អង្គការលីកាបានឲ្យដឹងថា ពីថ្ងៃទី៨ ដល់ទី១០ ខែមិថុនា ឆ្នាំ២០២៦ មានការចាប់ខ្លួន និងការផ្តន្ទាទោសមនុស្សចំនួន ៤នាក់ ដែលមានសមាសភាពផ្សេងៗគ្នាពាក់ព័ន្ធនឹងជម្លោះព្រំដែនកម្ពុជា-ថៃ។ ក្នុងចំណោមមនុស្ស ៤នាក់ដែលត្រូវបានចាប់ខ្លួន និងផ្តន្ទាទោស មាន ២នាក់ជាពលរដ្ឋសាមញ្ញ ១នាក់ជាអាជីវករ និង១នាក់ទៀតជាមន្ត្រីជាន់ខ្ពស់របស់គណបក្សប្រឆាំងនៅក្នុងប្រទេស។

ក្នុង​រយៈ​ពេល​ប៉ុន្មាន​ឆ្នាំ​ចុងក្រោយ​មក​នេះ គេ​លើក​សរសើរ​ច្រើន​អំពី​គុណប្រយោជន៍​នៃខ្លាញ់​​អូមេហ្កា-​៣​ចំពោះ​សុខភាព។ ទីផ្សារ​ថ្នាំ​អាហារបំប៉ន​​ អូមេហ្កា-​៣ ក៏​កំពុង​ពេញនិយម​ខ្លាំង​ណាស់​ដែរ។ តើ​ថ្នាំបំប៉ន​ ​អូមេហ្កា​៣​ ពិត​ជា​ថ្នាំ​ចាំបាច់​​ឬ? អូមេហ្កា​៣​ជា​អ្វី​ មាន​គុណប្រយោជន៍​យ៉ាងណា​ខ្លះ​សម្រាប់​សុខភាព?​

ក្នុងរយៈពេល ២០ឆ្នាំចុងក្រោយនេះ កម្ពុជាបានចូលរួមនៅក្នុងកងកម្លាំងរក្សាសន្តិភាពរបស់អង្គការសហប្រជាជាតិ(អ.ស.ប.) ដោយបានបញ្ជូនកងកម្លាំងទាហានមួកខៀវរបស់ខ្លួនសរុបជាង ១ម៉ឺននាក់ ក្នុងនោះមានស្ត្រីជាង៨០០នាក់ទៅបំពេញបេសកកម្មរក្សាសន្តិភាពរបស់ អ.ស.ប. នៅក្នុងប្រទេសដែលប្រឈមនឹងហានិភ័យចំនួន១០ប្រទេស។ តែនារយៈពេលជិតមួយទសវត្សរ៍កន្លងទៅនេះ កងកម្លាំងមួកខៀវកម្ពុជាចំនួន ១៤រូប បានពលីជីវិត និង ១៩រូបផ្សេងទៀតបានរងរបួសនៅក្នុងបុព្វហេតុការពារសន្តិភាពពិភពលោក។ ទោះជាយ៉ាងនេះក្តី កម្ពុជានៅតែប្តេជ្ញាចិត្តក្នុងការចូលរួមរក្សាសន្តិភាពក្រោមឆ័ត្រ អ.ស.ប. ដដែលដោយថ្មីៗនេះបានបន្តបញ្ជូនកងទ័ពមួកខៀវសរុប ៤៧១នាក់ទៅបន្តបេសកកម្មនៅក្រៅប្រទេស។ 

ការពង្រឹងទំនាក់ទំនងទ្វេភាគី និងការជំរុញឲ្យមានការបោះទុនវិនិយោគដើម្បីទ្រទ្រង់ការអភិវឌ្ឍសេដ្ឋកិច្ចកម្ពុជាជារបៀបវារៈនៃទស្សនកិច្ចរបស់លោក Matt Western MP ក្នុងប្រទេសកម្ពុជា។ លោក Matt Western MP ជាប្រេសិតរបស់នាយករដ្ឋមន្រ្តីប្រទេសអង់គ្លេសប្រចាំកម្ពុជា វៀតណាម ថៃ និងឡាវទទួលបន្ទុកពាណិជ្ជកម្ម។ នេះបើតាមសេចក្តីប្រកាសព័ត៌មានរបស់ស្ថានទូតអង់គ្លេសនៅទីក្រុងភ្នំពេញដែលចេញផ្សាយនៅថ្ងៃពុធ ទី១០ មិថុនានេះ។

អនុព័ន្ធយោធាចិន បានគូសបញ្ជាក់ប្រាប់មន្ត្រីការពារជាតិថៃ ថា រថគ្រោះដែលខ្លួនប្រគល់មកឲ្យកម្ពុជា ជាកិច្ចសហប្រតិបត្តិយោធាយូរអង្វែងរវាងចិននិងកម្ពុជា។ នេះបើតាមការសែតថៃ Khoasod នៅថ្ងៃអង្គារទី៩ឧសភា។ បន្ថែមពីនេះ អនុព័ន្ធយោធាចិន បានទាត់ចោលការចោទប្រកាន់របស់ថៃ ដែលថា ការប្រគល់រថគ្រោះជូនកម្ពុជា ធ្វើឡើងនៅអំឡុងពេលដែលកម្ពុជានិងថៃកំពុងមានជម្លោះព្រំដែនដ៏តានតឹង។

