ប្រទេសកម្ពុជាតាមរយៈគណៈម្មការច​ម្រុះខណ្ឌសីមាព្រំដែនគោក(JBC)របស់ខ្លួន បានស្នើឲ្យភាគីថៃរៀបចំប្រជុំពិសេសបន្ទាន់មួយរបស់គណៈកម្មការចម្រុះខណ្ឌសីមាព្រំដែនគោកកម្ពុជា-ថៃ ថៃ-កម្ពុជានៅសប្តាហ៍ដំបូង ខែមករា ឆ្នាំ២០២៦នៅខេត្តសៀមរាប។ សំណើររបស់កម្ពុជាធ្វើឡើងដោយយោងទៅលើកំណត់ហេតុកិច្ចប្រជុំពិសេសរបស់គណៈកម្មការ JBC ប្រទេសទាំងពីរកាលពីថ្ងៃទី២២ ខែតុលា ឆ្នាំ២០២៥ និងសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មការព្រំដែនទូទៅ(GBC) ចុះថ្ងៃទី២៧ ខែធ្នូ ឆ្នាំ២០២៥ថ្មីៗនេះ។

ប្រធានាធិបតីសហរដ្ឋអាមេរិក លោក​ ដូណាល់ ត្រាំ បានសាទរនឹងការប្រកាសបទឈប់បាញ់រវាងកម្ពុជា និងថៃសាជាថ្មីកាលពីថ្ងៃទី២៧ ខែធ្នូ ឆ្នាំ២០២៥ និងថាភាគីទាំងពីរនឹងវិលត្រលប់ទៅរកការរស់នៅក្នុងសន្តិភាព ដូចអ្វីដែលបានព្រមព្រៀងក្នុងឯកសារនានាកាលពីពេលមុន។ ការសាទររបស់លោកប្រធានាធិបតី ត្រាំ ធ្វើឡើងបន្ទាប់ពីលោកធ្លាប់ជាសាក្សី និងលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ជាអ្នកជួយសម្រួលឲ្យមានការចុះហត្ថលេខាលើសេចក្តីថ្លែងការណ៍ស្តីពីសន្តិភាពរវាងកម្ពុជា​ និងថៃ នាទីក្រុងគូឡាឡាំពួរ ប្រទេសម៉ាឡេស៊ីកាលពីថ្ងៃទី២៦ ខែតុលាកន្លងទៅ។

សហគមន៍ជនជាតិភាគតិច Alaouite រាប់ពាន់នាក់ បាននាំគ្នាចេញធ្វើបាតុកម្ម នៅថ្ងៃអាទិត្យ ទី២៨ ធ្នូ នៅតាមបណ្តាទីក្រុងធំៗ ក្នុងប្រទេសស៊ីរី។ ការប្រមូលផ្តុំគ្នាតវ៉ា គឺដើម្បីទាមទារឲ្យបញ្ឈប់ការកាប់សម្លាប់ និងបញ្ឈប់អំពើហិង្សាមកលើសហគមន៍របស់ខ្លួន។ មេដឹកនាំសហគមន៍ Alaouite នៅស៊ីរី និងនៅក្រៅប្រទេសក៏បានទាមទារបំបែកទឹកដី។

លោកស្រី ប្រ៊ីហ្ស៊ីត បារដូត៍ (Brigitte Bardot) កំពូលតារាភាពយន្តបារាំង កាលពីសម័យទសវត្សរ៍​ឆ្នាំ ៥០-៦០ បានស្លាប់​កាលពី​ថ្ងៃទី​២៨ធ្នូ ក្នុងជន្មាយុ​៩១ឆ្នាំ​។ លោកស្រី​ប្រ៊ីហ្ស៊ីត បារដូត៍ មានកេរ្តិ៍​ឈ្មោះរន្ទឺពេញពិភពលោក គឺ​ជានិម្មិតរូបនៃនារី​សម័យទំនើប មានសម្រស់ស្រស់សោភា និងជាស្ត្រី​ ពោរពេញដោយ​សេរីភាព​។ មិនត្រឹមតែប៉ុណ្ណោះ លោក​ស្រី​ក៏បាន​បូជាកម្លាំងកាយ​ចិត្ត និង​ថវិកា​ ដើម្បី​លើកកំពស់ការគោរពជីវិត​សត្វ​ថែមទៀតផង​។

