ក្នុង​យប់​ឆ្លង​ចូល​ថ្ងៃ​អាទិត្យ​ទី​២៦​មេសា​នេះ ដែល​​ជា​គម្រប់​ខួប​៤០​ឆ្នាំគត់​នៃ​មហន្តរាយ​នុយក្លេអ៊ែរ​ឈែរណូប៊ីល​ អ៊ុយក្រែន​រង​ការ​វាយប្រហារយ៉ាងធ្ងន់ធ្ងរជា​ថ្មី។ ដ្រូន​អត្តឃាត​រុស្ស៊ី​មិន​តិច​ជាង​១៤៤​គ្រឿង​បាន​ធ្លាក់​បំផ្លាញ​ការ​ខូត​ខាត​នៅ​ជា​ច្រើន​ក្នុង​កន្លែង​ក្នុង​ផ្ទៃ​ប្រទេស ជាពិសេស​នៅ ឈែនីហ៊ីល និ​ងអូដេសា។ ក្នុងឱកាស​នេះ លោកប្រធានាធិបតី​អ៊ុយក្រែន ហ្សេឡេនស្គី បាន​ចោទ​ប្រកាន់​រុស្ស៊ី ថា​ជា “​ប្រទេស​ភេរវនិយម​នុយក្លេអ៊ែរ”។

ពីរ​បី​ម៉ោង​ក្រោយការ​ប៉ុន​ប៉ង​បាញ់​ប្រហារ​លោកប្រធានាធិបតីអាមេរិក​​ ​នៅ​ក្នុង​កម្មវិធីជួប​ជុំ​ប្រចាំ​ឆ្នាំ​​របស់​​ក្រុម​អ្នក​សារព័ត៌មាន​ លោក​ដូណាល់ត្រាំ​បាន​អះអាង​នៅ​យប់​​ថ្ងៃ​សោរ៍​ទី ២៥​មេសា​ថា ហេតុការណ៍នេះ​មិន​បាន​ធ្វើ​ឱ្យ​លោក​ប្តូរ​ចិត្ត​​ ក្នុង​ការ​យក​ឈ្នះ​សង្គ្រាម​នៅ​អ៊ីរ៉ង់​ទេ។ ​​តើ​ខ្មាន់​កាំភ្លើង​​ជា​នរណា? មាន​ចេតនា​អ្វី​ឱ្យ​ប្រាកដ? ហេតុការណ៍​បាញ់​រះ​ក្នុង​កម្មវិធី​ជួប​ជុំ​ក្រោម​វត្តមាន​ប្រធានាធិបតី​កើត​ឡើង​យ៉ាង​ដូចម្តេច​ខ្លះ?

ក្រសួងការពារជាតិអាល្លឺម៉ង់បានប្រកាសនៅថ្ងៃសៅរ៍ ទី២៥ មេសា បញ្ជូននាវាចម្បាំង ៣គ្រឿង រួមជាមួយនាវិកជិត ៥០នាក់ ជំនាញខាងដោះមីន ទៅច្រកសមុទ្រអកមូហ្ស។ នាវាទាំង៣គ្រឿងនេះនឹងធ្វើដំណើរឆ្លងកាត់សមុទ្រម៉េឌីទែរ៉ាណេ ឆ្ពោះទៅតំបន់ក្បែរច្រកសមុទ្រអកមូហ្ស ដើម្បីត្រៀមបើកប្រតិបត្តិការដោះមីនរួមគ្នាជាមួយសម្ព័ន្ធមិត្តអូតង់។

ប្រទេសចិន និងភូមា បានសន្យាពង្រីកចំណងទាក់ទងពាណិជ្ជកម្ម និងសន្តិសុខ ដែលផ្តោតជាសំខាន់នៅក្នុងតំបន់ព្រំដែននៃប្រទេសទាំងពីរ​។ ការប្តេជ្ញាចិត្តនេះ ធ្វើឡើងក្នុងអំឡុលពេលនៃការពិភាក្សាគ្នារវាងលោក មីន អ៊ុងឡាំង ប្រធានាធិបតីភូមា និងមន្ត្រីការទូតកំពូលៗរបស់ប្រទេសទាំងពីរនៅក្នុងប្រទេសនៃប្រជាជាតិអាស៊ីអាគ្នេយ៍មួយនេះ។ អ្នកវិភាគយល់ថា មេដឹកនាំរបបយោធាភូមានៅបន្តពង្រឹងការក្តោបក្តាប់អំណាច តាមរយៈការខិតខំរឹតចំណងទាក់ទងជាមួយទីក្រុងប៉េកាំង។