បារាំងបានសម្រេចហាមមិនឲ្យលោក Bezalel Smotrich រដ្ឋមន្ត្រីហិរញ្ញវត្ថុអ៊ីស្រាអែល ចូលទឹកដីរបស់ខ្លួន។ ការសម្រេចនេះត្រូវបានប្រកាសដោយរដ្ឋមន្ត្រីការបរទេសបារាំង លោក Jean-Noël Barrot នៅថ្ងៃអង្គារ ទី៩ ខែមិថុនា ដោយលោកបានបញ្ជាក់ថា វាជាវិធានការ ប្រឆាំងនឹងអ្នកដែលជាប់ពាក់ព័ន្ធនឹងការពង្រីកដែនដីអនានិគមដោយខុសច្បាប់ នៅតំបន់ស៊ីហ្សកដានី។

អាជ្ញាធរហ្វីលីពីនបានប្រកាស នៅថ្ងៃអង្គារ ទី៩ មិថុនា ថាបានដាក់លិខិតតវ៉ាផ្លូវការទៅភាគីចិន បន្ទាប់ពីប្រទះឃើញសំណង់បណ្តែតទឹកខុសច្បាប់ ក្បែរតំបន់ជម្លោះ ថ្មប៉ប្រះទឹក​ស្កាប៉ូរ៉ូត នៅសមុទ្រចិនខាងត្បូង។ ចំណែក ក្រសួងការបរទេសចិនបានច្រានចោលការចោទប្រកាន់របស់ហ្វីលីពីន និងបានរំឭកប្រវត្តិសាស្រ្តប្រាប់ភាគីហ្វីលិពីន ថាតំបន់ថ្មប៉ប្រះទឹក និង​ផ្ទៃ​ទឹក​ព័ទ្ធ​ជុំ​វិញកោះ​ ជា​ដែន​បូរណភាព​របស់​ចិន​យ៉ាង​ពេញ​លេញ​ ដោយ​គ្មាន​អ្វី​ប្រកែក​បាន​ឡើយ។

នៅក្នុងវេទិកាអនាគតអាស៊ានលើកទី៣ នាទីក្រុងហាណូយប្រទេសវៀតណាមក្នុងសប្តាហ៍នេះ មេដឹកនាំវៀតណាមដែលជាម្ចាស់ផ្ទះហាក់មិនបានលើកឡើងពីជម្លោះព្រំដែនកម្ពុជា និងថៃទេ។ តែមេដឹកនាំកម្ពុជា និងថៃបានជួបគ្នាដាច់ដោយឡែកពីគ្នាជាមួយមេដឹកនាំវៀតណាម។ មួយវិញទៀត ខ្លឹមសារនៃជំនួបក៏មិនត្រូវបានគេរំលេចឲ្យដឹងទេ ពិសេសទាក់ទងនឹងជម្លោះព្រំដែនខ្មែរ-ថៃ។ អ្នកជំនាញផ្នែកភូមិសាស្ត្រនយោបាយ និងអ្នកតាមដានសង្គមកម្ពុជាមើលឃើញថា វៀតណាមនិយាយស្តីតិចតួចពីជម្លោះព្រំដែនកម្ពុជា-ថៃ និងព្យាយាមរក្សាជំហរកណ្តាលដោយមិនចង់កាន់ជើងខាងណា។ ការណ៍នេះត្រូវបានអ្នកជំនាញផ្នែកភូមិសាស្ត្រនយោបាយ និងអ្នកតាមដានសង្គមកម្ពុជាយល់ថា ដោយសារតែវៀតណាមក៏ធ្លាប់ចិញ្ចឹមចិត្តចង់បានទឹកដីកម្ពុជាដែរនៅក្នុងអតីតកាល។ អ្វីទៅជាជំហរពិតរបស់វៀតណាមនៅក្នុងជម្លោះព្រំដែនកម្ពុជា-ថៃ?

នៅថ្ងៃអង្គារ ទី ៩ មិថុនា អគ្គមេបញ្ជាការកងទ័ពប៉ាគីស្ថាន លោក Asim Munir និង អគ្គមេបញ្ជាការកងទ័ពលីបង់ លោក Rodolphe Haykal បានជួបពិភាក្សាគ្នានៅប្រទេសប៉ាគីស្ថាន។ ភាគីទាំងពីរ បានសន្យាពង្រឹងកិច្ចសហប្រតិបត្តិការយោធា និងការការពារជាតិរវាងប៉ាគីស្ថាន និងលីបង់។ ជំនួបរវាងអគ្គមេបញ្ជាការកងទ័ពទាំងពីរ ធ្វើឡើងក្នុងបរិបទសង្គ្រាមនៅមជ្ឈិមបូព៌ា ដែលទាំងលីបង់ និងប៉ាគីស្ថានសុទ្ធតែមានចំណែកពាក់ព័ន្ធ។  

