នៅក្នុងតំបន់ព្រំដែនរវាងឥណ្ឌា និងបង់ក្លាដែស ស្ថានការណ៍កំពុងមានភាពតានតឹងដោយសារមានមនុស្សជាច្រើនរយនាក់បានរត់ចេញពីឥណ្ឌាចូលបង់ក្លាដែស។ ព្រឹត្តិការណ៍នេះកើតឡើង បន្ទាប់ពីអាជ្ញាធរឥណ្ឌាក្នុងរដ្ឋបង់ហ្គាល់ខាងលិច បានប្រកាសបង្កើតមណ្ឌលសម្រាប់ឃុំខ្លួនជនអន្តោប្រវេសន៍ខុសច្បាប់មកពីបង់ក្លាដែស និងជនភៀសខ្លួនរ៉ូហ៊ីងយ៉ា។ តែប៉ូលិសក្នុងរដ្ឋបង់ហ្គាល់ខាងលិចបានអះអាងថា ស្ថានការណ៍កំពុងស្ថិតក្រោមការគ្រប់គ្រង។ ទោះជាយ៉ាងណា ការសម្រេចចិត្តរបស់អាជ្ញាធរឥណ្ឌាបានបង្កឲ្យមានភ័យខ្លាច និងរងការរិះគន់ថាបានរើសអើងលើសហគមន៍មូស្លីមនៅតំបន់ព្រំដែនរដ្ឋបង់ហ្គាល់ខាងលិច។

ម៉ូហាម៉េដ អូដេហ៍ មេថ្មីរបស់ក្រុម​ប្រដាប់អាវុធនៃចលនាហាម៉ាសប៉ាឡេស្ទីន​ ត្រូវបានកងទ័ពអ៊ីស្រាលអែលសម្លាប់បាន​ នៅថ្ងៃទី​២៦ឧសភា។ ជននេះ ទើបតែ​ឡើងមកជំនួស​ឲ្យ​មេចាស់ ដែលត្រូវបាន​កងទ័ពអ៊ីស្រាអែល​សម្លាប់​បានដែរ កាលពីថ្ងៃទី​១៥ឧសភា​។

សមត្ថ​កិច្ច​ខេត្ត​កំពង់​ឆ្នាំងកំពុង​តាម​ចាប់ខ្លួនជន​បង្ក​ក្នុង​គ្រោះ​ថ្នាក់​ចរាចរណ៍​ដែល​ផ្តាច់ជីវិត​​កម្ម​ករ​​ ៩នាក់​កាលពី​ថ្ងៃ​ទី២៣​ឧសភាកន្លងទៅ​។​​ ​នេះជា​ការ​បញ្ជាក់​របស់​លោក តេង ច័ន្ទណាត ​ស្នងការនគរបាលខេត្តកំពង់​ឆ្នាំងមក​កាន់​វិទ្យុ​បារាំងអន្តរជាតិ​នៅ​ថ្ងៃ​ទី​២៦​ ខែឧសភា ​ឆ្នាំ២០២៦​។​ ស្នងការនគរបាលខេត្តកំពង់​ឆ្នាំងរូប​នេះ​បន្ថែម​ថា ​សមត្ថ​កិច្ច​បាន​បញ្ជូន​សំណុំ​រឿង​នេះ​ទៅ​កាន់​តុលាការ​ដើម្បី​បន្ត​នីតិវិធី​តាម​​ផ្លូវ​ច្បាប់។ 

ក្នុងឆ្នាំ២០២៥ ការនាំចេញកៅស៊ូរកចំណូលបានប្រមាណ ៦០៤លានដុល្លារអាមេរិក ថយចុះ៩.១% ខណៈការផ្គត់ផ្គង់ក្នុងស្រុកមានចំណូលប្រមាណ ២២៣លានដុល្លារ កើនឡើង ១៣១%។ នេះ​បើតាមការឱ្យដឹង​ពី​ប្រមុខរដ្ឋាភិបាលកម្ពុជា លោក ហ៊ុន ម៉ាណែត នៅក្នុងពិធីសម្ពោធរោងចក្រផលិតកែច្នៃកៅស៊ូរបស់ក្រុមហ៊ុន គីមស៍ រ៉ាប់ប៊ើរ (ខេមបូឌា) ក្នុងខេត្តត្បូងឃ្មុំ នាព្រឹកថ្ងៃពុធ ទី២៧ ខែឧសភា ឆ្នាំ២០២៦។ តាមលោកនាយករដ្ឋមន្រ្តី ការកើនឡើងនៃការផ្គត់ផ្គង់កៅស៊ូក្នុងស្រុកបង្ហាញថា វិស័យកសិកម្មក្នុងស្រុកមានការអភិវឌ្ឍ។ គួរបញ្ជាក់ដែរថា នាយករដ្ឋមន្រ្តីកម្ពុជា លោក ហ៊ុន ម៉ាណែត ក៏បានជំរុញឲ្យមានរោងចក្រកែច្នៃកៅស៊ូបង្កើនផលប្រយោជន៍ដល់កសិករដែលដាំដុះផ្ទាល់ តាមរយៈការជួយទិញផលិតផលនៅតាមសហគមន៍តូចៗដើម្បីបង្កើតទីផ្សារនៅនឹងកន្លែង។ ក្នុងន័យនេះ ​លោក ហ៊ុន ម៉ាណែត សង្កត់ធ្ងន់ថា កម្ពុជានឹងឈានទៅរកការកាត់បន្ថយការនាំចូល​វត្ថុធាតុដើម និងនាំចេញផលិតផលសម្រេច៕

