន៍រដ្ឋចិន ក្រុមឧក្រិដ្ឋជនមួយចំនួន​ធំ​ដែលតុលាការ​កាត់ទោស​កាលពីថ្ងៃ​ចន្ទ ជា​សមាជិក​របស់​គ្រួសារត្រកូល Mingដែលពង្រីកអំណាច កើបលុយ​រាប់ពាន់លាន​ដុល្លារ​ពី​ឧក្រិដ្ឋកម្មឆ្លងដែន។

តុលាការ​ក្រុង​បាងកក ​​សម្រេច​បើកសវនាការជំនុំជម្រះក្តី​​ឃាតកម្ម​​លោក លិម គិមយ៉ា អតីតអ្នកតំណាងរាស្ត្រមណ្ឌលកំពង់ចាម នៃកូតាគណ​បក្ស​សង្គ្រោះជាតិ ចន្លោះឆ្នាំ២០១៣​ - ឆ្នាំ​២០១៧​។ ​ មា​នសញ្ជាតិ​បារាំង អ្នក​នយោបាយ​ខ្មែរ​​រូបនេះ​​​ត្រូវ​ខ្មាន់កាំភ្លើងជនជាតិ​​ថៃ​ បាញ់សម្លាប់​​ ក្នុង​ក្រុង​បាងកក កាលពីថ្ងៃ​ទី​៧ ខែ​មករា​ ឆ្នាំ២០២៥​។  ​ប្រមាណជា​ ៩ ខែក្រោយ​​ឃាតកម្ម តុលាការ​ថៃ​បើកអង្គ​ជំនុំ​ជម្រះ​ ​ជាលើកទី១ នៅ​ថ្ងៃអង្គារទី៣០កញ្ញា។ ក្នុង​បទសម្ភាសន៍​ផ្តាច់​មុខ​ជាមួយ​​​​​វិទ្យុ​បារាំង​ RFI នៅទីក្រុង​ប៉ារីស​  កូនប្រុស​លោក​លិម គិមយ៉ា គឺ​​លោក លិម តូម៉ាស៍-សំណាង ថ្លែងក្តីសង្ឃឹមថា ជនសង្ស័យ​ជនជាតិ​ថៃ ទាំង២នាក់ ឆ្លើយ​ការពិត​ប្រាប់តុលាការ។ មិនតែប៉ុណ្ណោះ លោកក៏​សង្ឃឹមថា អាជ្ញាធរកម្ពុជា  នឹងជួយចាប់ខ្លួនជនសង្ស័យខ្មែរ ២នាក់ទៀត គឺបុគ្គល ពេជ្រ គឹមស្រ៊ិន និង លី រតនៈរស្មី ឲ្យទៅប្រឈមមុខនឹងតុលាការថៃ ដើម្បីបន្តដំណើរការក្តី។

ការវាយប្រហារផ្លូវអាកាសរបស់រុស្ស៊ី លើអ៊ុយក្រែន បានកើនឡើងនៅទូទាំងប្រទេស ក្នុងយប់ថ្ងៃសៅរ៍ឆ្លងចូលថ្ងៃអាទិត្យ ទី២៨ ខែកញ្ញា។ នៅក្នុងទីក្រុងកៀវ មានមនុស្សយ៉ាងតិច ៤នាក់បានស្លាប់ រួមទាំងក្មេងស្រីអាយុ ១២ឆ្នាំម្នាក់ និងមានច្រើននាក់ទៀតបានរងរបួសពីការវាយប្រហាររបស់រុស្ស៊ីដោយដ្រូន និងគ្រាប់មីស៊ីល។ តែរុស្ស៊ីបានចេញមុខអះអាងថា ផ្ទាំងស៊ីបនៃការវាយប្រហាររបស់ខ្លួនគឺមូលដ្ឋានកងទ័ព។ 