ក្រសួងសង្រ្គាមអាមេរិកបានចេញសេចក្តីប្រកាស ដាក់បញ្ចូលក្រុមហ៊ុនយក្សរបស់ចិនចំនួន៣ រួមមាន ក្រុមហ៊ុន Alibaba, Baidu និងក្រុមហ៊ុន BYD ក្នុងបញ្ជីខ្មៅ ដោយចោទថាបានសហការបម្រើឲ្យកងទ័ពចិន។ ចំណែក អ្នកតំណាងរបស់ក្រុមហ៊ុនចិនទាំង៣ បានច្រានចោលការចោទប្រកាន់របស់ក្រុងវ៉ាស៊ីនតោន ថាគ្មានមូលដ្ឋានច្បាស់លាស់។ រីឯ ក្រុងប៉េកាំងបានបញ្ចេញប្រតិកម្ម ប្រឆាំងយ៉ាងដាច់អហង្ការ ចំពោះការចោទប្រកាន់របស់រដ្ឋបាលលោក ដូណាល់ ត្រាំ និងទាមទារឲ្យក្រុងវ៉ាស៊ីន កែតម្រូវសេចក្តីសម្រេចរបស់ខ្លួន ជាបន្ទាន់។

នៅថ្ងៃទី៨ ខែមិថុនា ឆ្នាំ២០២៦ ក្រុមអង្គការសង្គមស៊ីវិលចំនួនជាង៥០ បានអំពាវនាវឲ្យរដ្ឋាភិបាលកម្ពុជា សមាគមនិយោជក ម៉ាកយីហោអន្តរជាតិធំៗ និងអ្នកបញ្ជាទិញធ្វើសកម្មភាពជាបន្ទាន់ដើម្បីការពារសុវត្ថិភាពកម្មករវិស័យកាត់ដេរនៅកម្ពុជា។ ការអំពាវនាវរបស់ក្រុមអង្គការសង្គមស៊ីវិលដូចនេះធ្វើឡើង បន្ទាប់ពីមានកម្មករជិត ១០០នាក់បានស្លាប់ និងរបួសនៅក្នុងគ្រោះថ្នាក់ចរាចរណ៍ផ្ទួនៗកាលពីខែឧសភាកន្លងទៅ អំឡុងពេលពួកគេធ្វើដំណើរទៅកាន់កន្លែងធ្វើការ។

នៅថ្ងៃទី៩ ខែមិថុនានេះ លោក ហ៊ុន សែន ប្រមុខរដ្ឋស្តីទីបានចុះជួបជនភៀសសឹកខ្មែរស្ថិតក្នុងខេត្តបន្ទាយមានជ័យ ក្បែរព្រំដែនថៃ។ នៅចំពោះមុខជនភៀសសឹកប្រមាណ ៣ពាន់គ្រួសារ អតីតនាយករដ្ឋមន្ត្រីកម្ពុជារូបនេះបានប្រកាសសុំទោសជាសាធារណៈចំពោះពលរដ្ឋខ្មែរដែលកាលពីលោកមានអំណាចពេញដៃ តែបែរជាមិនបានត្រៀមខ្លួនទុកមុនក្នុងការប្រយុទ្ធជាមួយថៃ។ លោក ហ៊ុន សែន បានទទួលស្គាល់ថា សង្គ្រាមដែលថៃបើកការឈ្លានពានលើកម្ពុជាកាលពីឆ្នាំ២០២៥ គឺដោយសារតែលោកមានការទុកចិត្តខ្លាំងពេកលើភាគីថៃ។ 

នៅថ្ងៃទី៩ ខែមិថុនា ឆ្នាំ២០២៦ រដ្ឋមន្ត្រីក្រសួងការពារជាតិកម្ពុជាលោក ទៀ សីហា បានបញ្ជាក់នៅលើបណ្តាញសង្គមហ្វេសប៊ុករបស់លោកថា កម្ពុជាមិនបានបង្កើនកម្លាំងទ័ពដើម្បីបង្កើតសង្គ្រាមជាថ្មីជាមួយថៃទេ។ ការបញ្ជាក់របស់រដ្ឋមន្ត្រីការពារជាតិកម្ពុជាដូចនេះ គឺជាការឆ្លើយតបទៅនឹងការចុះផ្សាយរបស់សារព័ត៌មានថៃដែលថា លោកបដិសេធការប្រើយន្តការទ្វេភាគី និងកំពុងបង្កើនទ័ព ព្រមទាំងសព្វាវុធ ដើម្បីតតាំងជាមួយថៃនាពេលខាងមុខ។

ប្រមុខរដ្ឋាភិបាលកម្ពុជា និងវៀតណាមបានប្តេជ្ញាចិត្តបន្តជំរុញទំនាក់ទំនងទ្វេភាគីឲ្យកាន់តែស៊ីជម្រៅ និងឈានទៅដល់កម្រិតខ្ពស់ថ្មីមួយទៀតក្នុងស្មារតីជាអ្នកជិតខាងល្អដើម្បីបន្តកិច្ចសហប្រតិបត្តិការគ្រប់ជ្រុងជ្រោយ និងមានស្ថិរភាពយូរអង្វែង។ នេះជាការគូសបញ្ជាក់របស់នាយករដ្ឋមន្រ្តីកម្ពុជាលោក ហ៊ុន ម៉ាណែតនៅលើទំព័រហ្វេសប៊ុកផ្លូវការរបស់លោកក្នុងថ្ងៃទី៨ ខែមិថុនា ឆ្នាំ២០២៦។ ការបញ្ជាក់ដូចនេះធ្វើឡើងនាឱកាសដែលលោកកំពុងបំពេញទស្សនកិច្ចនៅវៀតណាមដើម្បីចូលរួមនៅក្នុងវេទិកាអនាគតអាស៊ាន លើកទី៣ ក្នុងទីក្រុងហាណូយ។