ក្រុមប្រទេសសម្ព័ន្ធភាព Quad ដែលមានសហរដ្ឋអាមេរិក ជប៉ុន ឥណ្ឌា និងអូស្រ្តាលីបានប្រកាសគម្រោងសហប្រតិបត្តិការថ្មីៗជាច្រើននៅក្នុងតំបន់ឥណ្ឌូប៉ាស៊ីហ្វិក ពិសេសលើវិស័យសន្តិសុខសមុទ្រ កំពង់ផែ និងធនធានរ៉ែកម្រ។ ការប្រកាសនេះបានធ្វើឡើងនៅក្នុងកិច្ចប្រជុំរដ្ឋមន្ត្រីការបរទេស Quad ដែលរៀបចំនៅក្នុងទីក្រុងញូវដែលីនាថ្ងៃអង្គារ ទី២៦ ឧសភា។

ជំហរ​របស់​លោកដូណាល់ ត្រាំ រេដូចចុងស្រល់។ ពីមួយថ្ងៃ ទៅ​មួយថ្ងៃ ប្រធានាធិបតីទី​៤៧​របស់​អាមេរិក​ប្រកាសដំណឹង​ជាមួយ​ការប្តូរជំហរ​ក្រឡាប់ចាក់ ធ្វើ​ឲ្យពិភពលោក​តាមសឹង​មិនទាន់។ ទាក់ទង​នឹង​ការចរចា​ដើម្បីបញ្ចប់សង្រ្គាមជាមួយ អ៊ីរ៉ង់ មេដឹកនាំ​អាមេរិក​បង្ហោះសារ​ម្តងថា ជិត​ឈាន​សម្រេច​បាន​កិច្ចព្រមព្រៀងជាមួយអ៊ីរ៉ង់ ម្តងថា លោក​មិន​ប្រញាប់​ចង់​បាន​កិច្ចព្រមព្រៀង​ភ្លាមៗ​ជាមួយ​អ៊ីរ៉ង់។ ជាក់ស្តែង  នៅក្នុងសារ​បង្ហោះផ្សាយ​លើ​បណ្តាញសង្គម​Truth Social របស់​លោក​កាលពីថ្ងៃចន្ទទី ២៥ ឧសភា លោកត្រាំបាននិយាយ​ថា លោក​បាន​ប្រាប់​ក្រុមចរចាអាមេរិក​កុំ​ឲ្យ​ប្រញាប់ នៅក្នុង​រឿង​រកកិច្ចព្រមព្រៀង​ជាមួយ​អ៊ីរ៉ង់។ លោកត្រាំ​និយាយ​យ៉ាងដូច្នេះ នៅពីរថ្ងៃ​ក្រោយ លោក​ជួបពិភាក្សា​តាមទូរស័ព្ទ​ជាមួយ​មេដឹកនាំ​អារ៉ាប់ ដើម្បី​និយាយ​ពី​កិច្ចព្រមព្រៀង​Abraham ឬ​កិច្ចព្រមព្រៀងចងសម្ព័ន្ធមេត្រីភាព​រវាងអ៊ីស្រាអែល និង​ក្រុមប្រទេស​អារ៉ាប់។

ក្រុមប្រទេសសម្ព័ន្ធភាព Quad ដែលមានសហរដ្ឋអាមេរិក ជប៉ុន ឥណ្ឌា និងអូស្រ្តាលីបានប្រកាសគម្រោងសហប្រតិបត្តិការថ្មីៗជាច្រើននៅក្នុងតំបន់ឥណ្ឌូប៉ាស៊ីហ្វិក ពិសេសលើវិស័យសន្តិសុខសមុទ្រ កំពង់ផែ និងធនធានរ៉ែកម្រ។ ការប្រកាសនេះបានធ្វើឡើងនៅក្នុងកិច្ចប្រជុំរដ្ឋមន្ត្រីការបរទេស Quad ដែលរៀបចំនៅក្នុងទីក្រុងញូវដែលីនាថ្ងៃអង្គារ ទី២៦ ឧសភា។