ថ្ងៃទី២៦ ខែមេសា ឆ្នាំ២០២៦នេះ ជាខួប ១៤ឆ្នាំ នៃការបាញ់សម្លាប់លើអ្នកការពារព្រៃឈើដ៏ល្បីឈ្មោះ គឺលោក ឈុត វុទ្ធី។ ក្នុងឆ្នាំនេះ បណ្តាអង្គការសង្គមស៊ីវិលមិនបានធ្វើពិធីជួបជុំបែបសាសនាណាមួយ ដើម្បីរម្លឹកដល់វិញ្ញាណក្ខន្ធលោក ឈុត វុទ្ធី ឡើយ។ ប៉ុន្តែពួកគេបានចេញសាររៀងៗខ្លួនតាមបណ្តាញសង្គម បន្តទាមទារឲ្យរដ្ឋាភិបាលបើកការស៊ើបអង្កេតនិងវែកមុខឃាតករនៅពីក្រោយខ្នង​នៃការបាញ់សម្លាប់លើលោក ឈុត វុទ្ធី។

ពីរ​បី​ម៉ោង​ក្រោយការ​ប៉ុន​ប៉ង​បាញ់​ប្រហារ​លោកប្រធានាធិបតីអាមេរិក​​ ​នៅ​ក្នុង​កម្មវិធីជួប​ជុំ​ប្រចាំ​ឆ្នាំ​​របស់​​ក្រុម​អ្នក​សារព័ត៌មាន​ លោក​ដូណាល់ត្រាំ​បាន​អះអាង​នៅ​យប់​​ថ្ងៃ​សោរ៍​ទី ២៥​មេសា​ថា ហេតុការណ៍នេះ​មិន​បាន​ធ្វើ​ឱ្យ​លោក​ប្តូរ​ចិត្ត​​ ក្នុង​ការ​យក​ឈ្នះ​សង្គ្រាម​នៅ​អ៊ីរ៉ង់​ទេ។ ​​តើ​ខ្មាន់​កាំភ្លើង​​ជា​នរណា? មាន​ចេតនា​អ្វី​ឱ្យ​ប្រាកដ? ហេតុការណ៍​បាញ់​រះ​ក្នុង​កម្មវិធី​ជួប​ជុំ​ក្រោម​វត្តមាន​ប្រធានាធិបតី​កើត​ឡើង​យ៉ាង​ដូចម្តេច​ខ្លះ?

នៅក្នុងពិធីជួបសំណេះសំណាលជាមួយសហជីពកម្មករ ដើម្បីអបអរទិវាពលកម្មអន្តរជាតិ ១ឧសភា នាថ្ងៃ ទី២៦ ខែមេសា ឆ្នាំ២០២៦នេះ ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានថ្លែងថា ករណីក្មេងទំនើងដែល​តែងតែបង្កការអុកឡុកនៅក្នុងសង្គម អាចត្រូវបានពិចារណាចាប់បញ្ជូនពួកគេទៅកាន់សមរភូមិមុខ ឲ្យធ្វើការ​ងារមួយចំនួន ដូចជា ជីកលេណដ្ឋាន ជាដើម។ អ្នកវិភាគមួយចំនួន បានគាំទ្រគំនិតនេះ តែអ្នកខ្លះទៀត ចាត់ទុកថានេះ«គ្រាន់តែនយោបាយ​ផ្គាប់ចិត្តមហាជន»។ ប្រសិនបើចាប់បញ្ជូនក្មេងទំនើងទៅកាន់សមរភូមិមុខ តើមានគុណសម្បត្តិ និងគុណវិបត្តិអ្វីខ្លះ?

រ៉ឺម៉កសណ្តោងអ្នក​ដំណើរ​ ដែលអាចដឹកមនុស្សបានច្រើនប្រហាក់ប្រហែលរថយន្តដឹកទំនិញធុនតូច ហាក់​មិន​សូវ​មាន​វត្តមាន​ច្រើន​ទេ​នៅ​ទីក្រុង​ភ្នំពេញ​។ ទោះយ៉ាងណា​មធ្យោ​បាយធ្វើ​ដំណើររួម ដែលគេនិយមជិះកាលពីជាង៣០ឆ្នាំមុន ​នៅ​តែបន្តវត្តមាន​បម្រើ​ដល់​ពល​រដ្ឋ​ សិស្សសាលា​ ក្នុង​ភូមិសាស្ត្រខណ្ឌ​ឫស្សីកែវ​ រាជធានីភ្នំពេញ​​។ លោក ជា រដ្ឋា អ្នកបើក​​រ៉ឺម៉កសណ្តោង អះអាង​ថា​ របរ​នេះ​បាន​ផ្តល់​កម្រៃ​ឱ្យ​លោក​សម​រម្យ​ សម្រាប់​ទ្រទ្រង់​ជីវភាព​គ្រួសារ។