ចិនកូរ៉េខាងជើងនៅតែ​បន្តជាសម្ព័ន្ធមិត្ត​ដែកថែប។ ចិន​ចង់​ពង្រឹង​សហប្រតិបត្តិការ និងធ្វើការរួមគ្នាជាមួយ​កូរ៉េខាងជើង​ដើម្បី​ប្រឆាំង​នឹង​អនុត្តរភាព។ នេះជា​ប្រសាសន៍​របស់​រដ្ឋមន្រ្តីការបរទេស​ចិន លោក​វ៉ាង យី​ទៅកាន់​សមភាគី​កូរ៉េខាងជើង លោកស្រី ឆេ សុនហ៊ី Choe Son-Hui នៅក្នុង​អំឡុង​ទស្ស​នកិច្ច​ផ្លូវការ​នៅទីក្រុង​ប៉េកាំង កាលពីថ្ងៃ​អាទិត្យ​ទី ២៨​កញ្ញា។ វត្តមាន​របស់​ប្រមុខការបរទេស​កូរ៉េខាងជើង នៅ​ប្រទេស​ចិន ធ្វើឡើងនៅប៉ុន្មាន​សប្តាហ៍ក្រោយពី​លោក​គីម ជុងអ៊ុន​ធ្វើដំណើរ​ទៅ​ចូលរួម​ជាលើកទី​១​ក្នុង​កម្មវិធីបង្ហាញក្បួនទ័ព​ដ៏ធំ​របស់​ចិន នៅ​ដើម​ខែ​កញ្ញានេះ។

នៅប្រទេស​ចិន តុលាការ​Wenzhou នៅទីក្រុង​​កាលពីថ្ងៃចន្ទទី ២៩​កញ្ញា​បាន​សម្រេច​កាត់ទោស​ប្រហារជីវិត​មនុស្ស​១៦នាក់ និង​ផ្តន្ទាទោស​មនុស្ស​២៣នាក់​ផ្សេងទៀតឲ្យជាប់ពន្ធនាគារ​ពី ៥ឆ្នាំ រហូតដល់​មួយជីវិត ក្នុង​បទចោទប្រកាន់​ប្រព្រឹត្ត​ឧក្រិដ្ឋ​កម្ម​អនឡាញ ល្បែងខុសច្បាប់ ជួញដូរគ្រឿងញៀន និង​អំពើពេស្យាចារ​នៅក្នុ​ងមជ្ឈមណ្ឌល​បោកប្រាស់អនឡាញ​ក្នុងទឹកដី​ភូមា។ យោងតាម​ការចុះផ្សាយ​របស់​ទូរទស្សន៍រដ្ឋចិន ក្រុមឧក្រិដ្ឋជនមួយចំនួន​ធំ​ដែលតុលាការ​កាត់ទោស​កាលពីថ្ងៃ​ចន្ទ ជា​សមាជិក​របស់​គ្រួសារត្រកូល Mingដែលពង្រីកអំណាច កើបលុយ​រាប់ពាន់លាន​ដុល្លារ​ពី​ឧក្រិដ្ឋកម្មឆ្លងដែន។

ជាព្រឹត្តិការណ៍ប្រចាំឆ្នាំ ក្រុមនិស្សិតផ្នែកសារព័ត៌មាននៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍(DMC) នៃសកល​វិទ្យាល័យ​​ភូមិន្ទភ្នំពេញតែងតែចាក់បញ្ចាំងខ្សែភាពយន្តឯកសារខ្នាតខ្លីដែលជាស្នាដៃផលិតរបស់ក្រុមនិស្សិតឆ្នាំទី៣ផ្នែកសារព័ត៌មាន នៅលើផ្ទាំងសំពត់សទំនើប នៃរោងភាពយន្តប្រ៉ាមស៊ីនេផ្លិចនៅទីក្រុងភ្នំពេញ។ ខ្សែភាពយន្តឯកសារខ្លីចំនួន១១រឿង បានឆ្លុះបញ្ចាំងពីជិវិតពិត ពីបញ្ហាប្រឈម និងការតស៊ូរបស់ស្ត្រី និងប្រជាជនខ្មែរនៅក្នុងតថភាពសង្គមជាក់ស្តែង។ ក្រុមនិស្សិត សង្ឃឹមថា ភាពយន្តឯកសារ របស់ពួកគេនឹងទទួលបានការចាប់អារម្មណ៍ពីសាធារជនទូទៅ ហើយមានការផ្លាស់ប្តូរទៅថ្ងៃអនាគត​ទៅតាមសាច់រឿងដែលបានដាក់បញ្ចាំងនោះ។ ខ្សែភាពយន្តដែលផ្តោតលើប្រធានបទដ៏កម្រនេះ និងកាន់តែទាក់ទាញនោះ ត្រូវបានចាក់បញ្ចាំងបង្ហាញជូនសាធារណៈជនអ្នកចូលទស្សនាជិត៣០០នាក់ កាលពីព្រឹកថ្ងៃសៅរ៍ទី២៧ ខែ កញ្ញា ឆ្នាំ ២០២៥៕