លោក កឹម សុខា ប្រធានអតីតគណបក្សសង្គ្រោះជាតិ ត្រូវបានលើកលែងទោសតាមរយៈព្រះរាជក្រឹត្យដែលចុះហត្ថលេខាដោយប្រមុខរដ្ឋស្តីទី លោក ហ៊ុន សែន នាថ្ងៃទី២៥ ខែឧសភា ឆ្នាំ២០២៦។ តាមរយៈព្រះរាជក្រឹត្យដដែល លោក កឹម សុខា ត្រូវបានលើកលែងទោសពីការជាប់ពន្ធនាគាររយៈពេល ២៧ឆ្នាំ តែនៅបន្តជាប់ទោសបន្ថែមដែលរួមមាន មិនអនុញ្ញាតឲ្យចេញក្រៅប្រទេសរយៈពេល ៥ឆ្នាំ គ្មានសិទ្ធិចូលរួមបោះឆ្នោត និងឈរឈ្មោះឲ្យគេបោះឆ្នោត។ លោកនាយករដ្ឋមន្ត្រី ហ៊ុន ម៉ាណែត បានចាត់ទុកការលើកលែងទោសនេះ ជាជំហានមួយបន្ថែម ដើម្បីពង្រឹងសាមគ្គីឯកភាពជាតិ។ អ្នកវិភាគខ្លះយល់ស្របដូចនេះ និងខ្លះទៀតយល់ឃើញផ្សេងពីនេះ។ តើការលើកលែងទោស លោក កឹម សុខា មានបង្កប់អត្ថន័យអ្វីខ្លះនៅក្នុងឆាកនយោបាយខ្មែរ?

អាមេរិក​បើកការវាយប្រហារទៅលើ​ទីតាំង​បាញ់មីស៊ីល​របស់អ៊ីរ៉ង់ កាលពីថ្ងៃ​យប់ថ្ងៃចន្ទទី ២៥​ឧសភា។ នេះបើតាម​សេចក្តីប្រកាស​របស់​ទីបញ្ជាការដ្ឋាន​កងទ័ព​អាមេរិក​ប្រចាំការ​នៅ​តំបន់ដើមបូព៌ា។ ប្រតិបត្តិការ​យោធា​របស់​អាមេរិក មិន​បានទៅ​បញ្ឆេះកំហឹង ធ្វើ​ឲ្យ​អ៊ីរ៉ង់​វាយប្រហារ​សងសឹកភ្លាមៗ​វិញនោះទេ។ ហេតុការណ៍​នេះ​កើតឡើង​នៅចំពេល​ដែល​ការចរចា​រវាងអាមេរិក និងអ៊ីរ៉ង់​ហាក់​នៅទ្រឹង មិន​សូវ​បោះជំហានទៅមុខទាល់តែសោះ។ 

អគ្គនាយកដ្ឋានអន្តោប្រវេសន៍បានចេញមកបញ្ជាក់ថានៅថ្ងៃទី២៦ ខែឧសភា ឆ្នាំ២០២៦ នេះថា កម្ពុជាគ្មានគោលការណ៍រឹតបន្តឹង ឬហាមឃាត់ជនបរទេសអាយុក្រោម ៤០ឆ្នាំចូលទឹកដីកម្ពុជាឡើយ។ ការចេញមកបញ្ជាក់ដូចនេះធ្វើឡើង បន្ទាប់​ពីមានការចុះផ្សាយព័ត៌មានជាភាសាចិនលើបណ្តាញសង្គមពេញនិយមរបស់​ចិន​ថា ច្រកទ្វារអន្តរជាតិរបស់កម្ពុជាបានបិទការចេញ-ចូលជាបណ្តោះអាសន្ន ហើយបុគ្គលអាយុតិចជាង ៤០ឆ្នាំ នឹងមិនត្រូវបានអនុញ្ញាតឱ្យចូលទឹកដីកម្ពុជា។ 

មួយថ្ងៃបន្ទាប់ពីបានធ្វើការវាយប្រហារទ្រង់ទ្រាយធំ ទៅលើរដ្ឋធានីអ៊ុយក្រែន ដោយប្រើដ្រូនរាប់រយគ្រឿង និង គ្រាប់មីស៊ីល អ៊ីពែរសូនិក ក្រសួងការបរទេសរុស្ស៊ី បានប្រកាសប្រាប់ទៅ ជនបរទេស និង បុគ្គលិកការទូតទាំងឡាយ ឲ្យប្រញាប់ចាកចេញពីទីក្រុងកៀវ មុននឹងមានការវាយប្រហារជាថ្មី ។ ឆ្លើយតបទៅនឹងការព្រមាននេះ អាជ្ញាធរអ៊ុយក្រែន អំពាវនាវទៅកាន់មនុស្សគ្រប់រូប កុំឲ្យចាញ់ការឃោសនា​ បំភិតបំភ័យពីសំណាក់រុស្ស៊ី ។

សេចក្តីថ្លែងការណ៍សាទរការលើកលែងទោស លោក កឹម សុខា ប្រធានអតីតគណបក្សសង្គ្រោះជាតិ បានធ្លាក់មកជាបន្តបន្ទាប់ពីសំណាក់អ្នកនយោបាយនៅកម្ពុជា។ តែជាមួយគ្នានោះ អ្នកនយោបាយ​ខ្លះនៅបារម្ភពីការ​បន្ត​ដក​សិទ្ធិ​ធ្វើនយោបាយ​ពីលោក កឹម សុខា។ ប្រតិកម្មនេះកើតឡើងបន្ទាប់ពី​ លោក កឹម សុខា ត្រូវបានលើកលែងទោសនៅថ្ងៃទី២៥ ខែ ឧសភា ឆ្នាំ២០២៦ តាមព្រះរាជក្រឹត្យ ដែលចុះហត្ថលេខាដោយប្រមុខរដ្ឋ​ស្តីទី លោក ហ៊ុន សែន។