បណ្តាប្រទេសធំៗ តួយ៉ាង សហរដ្ឋអាមេរិក អាល្លឺម៉ង់ អង់គ្លេស អូស្ត្រាលី ចិន ជប៉ុន និងអង្គការសហប្រជាជាតិជាដើម បានចេញមុខមកគាំទ្រចំពោះការអនុវត្តបទឈប់បាញ់ឡើងវិញរវាងកម្ពុជា-ថៃ។ សេចក្តីថ្លែងការណ៍របស់សហគមន៍អន្តរជាតិ បានធ្លាក់មកជាហូរហែ នៅក្រោយពេលដែលកម្ពុជានិងថៃ បានយល់ព្រមអនុវត្តបទឈប់បាញ់ឡើងវិញចាប់ពីម៉ោង១២រសៀលថ្ងៃសៅរ៍ទី២៧ខែធ្នូឆ្នាំ២០២៥។

ក្នុង​ជំនួប​ដែល​ធ្វើ​ឡើង​នៅប្រទេសចិន​ លោក ប្រាក់​ សុខុន​ រដ្ឋ​មន្ត្រី​ក្រសួង​ការបរទេស​កម្ពុជា​បាន​វាយ​តម្លៃខ្ពស់​ចំពោះ​កិច្ច​សហ​ប្រតិបត្តិ​ការ​រវាង​កម្ពុជា​ និង​ចិន​ ដែល​ជា​មិត្ត​ដែក​ថែប​នឹង​គ្នា។​ នេះបើតាមសេចក្តីប្រកាសព័ត៌មានរបស់​ក្រសួង​ការ​បរទេស​កម្ពុជា​ចុះនៅ​ថ្ងៃទី​២៨​ធ្នូនេះ​។​ តាម​​ក្រសួង​ការ​បរទេស​កម្ពុជាលោក ប្រាក់​ សុខុន ចាត់ទុកថាការ​ជួយ​សម្រប​សម្រួល​របស់រដ្ឋា​ភិ​បាល​ទីក្រុង​ប៉េកាំង​ក្នុងជម្លោះ​ព្រំ​ដែន​ខ្មែរ-ថៃ ​ ​អាចនឹង​​ជួយ​​រក្សា​សន្តិ​ភាពឱ្យបានស្ថិតនៅ​​យូ​រ​អង្វែង។ សន្តិភាពដែលបានកើតឡើងតាមព្រំដែនខ្មែរ-ថៃ បន្ទាប់ពីការប្រកាសបទឈប់បាញ់បន្ទាន់មួយកាលពីថ្ងៃសៅរ៍កន្លងទៅថ្មីៗនេះ។​ 

អ្នកនាំពាក្យក្រសួងការពារជាតិ លោកស្រី ម៉ាលី សុជាតា បានឲ្យដឹងក្នុងសន្និសីទព័ត៌មានរបស់រដ្ឋាភិបាលនៅព្រឹកថ្ងៃអាទិត្យទី២៨ធ្នូនេះថា ស្ថានការណ៍នៅតាមព្រំដែនកម្ពុជា និងថៃ មានភាពស្ងប់ស្ងាត់ ក្រោយភាគីកម្ពុជា និងថៃបានប្រកាសបទឈប់បាញ់សាជាថី្ម។ បទឈប់បាញ់ដែលបានចូលជាធរមាននៅវេលាម៉ោង១២ថ្ងៃត្រង់កាលពីថ្ងៃសៅរ៍ម្សិលមិញនេះ។ តែទោះជាយ៉ាងណា លោកស្រី ម៉ាលី សុជាតា បានលើកឡើងថា កងទ័ពកម្ពុជានៅតែរក្សាការប្រុងប្រយ័ត្នខ្ពស់ដើម្បីការពារដែនអធិបតេយ្យ និងបូរណភាពទឹកដីកម្ពុជា៕