លោក​ប្រធានាធិបតី​អ៊ុយក្រែន បានជួបប្រជុំ​នៅទីក្រុងឡុងដ៍ ថ្ងៃចន្ទទី៨មិថុនា​ ជាមួយ​ប្រមុខដឹកនាំបារាំង អង់គ្លេស និងអាល្លឺម៉ង់​។ ថ្នាក់ដឹកនាំមហាអំណាចអឺរ៉ុបទាំង៣ បានយល់ស្របគ្នា គាំទ្រចំពោះ​គំនិតរបស់​លោកហ្សេឡេនស្គី ដែល​​ចង់​ជំរុញ “យន្តការ​សន្ទនា​ ចរចាគ្នាដោយផ្ទាល់” រវាងអ៊ុយក្រែននិងរុស្ស៊ី​។ ការចរចាដោយ​ផ្ទាល់ ដែល​មានន័យថាអ៊ុយ​ក្រែនមានសិទ្ធិស្មើមុខ​ជាមួយរុស្ស៊ី ហើយមួយវិញទៀត គឺមិនចាំ​បាច់​ឲ្យ​មានសហរដ្ឋអាមេរិក​ ធ្វើជាអ្នកសម្របសម្រួលទៀតឡើយ​។

ប្រធានាធិបតីចិន លោក ស៊ី ជីនពីងបានធ្វើដំណើរទៅដល់ទីក្រុងព្យុងយ៉ាង នៅថ្ងៃចន្ទ ទី៨ មិថុនា។ កម្មវត្ថុនៃដំណើរទស្សនកិច្ចផ្លូវរដ្ឋ រយៈពេល២ថ្ងៃ នៅកូរ៉េខាងជើង គឺដើម្បីរឹតចំណងទំនាក់ទំនងទ្វេភាគី ចិននិងកូរ៉េខាងជើង ឲ្យកាន់តែស្អិតល្មួត។ នៅអំឡុងទស្សនកិច្ចនៅកូរ៉េខាងជើង លោកស៊ី ជីនពីងបានបង្ហាញពីការគាំទ្រ យ៉ាងពេញទំហឹង ចំពោះរបបកម្មុយនិស្តកូរ៉េខាងជើង និងបានចាត់ទុក ទំនាក់ទំនងទ្វេភាគី ចិននិងកូរ៉េខាងជើង ថាជាមិត្តភាពដែលមិនអាចបំបែកបាន។

គណបក្សកម្លាំងជាតិ ដែលជាគណបក្សប្រឆាំងមួយនៅក្នុងប្រទេសកម្ពុជាបានប្រមូលស្នាមមេដៃពីអ្នកគាំទ្រ និងពលរដ្ឋខ្មែរចំនួនជាង ៥ពាន់នាក់ដើម្បីដាក់ឯកសារប្តឹងមេដឹកនាំថៃទៅតុលាការព្រហ្មទណ្ឌអន្តរជាតិ (ICC)។ បណ្តឹងរបស់គណបក្សកម្លាំងជាតិសំដៅលើការទទួលខុសត្រូវរបស់មេដឹកនាំថៃដែលបានឈ្លានពានបូរណភាពទឹកដីកម្ពុជា និងទាមទារសំណងដែលយោធាថៃបានបំផ្លិចបំផ្លាញហេដ្ឋារចនាសម្ព័ន្ធ និងអាយុជីវិតពលរដ្ឋខ្មែរ។ នេះបើតាមការប្រកាសរបស់មេដឹកនាំគណបក្សកម្លាំងជាតិនៅក្នុងសន្និសីទកាសែតមួយនាថ្ងៃទី៨ ខែមិថុនា ឆ្នាំ២០២៦។

នៅថ្ងៃចន្ទ ទី៨ ខែមិថុនា ឆ្នាំ២០២៦ នេះ អង្គការសិទ្ធិមនុស្សលីកាដូបានអំពាវនាវឲ្យកម្មវិធីអភិវឌ្ឍន៍អង្គការសហប្រជាជាតិ UNDP ប្រចាំនៅកម្ពុជាកែសម្រួលឡើងវិញនូវថ្នាលវិនិយោគិន SDG (SDG Investor Platform) និងគេហទំព័រផែនទីសម្រាប់វិនិយោគិនពាក់ព័ន្ធនឹងគោលដៅអភិវឌ្ឍន៍ប្រកបដោយចីរភាព (SDG Investor Map) ដោយដកចេញនូវក្រុមហ៊ុនដែលមានជាប់ពាក់ព័ន្ធនឹងការរំលោភសិទ្ធិមនុស្ស។ ទន្ទឹមគ្នានេះ លីកាដូក៏បានស្នើឲ្យស្ថាប័នទទួលពាក្យបណ្តឹងផ្ទៃក្នុងរបស់ UNDP ពន្លឿនដំណើរការនៃបណ្ដឹងរបស់ពលរដ្ឋដែលប្តឹងពីបញ្ហារំលោភសិទ្ធិផ្សេងៗដែលនៅមិនទាន់មានដំណោះស្រាយជាក់លាក់នៅឡើយ។