ស៊ុយអែតសម្រេចបានគោលដៅជាប្រទេសគ្មានបារីក្នុងឆ្នាំ ២០២៥។ របាយការណ៍ប្រចាំឆ្នាំ ២០២៥ ចេញផ្សាយនាថ្ងៃទី២៥ ឧសភា ដោយក្រុមប្រឹក្សាព័ត៌មានស្តីពីគ្រឿងស្រវឹង និងគ្រឿងញៀនផ្សេងទៀតហៅកាត់ CAN បានឲ្យដឹងថា អត្រាអ្នកជក់បារីប្រចាំថ្ងៃមានតិចជាង ៥%។ តែរបាយការណ៍ដដែលមិនភ្លេចបញ្ជាក់ថា នៅមានពលរដ្ឋចំនួន ១ភាគ៤ កំពុងបន្តប្រើសារធាតុនីកូទីនក្រោមទម្រង់ផ្សេង ដូចជា បារីអេឡិចត្រូនិក និងថ្នាំចុកក្នុងមាត់ជំនួសបារី។

នាយករដ្ឋមន្ត្រីប៉ាគីស្ថាន លោក ស្ហេបា ស្ហារីស្វ បានអញ្ជើញទៅបំពេញទស្សនកិច្ចផ្លូររដ្ឋរយៈពេល ៤ថ្ងៃនៅក្នុងប្រទេសចិន។ កម្មវត្ថុនៃទស្សនកិច្ច គឺដើម្បីពង្រឹងទំនាក់ទំនងយូរអង្វែងរវាងក្រុងប៉េកាំង និងក្រុងអ៊ីស្លាម៉ាបាដ។ លោក ស្ហេបា ស្ហារីស្វ បានចូលជួបប្រធានាធិបតីចិន លោក ស៊ី ជីនពីន នៅវិមានប្រជាជនចិនក្នុងរដ្ឋធានីប៉េកាំង។ នៅក្នុងជំនួបនេះ លោកស៊ី ជីនពីងបានសាទរចំពោះមិត្តភាពមិនអាចបំផ្លាញបានរវាងប្រទេសទាំងពីរ និងបានកោតសរសើរចំពោះកិច្ចខិតខំប្រឹងប្រែង របស់ក្រុងអ៊ីស្លាម៉ាបាដ ក្នុងនាមជាអន្តរការី ដើម្បីបិទបញ្ចប់សង្រ្គាមនៅមជ្ឈិមបូព៌ា។

នាយករដ្ឋមន្ត្រីថៃ លោក អានុធិន ឆានវីរៈគូន បាននិយាយនៅថ្ងៃទី២៣ ខែឧសភា ឆ្នាំ២០២៦ ថា ថៃមិនអាចបើកព្រំដែនឡើងវិញជាមួយកម្ពុជាបានទេ បើកម្ពុជាមិនព្រមទទួលយកលក្ខខណ្ឌរបស់ថៃជាមុនទេនោះ។ នេះបើតាមការចុះផ្សាយរបស់កាសែតថៃ The Nation នៅថ្ងៃទី២៤ ឧសភា។ គួររម្លឹកជូនថា នៅក្នុងរឿងបើកច្រកព្រំដែននេះ រដ្ឋាភិបាលកម្ពុជាធ្លាប់បានបញ្ជាក់ជំហរជាច្រើនដងថា កម្ពុជានឹងមិនស្នើសុំឲ្យថៃបើកច្រកព្រំដែនជាមួយកម្ពុជាឡើងវិញឡើយ ព្រោះថៃជាអ្នកបិទព្រំដែនដោយឯកតោភាគី។

នៅក្នុងផ្សារទំនើបមួយនៃទីក្រុងតូក្យូ ប្រទេសជប៉ុន មានមនុស្សជាង ២០នាក់បានរងរបួសស្រាល បន្ទាប់ពីបុរសម្នាក់បានបាញ់សារធាតុគីមីម្យ៉ាងទៅលើម៉ាស៊ីន ATM។ ហេតុការណ៍នេះកើតឡើងនៅថ្ងៃចន្ទ ទី ២៥ឧសភា ក្នុងតំបន់ហ្ស៊ីនហ្សា (Ginza) ដែលជាតំបន់ទេសចរណ៍ និងពាណិជ្ជកម្មដ៏មមាញឹកបំផុតមួយក្នុងក្រុង​តូក្យូ។ ប៉ូលិសជប៉ុនបានបើកការស៊ើបអង្កេតភ្លាមៗដើម្បីកំណត់អត្តសញ្ញាណរបស់សារធាតុគីមី និងស្វែងរកមូលហេតុនៃការប្រព្រឹត្តទង្វើមួយនេះ។