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេឡេនស្គី ត្រូវជួបលោកដូណាល់ ត្រាំ នៅថ្ងៃអាទិត្យ ទី២៨ ធ្នូ នៅរដ្ឋផ្លរីដា សហរដ្ឋអាមរិក។ នៅក្នុងជំនួបលើកនេះ លោកហេ្សឡេនស្គីនឹងព្យាយាមបញ្ចុះបញ្ចូលលោកត្រាំ ឲ្យយល់ព្រមលើសេចក្តីព្រាងថ្មីនៃផែនការសន្តិភាព ដើម្បីឈានទៅបិទបញ្ចប់សង្រ្គាមជាមួយរស្ស៊ី មុនជំនួបជាមួយចៅហ្វាយសេតវិមានអាមេរិក ប្រមុខដឹកនាំអ៊ុយក្រែនបានជជែកពិភាក្សាជាមួយនឹងសម្ព័ន្ធមិត្តអឺរ៉ុប និងបានជួបនាយករដ្ឋមន្ត្រីកាណាដា លោក ម៉ាក ខានី នៅកាណាដា។

នៅភូមា ដំណើរការបោះឆ្នោត​រយៈពេល៣០ថ្ងៃ បានចាប់ផ្តើមហើយ​នៅថ្ងៃអាទិត្យ​ ទី​២៨ធ្នូ​​។ មេដឹកនាំរបបសឹកភូមា លោក មីន អ៊ុងឡាំង បានអះអាងថា ការបោះឆ្នោតនេះ គឺជាការអនុវត្តលទ្ធិប្រជាធិបតេយ្យ​។ តែយ៉ាងណាក៏ដោយ អ្នកសង្កេតការណ៍អន្តរជាតិនានា បាន​រិះគន់ថា​ ការបោះឆ្នោតរៀបចំដោយរបបសឹកនេះ មិនមានភាពសេរីនិងយុត្តិធម៌ទេ​ ព្រោះពោរពេញទៅដោយ​ការគំរាម​កំហែង សង្រ្គាម​ស៊ីវីលនៅតែបន្ត ហើយ​គណបក្ស​ប្រឆាំងធំៗ ក៏ត្រូវគេ​​រំលាយ​ចោល​ មិន​ឲ្យចូលរួម​ក្នុង​ការបោះឆ្នោត​។

គ្រោះមហន្តរាយធម្មជាតិ​បង្កឡើងដោយ​វិបត្តិអាកាសធាតុ នៅក្នុងឆ្នាំ​២០២៥កន្លងមកនេះ មាន​កម្រិតធ្ងន់ធ្ងរកាចសាហាវខ្លាំងណាស់។ គ្រោះមហន្តរាយ​ធម្មជាតិដ៏ធ្ងន់ធ្ងរ ចំនួន​យ៉ាងហោច១០ករណីនៅទូទាំងពិភពលោក​ បានបង្កការបំផ្លិចបំផ្លាញ គិត​ជាទឹកប្រាក់​ប្រមាណ​១២០ពាន់លានដុល្លារ​។ នេះបើផ្អែកតាម​របាយការណ៍ថ្មីមួយរបស់អង្គការ Christian Aid ចេញផ្សាយថ្ងៃទី​២៧ធ្នូម្សិលមិញ​។​ វាគឺជាទំហំប៉ាន់ស្មាន ដែល​បាន​អាចទាបជាងការពិតជាក់ស្តែងផង​។​

ប្រមុខដឹកនាំកូរ៉េខាងជើង លោក គីម ជុងអ៊ុន បានបញ្ជាឲ្យពង្រីកសមត្ថភាពផលិតកម្មគ្រាប់មីស៊ីល នៅឆ្នាំ២០២៦ ខាងមុខ ដើម្បីបំពេញតម្រូវការការពារជាតិរបស់ខ្លួន។ នៅក្នុងសប្តាហ៍នេះ របបក្រុងព្យុងយ៉ាងក៏បានអួតសម្ញែងការដ្ឋានសាងសង់នាវាមុជទឹកដើរដោយថាមពលនុយក្លេអ៊ែរ និងបានបាញ់សាកល្បងមីស៊ីលរយៈចម្ងាយឆ្ងាយ ដែរ។