នៅថ្ងៃទី២៦ ខែមេសា ឆ្នាំ២០២៦ ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានថ្លែងថា ការជ្រើសរើសកងទ័ព ឲ្យចូលបម្រើការងារការពារជាតិក្នុងរយៈពេល២ឆ្នាំ ត្រូវធ្វើឡើងតាមរូបមន្តស្ម័គ្រចិត្ត និងការចាប់បង្ខំ។ ការបញ្ជាក់របស់លោក ហ៊ុន ម៉ាណែត ធ្វើឡើងអំឡុងពេលលោកជួបសំណេះសំណាលជាមួយសហជីព កម្មករ នៃសេដ្ឋកិច្ចក្រៅប្រព័ន្ធ ដើម្បីអបអរទិវាពលកម្មអន្តរជាតិ ១ឧសភា។

មេធាវីការពារក្តីឱ្យគណបក្ស និងអ្នកនយោបាយប្រឆាំងនៅកម្ពុជា លោក ជូង ជូងី បានប្រកាសចង់បង្កើតគណបក្សនយោបាយថ្មីមួយ ដែលមានឆន្ទៈជួយជាតិពិតប្រាកដ។ តាមរយៈវិទ្យុបារាំងអន្តរជាតិ RFI នៅថ្ងៃទី២៦ ខែមេសា ឆ្នាំ២០២៦នេះ លោកមេធាវី ជូង ជូងី បញ្ជាក់ថាការគ្រោងបង្កើតគណបក្សនយោបាយរបស់លោក គឺដោយសារលោកសង្កេតឃើញថាអ្នកនយោបាយនៅក្នុងគណបក្សក្រៅរដ្ឋាភិបាលបច្ចុប្បន្នមិនបានដាក់គោលដៅជួយជាតិពិតប្រាកដទេ។ មួយវិញទៀត លោកថាគណបក្សក្រៅរដ្ឋាភិបាលកន្លងមក មិនសម្រេចអ្វីបានទេ ដោយសារមិនមានការសម្រិតសម្រាំងបេក្ខជន ដែលត្រូវឈរឲ្យគេបោះឆ្នោតប្រកបដោយសីលធម៌ និងគុណធម៌។ ​​តាមលោក ជូង ជូងី គណបក្សដែលលោកគ្រោងបង្កើតឡើង នឹងត្រូវមានសម្ព័ន្ធភាពជាមួយគណបក្សប្រជាធិបតេយ្យឯទៀត ដោយយកគណបក្សសង្គ្រោះជាតិជាគំរូ។

កាលពីថ្ងៃទី២៥ ខែមេសា ឆ្នាំ២០២៦ ប្រមុខរដ្ឋស្តីទី លោក ហ៊ុន សែន បានផ្តើមបេសកកម្មចុះជួបក្រុមប្រឹក្សា ដែលជាសមាជិកគណបក្សប្រជាជនកម្ពុជានៅតាមមូលដ្ឋានក្នុងខេត្តកំពង់ចាម និងឆ្ពោះទៅកាន់ខេត្តត្បូងឃ្មុំនៅថ្ងៃអាទិត្យទី២៦មេសានេះ។ ការចុះជួបសមាជិកតាមមូលដ្ឋានរបស់ប្រធានគណបក្សកាន់អំណាចធ្វើឡើង ខណៈដែលមេដឹកនាំបក្សប្រឆាំងនៅក្នុងស្រុកកំពុងសកម្មចុះទៅជួបអ្នកគាំទ្ររបស់ខ្លួន និងលើកផ្លាកគណបក្សនៅតាមមូលដ្ឋានដែរ។ អ្នកឃ្លាំមើលសង្គមនានាយល់ឃើញថាដំណើរចុះជួបសមាជិករបស់មេដឹកនាំគណបក្សកាន់អំណាច និងគណបក្សប្រឆំាង ធ្វើឡើងក្នុងគោលដៅពង្រឹងកម្លាំង និងផ្តល់សារនយោបាយសំខាន់ៗ។

អាជ្ញាធរប៉ាឡេស្ទីនបានរៀបចំការបោះឆ្នោតជ្រើសរើសក្រុមប្រឹក្សាឃុំ-សង្កាត់លើកទី១ បើគិតតាំងពីសង្រ្គាមនៅហ្កាហ្សាបានផ្ទុះឡើង កាលពីឆ្នាំ២០២៣។ នៅក្នុងការបោះឆ្នោតលើកនេះ ប្រជាជនប៉ាឡេស្ទីន នៅតំបន់ស៊ីហ្សកដានី និងនៅតំបន់ហ្កាហ្សា ជាង១លាននាក់ បានចុះឈ្មោះបោះឆ្នោត។ ការបោះឆ្នោតលើកនេះ ដំណើរការយ៉ាងរលួន ដោយគ្មានការប្រឆាំងពីក្រុមប្រដាប់អាវុធហាម៉ាស ដែលជាអ្នកតែងតែជំទាស់នឹងការរៀបចំការបោះឆ្នោត។