នៅរៀងរាល់ឆ្នាំ មានសាសនិកអ៊ីស្លាមរាប់សែននាក់ មកពីគ្រប់ទិសទីក្នុងលោក ចូលរួមប្រារព្ធពិធីបុណ្យ Hajj តាមប្រពៃណីសាសនាអ៊ីស្លាម នៅទីក្រុង​ឡាម៉ិក ប្រទេសអារ៉ាប៊ីសាអូឌីត។ ពិធីបុណ្យសាសនាអ៊ីស្លាមមួយនេះ ចាប់ផ្តើមពីថ្ងៃចន្ទ ទី២៥ ដល់ថ្ងៃសៅរ៍ ទី៣០ ឧសភា ដោយមានមនុស្សចូលរួមចំនួនប្រមាណ ១លាន៥សែននាក់។ អ្វីជាការកត់សម្គាល់ ពិធីបុណ្យសាសនាអ៊ីស្លាមមួយនេះប្រព្រឹត្តទៅក្រោមវិធានការ ការពារសុវត្ថិភាពយ៉ាងតឹងរឹង ពីសំណាក់កងទ័ពអាកាសអារ៉ាប៊ីសាអូឌីត ខណៈអាមេរិក និងអ៊ីរ៉ង់កំពុងចរចាគ្នា ដើម្បីបិទបញ្ចប់សង្រ្គាមនៅមជ្ឈិមបូព៌ា។

«ការចងចាំ» គឺជាពិព័រណ៍ទោលលើកដំបូងរបស់សិល្បការិនី កើ ស្រីពៅ ដែលរៀបរាប់អំពីរឿងរ៉ាវជីវិតផ្ទាល់ខ្លួន និងប្រពៃណីនៃសហគមន៍ចាម្ប៍ ខេត្តកំពង់ឆ្នាំង។ តាមរយៈកម្រងស្នាដៃគំនូរពណ៌អាគ្រីលិកទាំង ២១ផ្ទាំង កញ្ញា កើ ស្រីពៅ សង្ឃឹមថា ​ទស្សនិកជន​អាចស្វែង​យល់ ចងចាំ និងអភិរក្សអត្តសញ្ញាណ​ជនជាតិ​ចាម្ប៍ ជាពិសេសសម្រាប់សហគមន៍ចាម្ប៍ នៅស្រុកកំពង់ត្រឡាច ខេត្តកំពង់ឆ្នាំង៕

អាជ្ញាធរខេត្តមួយចំនួន ពិសេស ខេត្តរតនគិរី បានដាក់ចេញបទបញ្ជាថ្មីមួយឲ្យមេបញ្ជាការកង​​កម្លាំងរបស់ខេត្ត ទប់ស្កាត់កុំឲ្យមានបទល្មើស ឆបោកតាមអនឡាញ កើតឡើង​ក្នុង​ដែន​សមត្ថកិច្ច​របស់​ខ្លួន។ ការដាក់ចេញវិធានការរឹតបន្តឹងនេះ ធ្វើ​ឡើង​បន្ទាប់ពីមានការព្រមានដោយ​ត្រង់​ៗរបស់​ លោក ហ៊ុន សែន ប្រមុខរដ្ឋស្តីទី ចំពោះអភិបាល​ខេត្ត​រតនគិរី កាលពីម្សិលមិញ និងក្រោយពេលដកតំណែងអភិបាលខេត្ត មេប៉ូលីស និងមេបញ្ជាការកងរាជអាវុធហត្ថខេត្តមណ្ឌល​គិរី ជុំវិញរឿងឆបោកតាមអនឡាញនេះ។

ចិន​បានចាប់ផ្តើមបេសកកម្មអវកាសថ្មីមួយទៀតរបស់ខ្លួន នៅថ្ងៃអាទិត្យ​ទី​២៤ឧសភា ដោយ​បានបញ្ជូន​អវកាសយានិកចិន​​​ចំនួន​៣នាក់ ក្នុងនោះម្នាក់មកពីហុងកុង ឆ្ពោះទៅកាន់ស្ថានីយអវកាសចិន​។ ក្នុងចំណោម​អវកាសយានិក​ទាំង​៣នាក់ គឺមានម្នាក់ដែលនឹងត្រូវ​បំពេញបេសកកម្ម​លើខ្សែគន្លងតារាវិធីរបស់ផែនដី រយៈពេលដល់ទៅ​១ឆ្នាំ។ ការសាកល្បងដ៏ពិសេស​នេះ គឺស្ថិតនៅក្នុងគម្រោងរបស់ចិន ដែល​មានមហិច្ឆតា​ បញ្ជូន​មនុស្សទៅ​បំពេញបេសកកម្ម​នៅលើ​ព្រះចន្ទ រយៈពេលវែង​។

អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ លោក​ មាស សុខសេនសាន បានបញ្ជាក់ថា រដ្ឋាភិបាលមិនទាន់បានរៀបចំថវិកាជាតិសម្រាប់ការចាយវាយនៅឆ្នាំ ២០២៧នៅឡើយ ហើយថា អ្វីដែលបានលើកឡើងនៅក្នុងសារាចរចុះថ្ងៃទី១៥ខែឧសភានោះ ជាឯកសារគោល ដែលបង្ហាញផ្លូវឲ្យស្ថាប័នរដ្ឋនីមួយៗព្រាងថវិកាសម្រាប់ការចាយវាយនៅ ៣ឆ្នាំខាងមុខ។ ពោលជាការចាយវាយចាប់ពីឆ្នាំ២០២៧ទៅ។ តាមលោក មាស សុខសេនសាន រដ្ឋាភិបាលនៅតែផ្តល់អាទិភាពលើវិស័យសង្គមកិច្ច ដែលរួមមាន ក្រសួងអប់រំ និងក្រសួងសុខាភិបាលដដែល។

នៅព្រឹកថ្ងៃទី២៥ ខែឧសភា ឆ្នាំ២០២៦ ​លោក កឹម សុខា ប្រធានអតីតគណបក្សសង្គ្រោះជាតិ បានទៅសួរសុខទុក្ខម្តាយរបស់លោកជាលើកទី២ បន្ទាប់ពីទទួលបានការអនុញ្ញាតពីព្រះរាជអាជ្ញាសាលាដំបូងរាជធានីភ្នំពេញ។ សហមេធាវីការពារក្តីលោក កឹម​ សុខា ចាត់ទុកការអនុញ្ញាតរបស់សមត្ថកិច្ចតុលាការនេះថា អាចជាសញ្ញាវិជ្ជមានច្រើន ក្នុងការស្វែងរកដំណោះស្រាយលើសំណុំរឿង លោក កឹម សុខា។ 

នៅក្នុងពិធីជួបសំណេះសំណាលជាមួយមន្ត្រីក្រុមប្រឹក្សា និងអង្គភាពនានាជុំវិញរដ្ឋបាលរាជធានីភ្នំពេញ នាព្រឹកថ្ងៃអាទិត្យ​​ទី២៤ឧសភានេះ ប្រមុខរដ្ឋស្តីទីលោក ហ៊ុន សែន បានប្រកាសចាត់វិធានការចំនួន ២កម្រិត ចំពោះមន្ត្រី ដែលមានការពាក់ព័ន្ធនឹងអំពើឆបោកតាមអនឡាញ។ វិធានការទាំងពីរនោះរួមមានដកតំណែង ប្រឈមមុខនឹងតុលាការ បង្កកទ្រព្យសម្បត្តិ និងប្តូរការងារទៅកន្លែងថ្មី។ អ្នកតាមដានសង្គម និងអ្នកនយោបាយខ្លះ បានស្នើឲ្យរដ្ឋាភិបាលមានតម្លាភាពក្នុងការបោសសម្អាតមន្ត្រី និងខ្លះទៀត មិនទាន់មានជំនឿទាំងស្រុងចំពោះការបោសសម្អាតឧក្រិដ្ឋកម្មអនឡាញឲ្យអស់ពីកម្ពុជា៕

ល្ងាចថ្ងៃសៅរ៍ ទី​២៣ឧសភា នៅរដ្ឋធានីវ៉ាស៊ីនតោន មានខ្មាន់​កាំភ្លើងម្នាក់ បាន​ដកកាំភ្លើងបាញ់រះប៉ុនប៉ងសំរុកចូលទៅ​ក្នុងបរិវេន​សេតវិមាន​ តែត្រូវ​បាន​​កងអង្គរក្ស​បាញ់សម្លាប់បាន​។ ក្នុងពេលកើតហេតុនេះ លោកដូណាល់ ត្រាំ និង​រដ្ឋមន្ត្រីធំៗ ព្រមទាំង​អគ្គមេបញ្ជាការកងទ័ពអាមេរិក​ផង កំពុងប្រជុំគ្នានៅក្នុងសេតវិមាន ​និយាយអំពី​សំណុំរឿងសង្គ្រាមនៅអ៊ីរ៉ង់​។ សំឡេងផ្ទុះ​គ្រាប់កាំភ្លើង​ប្រមាណជាង​២០គ្រាប់ បាន​បង្កការភ័យស្លន់ស្លោ ដល់អ្នកទេសចរនិង​អ្នកដំណើរ នៅក្បែរសេតវិមាន​។