អ៊ីស្រាអែលបានប្រកាសជាផ្លូវការ​ នៅថ្ងៃសៅរ៍ទី​២៧ធ្នូ ទទួលស្គាល់ដែនដី​សូម៉ាលីលែនដ៍ ជារដ្ឋឯករាជ្យ​។ ការប្រកាស​ដែលបានបង្ក​ឲ្យ​មាន​ការតវ៉ាប្រឆាំងយ៉ាងខ្លាំង ពីសំណាក់រដ្ឋាភិបាល​ប្រទេសសូម៉ាលី ដែលបានចាត់ទុកថា នេះជាទង្វើ​វាយ​ប្រហារមក​លើអធិបតេយ្យ​ភាពរបស់​សូម៉ាលី​។ តើមានហេតុផលអ្វីខ្លះ​​ នៅពីក្រោយ​ការទទួលស្គាល់របស់អ៊ីស្រាអែល ចំពោះ​ដែនដី​សូម៉ាលីលែនដ៍​នេះ​?

កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) បាន​បញ្ចប់​ទៅ​នៅ​ព្រឹក​ថ្ងៃ​ទី​២៧​ ខែ​ធ្នូ ឆ្នាំ២០២៥​នេះ នៅច្រកអន្តរជាតិព្រំ-ផាកកាត ខេត្តប៉ៃលិន ប្រទេសកម្ពុជា ទល់នឹងខេត្តចាន់ថាបុរី ប្រទេសថៃ។​ នេះបើ​តាម​ក្រសួងការពារជាតិ​ ដោយបានបន្ថែមថា​ ជា​លទ្ធ​ផល ភាគីកម្ពុជា​ និងថៃ​បាន​​ឯក​ភាព​គ្នា​លើ​បទ​ឈប់​បាញ់បន្ទាន់​ចាប់​ពីម៉ោង​ ១២​ថ្ងៃត្រង់​ ថ្ងៃ​ទី​២៧​ធ្នូនេះ។ ​បទ​ឈប់​បាញ់​ដែលជាសាកល្បង​រយៈ​ពេល​ ៧២​ម៉ោង​។​ 

នៅព្រឹក​ព្រលឹម​ថ្ងៃ​ទី​២៧ ខែ​ធ្នូនេះ ​យោធា​ថៃ​បាន​ប្រើ​ប្រាស់​យន្ត​ហោះ ​F-16​ ទម្លាក់​គ្រាប់​បែក​ចំនួន​ ១៦​គ្រាប់​ ចូល​ទី​តាំង​ប្រជា​ជន​ស៊ីវិល​កម្ពុជា ​ក្នុង​ខេត្ត​បន្ទាយ​មាន​ជ័យ​។​ សកម្មភាព​របស់​ពួក​យោធា​ថៃ​បែប​នេះ​កើត​ឡើង​ស្រប​ពេល​ដែល​ក្រុម​ប្រឹក្សា​សន្តិ​សុខ​ជាតិ​ថៃ ​សម្រេច​បញ្ជូន​រដ្ឋ​មន្ត្រី​ការ​ពារ​ជាតិ​ថៃ​មក​កម្ពុជា​ នៅថ្ងៃ​សៅរ៍​នេះ​ ដើម្បី​ចរចា​ឲ្យ​មាន​បទ​ឈប់​បាញ់​ ក្រោយ​ការ​វាយ​ប្រយុទ្ធ​គ្នា​អស់​រយៈ​ពេល​ជាង​២​សប្តាហ៍​។

អាជ្ញាធរមីនកម្ពុជានៅថ្ងៃទី២៦ ខែធ្នូ ឆ្នាំ២០២៥ បានដាក់ចេញនូវសេចក្តីណែនាំ៨ចំណុច ក្នុងការពង្រឹងវិធានការសុវត្ថិភាពចំពោះប្រតិបត្តិការសកម្មភាពបោសសម្អាតមីន និងការយល់ដឹងអំពីយុទ្ធភណ្ឌគ្រឿងផ្ទុះ អំឡុងពេលមានជម្លោះព្រំដែនរវាងកម្ពុជា-ថៃ។ វិធានការណែនាំរបស់អាជ្ញាធរមីន ធ្វើឡើងដើម្បីបង្ការ និងទប់ស្កាត់គ្រោះថ្នាក់ជាយថាហេតុដល់បុគ្គលិកដែលកំពុងបម្រើការក្នុងវិស័យសកម្មភាពបោសសម្អាតមីន ពិសេសប្រជាពលរដ្ឋភៀសសឹក។