នៅថ្ងៃទី២៤ ខែមេសា ឆ្នាំ២០២៦ កម្ពុជាតាមរយៈក្រសួងការបរទេសបានចាត់ទុកជំហររបស់ភាគីថៃ ដែលចង់ដកខ្លួនចេញពីអនុស្សរណៈនៃការយោគយល់គ្នាឆ្នាំ២០០១(MOU២០០១) ថា​ជាការប៉ុនប៉ងមិនដោះស្រាយបញ្ហានៅតំបន់ដែនសមុទ្រត្រួតស៊ីគ្នា និងស្របតាមការព្រមព្រៀងគ្នាកន្លងមកស្តីពីការរៀបចំផ្នែកបច្ចេកទេស។ នេះបើតាមសេចក្តីថ្លែងការណ៍របស់ក្រសួងការបរទេសកម្ពុជា។ អ្នកជំនាញវិទ្យាសាស្ត្រនយោបាយយល់ថា បើភាគីថៃពិតជា​លុបចោល MOU ឆ្នាំ២០០១នេះ ជាឯកតោភាគីមែន កម្ពុជាគ្មានជម្រើសអ្វីក្រៅពីងាកទៅរកយន្តការអន្តរជាតិតាមរយៈតុលាការយត្តិធម៌អន្តជាតិ (ICJ)នោះទេ។

ដំណឹង​ស្តី​ពីលទ្ធភាព​មាន​កិច្ចចរចា​រវាងអាមេរិក​និងអ៊ីរ៉ង់ឡើង​វិញ បាន​ធ្វើ​ឱ្យ​ទីផ្សារ​ពិភពលោក​រីក​រាយ​បន្តិច ប៉ុន្តែ​នៅសហរដ្ឋ​​អាមេរិកវិញ ប្រជាប្រិយភាពរបស់​លោក​ដូណាល់​ត្រាំ បាន​ធ្លាក់​ចុះខ្លាំង​ ព្រោះ​ប្រជាពលរដ្ឋយល់​ថា លោកប្រធានាធិបតី​អាមេរិក​​ជា​ដើម​ហេតុ​ធ្វើ​ឱ្យ​ប្រេង​ឡើង​ថ្លៃ។

លោកប្រធានាធិបតីកូឡុំប៊ី និងលោកស្រីប្រធានាធិបតីស្តីទីវ៉េណេស៊ុយអេឡា បានប្រកាសពីកិច្ចសហប្រតិបតិ្តការយោធា ដើម្បីបង្រ្កាបពួកម៉ាហ្វីយ៉ា និងក្រុមឧក្រិដ្ឋជន ព្រមទាំងបោសសម្អាតអំពើជួញដូរខុសច្បាប់ នៅតាមបណ្តោយព្រំដែន នៃប្រទេសទាំងពីរ។ សេចក្តីប្រកាសនេះធ្វើឡើង នៅថ្ងៃសុក្រ ទី២៤ មេសា អំឡុងដំណើរទស្សនកិច្ចរបស់ប្រមុខរដ្ឋាភិបាលកូឡុំប៊ី លោក ហ្គុស្តាវ៉ូ ប៉េត្រូ នៅក្រុងការ៉ាកាស។ ក្រៅពីនេះ ប្រមុខដឹកនាំទាំងពីរក៏បានពិភាក្សាគ្នា អំពីទំនាក់ទំនងលើវិស័យពាណិជ្ជកម្ម និងថាមពល ដែរ។

តាំងពីផ្ទុះ​សង្គ្រាម​មក ច្រក​អកមូហ្ស​ត្រូវ​បិទ​ខ្ទប់​ស្ទើរ​ទាំង​ស្រុង​ដោយ​​អ៊ីរ៉ង់។ ក្នុង​ផែនការ​សន្តិភាព១០​ចំណុចរបស់​អ៊ីរ៉ង់ ​មាន​មួយ​ជា​សំណើ​គ្រប់​គ្រង​ច្រក​សមុទ្ទអកមូហ្ស​។ ហើយ​អ៊ីរ៉ង់​មាន​បំណង​បង្កើត​ច្បាប់​បង់​ថ្លៃ​ឆ្លង​កាត់​ច្រក​សមុទ្ទ​អកមូហ្ស​នេះ​ទៀត។​ នាវា​ដឹក​ប្រេង​ណា​ចង់​ឆ្លង​កាត់ច្រក​សមុទ្ទ​អកមូហ្ស​ ត្រូវ​សុំ​​ការ​​អនុញ្ញាត និង​ត្រូវ​​បង់​ប្រាក់​​ថ្លៃឆ្លង​ច្រក​អកមូហ្ស​​ឱ្យ​អ៊ីរ៉ង់សិន។ គំនិត​នេះ​បាន​បំផុស​ឱ្យ​ប្រទេស​មាន​ច្រក​សមុទ្ទ​​ជា​យុទ្ធសាស្ត្រ​ផ្សេង​ទៀត ចង់​យក​គំរូ​តាម។​ កាលពី​ថ្ងៃពុធ​ទី ២២​​មេសា ឥណ្ឌូណេស៊ី​​បាន​បង្ហាញ​ឆន្ទៈចង់​យក​ថ្លៃ​ឆ្លងកាត់​ច្រក​សមុទ្ទម៉ាឡាកាដែរ តែ​បាន​ប្តូរ​ចិត្ត​វិញ​នៅ​ពីរ​ថ្ងៃក្រោយ។