ក្នុងពិធីសំណេះសំណាលជាមួយថ្នាក់ដឹកនាំក្រសួង ស្ថាប័ន ក្រុមប្រឹក្សារាជធានី នាព្រឹកថ្ងៃអាទិត្យទី២៤ឧសភានេះ លោក ហ៊ុន សែន ប្រមុខរដ្ឋស្តីទី បានដាក់ចេញទណ្ឌកម្មពីរកម្រិតចំពោះមន្ត្រីពាក់ព័ន្ធបទល្មើសឆបោកតាមបច្ចេកវិទ្យា។ កម្រិតទី១ អ្នកដែលជាប់ពាក់ព័ន្ធ មិនត្រឹមតែដកតំណែងទេ គឺត្រូវចោទប្រកាន់តាមផ្លូវតុលាការ និងបង្កកទ្រព្យសម្បត្តិរបស់ពួកគេ។ ចំណែកកម្រិតទី២ គឺដកចេញពីតំណែងចាស់យកមកកន្លែងថ្មី។ ការបញ្ជាក់យ៉ាងដូច្នេះ បន្ទាប់ពីប្រមុខ​រដ្ឋ​ស្តីទីរូបនេះ បានសម្រេចតែងតាំង លោក ថង សាវុន អតីតអភិបាលខេត្តមណ្ឌល​គិរី ទៅជារដ្ឋលេខាធិការ​ក្រសួង​មហាផ្ទៃ ខណៈមេប៉ូលិស និងមេបញ្ជាការកងរាជអាវុធហត្ថខេត្តភាគឥសានមួយនេះ ត្រូវបានដក​តំណែងនាពេលថ្មីៗនេះ។

លោក ហ៊ុន សែន ប្រមុខរដ្ឋស្តីទី បានចោទសួរថា តើជនឆបោកតាមអនឡាញចូលមកកម្ពុជាតាមប្រទេសណា ខណៈលោកជឿថា អ្នកទាំងនោះមិនអាចចូលកម្ពុជា តាមវៀតណាមនោះទេ។ ក្នុងពិធីសំណេះសំណាលជាមួយថ្នាក់ដឹកនាំក្រសួង ស្ថាប័ន ក្រុមប្រឹក្សារាជធានី នាព្រឹកថ្ងៃអាទិត្យនេះ លោក ហ៊ុន សែន បាន​ថ្លែង​បែបបញ្ឆិត​បញ្ឆៀងទំនងសំដៅទៅប្រទេសថៃ។ ថៃដែលកន្លងមក បានយកលេសបញ្ហាឆបោកអនឡាញនេះ ដើម្បីធ្វើសង្គ្រាមឈ្លានពានទឹកដីកម្ពុជានៅតាមព្រំដែន។

ថ្ងៃសៅរ៍ទី​២៣ឧសភា ប្រជាជនតៃវ៉ាន់ច្រើនពាន់នាក់ បានដើរដង្ហែរក្បួននៅទីក្រុង​តៃប៉ិ ដើម្បី​ស្រែកប្រកូក​ប្រកាស​គាំទ្ររដ្ឋាភិបាល ដែល​មានគម្រោង​បន្ថែមការចំណាយ​លើ​វិស័យការពារជាតិ។​ ការដើរដង្ហែក្បួនរបស់​ប្រជាជនតៃវ៉ាន់នេះ ត្រូវបានធ្វើឡើងបន្ទាប់ពី​លោកដូណាល់ ត្រាំ បានទៅទស្សនកិច្ចនៅ​ប៉េកាំង ​ហើយបាន​សម្រេចផ្អាកការលក់គ្រឿងសព្វាវុធបន្ថែមមក​ឲ្យតៃវ៉ាន់​។ ផែនការ​ធ្វើសង្គ្រាមឈ្លានពាន​តៃវ៉ាន់ពីសំណាក់ចិន កំពុងតែ​ស្ថិតនៅក្នុងសតិស្មារតីរបស់ប្រជាជនតៃវ៉ាន់មួយភាគធំ ដែល​មិនចង់ឃើញកោះប្រជាធិបតេយ្យរបស់ខ្លួន ត្រូវរបបផ្តាច់ការ​កុម្មុយនីស្តប៉េកាំង លេបត្របាក់យក​។

បន្ទាប់ពី​ឈ្នះរង្វាន់តាល់ប័ត្រ​មាស​កាលពី​១៩ឆ្នាំមុន សមិទ្ធិករ​រូម៉ានី​បាន​ត្រលប់មក​ទទួល​រង្វាន់​តាល់ប័ត្រ​មាស​របស់​មហោស្រពភាពយន្តកាន ជាលើកទី២ជាមួយ​ខ្សែភាពយន្តរឿង ​Fjord ។ នៅក្នុងការប្រកាស​រង្វាន់​កាលពី​យប់ថ្ងៃសៅរ៍ទី​២៣​ឧសភា គណៈមេប្រយោគរបស់មហោស្រពកាន​បាន​ប្រកាសផ្តល់​រង្វាន់ផ្សេងទៀតដល់​សមិទ្ធិករ​ដទៃទៀត និង​រង្វាន់​សម្រាប់អ្នកសម្តែងប្រុសស្រី។ ឈាង បុប្ផា​រាយការណ៍ព័ត៌មាននេះពីមហោស្រពភាពយន្តកាន