ប្រទេសមហាយក្សចិនបានប្រកាសពីការរៀបចំខ្លួនធ្វើជាម្ចាស់​ផ្ទះសម្រាប់​កិច្ច​សន្ទនា ស្តីពីស្ថានភាពបច្ចុប្បន្ន​រវាង​កម្ពុជា-ថៃ ដែលនឹងប្រព្រឹត្តទៅនៅថ្ងៃទី២៨-២៩ខែធ្នូ ឆ្នាំ ២០២៥ នៅខេត្ត​យូណាន។ កម្ពុជាបានវាយតម្លៃ​ខ្ពស់​ចំពោះ​តួនាទីរបស់ទីក្រុងប៉េកាំង ​ក្នុងការធ្វើម្ចាស់ផ្ទះនៃកិច្ចប្រជុំ​ត្រីភាគីនេះ និងចាត់ទុកថា ​នេះជាកិច្ចខិតខំ​ប្រឹង​ប្រែង​របស់​ចិន ចំពោះ​សន្តិភាព និងស្ថិរភាពតំបន់។

ចិនបានប្រកាសដាក់ទណ្ឌកម្មលើក្រុមហ៊ុនអាមេរិកចំនួន២០ ដែលផលិតសព្វាវុធលក់ឲ្យតៃវ៉ាន់។ ការដាក់ទណ្ឌកម្មនេះធ្វើឡើង បន្ទាប់ពីរដ្ឋាភិបាលក្រុងវ៉ាស៊ីតោនបានប្រកាសចុះកិច្ចព្រមព្រៀងលក់អាវុធរវាងក្រុមហ៊ុនអាមេរិក និងរដ្ឋាភិបាលតៃវ៉ាន់ កាលពីសប្តាហ៍មុន ក្នុងទំហំទឹកប្រាក់ជាង ១ម៉ឺន១ពាន់លានដុល្លារ។

តុលាការ​ម៉ាឡេស៊ី បាន​ប្រកាស​នៅថ្ងៃសុក្រទី​២៦​ធ្នូ​២០២៥​នេះ ថា​អតីត​នាយករដ្ឋមន្ត្រី​ម៉ាឡេស៊ី ពី​ឆ្នាំ​២០០៩-២០១៨ លោក ណាជីប រ៉ាហ្សាក់​ ពិត​ជា​បាន​ប្រព្រឹត្ត​កំហុស មាន​ទោស​ពី​បទ​រំលោភ​​អំណាច​និង​លាង​លុយ។ ​កំពុង​ជាប់​ឃុំ​ក្នុង​ពន្ធនាគារ ក្នុង​សំណុំ​រឿង​ពុករលួយ1MDBនេះ​ស្រាប់ ​លោក ណាជីប រ៉ាហ្សាក់​ ទំនង​បន្ត​រស់​ក្រោយ​ចម្រឹង​ដែក​ជាច្រើន​​ឆ្នាំ​ទៀត។

ក្រុមប្រឹក្សាសន្តិសុខជាតិថៃ សម្រេចបញ្ជូនរដ្ឋមន្ត្រីការពារជាតិ ឲ្យទៅកម្ពុជា នៅថ្ងៃសៅរ៍ ទី២៧ ធ្នូ ដើម្បីចរចាស្វែងរកកិច្ចព្រមព្រៀងឈប់បាញ់។ នេះតាមសម្តីរបស់នាយករដ្ឋមន្ត្រីថៃលាលែងពីតំណែង លោក អនុធិន ឆានវីរ៉ៈគូន ដែលបានថ្លែងប្រាប់ក្រុមអ្នកសារព័ត៌មាន នៅក្រុងបាងកក ក្នុងថ្ងៃសុក្រ ទី២៦ ធ្នូ។