នាយករងសាលាបឋមសិក្សាមួយក្នុង​ខេត្ត​សៀមរាប និងកម្មកររោងចក្រ​ម្នាក់នៅខេត្តស្វាយរៀង ត្រូវបានចាប់ខ្លួន នៅទីកន្លែងផ្សេងគ្នា បន្ទាប់ពីពួកគេបង្ហោះសារ​នៅលើបណ្តាញសង្គមហ្វេសប៊ុករិះគន់​រដ្ឋាភិបាល​កម្ពុជាទាក់ទងនឹងជម្លោះព្រំដែនជាមួយថៃ។ នេះជាការគូសបញ្ជាក់របស់​អង្គការសិទ្ធិមនុស្សលីកាដូនៅថ្ងៃទី២៤​ ខែ​មេសា ​ឆ្នាំ​២០២៦។ អ្នកការពារសិទ្ធិមនុស្ស ចាត់ទុកចំណាត់ការនេះថា ជាការប៉ះពាល់ដល់សេរីភាពក្នុងការបញ្ចេញមតិ​​ ដើម្បីស្វែងរកដំណោះស្រាយបញ្ហាសង្គម។

ដោយបិទខ្ទប់​ច្រកសមុទ្រអកមូហ្ស ដើម្បី​អូសទម្លាក់​សេដ្ឋកិច្ច​ពិភពលោក​ជា​ចំណាប់ខ្មាំង អ៊ីរ៉ង់​មិន​បាន​ប្រើ​ធនធាន មធ្យោបាយ​ទំនើបច្រើន។ ទូកល្បឿនតូចៗ គ្រប់គ្រាន់​ឲ្យ​កងឆ្មាំបដិវត្តន៍អ៊ីរ៉ង់ អាចធ្វើព្យុះធ្វើភ្លៀង នៅ​ច្រកសមុទ្រ​អកមូហ្ស ព្រោះវា​មាន​សមត្ថភាព​ទៅ​ឃាត់ស្ទាក់ រារាំង​មិន​ឲ្យកប៉ាល់ដឹកទំនិញ កប៉ាល់​ដឹកប្រេង​របស់​ប្រទេស​ដទៃ​អាច​ចាកចេញ​ពី​ច្រកសមុទ្រ ដោយ​គ្មាន​ការអនុញ្ញាត​ពី​អ៊ីរ៉ង់។ តើអ៊ីរ៉ង់​ប្រើ​ទូកល្បឿនលឿនតូចៗ “ទូកមូស” ដើម្បីចូលទៅ​អាងយ៉ាង​នៅ ច្រកសមុទ្រអកមូហ្ស​បានយ៉ាងដូចម្តេច?

ធនាគារជាតិនៃកម្ពុជានៅថ្ងៃទី២៤ ខែមេសា ឆ្នាំ២០២៦ បានចេញសេចក្តីជូនដំណឹងមួយ ក្រោយជំនួបពិភាក្សាជាមួយតំណាងបុគ្គល ដែលអះអាងថា ជាជនរងគ្រោះដោយសារក្រុមហ៊ុន ហួយវ័ន ផេ និងក្រុមហ៊ុន អេច ផេ។ ក្នុងសេចក្តីជូនដំណឹងតែមួយនោះ ធនាគារជាតិថា ករណីក្រុមហ៊ុន ហួយវ័ន ផេ ពុំស្ថិតក្រោមសមត្ថកិច្ចរបស់ធនាគារជាតិទៀតឡើយ តែសម្រាប់បុគ្គល ដែលរងគ្រោះក្នុងក្រុមហ៊ុន អេច ផេ ត្រូវទៅចុះឈ្មោះផ្តល់ព័ត៌មានជូនក្រុមហ៊ុនកំពុងជម្រះបញ្ជី។ ទោះយ៉ាងណា អតិថិជន ហួយ វ័នផេ បន្តចោទសួរហេតុអ្វីធនាគារជាតិដកអាជ្ញាបណ្ណក្រុមហ៊ុននេះរួចរាល់ តែប្រតិបត្តិការសាច់ប្រាក់នៅតែដំណើរការ រហូតមានពលរដ្ឋរាប់ពាន់នាក់រងគ្រោះ។