នៅក្នុងរបាយការណ៍របស់ខ្លួនចេញផ្សាយថ្ងៃទី៧ មិថុនា ឆ្នាំ ២០២៦ អង្គការលើកលែងទោសអន្តរជាតិ Amnesty International បានអះអាងថា ការបង្ក្រាបបទល្មើសឆបោកអនឡាញនៅកម្ពុជាបានបរាជ័យ និងខ្វះតម្លាភាពនៃនិតីវិធីចុះបង្ក្រាប។ ហេតុផលត្រូវបានរបាយការណ៍លើកឡើងថា គឺដោយសារទីតាំងដែលអាជ្ញាធរកម្ពុជាចុះបង្ក្រាបមានចំនួនតិចតួច បើធៀបនឹងទីតាំងធ្វើប្រតិបត្តិការជាក់ស្តែង និងថា អាជ្ញាធរក៏មិនបានខ្វល់ខ្វាយពីកិច្ចការពារជនរងគ្រោះ និងការជួញដូរមនុស្សឡើយ។ 

គ្រោះមហន្តរាយរញ្ជួយដីកម្រិត ៧,៨រិចទែរ បានកើតឡើងនៅភាគខាងត្បូងហ្វីលីន នាថ្ងៃចន្ទ ទី៨ មិថុនា។ បើយោងតាមអាជ្ញាធរហ្វីលីពីន ក្នុងគ្រោះរញ្ជួយដីដ៏កំណាចនេះ បានបណ្តាលឲ្យមនុស្សស្លាប់យ៉ាងហោចណាស់ ១៥នាក់ និងរបួសជាង១០០នាក់ ព្រមទាំងបានធ្វើឲ្យអគារជាច្រើនបាក់ស្រុត រាបដល់ដី។ ចំណែក វិទ្យាស្ថានភូគព្ភសាស្រ្តអាេមរិក បានប្រកាសអាសន្នរលកស៊ូណាមិ នៅសមុទ្រប៉ាស៊ីហ្វិក។

បទឈប់បាញ់​ក៏ដូចជាការចរចា រវាងអ៊ីរ៉ង់​ និង​សហរដ្ឋអាមេរិក​ កំពុងតែស្ថិតនៅត្រង់ចំណុចគ្រោះថ្នាក់ បន្ទាប់ពី​អ៊ីរ៉ង់ និងអ៊ីស្រាអែល បានចាប់​ផ្តើម​បាញ់ប្លោងគ្រាប់ដាក់គ្នាសាជាថ្មី​ នៅរវាង​យប់ថ្ងៃអាទិត្យ​និងថ្ងៃចន្ទ​ទី​៨​មិថុនានេះ​។ ​លោកដូណាល់ ត្រាំ បាន​ទូរស័ព្ទ​ទៅនិយាយ​ជាមួយ​លោក​នេតាន់យ៉ាហ៊ូ ដោយ​បាន​ព្យាយាមទប់​កុំ​ឲ្យ​អ៊ីស្រាអែល​តបតលើអ៊ីរ៉ង់ ព្រោះវាអាចនឹងបំផ្លាញ់ការចរចា ដែល​លោកដូណាល់ ត្រាំ អះអាងជិតបានសម្រេចលទ្ធផល​ហើយ​។

ថ្លែងនៅក្នុងពិធីសំណេះសំណាលជាមួយមន្ត្រីរាជការថ្នាក់ក្រោមជាតិក្នុងខេត្តកណ្តាលកាលពីថ្ងៃ៦ ខែមិថុនា ឆ្នាំ២០២៦ ប្រមុខរដ្ឋស្តីទី លោក ហ៊ុន សែន បានដាក់ការសង្ស័យដោយចោទជាសំណួរថា តើព្រំដែនកម្ពុជា-ថៃធ្លាប់ជាកន្លែងរកស៊ីគេចពន្ធ ឬយ៉ាងណា?។ ការចោទដូចនេះដោយសារតែចំណូលពន្ធគយរបស់កម្ពុជាបានកើនឡើង បន្ទាប់ពីព្រំដែនជាមួយថៃត្រូវបានបិទ។ អ្នកតាមដានសង្គមនានាចោទជាសំណួរដូចគ្នានេះ និងថែមបានអះអាងច្បាស់ៗថា ការរកស៊ីគេចពន្ធនៅតាមព្រំដែនកម្ពុជាជាមួយប្រទេសជិតខាងបានកើតមានឡើងយូរណាស់មកហើយ។ ក្នុងករណីនេះ អ្នកជំនាញជំរុញឲ្យបើកការស៊ើបអង្កេតទៅលើមន្ត្រីពាក់ព័ន្ធនៅតាមព្រំដែនកម្ពុជា និងប្រទេសជិតខាង៕