ក្រុមហ៊ុនផ្តល់សេវាកម្មទេសចរណ៍ដ៏ធំមួយ «Trip.com» បានសម្រេចផ្អាកសេវាកម្មរបស់ខ្លួនជាមួយប្រទេសកម្ពុជា ដោយយោងទៅលើហេតុផលនៃការផ្ទុះសង្គ្រាមព្រំដែនជាថ្មីរវាងកម្ពុជា និងថៃ។ នេះបើតាមការចុះផ្សាយរបស់កាសែតហុងកុង South China Morning Post នៅថ្ងៃព្រហស្បតិ៍ទី២៥ ខែធ្នូ ឆ្នាំ២០២៥។ អ្នកធ្វើការក្នុងវិស័យទេសចរណ៍បានបង្ហាញក្តីបារម្ភចំពោះការផ្អាកប្រតិបត្តិការរបស់ក្រុមហ៊ុនកក់សេវាកម្មទេសចរណ៍«Trip.com» ដែលអាចប៉ះពាល់ដល់វិស័យទេសចរណ៍ក្នុងប្រទេសកម្ពុជា។

ក្នុងថ្ងៃណូអែល ទី២៥ ធ្នូ ដែលជាពិធីបុណ្យដ៏សំខាន់ក្នុងគ្រិស្តសាសនា សហរដ្ឋអាមេរិក​បានបើកប្រតិបត្តិការវាយប្រហារផ្លូវអាកាសប្រឆាំងពួកភេរវជនជីហាតអង្គការរដ្ឋអ៊ីស្លាមនៅក្នុងប្រទេសនីហ្សេរីយ៉ា។ ប្រធានាធិបតីអាមេរិក លោក ដូណាល់ ត្រាំ បានបញ្ជាក់ថា មូលហេតុនៃការវាយប្រហារដោយសារ​តែពួកប្រដាប់អាវុធជីហាតទាំងនោះបានសម្លាប់ប្រជាជនអ្នកកាន់សាសនាគ្រិស្តអស់ច្រើននាក់ និងយ៉ាងសាហាវព្រៃផ្សៃ។

រដ្ឋាភិបាលកម្ពុជានឹងចំណាយប្រាក់ចំនួន ៣៨ ៤៥៣ប៊ីលានរៀល ឬស្មើនឹងជាង ៩ពាន់លានដុល្លារសម្រាប់ឆ្នាំ២០២៦ខាងមុខ។ នេះបើតាមសារាចរស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ របស់ក្រសួងសេដ្ឋកិច្ច និងហិញ្ញវត្ថុនៅថ្ងៃពុធទី ២៤ខែធ្នូ ឆ្នាំ២០២៥ និងដែលទើបប្រកាសឲ្យមានការផ្សព្វផ្សាយនៅថ្ងៃសុក្រ ទី២៦ ធ្នូនេះ។

ប្រមុខរដ្ឋាភិបាលកម្ពុជា លោក ហ៊ុន ម៉ាណែត នៅយប់ថ្ងៃទី២៥​ ខែធ្នូ ឆ្នាំ២០២៥ បានជួបពិភាក្សាតាមទូរស័ព្ទជាមួយរដ្ឋមន្ត្រីការបរទេសអាមេរិក លោក Marco Robio ស្តីអំពីស្ថានការណ៍វិវត្តន៍នៃជម្លោះព្រំដែនកម្ពុជា-ថៃ។ ក្នុងជំនួបតាមទូរស័ព្ទនោះ លោក ហ៊ុន ម៉ាណែត បានបញ្ជាក់អំពីជំហររបស់កម្ពុជាប្រាប់ប្រមុខការទូតអាមេរិកថា កម្ពុជានៅតែចង់ដោះស្រាយបញ្ហាជម្លោះព្រំដែនដោយសន្តិវិធី ដោយគោរពតាមកិច្ចព្រមព្រៀង និងសេចក្តីថ្លែងការណ៍ ដែលមានស្រាប់កន្លងមក។

នៅថ្ងៃសុក្រ ទី២៦ ធ្នូនេះ រដ្ឋាភិបាលជប៉ុនបានអនុម័តគម្រោងថវិកាប្រចាំឆ្នាំថ្មី ២០២៦ ដែលមានទំហំដល់ទៅ ៦៦៥ពាន់លានអឺរ៉ូ។ គឺជាផែនការហិរញ្ញវត្ថុដ៏ធំជាអតិបរិមាដែលមានទិសដៅបង្កើនការចំណាយខ្លាំងលើវិស័យការពារជាតិ និងសន្តិសុខសង្គម។

កិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ(GBC)នៅថ្ងៃទី៣ បានបន្តចាប់ផ្តើមនៅព្រឹកថ្ងៃទី២៦ ខែធ្នូ ឆ្នាំ២០២៥នេះ នៅច្រកអន្តរជាតិព្រំ ខេត្តប៉ៃលិន ប្រទេសកម្ពុជា ទល់នឹងផាកកាត ខេត្តចន្ថាបុរី ប្រទេសថៃ។ កាសែតថៃ The Nation បានរាយការណ៍ថា កម្ពុជានៅតែបន្តបដិសេធលក្ខខណ្ឌចំនួន ៣ចំណុចរបស់ភាគីថៃ។ យ៉ាងណាមិញ និងបើតាមក្រសួងការពារជាតិកម្ពុជា កិច្ចប្រជុំថ្ងៃទី៣ គឺកំពុងបន្តកិច្ចពិភាក្សាគ្នា ដើម្បីស្វែងរកនូវដំណោះស្រាយ ក្នុងការស្តារស្ថិរភាព និងប្រក្រតីភាពឡើងវិញរវាងប្រទេសទាំងពីរ។

សហគមន៍​អន្តរជាតិ ១៤ប្រទេស​ ​អំពាវនាវ​ ​អ៊ីស្រាអែល ឲ្យ​បញ្ឈប់​ការ​ពង្រីកដែន​អាណានិគមកិច្ចខុសច្បាប់​ នៅ​តំបន់​ស៊ីហ្សកដានី​ និងថា​​សកម្មភាពអ៊ីស្រាអែល ​បំពាន​ដំណើរការ​សន្តិភាព​។​ ការ​អំពាវនាវនេះ​ធ្វើឡើង បន្ទាប់ពី​រដ្ឋាភិបាលអ៊ីស្រាអែល អនុម័ត​ឲ្យ​សាងសង់និងពង្រីក​ដែនដី ១៩ កន្លែង​នៅ​ស៊ីហ្សកដានី។​​ ក្រៅពី​បដិសេធ​ច្រានចោល អ៊ីស្រាអែល ចាត់ទុកថា ការអំពាវនាវ​​ផ្ទុយ​ពី​សីលធម៌​។​ 

ក្នុង​ពិធី​ជូន​ពរ​ថ្ងៃ​ណូអែល ២៥​ធ្នូ ជា​ប្រពៃណី ទៅ​កាន់​ក្រុង​ និងពិភពលោក​ទាំង​មូល សម្តេច​ប៉ាប​ឡេអុង​ទី​១៤ បាន​អំពាវនាវ​ឱ្យ​អ៊ុយក្រែន និង​រុស្ស៊ី​​មាន​សេចក្តី​ក្លាហាន​ចូល​ជជែក​ចរចា​គ្នា​ដោយ​ផ្ទាល់​។ សង្គ្រាម​វាយប្រហារ​គ្នា​ដោយ​ពាក្យ​សំដី ដោយ​អាវុធ​ បាន​បន្សល់​ទុក​តែ​ស្នាម​របួស​សម្រាប់​ក្មេង​ជំនាន់​ក្រោយ គឺ​ជា​ទង្វើ​ដ៏​ល្ងីល្ងើ​បំផុត។ នេះ​ជា​សង្ឃ​ដីកា​របស់​សម្តេច​ប៉ាប​ក្នុង​ថ្ងៃ​បុណ្យ​គ្រីស្មាក់​ដដែល។

កាសែតអាមេរិក The Wall Street Journal នៅថ្ងៃអង្គារទី២៣ ខែធ្នូ ឆ្នាំ២០២៥ បានចុះផ្សាយអត្ថបទទាក់ទងនឹងអ្នកធ្វើការក្នុងប្រតិបត្តិការឆបោកអនឡាញនៅតាមព្រំដែនកម្ពុជា ដែលកំពុងប្រឈមបញ្ហាគ្រោះថ្នាក់ដោយសារការទម្លាក់គ្រាប់បែករបស់ទាហានថៃ។ The Wall Street Journal បានឲ្យដឹងថា យ៉ាងហោចណាស់មានអ្នកធ្វើការផ្នែកសន្តិសុខម្នាក់បានបាត់បង់ជីវិត និងពីរនាក់រងរបួស អំឡុងពេលដែលទាហានថៃទម្លាក់គ្រាប់បែកលើទីតាំងរីសតមួយកន្លែងនៅច្រកអូរស្មាច់ ខេត្តឧត្តរមានជ័យ។