ប្រមុខ​រដ្ឋាភិបាល​កម្ពុជា លោក ហ៊ុន ម៉ាណែត បានសម្រេច​បង្កើត​ក្រុម​ការងារ​ចម្រុះ​ថ្មីមួយនៅថ្ងៃទី២១​ ​ខែ​មេសា ​ឆ្នាំ​២០២៦ ដើម្បីដាក់ឲ្យទទួល​ខុស​ត្រូវលើករណី​ឆបោក​តាមអនឡាញ ​នៅបណ្តាខេត្តមួយចំនួន​ក្នុង​ប្រទេស​កម្ពុជា។​ ក្រុម​ការងារចម្រុះថ្មីនេះ គឺចំណុះ​ឲ្យ​លេខាធិការដ្ឋាននៃគណៈកម្មការ​ចំពោះ​កិច្ចប្រយុទ្ធប្រឆាំងការ​ឆបោក​តាម​ប្រព័ន្ធ​បច្ចេក​វិទ្យា ឬការឆបោកតាមអនឡាញ។

«កម្ពុជាប្តេជ្ញាចិត្តបញ្ឈប់ឧក្រិដ្ឋកម្មតាមអ៊ិនធ័រនែត» ជាចំណងជើងធំៗនៃអត្ថបទបញ្ចេញមតិរបស់រដ្ឋមន្ត្រីក្រសួងព័ត៌មានលោក នេត្រ ភក្ត្រា ដែលត្រូវបានចុះផ្សាយដោយកាសែតអាមេរិកដ៏ល្បីល្បាញ The Wall Street Journal(WSJ)កាលពីថ្ងៃទី២៤មេសា ឆ្នាំ២០២៦។​ អត្ថបទនេះ ជាការឆ្លើយតបនឹងការចុះផ្សាយដ៏ចម្រូងចម្រាសរបស់កាសែត WSJ កាលពីពេលថ្មីៗនេះ ដោយមានការប្រើពាក្យ «Scambodia» នៅលើចំណងជើងរបស់ខ្លួន។ ក្រសួងព័ត៌មាន បានអះអាងថា ទោះបីជាមានការចុះផ្សាយអត្ថបទទស្សនៈខាងលើក៏ដោយ ក៏ក្រសួងនៅតែរក្សាជំហរដាច់ខាត ក្នុងការទាមទារឱ្យកាសែត WSJ ដកពាក្យ«Scambodia» ដែលមានចរិតបង្អាប់ និងបង្ខូចកិត្តិយសឈ្មោះកម្ពុជាចេញពីអត្ថបទរបស់ខ្លួន។

ប្រធានាធិបតីបារាំងលោក អេម៉ានុយអែល ម៉ាក្រុង ប្រកាសថា លោកនឹងដើរចេញពីឆាកនយោបាយ បន្ទាប់ពីចប់អាណត្តិ នៅឆ្នាំ ២០២៧។ លោកម៉ាក្រុងបានអះអាងយ៉ាងដូច្នេះ នៅក្នុងជំនួបជាមួយក្រុមសិស្សសាលាបារាំង ស៊ីប កាលពី ថ្ងៃព្រហស្បតិ ទី ២៣ មេសា។

ក្រសួងហិរញ្ញវត្ថុអាមេរិកបានប្រកាសជាសាធារណៈអំពីការដាក់ទណ្ឌកម្មលើសមាជិកព្រឹទ្ធសភាកម្ពុជា លោក កុក អាន និងបណ្តាញពាក់ព័ន្ធផ្សេងទៀត ជុំវិញឧក្រិដ្ឋកម្មឆបោកអនឡាញសំដៅប្រជាពលរដ្ឋអាមេរិក។ នៅក្នុងសេចក្តីប្រកាសរបស់ក្រសួងហិរញ្ញវត្ថុអាមេរិក ចេញផ្សាយនៅព្រហស្បតិ៍ទី២៣ ខែមេសា ការិយាល័យគ្រប់គ្រងទ្រព្យបរទេសរបស់ក្រសួងបានសម្រេចថា អ្នកឧកញ៉ាលោក កុក អាន អ្នកជំនួញដ៏មានឥទ្ធិពលនៅកម្ពុជា គឺជាសេ្តចឧក្រិដ្ឋកម្មឆបោកអនឡាញ។ វិទ្យុបារាំងអន្តរជាតិ បានព្យាយាមទាក់ទងសុំការបំភ្លឺពីអ្នកឧកញ៉ា កុក អាន នៅព្រឹកថ្ងៃសុក្រនេះ តែទូរស័ព្ទចូល គ្មានការឆ្លើយតប។