គិតត្រឹមម៉ោង២រសៀលថ្ងៃទី២៣ ខែឧសភានេះ កម្មកររោងចក្រកាត់ដេរចំនួន ១៤នាក់ បានស្លាប់ និង៩៣នាក់ផ្សេងទៀតរងរបួសធ្ងន់ ស្រាល ក្នុងឧបទ្ទវហេតុគ្រោះថ្នាក់ចរាចរណ៍ចំនួនពីរផ្សេងគ្នានៅខេត្តកំពង់ឆ្នាំង និងស្វាយរៀង។ នេះបើតាមព័ត៌មានផ្តល់់ដោយអ្នកនាំពាក្យក្រសួងការងារ លោក ស៊ុន មេសា និងថា កម្មករខ្លះកំពុងបន្តបញ្ចូនមកមន្ទីរពេទ្យកាល់ម៉ែត្រ។ ក្នុងហេតុការណ៍គ្រោះថ្នាក់ចរាចរណ៍ទាំងពីរដំណាលគ្នានេះ អ្នកនាំពាក្យក្រសួងការងារចាត់ទុកថា ជាករណីដែលមានកម្មករនិយោជិតស្លាប់ច្រើនជាងគេ។ តាមអ្នកនាំពាក្យក្រសួងការងារដដែល រាល់ការចំណាយនៃពិធីបុណ្យសពរបស់កម្មករនិយោជិតជាបន្ទុករបស់ក្រសួងការងារ។

នៅថ្ងៃទី២២ ខែឧសភា​ ឆ្នាំ​២០២៦ ប្រមុខ​រដ្ឋាភិបាលកម្ពុជា សម្រេចបញ្ចប់តំណែងឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី។ ការដកតំណែងពីមន្ត្រីនគរបាល និងមន្ត្រីកងរាជអាវុធហត្ថខាងលើ មិនបានបញ្ជាក់ពីមូលហេតុទេ។ តែប្រព័ន្ធផ្សព្វផ្សាយស្និទ្ធនឹងគណបក្សកាន់អំណាចបានដកស្រង់ប្រភពនានាមកផ្សាយថាអាចពាក់ព័ន្ធនឹងការមិនបង្ក្រាបបទល្មើសឆបោកអនឡាញ។ ការបញ្ចប់តំណែងមេបញ្ជាការកងកម្លាំងប្រដាប់អាវុធខេត្តភូមិភាគឥសានដំណាលគ្នានេះ ស្របពេលដែលលោកនាយករដ្ឋមន្ត្រី ហ៊ុន ម៉ាណែត បានរម្លឹកនៅក្នុងកិច្ចប្រជុំគណៈរដ្ឋមន្ត្រីកាលពីថ្ងៃសុក្រម្សិលមិញ ឲ្យអាជ្ញាធរបន្តបោសសម្អាតអំពើឆបោកអនឡាញឲ្យបានម៉ឺងម៉ាត់។​

ជាលើកទី១នៅក្នុងប្រវត្តិរៀបចំមហោស្រពភាពយន្ត​អន្តរជាតិកាន ​ខ្សែភាពយន្ត​ដែល​ពី​សហគមន៍អ្នកស្រឡាញ់ភេទដូចគ្នា ឬ​ស្រឡាញ់ចម្រុះភេទ​ មានចំនួន​ច្រើន​មិនធ្លាប់​មាននៅក្នុង​បញ្ជីខ្សែភាពយន្ត​ដែលត្រូវ​ចាក់បញ្ចាំង ឬ​ការប្រកួតប្រជែង​ដណ្តើម​រង្វាន់​នៅក្នុងមហោស្រព។ ជាក់ស្តែង នៅក្នុង​ចំណោម​ខ្សែភាពយន្ត​ធំៗ​ចំនួន​២២​ដែលត្រូវ​ប្រកួតយករង្វាន់តាល់ប័ត្រមាស នៅយប់​ថ្ងៃ​សៅរ៍នេះ មានយ៉ាងតិច ខ្សែភាពយន្ត​ចំនួន៧ ដែល​និយាយ​ពីមនុស្ស​ស្រឡាញ់ភេទដូចគ្នា។

លោក​ម៉ាកូ រូប៊ីយ៉ូ ប្រមុខការទូតអាមេរិក បានធ្វើដំណើរទៅ​ដល់​ទីក្រុង​ញូវដេលី ប្រទេសឥណ្ឌានៅថ្ងៃសៅរ៍ ទី២៣ឧសភា ដើម្បី​ពង្រឹងទំនាក់ទំនងជាមួយ​ឥណ្ឌាឡើងវិញ។ ជាទស្សនកិច្ច ដែលបានធ្វើ​ឡើងនៅក្នុង​បរិបទមួយ ដែលទំនាក់ទំនងរវាងឥណ្ឌានិងសហរដ្ឋអាមេរិក ហាក់កំពុងតែ​ជួបបញ្ហាខ្លះ បន្ទាប់ពីសង្គ្រាមនៅអ៊ីរ៉ង់​បានផ្ទុះឡើង ហើយ​ដែល​បានធ្វើ​បាបច្រើន មកលើវិស័យថាមពល​ប្រេង និងឧស្ម័នរបស់ឥណ្ឌា​។​ មិន​ត្រឹមប៉ុណ្ណោះទេ ជម្លោះ​នៅមជ្ឈិមបូព៌ា​បានរុញប៉ាគីស្ថានដែលជា​សត្រូវធំរបស់ឥណ្ឌ ​​ឲ្យ​លេចធ្លោឡើងថែមទៀត​។