នៅថ្ងៃព្រហស្បតិ៍ទី២៥ ខែធ្នូ ឆ្នាំ២០២៥ លោក ប៉ាន់ខែម ប៊ុនថន នាយករងខុទ្ទកាល័យ លោកនាយករដ្ឋមន្ត្រី ហ៊ុន​ ម៉ាណែត និងជារដ្ឋលេខាធិការទីស្ដីការគណៈរដ្ឋមន្ត្រី បានថ្លែងថាលោកបានទទួលដំណឹងថាមានជនឆ្លៀតឱកាសមួយចំនួនបានទារប្រាក់ពីប្រជាពលរដ្ឋខ្មែរ និងជនបរទេស ជាថ្នូរនឹងការជូន ឬនាំផ្លូវចេញពីតំបន់ប៉ោយប៉ែត។ ជាមួយគ្នានេះ លោក ប៉ាន់ខែម ប៊ុនថន ក៏បានលើកឡើងតាមរយៈខ្សែអាត់សំឡេងដែរ ដោយស្នើឲ្យពលរដ្ឋក្នុងក្រុងប៉ោយប៉ែតរាយការណ៍ជាបន្ទាន់ទៅកាន់លោកដោយផ្ទាល់ ដើម្បីចាត់វិធានការដោយមិនលើកលែង ប្រសិនបើមានករណីនេះ។

ថ្ងៃទី២៥ ខែធ្នូ ឆ្នាំ២០២៥នេះ ជាពិធីបុណ្យណូអែល ដែលជាពិធីបុណ្យដ៏ធំមួយរបស់គ្រិស្តសាសនិក។ ខុសប្លែកពីឆ្នាំកន្លងទៅ ការប្រារព្ធបុណ្យណូអែលនៅទីក្រុងភ្នំពេញនៅឆ្នាំនេះ មិនមានសកម្មភាពគួរឲ្យកត់សម្គាល់ទេ ពោលគឺការតុបតែងលម្អ ឬការលក់ដូរវត្ថុអនុស្សាវរីយ៍មានសភាពសោះកក្រោះ។ នេះក៏ដោយសារតែបរិបទនៃសង្រ្គាមព្រំដែនរវាងកម្ពុជា-ថៃ បានរុញច្រានឲ្យពិធីបុណ្យណូអែលត្រូវប្រារព្ធឡើងដោយភាពស្ងប់ស្ងាត់។

អ្នកនយោបាយ​អភិរក្សស្តាំនិយម​ និងជាអ្នក​​ ត្រាំ និយម កាន់តែរីកដុះដាលច្រើនឡើងៗ នៅ​តំបន់​អាមេរិក​ឡាទីន។ ជាក់ស្តែង ថ្ងៃទី​២៥ ធ្នូ​​ ប្រទេស​ហុងឌូរ៉ាស ទើបតែ​ប្រកាស​ឈ្មោះប្រធានាធិបតី​ថ្មី លោក ណាស្រ៊ី អាសហ្វុរ៉ា (Nasry Asfura) អ្នក​នយោបាយអភិរក្សស្តាំនិយម​ ដែល​មាន​និន្នាការ​ស្និទ្ធ​នឹង​សហរដ្ឋអាមេរិក។ ក្នុងពេល ហុងឌូរ៉ាស​ធ្វើ​​យុទ្ធនាការ​ឃោសនា​បោះឆ្នោត និង​១​ថ្ងៃ​មុន​បោះឆ្នោត ប្រធានាធិបតី​អាមេរិក លោក ដូណាល់ ត្រាំ បាន​ដាក់សម្ពាធ​ផង និង​ជំរុញផង ឲ្យ​អ្នក​បោះឆ្នោត ផ្តល់​សន្លឹកឆ្នោត​​គាំទ្រ​បេក្ខជន​ស្តាំនិយម​​ ហើយ​​ជា​អ្នក ​ត្រាំ និយម។​