សាកលវិទ្យាល័យរដ្ឋនិងឯកជន ក្នុងទីក្រុងភ្នំពេញ មានសភាពអ៊ូអរខុសប្លែកពីសព្វដង ដោយសារការសម្រុកទៅបំពេញពាក្យចូលរៀនរបស់បេក្ខជនដែលទើបប្រឡងជាប់មធ្យមសិក្សាទុតិយភូមិ(បាក់ឌុប​)ឆ្នាំ ២០២៥នេះ​។ ជាក់ស្តែង ក្នុងបរិវេណសាកលវិទ្យាល័យភូមិន្ទភ្នំពេញ នៅព្រឹកថ្ងៃចន្ទទី២៩កញ្ញានេះ មានបេក្ខជនមកពីរាជធានី-ខេត្ត យ៉ាងច្រើនកុះករ សង្វាតមកបំពេញពាក្យ ជ្រើសរើសមុខវិជ្ជាដែលពួកគេចូលចិត្ត។ សូមទស្សនាបទយកការណ៍របស់ ជួប នរក្សា៖

ភ្លៀងធ្លាក់ខ្លាំង និងជាប់ៗគ្នាឥតដាច់ប៉ុន្មានថ្ងៃចុងក្រោយនេះបានបណ្តាលឲ្យផ្លូវជាតិលេខ៥៥ នៅតំបន់អន្លង់អាំងក្នុងខេត្តពោធិ៍សាត់រងការបាក់ច្រោះដីធ្លាក់លើតួផ្លូវ និងបណ្តាលឲ្យខូចខាតផ្លូវដោយអន្លើនៅព្រឹកថ្ងៃទី២៩ ខែកញ្ញា ឆ្នាំ២០២៥។ នេះបើតាមការបញ្ជាក់របស់អ្នកនាំពាក្យក្រសួងសាធារណការ និងដឹកជញ្ជូន លោក ផន រឹម។ ថ្លែងប្រាប់វិទ្យុបារាំងអន្តរជាតិនៅថ្ងៃ២៩ កញ្ញាដដែល លោក ផន រឹម បានថ្លែងថា ហេតុការណ៍នេះបានរារាំងចរាចរណ៍ និងការធ្វើដំណើររបស់ប្រជាពលរដ្ឋដោយសារមានច្រោះដី ធ្លាក់ភក់ ថ្ម ព្រមទាំងដើមឈើនៅលើកំណាត់ផ្លូវ។ ក្នុងន័យនេះ លោកទទូចឱ្យពលរដ្ឋប្រុងប្រយ័ត្ននៅពេលធ្វើដំណើរតាមដងផ្លូវខាងលើ។ សូមស្តាប់ការបញ្ជាក់របស់លោក ផន រឹម ដែលរៀបចំឡើងដោយ សើ ដាវី៖

រដ្ឋាភិបាលកម្ពុជាតាមរយៈក្រសួងមហាផ្ទៃនៅថ្ងៃទី២៨ ខែកញ្ញា បានប្រតិកម្មនឹងការថ្លែងរបស់រដ្ឋមន្រ្តីការបរទេសថៃលោក ស៊ីហាស័ក្តិ ផួងកេតកែវនៅឯមហាសន្និបាតអង្គការសហប្រជាជាតិដែលថា ប្រទេសថៃក៏ទទួលរងផលប៉ះពាល់ពីជម្លោះព្រំដែនជាមួយកម្ពុជា ដែលនាំដល់ការផ្ទុះសង្គ្រាមកាលពីខែកក្កដា ឆ្នាំ២០២៥។ ចំពោះក្រសួងមហាផ្ទៃកម្ពុជា ភាគីថៃត្រូវតែដោះលែងកងទ័ពខ្មែរទាំង១៨នាក់ឲ្យត្រឡប់មកវិញ បើថៃពិតជាទឹកចិត្តល្អជាមួយកម្ពុជាប្រាកដមែន។

នៅ​​​ថ្ងៃអាទិត្យ​​ទី​២៨​កញ្ញានេះ ម៉ុលដាវី​រៀបចំ​​ការ​បោះឆ្នោត​សភា​ ដែល​មាន​តម្លៃ​ជា​ការ​កំណត់ជោគ​​​វាសនាអនាគត ថា​តើ​​ម៉ុលដាវី​នឹង​បន្ត​ដំណើរ​ចូល​ជាសមាជិក​​អឺរ៉ុប ឬ​ត្រលប់​ចូល​ក្នុង​ក្រញាំរុស្ស៊ី​វិញ។ ប៉ុន្តែអ្នក​​វិភាគ ប្រធានាធិបតី​កាន់​អំណាច ក៏​ដូច​ជា​សហភាព​អឺរ៉ុប ​យល់​ថា ការ​បោះឆ្នោត​លើក​នេះ​ មាន​ការ​ជ្រៀត​ជ្រែក​ពីបរទេស​ យ៉ាង​ខ្លាំង​បំផុត​មិនធ្លាប់​មាន​ទេ ​គិត​ចាប់​តាំង​ពី​ប្រទេស​បាន​ទទួល​ឯករាជ្យ​ ចេញ​ផុត​ពី​របប​សហភាព​សូវៀត​នៅ​ឆ្នាំ​១៩៩១មក។