ការជូនដំណឹងរបស់កម្ពុជាទៅកាន់ភាគីថៃ និងអង្គការសហប្រជាជាតិស្តីពីការចាប់ផ្តើមដំណើរការផ្សះផ្សាដោយបង្ខំក្នុងការដោះស្រាយជម្លោះក្នុងដែនសមុទ្រត្រួតស៊ីគ្នាអាចផ្តល់ជាមេរៀនដល់សង្គមថៃឲ្យយល់ពីការដោះស្រាយបញ្ហាដោយសន្តិវិធីជាជាងការប្រើកម្លាំង។ សង្គមថៃកំពុងតែរស់ក្នុងភាពអំនួត ដោយមិនចង់ដោះស្រាយបញ្ហាដោយសន្តិវិធីជាមួយកម្ពុជា និងគិតតែពីចង់យកឈ្នះកម្ពុជាតាមកម្លាំងបាយ។ នេះបើតាមការវិភាគរបស់អ្នកជំនាញនយោបាយថៃមួយរូបដែលត្រូវបានចែករំលែកបន្តដោយប្រមុខរដ្ឋស្តីទីកម្ពុជា លោក ហ៊ុន សែននៅថ្ងៃទី ៨ មិថុនានេះ។

មន្ទីរបញ្ចកោណបន្ថែមការប្រុងប្រយ័ត្នខ្ពស់ ទាក់ទងនឹងបណ្តាញស៊ើបការណ៍សម្ងាត់របស់អ៊ីស្រាអែល ស្របពេលមេដឹកនាំប្រទេសទាំងពីរ ហាក់កំពុងខ្វែងគំនិត។ នេះបើតាមការចុះផ្សាយរបស់ប្រព័ន្ធផ្សព្វផ្សាយមួយចំនួនរបស់អាមេរិក នៅថ្ងៃសៅរ៍ទី ០៦ មិថុនា។ ការសម្រេចរបស់ក្រសួងការពារជាតិអាមេរិកធ្វើឡើង បន្ទាប់ពីអាមេរិកសង្ស័យថា អ៊ីស្រាអែលព្យាយាមលួចប្រមូលព័ត៌មានសម្ងាត់ និង លួចស្តាប់ការសម្រេចចិត្តផ្ទៃក្នុងរបស់រដ្ឋបាលលោក ដូណាល់ ត្រាំ ពាក់ព័ន្ធនឹងសង្គ្រាមនៅមជ្ឈិមបូព៌ា។

មានវត្តមាននៅ​ឆេ្នរសមុទ្រ​ខេត្ត​Normandie ដើម្បី​រំឭកខួប​៨២ឆ្នាំ​នៃ​ប្រតិបត្តិការ​វាយរំដោះ​ប្រទេស​បារាំង​ពីទាហានណាហ្ស៊ី អាល្លឺម៉ង់ ថ្ងៃទី ៦​មិថុនា រដ្ឋមន្រ្តី​ការពារជាតិ​អាមេរិក​ឆ្លៀត​និយាយ​បរិហាររិះគន់​នយោបាយអន្តោប្រវេសន៍​របស់​បណ្តាប្រទេស​នៅអឺរ៉ុប។ បន្ទាប់ពី​លោក​ដូណាល់ ត្រាំ និង​អនុប្រធានាធិបតី​លោក​JC Vance លោកPete Hegseth ជា​ថ្នាក់ដឹកនាំ​ម្នាក់ទៀត​របស់អាមេរិក ដែល​បាន​ចោទប្រកាន់​អឺរ៉ុបថា កំពុង​បណ្តោយ​ទុក​ឲ្យជនអន្តោប្រវេសន៍ចូល​ឈ្លានពាន តាមផ្លូវសមុទ្រ។

នៅថ្ងៃបិទ​វេទិកា​សេដ្ឋកិច្ច​រុស្ស៊ី កាលពីថ្ងៃ​សៅរ៍ទី ៦មិថុនា ទីក្រុងម្ចាស់ផ្ទះSaint-Petersburg បានក្លាយជាផ្ទាំងស៊ីបវាយប្រហារ​របស់ដ្រូនអ៊ុយក្រែន សាជាថ្មី។ ប្រធានាធិបតីអ៊ុយក្រែន​អះអាងថា បាន​ដៅវាយប្រហារ​មូលដ្ឋានទ័ពជើងទឹក​រុស្ស៊ី​នៅតំបន់​លេនីក្រាត​ក្បែរនោះ​ដើម្បីសងសឹក​នឹង​រុស្ស៊ី​ធ្វើសង្រ្គាមឈ្លានពាន​អ៊ុយក្រែន។ កងទ័ពជើងអាកាសរុស្ស៊ី​បាន​និយាយ​ថា ក្នុងមួយថ្ងៃ​សៅរ៍ម្សិលមិញ រុស្ស៊ី​ស្ទាក់ចាប់​បាន​ដ្រូន​អ៊ុយក្រែន​ជាង​៣០០ នៅក្នុងការវាយប្រហារ​ទ្រង់ទ្រាយធំ​មិនធ្លាប់​មាន។ នៅថ្ងៃអាទិត្យទី ៧មិថុនា អ៊ុយក្រែន​បាន​ចោទប្រកាន់​រុស្ស៊ី​ថា បាន​វាយប្រហារ​លើ​ទីតាំងស្តុក​ឥន្ធនៈនុយក្លេអ៊ែរ របស់អ៊ុយក្រែន នៅ​ទីតាំងរោងចក្រ​នុយក្លេអ៊ែរ  Tchernobyl(ឈែណូប៊ីល)។ ឈាង បុប្ផា​ជូនព័ត៌មាននេះ