អតីតប្រធានាធិបតីហ្វីលីពីន លោករ៉ូឌ្រីហ្គោឌុយទែរតេ នឹងត្រូវតុលាការព្រហ្មទណ្ឌអន្តរជាតិ ហៅកាត់ជា ភាសាបារាំង ថា CPI បើកសវនាការជំនុំជម្រះ។ ការសម្រេចរបស់តុលាការព្រហទណ្ឌអន្តរជាតិធ្វើឡើង បន្ទាប់ពី អង្គចៅក្រម កាលពីថ្ងៃព្រហស្បតិ៍ទី ២៣មេសា បានបញ្ជាក់ជាផ្លូវការ បទចោទប្រកាន់ទៅលើ អតីតប្រធានាធិបតីហ្វីលីពីន ពាក់ព័ន្ធនឹង ឧក្រិដ្ឋកម្មប្រឆាំងមនុស្សជាតិ នៅក្នុងយុទ្ធនាការ “សង្គ្រាមប្រឆាំងគ្រឿងញៀន”ដែលបណ្ដាលឲ្យមានមនុស្សស្លាប់រាប់ពាន់នាក់នៅហ្វីលីពីន។

នៅថ្ងៃសុក្រ ទី២៤ ខែមេសានេះ រុស្ស៊ីបាន អះអាងថា ខ្លួនបានរារាំងផែនការវាយប្រហារភេរវកម្មមួយ ដែលសំដៅលើក្រុមមន្ត្រីត្រួតពិនិត្យទូរគមនាគមន៍ នៅក្នុងប្រទេសរុស្ស៊ី ។ អាជ្ញាធរក្រេមឡាំង បានចោទប្រកាន់ អ៊ុយក្រែន ថាជាអ្នកបញ្ជាឱ្យមានការវាយប្រហារនេះ ស្របពេលដែល រុស្ស៊ីកំពុងរឹតបន្តឹងកាន់តែខ្លាំង វិធានការប្រឆាំងនឹងកម្មវិធីផ្ញើសាររបស់បស្ចិមលោក ។

បន្ទាប់ពី​ពន្យារបទឈប់បាញ់ជាមួយ​អ៊ីរ៉ង់ ដោយគ្មាន​កំណត់​រយៈពេល ប្រធានាធិបតីអាមេរិក លោកដូណាល់ ត្រាំ កាលពីថ្ងៃព្រហស្បតិ៍ទី ២៣មេសា​បាន​ប្រកាស​ពន្យារ​បទឈប់បាញ់មួយទៀត គឺ​បទឈប់បាញ់ រវាង​អ៊ីស្រាអែល និងលីបង់។ និយាយប្រាប់អ្នកកាសែត​នៅសេតវិមាន លោកត្រាំ​អះអាងថា លោក​មិន​ប្រញាប់ប្រញាល់​ខ្លាំងនោះទេ នៅពេល​និយាយ​ពី​រឿងចរចា​ដើម្បីបញ្ចប់​សង្រ្គាមអ៊ីរ៉ង់។

អតីតពលករខ្មែរម្នាក់ដែលធ្លាប់ធ្វើការនៅប្រទេសជប៉ុន ត្រូវបានតុលាការក្រុងភ្នំពេញចោទប្រកាន់ពីបទប្រមាថចំពោះអង្គព្រះមហាក្សត្រ ក្រោយរូបគេបានបង្ហោះសាររិះគន់រដ្ឋាភិបាលលើបណ្តាញសង្គម។ នេះបើតាមការចុះផ្សាយលើគេហទំព័ររបស់អង្គការការពារសិទ្ធិមនុស្សលីកាដូ នៅថ្ងៃទី២៣ ខែមេសា ឆ្នាំ២០២៦។ តាមលីកាដូ អតីតពលកររូបនោះត្រូវបានសាលាដំបូងរាជធានីភ្នំពេញចោទប្រកាន់ និងផ្តន្ទាទោសកំបាំងមុខ ដោយដាក់ឱ្យជាប់ក្នុងពន្ធនាគាររយៈពេល ២ឆ្នាំ។ 

នៅក្នុងជំនួបទ្វេភាគីរវាងប្រមុខរដ្ឋស្តីទី លោក ហ៊ុន សែន និងរដ្ឋមន្រ្តីការបរទេសចិន លោក វ៉ាង យី កាលពីថ្ងៃទី២៣ ខែមេសា ឆ្នាំ២០២៦ ភាគីទាំងពីរបានបញ្ជាក់ជាថ្មីពីទំនាក់ទំនងមិត្តភាពរវាងកម្ពុជា និងចិន ថានៅតែបន្តរឹងមាំ និងកាន់តែស៊ីជម្រៅថែមទៀត ទោះស្ថានការណ៍ភូមិសាស្ត្រនយោបាយក្នុងពិភពលោកកំពុងមានការប្រែប្រួលខ្លាំងយ៉ាងណាក្តី។ អ្នកជំនាញផ្នែកវិទ្យាសាស្ត្រនយោបាយ និងកិច្ចការអន្តរជាតិយល់ថា ទំនាក់ទំនងរវាងរដ្ឋាភិបាលកម្ពុជា-ចិន នៅតែមានភាពល្អប្រសើរ ទោះបីជាទំនោររបស់ពលរដ្ឋខ្មែរមួយចំនួនងាកទៅរកអាមេរិកក្តី។ 