រដ្ឋមន្ត្រីការបរទេសកម្ពុជាលោក ប្រាក់ សុខុន បាននិយាយរៀបរាប់ប្រាប់មហាសន្និបាតអង្គការសហប្រជាជាតិនាទីក្រុងញូវយ៉ក នៅថ្ងៃសៅរ៍ទី ២៧ ខែ កញ្ញា ឆ្នាំ ២០២៥ថា សន្តិភាពរបស់ប្រទេសកម្ពុជា ដែលបានមកដោយលំបាក បច្ចុប្បន្នកំពុងរងការគំរាមកំហែងពីប្រទេសជិតខាងមួយដែលកំពុងមានជម្លោះព្រំដែនជាមួយកម្ពុជា។ ភ្លាមៗ នៅក្រោយការឡើងថ្លែងប្រមុខទូតកម្ពុជា រដ្ឋមន្ត្រីការបរទេសថៃ លោក ស៊ីហាស័ក្តិ ផួងកេតកែវ បានលេបខាយដាក់ភាគីកម្ពុជាថា បានព្យាយាមធ្វើជាជនរងគ្រោះម្តងហើយ ម្តងទៀត។

ប្រមុខរដ្ឋស្តីទីលោក ហ៊ុន សែន បានស្នើឱ្យក្រុមសង្កេតការណ៍អន្តរកាល (IOT) ចុះត្រួតពិនិត្យទីតាំងធ្លាក់គ្រាប់ និងធ្វើកោសល្យវិច័យគ្រាប់ ក្រោយយោធាថៃបរិហារកម្ពុជាថា បានបើកការបាញ់ប្រហារទៅលើទីតាំងកងទ័ពថៃដោយប្រើកាំភ្លើងយន្ត។ បើតាមលោក ហ៊ុន សែន ប្រសិនបើភាគីណាមួយ(កម្ពុជា-ថៃ) បដិសេធមិនឱ្យអ្នកសង្កេតការណ៍អន្តរកាល ចុះទៅត្រួតពិនិត្យ គឺបានសេចក្តីថា ភាគីនោះជាអ្នកបាញ់ ហើយជាអ្នកដែលរំលោភបំពានទៅលើបទឈប់បាញ់គ្នា។

ប្រ​​មុខ​ការ​ទូត​កម្ពុជា ​លោក ប្រាក់ សុខុន ​បាន​ឆ្លៀត​រៀប​រាប់​ពី​ជម្លោះ​ព្រំ​ដែន​កម្ពុជា ​និង​ថៃ​ ប្រាប់​មេ​ដឹក​នាំ​ប្រទេស​នានា​ដែល​បាន​ចូល​រួម​មហា​សន្និបាត​អង្គការ​សហ​ប្រជា​ជាតិ​ លើក​ទី​៨០​ ក្នុង​ទី​ក្រុង​ញូវ​យ៉ក​ នា​សប្តាហ៍នេះ​។ ​លោក ​ប្រាក់ សុខុន បាន​ប្រាប់​មេ​ដឹក​នាំ ​និង​រដ្ឋ​មន្ត្រី​ការ​បរទេស​មួយ​ចំនួន​ថា ​ កម្ពុជា​គឺ​ជា​ជន​រង​គ្រោះ​ក្នុង​សង្គ្រាម​ជា​មួយ​ថៃ​។​ អ្នក​វិភាគ​ លើក​ឡើង​ថា​ នេះ​ជា​ឱកាស​ដែល​កម្ពុជា​បក​អាក្រាត​ទង្វើ​របស់​ភាគី​ថៃ​ដែល​ឈ្លាន​ពាន​មក​លើ​កម្ពុជា​ តែ​ថា​សហគមន៍​អន្តរ​ជាតិ​អាច​មិន​សូវ​ផ្តល់​ការ​យក​ចិត្ត​ទុក​ដាក់​លើ ជម្លោះ​នេះ​។