នៅរដ្ឋធានីអេរ៉េវ៉ាន ការបោះឆ្នោតសភាដ៏សំខាន់សម្រាប់អនាគតរបស់អាមេនី បានប្រព្រឹត្ត ទៅនៅថ្ងៃអាទិត្យ ទី០៧ មិថុនា។ ការបោះឆ្នោតនេះធ្វើឡើង ក្រោមសម្ពាធពីរុស្សី ដែលចង់រក្សាអាមេនីឲ្យស្ថិតនៅក្រោមឥទ្ធិពលរបស់ខ្លួន ខណៈនាយករដ្ឋមន្ត្រីអាមេនី លោក Nikol Pashinyan ចង់បោះជំហាន នាំអាមេនីឲ្យខិតចូលជិតសហរដ្ឋអាមេរិក និង សហភាពអឺរ៉ុប។ ប្រសិនបើនាយករដ្ឋមន្ត្រីរូបនេះឈ្នះឆ្នោត អាមេនីនឹងបន្តខិតជិតលោកខាងលិច តែបើចាញ់ឆ្នោត ប្រទេសនេះអាចត្រឡប់ទៅស្ថិតក្រោមឥទ្ធិពលរុស្ស៊ីវិញ។

នៅមួយរយៈចុងក្រោយនេះ គេសង្កេតឃើញមានករណីរឈ្លោះវាយប្រតាយប្រតប់គ្នារវាងក្រុមយុវវ័យ បង្ហោះផ្សាយនៅលើបណ្តាញសង្គម។ ជាក់ស្តែងនៅក្នុងវីដេអូមួយលើបណ្តាញសង្គមហ្វេសប៊ុក សិស្សស្រីមួយក្រុមនៃវិទ្យាល័យទួលទំពូងបានទៅព្រួតវាយសិស្សស្រីមា្នក់ នៅវិទ្យាល័យ ហ៊ុន សែន ប៊ុនរ៉ានី ផ្សារដើមថ្កូវ។ នៅក្នុងករណីនេះ ក្រសួងអប់រំបានចេញសេចក្តីណែនាំឲ្យក្រុមដែលបង្កការវាយតប់នោះកែខ្លួន និងត្រូវទទួលពិន័យរដ្ឋបាលមួយចំនួនទៀត។ អ្នកឃ្លាំមើលសង្គមនានា កត់សម្គាល់ឃើញថា ទោះក្រសួងអប់រំតែងតែចេញវិធានការអប់រំ និងរំឭកដាស់តឿនជាបន្តបន្ទាប់ តែបាតុភាពហិង្សារវាងសិស្សសាលានេះនៅតែបន្តកើតមានជាហូរហែ។ នៅក្នុងកាលៈទេសៈបច្ចុប្បន្ននេះ តើអ្វីទៅជាវិធានការសមស្របដែលរដ្ឋាភិបាល ឬអ្នកពាក់ព័ន្ធគួរធ្វើដើម្បីដោះស្រាយបាតុភាពហិង្សារបស់សិស្សនៅក្នុងសាលារៀន?

នៅអំឡុងពេលស្ថានភាពព្រំដែនបានធូរស្រាល ពលរដ្ឋមួយចំនួន ដែល​រស់នៅកៀកព្រំដែនអូរស្មាច់បានសម្រេចចិត្តត្រលប់ទៅផ្ទះសម្បែងវិញ ដើម្បីប្រកបរបរចិញ្ចឹមជីវិត។ ពលរដ្ឋទាំងនោះ​បានប្រាប់ថា ពួកគេ​​នៅតែដិតដាម​ស្នូរសំឡេង​​ផ្ទុះអាវុធ និង​​សំឡេងយន្តហោះទម្លាក់គ្រាប់ ដែលបង្កជាការរំខានដល់សុវត្ថិភាពផ្លូវចិត្តរបស់ពួកគេទាំងថ្ងៃទាំងយប់។ បើទោះជាត្រលប់មកប្រកបរបរចិញ្ចឹមជីវិតធម្មតាហើយ​ពិតមែនក្តី តែផ្ទះសម្បែងរបស់ពលរដ្ឋនៅតំបន់អូរស្មាច់មួយចំនួនមានតែសំបកផ្ទះ និងសម្ភារៈបន្តិចបន្តួចសម្រាប់រស់នៅប៉ុណ្ណោះ។ មានតែសំបកផ្ទះ និងសម្ភារៈតិចតួច​ ព្រោះថាពួកគេបានត្រៀមចិត្តត្រលប់ទៅជំរំសារជាថ្មី ប្រសិនបើស្ថានភាពព្រំដែនតានតឹងខ្លាំង​​៕

ក្រសួងការបរទេសកម្ពុជាបានឱ្យដឹងថា លោកនាយករដ្ឋមន្ត្រី ហ៊ុន ម៉ាណែត នឹងធ្វើដំណើទៅបំពេញទស្សនកិច្ចផ្លូវការនៅប្រទេសវៀតណាម។ បើយោងតាមសេចក្តីប្រកាសព័ត៌មានរបស់ក្រសួងការបរទេស ប្រមុខរដ្ឋាភិបាលកម្ពុជា ក៏នឹងដឹកនាំគណៈប្រតិភូសំខាន់ៗរបស់រដ្ឋាភិបាល និងធុរជនកម្ពុជាអមដំណើរជាមួយផង។ អ្នកជំនាញភូមិសាស្រ្តនយោបាយចាត់ទុកដំណើរទស្សនកិច្ចលើកទី២របស់លោក ហ៊ុន ម៉ាណែត ថាគ្មានអ្វីលើសពីការពង្រឹងទំនាក់ទំនងនោះទេ​។​

សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ បានយកថ្ងៃអាទិត្យ ទី៧ ខែមិថុនា ឆ្នាំ២០២៦ ដើម្បីរំឭកខួប៧៧ឆ្នាំដែលបារាំងផ្ទេរដែនដីកម្ពុជាក្រោមទៅឲ្យវៀតណាមគ្រប់គ្រង។ ឆ្លៀតឱកាសនេះ តំណាងសមាគមខ្មែរកម្ពុជាក្រោម បានទទូចជាថ្មីទៀត ឲ្យអាជ្ញាធរវៀតណាមដោះលែងសកម្មជនខ្មែរកម្ពុជាក្រោមឲ្យមានការសេរីភាពឡើងវិញ ដោយឥតលក្ខខណ្ឌ។ ការអំពាវនាវនេះធ្វើឡើងបន្ទាប់ពីអាជ្ញាធរវៀតណាមទើបចាប់ខ្លួន លោក ថាច់ ចាន់ត្រា កាលពីថ្ងៃទី២៩ ខែមេសា ឆ្នាំ២០២៦ ក្រោយពីលោកបានចែករំលែកព័ត៌មានស្តីពីអាជ្ញាធរវៀតណាមរំលោភសិទ្ធិខ្មែរក្រោម។ 

លោក Liu Ren ប្រធានសភាពាណិជ្ជកម្មខេត្តអានហ៊ុយប្រចាំកម្ពុជាត្រូវបានចាប់ខ្លួននៅរាជធានីភ្នំពេញ កាលពីថ្ងៃទី៥ ខែមិថុនា ឆ្នាំ២០២៦។ បើតាមសារព័ត៌មានជាភាសាចិន CC-Time លោក Liu Ren ត្រូវបានចាប់ខ្លួនពីបទ​ឧក្រិដ្ឋកម្ម​ឆបោកអនឡាញ ការលាងលុយកខ្វក់ ការជួញដូរមនុស្ស ការចាប់ជំរិតទារប្រាក់ និងការជួញដូរអាវុធ។

ថ្លែងនៅក្នុងពិធីសំណេះសំណាលជាមួយមន្ត្រីរាជការថ្នាក់ក្រោមជាតិ​ក្នុង​ខេត្តកណ្តាល​ នៅថ្ងៃ​​​​៦មិថុនាម្សិលមិញនេះ លោក ហ៊ុន សែន​​ ប្រធានព្រឹទ្ធសភាកម្ពុជា ​បានដាក់ការសង្ស័យថា ព្រំដែនកម្ពុជា-ថៃជាកន្លែងរកស៊ីគេចពន្ធ​។ លោក ជា ធីរិទ្ធ អ្នកនាំពាក្យ​ប្រធានព្រឹទ្ធសភា​ បានប្រាប់វិទ្យុបារាំងអន្តរជាតិ RFI នៅព្រឹកថ្ងៃទី​៧មិថុនានេះថា ​ការដាក់ក្តីមន្ទិលយ៉ាងដូចនេះ ក៏ដោយសារតែលោក ហ៊ុន សែន កត់សម្គាល់ឃើញថា ​ចំណូលពន្ធគយបានកើនឡើង បន្ទាប់ពីបិទព្រំដែនកម្ពុជា-ថៃ។  សូមជម្រាបថា ​រយៈពេល​ ៥ខែដើមឆ្នាំ២០២៦នេះ ​កម្ពុជាបានទទួលចំណូលពន្ធដារ​​ជាង ​​២ ០០០ លានដុល្លារ ឬ​ ៥៣% នៃផែនការ​ឆ្នាំ​២០២៦ ​និង​​បើ​បូកជាមួយពន្ធគយ កម្ពុជារកបាន​ចំណូល​សារពើពន្ធសរុបប្រមាណ ​​​​៣ ៥០០លានដុល្លារឯណោះ​។ ​នេះមិនទាន់រាប់បញ្ចូល​​ចំណូលមិនមែន​សារពើរពន្ធផងទេ។​ សម្រាប់លោក ហ៊ុន សែន ចំណូលពន្ធដ៏ច្រើននេះ គឺជាមោទនភាពសម្រាប់កិច្ចការងារប្រមូលពន្ធរបស់រដ្ឋាភិបាលកម្ពុជា​។ ​​​គួរដឹងដែរថា យោងតាមច្បាប់ថវិកាជាតិ ឆ្នាំ២០២៦ រដ្ឋាភិបាលកម្ពុជាគ្រោងប្រមូលចំណូលសារពើពន្ធឱ្យបាន ៦ ៨០០លានដុល្លារ ក្នុងនោះចំណូលពន្ធដារ ៣ ៨០០លានដុល្លារ និងចំណូលពន្ធគយ ៣ ០០០លានដុល្លារ៕