នៅក្នុងកិច្ចសន្ទនាយុទ្ធសាស្ត្រ២+២ កម្ពុជា និងចិន បានឯកភាពគ្នាពង្រឹងទំនាក់ទំនងជាយុទ្ធសាស្ត្រឱ្យកាន់តែស៊ីជម្រៅ បង្កើនការសម្របសម្រួលគោលនយោបាយ និងរួមគ្នាឆ្លើយតបចំពោះបញ្ហាប្រឈម ដែលកំពុងកើតមានទាំងក្នុងប្រទេសរៀងៗខ្លួន ក៏ដូចជាទាំងក្នុងតំបន់ និងសកលលោក។ នេះបើតាមសេចក្តីប្រកាសព័ត៌មានរបស់ក្រសួងការបរទេសកម្ពុជា នៅថ្ងៃព្រហស្បតិ៍ទី២៣មេសា។ អំឡុងពេលមានវត្តមាននៅទីក្រុងភ្នំពេញ រដ្ឋមន្ត្រីការបរទេសចិន លោក វ៉ាង យី និងលោក តុង ជុន រដ្ឋមន្ត្រីការពារជាតិចិន បានជួបពិភាក្សាជាមួយប្រមុខរដ្ឋាភិបាលកម្ពុជា លោក ហ៊ុន ម៉ាណែត។ ភាគីទាំងពីរបានជជែកគ្នាពីបញ្ហាជម្លោះព្រំដែនខ្មែរ-ថៃផងដែរ។ តើកិច្ចប្រជុំ២+២ រវាងរដ្ឋមន្ត្រីការបរទេស និងរដ្ឋមន្ត្រីការពារជាតិ របស់កម្ពុជានិងចិន ជាឱកាសជួយរកដំណោះស្រាយសម្រាប់ជម្លោះព្រំដែនខ្មែរ-ថៃ ដែរឬទេ?

ក្រសួងការពារជាតិអាមេរិក បានសម្រេចរុះរើមន្រ្តីយោធាជាន់ខ្ពស់ម្នាក់ទៀតរបស់កងទ័ពជើងទឹក។ បើតាមការប្រកាសរបស់អ្នកនាំពាក្យក្រសួងការពារជាតិអាមេរិក នៅថ្ងៃពុធទី ២២មេសា ប្រធាននាយកដ្ឋានកងទ័ពជើងទឹក លោក John Phelan នឹងចាកចេញពីមុខតំណែងភ្លាមៗ។ មន្ទីរបញ្ចកោណមិនបានបញ្ជាក់ពីមូលហេតុនៃការផ្លាស់ប្តូរមន្រ្តីយោធា ប៉ុន្តែ យ៉ាងណាក៏ដោយ វាធ្វើឡើងនៅ ខណៈពេលដែលសង្គ្រាមរបស់អាមេរិក នៅអ៊ីរ៉ង់កាន់តែអូសបន្លាយ និងក្តៅគគុក ព្រោះតែអ៊ីរ៉ង់បិទច្រកសមុទ្រអកមូហ្ស។

ចំនួនប្រជាជនរ៉ូហ៊ីងយ៉ារត់ភៀសខ្លួនតាមផ្លូវសមុទ្រ ចេញពីបង់ក្លាដែស និងភូមា បានកើនឡើងខ្លាំង ប្រមាណ៩០% បើប្រៀបធៀបនឹងឆ្នាំមុន។ យោងតាមរបាយការណ៍របស់អង្គការSave the Children ចុះផ្សាយកាលពីថ្ងៃព្រហស្បតិ៍ ទី ២៣មេសា កុមារ និងគ្រួសាររបស់ពួកគេត្រូវបង្ខំចិត្តប្រថុយជីវិតផ្សងគ្រោះថ្នាក់នៅលើសមុទ្រ ព្រោះតែមិនអាចទ្រាំទ្រស្ថានភាពរស់នៅកាន់តែអត្តខាត់នៅក្នុងជំរំជនភៀសខ្លួន។ ជាលទ្ធផល អ្នកបាត់ខ្លួន និង អ្នកស្លាប់បានកើនឡើងចំនួន គួរឲ្យព្រួយបារម្ភ។